دەروازە:وێژەی کوردی/شیعری ھەڵبژێردراو

شیعری ھەڵبژێردراو ١

دەروازە:وێژەی کوردی/شیعری ھەڵبژێردراو/١

ئەی وەتەن مەفتوونی تۆم‌ و شێوەتم بیرکەوتەوەوەختی بەندیی و ئەسارەت، پێ بە تەوق ‌و کۆتەوە
من لە زیکر و فیکری تۆ غافڵ نەبووم، وا تێنەگەیحەپس و تێھەڵدان‌ و زیللەت تۆی لە بیر بردۆتەوە
بەو خودایەی بێ‌ شەریک ‌و لامەکان‌ و واحیدەعەشقی تۆ نەوعێ لە دڵما ئاگری کردۆتەوە
ئاگرێکی ‌وا ھەزار ساڵ ئاوی بڕژێنیتە سەرقەت گڕ و کڵپە و بڵێسەی تا ئەبەد نەکوژێتەوە
باسی مەحزوونی و کەساسیی خۆت نەکەی توخوا وەتەنچونکە بەو باسە برین‌ و زامەکە‌م ئەکولێتەوە
ماتەمینی تا بە کەی، دەی پێکەنە و سەر ھەڵبڕەموفتەخیر بە، شوھرەتت وا عالەمی گرتۆتەوە
نەگبەتی لاچوو، سەعادەت بۆتە پشتیوانی تۆکەوکەبی بەخت‌ و فریشتەت بەرزە، ئەدرەوشێتەوە
گەرچی بەینێکە زەلیل‌ و دیلی دەستی زاڵمینۆبەتی شادیتە ئەمجا ناحەزت لێک‌بێتەوە
لافی میللیییەت بە دەم لەم عەسرەدا کەڵکی نییەڕۆژی ھەوڵە، ھەر بە ھیممەت گۆی ھونەر ئەبرێتەوە
بێ‌ قوسوورە، چەند جەسوورە سەد شوکر ئەولادەکەتوا لە ڕێی تۆدا لە خوێنا سەیری چۆن ئەتلێتەوە
بەسیە، تەعنەم لێ مەدە، ھەر ڕۆڵەکەی جارانتمھێندە حیلمت بێ ھەتاکوو دەست‌ و پێم ئەکرێتەوە
شەرتە شەرتی پیاوەتی بێ گەر خودا دەستم بدادوژمنت پەت‌ کەم وەکوو سەگ بیخەمە ژێر پێتەوە
— فایەق بێکەس

شیعری ھەڵبژێردراو ٢

دەروازە:وێژەی کوردی/شیعری ھەڵبژێردراو/٢

ھەوری خەفەتە بەفری غەمی داوە بەسەرمایا سەڕسەڕی دووریتە کە لێی کردمە سەرما
گاھێ بە شەرارەی غەم و گەھ سەڕسەڕی ھیجرانخۆشی نەبوو بۆ من نە بە گەرما نە بە سەرما
کەوتۆتە سەرم ئەشک و غوباری ئەلەمی دڵیەعنی: کە قوڕی میحنەتە کردوومە بەسەرما
گەر دەچمەوە ساحیب نیە ھیچ مونیس و ساحیبگەر دەچمە سەقز ناری سەقەڕ وا لە جگەرما
شاھیدمە حەواسم کەسەکەم چەندە کەساسمبەخودا نییە غیرەت لە خەیاڵ و لە نەزەرما
ھەرچەندە بە جیسمانی کە دوورم لە حوزوورتڕۆحانییەتت سەبتە لەنێو دیدەیی تەڕما
تۆفانی سروشکم چووە سەر جوودی وجوودمکەشتی تەنی قوم کرد و نە نووح و نە ئەسەر ما
لەوساوە کە تۆ ڕۆیی دڵم ڕۆیی بەدووتاھێلانەیی تەن ھەروەکوو مەئوایی سەقەرما
بێ فەوجی وەفاکەت کە جەفایە وەرە ئەمشەوئەم لەشکری ئاھی منە بێ فەتح و زەفەر ما
لەم قەسوەتەدا دانەکەوێ پەردەیی زوڵمەتبەرچاوی دڵم بگرێ، دەسا بێ بە گوزەرما
ئاوێنەیی دڵ ژەنگی قەساوەت ڕوخی پۆشیخاکستەری دڵسووختەیی بێنە بەسەرما
مەنواڕە بە زاھیر کە بەبێ قووتم و ڕووتمڕووت، قووت و خەیاڵت غەزەلی چاکە لەبەرما
سەرمایەیی ئەم مڵکی خەیاڵاتە حەریقیحەیفێ کە تەلەف بوو، بە ھەدەرچوو، بە زەرەرما
— حەریق

شیعری ھەڵبژێردراو ٣

دەروازە:وێژەی کوردی/شیعری ھەڵبژێردراو/٣

کو..کو..کوردم، ز..زوانم، لە..لە..لاڵە، تە..تەواون..نەزانی، م..م..ماڵی، ک..ک..کردم، خ..خراو
ڕ..ڕەفیقم، س..سواری، ب..ب..با بوون و منیشڕ..ڕ..ڕۆژی مە..مە..مەیدان ک..ک..کەر دێنمە تاو
بۆ نەجاتی ھۆ..ھۆ..ھۆزم، لە..لە باتی ت..تفەنگس..سیواک و ڕ..ڕ..ڕیش و کە..کە..کەشکۆڵی شکاو
لە..لەلای خۆم مە..مەلام و نە..نە..نەمزانی شتێغەیری باسی مە..مەمار و قە..قە..قەور و حە..حەساو
فە..فە..فیترە و زە..زەکات و یە..یە..یاسینی نەخۆشئە..ئە..ئاگر، جە..جەحەننم، ب..بڵێسەی بە تە..تاو
پ..پ..پردی س..سیرات و ھە..ھە..ھەنگوێنی بەھەشتح..ح..حۆری ج..جوان و م..م..میوەی تە..تەواو
د..درێژی جە..جەجاڵ و کو..کو..کورتانی کەریکو..کو..کوشتن مە..مەسیح و ع..ع..عاسای ب..بناو
ئ..ئ..ئیشکی م..مناڵ و گ..گ..گرتن شە..شەوەھە..ھە..ھاڵی ژ..ژنان و ب..ب..بوونی بە..بە چاو
ئ..ئەمانە بە..بەیانم کە..کە..کردن بە شیعرلە مناڵی خە..خەریک بووم، ھ..ھەتا بووم بە پیاو
قانعا! شیعرت بە سافی قیمەت و نرخی نییەتۆ تەماتە کە بە لاڵی ناوی خۆت خەیتەوە ناو؟!
— قانع

شیعری ھەڵبژێردراو ٤

دەروازە:وێژەی کوردی/شیعری ھەڵبژێردراو/٤

عومرێکە بە میزانی ئەدەب توحفە فرۆشمزۆرم وت و کەس تێی نەگەیی، ئێستە خەمۆشم
لەو گەردەن و عیقدە کە پڕە گەردەن و گۆشتبەو پێیە کەنارم کە پڕە دامەن و کۆشم
وەک توڕڕەیی پێچیدەیی تۆ ساغ و شکستەموەک نەرگسی نادیدەیی تۆ خۆش و نەخۆشم
سەرخۆشی شەرابی دەمی تۆ بووم و، ئەمێستاشقوربان، سەری تۆ خۆش، کە نەماوە سەری خۆشم!
شێخی و سەراپا دەڵەک و ڕێوی دەپۆشی«نالی»م و بە ڕووتی لە ھەموو دیدە دەپۆشم
— نالی

شیعری ھەڵبژێردراو ٥

دەروازە:وێژەی کوردی/شیعری ھەڵبژێردراو/٥

بە نووری بادە کەشفی زوڵمەتی تەقوا نەکەم، چ بکەم!بە شەمعێکی وەھا چاری شەوێکی وا نەکەم، چ بکەم!
لە خەزنەی دڵمدا ھەرچی ھەیە، ھەر داغی سەودایەدەسا ئەم نەقدە دەردی عیشقی پێ سەودا نەکەم، چ بکەم!
لەگەڵ دەستی مەلا ڕێ ناکەوێ زونناری زوڵفی یاروەکو "شێخ" ئیختیاری مەزھەبی "تەرسا" نەکەم، چ بکەم!
لە ڕێی ئەو شۆخەدا خۆم کردە خاک و پێی نەنا پێمادەسا خاکی ھەموو عالەم بەسەر خۆما نەکەم، چ بکەم!
دەمێکە شاری پڕ شۆری مەحەببەت مات و خامۆشەبە قانوونی تەجەننون شۆڕشێ ئینشا نەکەم، چ بکەم!
لە چاوانم نەما بۆ گریە، نۆبەی سەجدە بەردەریەسیا ساڵم نەبارە، نوێژی ئیستیسقا نەکەم، چ بکەم!
لەسەر تۆم دوشمنە دنیا، قەزیەم "مانع الجمع"ەکە تەرکی تۆ نەکەم، تەرکی ھەموو دنیا نەکەم، چ بکەم!
بەجێ ماوم لە یاران، نا بە جێ ماوم، ئەجەل زوو بەبە مردن لەم قوسووری ژینە ئیستیعفا نەکەم، چ بکەم!
ئەوا لەیلا بە ڕۆژی حەشر ئەدا وادەی لیقا مەحوی!ھەتا قامی قیامەت، ئاە و واوەیلا نەکەم، چ بکەم!
— مەحوی

شیعری ھەڵبژێردراو ٦

دەروازە:وێژەی کوردی/شیعری ھەڵبژێردراو/٦

دڵ فریبی دڵبەری دڵدار، ھەی!فیتنەگەر، ھەی! ڕەند ھەی عەییار ھەی!
بوویە یاری غەیر و من بێگانە مامبێوەفا، ھەی! ھەی جەفاکردار، ھەی!
خۆ موسوڵمانم، بە ناحەق خوێنی منبۆ دەڕێژی، کافری خوونخوار، ھەی!
چا نییە، ڕەفتاری وا بەد بەس بکەدەرحەقی من، شۆخی بەدرەفتار، ھەی!
تۆ دڵت دێوانە کردم، ئێستەکەشنانوێنی ڕوو، پەری ڕوخسار ھەی!
قەت لە تیری ئاھی مەزڵوومانی عیشقتۆ نەترسی، زاڵمی غەددار ھەی!
غەیری بەد نەیدی لە تۆ مەحوی ئەتۆشھەر بەدت ڕێ بێ، بەدی بەدکار ھەی!
— مەحوی

شیعری ھەڵبژێردراو ٧

دەروازە:وێژەی کوردی/شیعری ھەڵبژێردراو/٧

دووری لە من خستەوە بێ سەبەبێ یاری منباری خودایە کە تۆ، بگری سەبەبکاری من
مەستی خەیاڵی ئەوە، لەحزە ژمێری شەوەدوژمنی خوێنی خەوە، دیدەیی بێداری من
دیدە نیگەھبانی یار، تیپی سریشکم ھەزارناڵەیی دڵ نەی سەوار، ئاھە عەلەمداری من
گریە بە خور دێتە خوار، ھەر وەکوو عەینی بەھارخۆش بووەتە ئابشار، مەدمەعی سەرشاری من
دولبەری عالی دەماغ، ھەم قەدەمی سەروی باغبێتە نەزەر گەی قەراغ، دیدەیی جۆباری من
حیکمەتی تۆ مولھەمە، هەم قەدەمت مەرحەمەموستەحەقی مەرھەمە، سینەیی ئەفگاری من
شاھیدی عەدلە و وەفا، مەعدەنی سیدقە و سەفاھاتووە دەرمان بکا، قەلبی برینداری من
ئەی تەلەفی گفتوگۆ، جامیعی کیزب و درۆواعیزییە ئیشی تۆ، عاشقییە کاری من
مەشرەبی «نالی» گەلێ بابیی و ترشە، بەڵێموعتەریفە خۆی دەڵی، چا نییە ئەتواری من
— نالی

شیعری ھەڵبژێردراو ٨

دەروازە:وێژەی کوردی/شیعری ھەڵبژێردراو/٨

لە خەو هەڵسن درەنگە میللەتی کورد خەو زەرەرتانەهەموو تەئریخی عالەم شاهیدی فەزڵ و هونەرتانە
دەسا تێکۆشن ئەی قەومی نەجیبیی بێکەس و مەزڵوومبەگورجی بیبڕن ئەو ڕێگە دوورە وا لەبەرتانە
بخوێنن، چونکە خوێندن بۆ دیفاعی تیغی دوشمنتانهەموو ئان و زەمانێ عەینی قەڵغان و سوپەرتانە
بەخۆڕایی لە دەستی بەرمەدەن ئەم خاکە مەحبووبەکە تۆزی وەک جەواهیر سورمە و کوحلی بەسەرتانە
بەسەر خاکا ئەگەر نازیش بکەن حەقتانە کوردینەتەماشای سێبەری ئەو شاخ و کێوەی وا لەسەرتانە
بە بێقەدری بەسەریا ڕامەبوورن حورمەتی بگرنگوڵاڵە سوورەی ئەم سەحرایە خوێناوی جگەرتانە
دەمێکە ئەم وڵاتە وا ئەسیری پەنجەیی جەهلەلە سایەی عیلمەوە ئەمڕۆ ئیتر نۆبەی زەفەرتانە
زوبانی حاڵی «ئەحمەد» هەر ئەڵێ وریا بن ئەی میللەتبزانن بەردی ئەم شاخانە ئەڵماس و گوهەرتانە
— ئەحمەد موختار جاف

شیعری ھەڵبژێردراو ٩

دەروازە:وێژەی کوردی/شیعری ھەڵبژێردراو/٩

لە نووری لامیعی تەشتێکی ڕاگرت و کوتی ڕوومەبە دۆشی ئەژدەھایی پڕ نێشی ڕاگرت و کوتی موومە
تکام کرد قەتڵی من ناحەق مەکە سوننەت، کوتی فەڕزەکوتم بۆ ئاگرت بەردایە عومری من؟ کوتی خوومە
کوتم تەنھا منم کوشتەی ئەتۆ توند بوو کوتی گوم بەدووسەد وەک تۆ لەھەر سوو کوشتەیی شمشێری ئەبروومە
کوتم تا کەی لە خانی وەسڵی تۆ نەومید و بێبەش بمکوتی مردووت مرێ عاشق بەدایم زار و مەحروومە
کوتم زەخمی دڵم بەس کارییە، توند بوو کوتیلاچۆ، بە من چی؟ تیرەبارانی نیگاھی چاوی جادوومە
کوتم تەنھا منم بەستەی ئەتۆ توند بوو جوابی داھەزارانی وەکوو تۆ بەستەیی زنجیری گێسوومە
کوتم ڕەسمی وەفاداری بە جێ بێنە، کوتی شێتیوەفا بۆ دڵبەران کوردی لە ئەم دونیایە مەعدوومە
— کوردی

شیعری ھەڵبژێردراو ١٠

دەروازە:وێژەی کوردی/شیعری ھەڵبژێردراو/١٠

من فەخر ئەکەم کە کوردم و کوردی زوبانمەئەم شاخ و کێوە دڵکەشە وا نیشتمانمە
ئەم خاکە پاکە جێگەمە ھەر زەڕڕەیەکی ئەوخاڵ و برۆ و سەری شەھی زەند و بەبانمە
ئەم خاکە تووتیا سیفەتە پاکەیە کە وادەرمانی چاوی پڕ گڵ و پڕ دەرد و ژانمە
من فەخر ئەکەم کە شاعیر و ڕەند و قەلەندەرمشیعرە کە تاج و نەجمە و ڕووتبە و نیشانمە
ئوستادی شیعرم و نییە ترسم لە ڕەخنەگربا بێتە ڕوو ئەوەی بە تەمای ئیمتیحانمە
شیعرم ڕەوان و ڕاستە وەکوو بەژنی دلبەرمئەو دلبەرەی کە ڕۆح و دڵ و جەرگ و گیانمە
ئەو دلبەرەی کە نیوە نیگای چاوی ساحیریمایەی حەیات و خۆشی و شادیی ژیانمە
ئەو دڵبەرەی کە لێوی ئەبەخشێ بە من حەیاتکافر نەبم ئەڵێم: ئەوە عیسای زەمانمە
ئەو دلبەرەی کە وا دەمی گەوھەرفشانەکەینوقڵ و نەبات و شەککەر و گوڵخەندە دانمە
لادە کەمالی بێرەوە سەر باسی نیشتمانئەم نیشتمانە دلبەری پڕ حوسن و ئانمە
ئەم نیشتمانە جوانەیە وا وردە بەردی ئەویاقووت و دوڕ و گەوھەر و ئەڵماسی کانمە
— کەمالی

شیعری ھەڵبژێردراو ١١

دەروازە:وێژەی کوردی/شیعری ھەڵبژێردراو/١١

تا کەی بە ستەم مایلی ئەی چەرخی جەفاجۆتا کەی لە غەمت زاری و فەریاد و خودا ڕۆ
تا کەی ڕەوشی کەچ ڕەوی و فیتنە فرۆشی!بۆ نەھبی فەرەح، دەورە و جەولانی تەکاپۆ؟
بۆ نیتە لەگەڵ ئەھلی خیرەد میھر و وەفا تۆ؟بۆ ئەھلی شەرەف عاجز و بێزارە لەدەس تۆ؟
بۆ خەسمی لەبۆ ساحیبی عیرفان و سەداقەت؟بۆ یاری لەگەڵ تاقمی بەدتینەت و بەدگۆ؟
بۆ ئالی عەلی پارە بووە جەرگی لە داخت؟وەک جەرگی عیراقی بە دەمی تیری ھولاکۆ
میھرت کە نییە، زەحمەتی بێ غایە لە سەرچیلوتفت کە نییە، میحنەت و ئازار و ئەلەم بۆ؟
کۆلارە چ حوسنی ھەیە مەشغووڵە بە سەیرانعەنقا چ گوناھی ھەیە مەحبووسە بە قافۆ؟
بۆ زاغی سیەھچەردە، نەزەربازە لە باغابۆ بازی سپی وێڵی بیابانە بە داخۆ
ئەی خوو کەچ و کەچ باز و کەچ ئەندێش و عەمەل کەچدانێ نەفەسێ یەک قەدەمی چاکە بە ڕاسۆ
دەک تەخت و ئەساست بە دەمێ زێر و زەبەر بێوەک نیتە دەمێ گەردش و ڕەفتاری لەسەرخۆ
ناری لە فیراقی ڕوخی مەنزووری عیراقیغەرقی عەرەقی ئاھە بەدەم میحنەت و شینۆ
— ناری

شیعری ھەڵبژێردراو ١٢

دەروازە:وێژەی کوردی/شیعری ھەڵبژێردراو/١٢

ئەی بە تەلعەت ماھی کامیل، وەی بە حورمەت «ب» و «ت»زلف داری همچو عنبر، لب چو «ش» و «ک» و «ر»
عیشوەیی چاوت، دەبا وەختی نیگەھ سەد گیان و دڵقبله آزادگانی، ای صنم! با «ر» و «خ»
دڵ وەھا ئاشوفتەیە شەوھا لە قەیدی «م» و «و»دردمندم، مستمندم تن گرفته «ت» و «ب»
«غەین» و «میم» گەر نەخۆی، جانا! لە دەستت دەر دەچمدردمندان را بباید «ط» و «ب» و «ی» و «ب»
بەزمی «ی» و «ا» و «ر» وەک جەننەتە بۆ «م» و «ن»مطربان!با نای و بربط، با رباب و «دال» و «ف»
موددەعی دوورە منیش مەستم لە «و» و «ص» و «ل»تا سحرگاهان نهاده «ل» و «ب» با «ل» و «ب»
«س» و «ا» و «ل» و «م» ئاگاھە بۆ کیزب و خیلافاین غزل گفتست مسکین «س» و «ع» و «د» و «ی»
— سالم

شیعری ھەڵبژێردراو ١٣

دەروازە:وێژەی کوردی/شیعری ھەڵبژێردراو/١٣

خەزنەیێکە بەیتی من دوو میسرەعم داخستووەکەس تەماعی تێ نەکا ڕێگەی دزم لێ بەستووە
بیکە بەر دیبایی نەزمم تا قیامەت نادڕێچونکە ئەبکاری مەعانیی تار و پۆیی ڕستووە
زاھیرەن بەیتم لە نالی و کوردی زۆر کەمتر نییەتالعم بەرگەشتەیە، بەدبەختە بەختم نووستووە
باسی حوور و باسی غیلمان و پەری بۆ من مەکەنوەک مەھی بێ میھری خۆم نەمدیتووە و نەمبیستووە
نیوەشەو گەر دەرکەوێ وەک ماھی سەرکەل تەلعەتیوا دەزانن ئافتاب و موشتەری سەر بستووە
دەست و پێی ئەو پادشاھی حوسنە کوێلەم پێ دەڵێنھێندە ئەنگوستی پەشیمانیم لە حەسرەت گەستووە
دڵ لە کونجی سینەدا گەر خوێن دەنۆشێ و غەم دەخواحاجی بۆ قوربانی عیدی وەسڵی تۆ دایبەستووە
— حاجی قادری کۆیی

شیعری ھەڵبژێردراو ١٤

دەروازە:وێژەی کوردی/شیعری ھەڵبژێردراو/١٤

دڵبەرم مامزییە، بازی بە ڕەفتاری کەوەئەی دڵی خەستە وەکوو گوربە بە شوێنی مەکەوە
داغداری ڕوخییە لالەیی حەمرا لە چەمەننەرگسە چاولەبەری غەمزەیی غەممازی ئەوە
چی لە من داوە ئەجەل حەققی نییە بێتە سەرمخۆم ئەسیرم، دڵە نەزرە، ئەوە جانیش گرەوە
حەز دەکەی سوبحی قیامەت لە شەوا دەربکەوێپێی بڵێ: دوگمەیی ئاوێنەیی سینەت بکەوە
سەفەری زولفی مەکە حاجی شەوت لێ دەگەڕێبا وجوود ڕۆژە لە لات وایە کە تاریکەشەوە
— حاجی قادری کۆیی

شیعری ھەڵبژێردراو ١٥

دەروازە:وێژەی کوردی/شیعری ھەڵبژێردراو/١٥

لەو ڕۆژەوە ڕۆیشتووە تۆراوە دڵی منھەرچەند ئەگەڕێم بێ سەر و شوێن ماوە دڵی من
ئاخۆ بە چ شاخێکەوە گیرساوە دڵی منیا خۆ بە چ داخێکەوە سووتاوە دڵی من
ئەو ھەمدەمی غەمخوار و نەدیمی منە یا ڕەبئەو مەحرەمی ئەسرار و قەدیمی منە یا ڕەب
ئەو گەوھەری شەھوار و یەتیمی منە یا ڕەبکەوتۆتە چ بەحرێکەوە، خنکاوە دڵی من
مەجنوونی دوو گیسوویی چ لەیلایێکە ئاخۆیا وامیقی جادوویی چ عەزرایێکە ئاخۆ
دێوانەیی ئاھوویی چ سەحرایێکە ئاخۆکام چیھرەپەری دیوە کە ترساوە دڵی من
ئەتلێتەوە گاھێ بە خەیاڵی خەت و خاڵیئەخولێتەوە گاھێ بە چرای شەوقی جەماڵی
نازانی ئەگەر چۆنە بەدەس دەردەوە حاڵیوەک پووش و پەڵاشێکە بەدەم باوە دڵی من
...
— بێخود

شیعری ھەڵبژێردراو ١٦

دەروازە:وێژەی کوردی/شیعری ھەڵبژێردراو/١٦

سڵاو پێشمەرگەی قارەمانچاکترین ڕۆڵەی کوردستان
کوڕی نەبەزی نیشتمانسڵاو پێشمەرگەی قارەمان
ھەڵۆی خوێناوی سەر بەردانپەرکوری ڕەوەز و زەردان
پڵنگی سەر شاخ و ھەردانپێشمەرگە جوانمێری مەردان
کوڕی کوردی ئازا و دلێرھەستە ڕاپەڕە وەکوو شێر
لە کوردستان ڕامێنە تێروێران بووە وڵاتی زەنوێر
ھا، بڕوانە ئەو کیژۆڵەبرا گچکەکەی لە کۆڵە
چۆن دژ داماوە لەو چۆڵەچەندە ھەژار و کڵۆڵە
ئەو پیرەمێردی بێ تاوانڕووت و ھەژار و سەرگەردان
سەری ناوەتە سەر بەردانکێ ماڵی لێ کردووە وێران؟
دوژمن ئاغایە لەسەر تۆماڵی تۆ دەخوا بە فیڕۆ
کێ ما نەگا بە مافی خۆ؟ئێمە تا کەی دەستەو ئەژنۆ؟
...
— ھێدی

شیعری ھەڵبژێردراو ١٧

دەروازە:وێژەی کوردی/شیعری ھەڵبژێردراو/١٧

تاقەداری بێ بەھارم پەلک و بارم ھەر خەمەلەو دەمەی چاوم ھەڵێنا ئاسمانی من تەمە
لەو دەمەی ڕیشەم بە جەرگی شاخی بەرزا ڕۆچووەھەر ھەرەس بەشمە و نەھاتی باری شانی من بووە
نامورادیم تا بەکەی بێ ئەی گەلی پڕ دەردی منپاییزە دایم ھەناسەی سارد و ڕەنگی زەردی من
بۆ نەدا لێم ساتێ سروەی کامەرانی و تیشکی گەشچەشنی ئاڵا ڕایشەکێنم بسکی ژێر ھەورانی ڕەش
بازی ئاواتم نەدیوە بێتە یار و دڵبەرمتا بە لانەی سەرفرازی دایبنێ تاجی سەرم
ئارەزوومە بۆ ھەڵۆی شاخانی خۆم ھێلانە بمنەک مەکۆی قاڵاو و ڕێوی و قشقەڕەی بێگانە بم
کۆنەداری سەر بە شینم ڕەگ لە خاک و ئاوی خۆمساڵەھایە لێم حەرامە چاوگە ئەسری چاوی خۆم
من لەشێکی پڕ برینی کۆن و تازەی پڕ بە سۆمنەبووە دەرمانم دەبۆیە گۆشت و خوێنی خۆم دەخۆم
لەو دەمەی پێی ڕەنجەڕۆییم ناوەتە مەیدانەوەنەبوە ساتێ بسرەوم بەو دەردی کۆنە ژانەوە
تۆف و ئاگر تەور و ھۆرە زامی پشت و جەرگمندەور و پشتیان لێ تەنیوم بانگەوازی مەرگمن
ساڵەھایە بێخ و ڕیشەم ھەڵدەکۆڵن وەک ھەرێزتوو بڵاو و لانەواز و بێ خودان و بێ پەرێز
ڕۆژێ دابێ دێتە گۆڕێ بۆ لە ڕەگ ھاوردنمساتێ ژاراو، ساتێ بیور دەس دەنێنە گەردنم
چی نەما کردیان بە حاڵم بۆ ئەوەی بتوێمەوەھەر دەژیم و ھەر لە پێشوو چاکتریش دەڕوێمەوە
— ڕەحیم لوقمانی

شیعری ھەڵبژێردراو ١٨

دەروازە:وێژەی کوردی/شیعری ھەڵبژێردراو/١٨

مناڵەکان ئەوەی دەنکە گەنمێکی چاند
گوڵەگەنمێکی دروێنە کرد.
ئەوەی دڵوپێک خوێنی چاند
تابلۆیەکی بۆ خۆی نەخشاند.
ئەوەی تەنیا ھاوارێکی لە دەم دەرچوو،
گوێی لە سەدای دەنگی خۆی بوو.
کەچی ئێمە کاسەسەر و چاو دەچێنین
بارانی خوێن بەسەریاندا دەبارێنین
ھێشتا وەرزی دروێنەشمان دیار نییە
تا گوڵەگەنمێکی کێڵگەی ئەو خوێنەشمان دیار نییە.
مناڵەکان با ئەو جۆگەیە بگۆڕین کە خوێنمانی پێدا دەڕوات
با ئەو زەمینەش بگۆڕین کە چاو و کاسەسەر دەخوات.
ئینجا کێڵگەی ڕووناکیتان پیشان دەدەم
ئینجا وەرزی دروێنەتان بۆ ڕست دەکەم.

عەبدوڵڵا پەشێو

دوازدە وانە بۆ مناڵان

شیعری ھەڵبژێردراو ١٩

دەروازە:وێژەی کوردی/شیعری ھەڵبژێردراو/١٩

کۆچی کوردان وا بە کاروان دێ لە ڕێی شارانەوەڕۆژ بە باری قورس و برسی، شەو لە بەر بارانەوە
نیشتمانی خۆمە دەیپێوم، پێم دەڵێن ئاوارەیەگەرچی بێ ڕەشماڵ و پێخواس، سەر بە کۆسارانەوە
ڕێگە دوور و خێڵ ماندوو و لێوبەبار و پێ پەتیچاو بە ئەسرین دێنە پیری کۆچەکەی یارانەوە
نایە سۆزی دەنگی گۆرانی، ھەوارە و کۆچی سوورکاروان گوێی داوە بە ناڵەی بریندارانەوە
بۆ مناڵێ تەرمی دایکی خۆی بە جێ دێڵێ و ئەچێئاسمان دەگری، مەلان دەگرین بە سەر دارانەوە
دەنگی تۆپ و تیری دوژمن دێ لە شوێنی کۆچەوەجێ ھەواران وا بە دەستی سووری زۆردارانەوە
— شەریف حوسێن پەناھی

شیعری ھەڵبژێردراو ٢٠

دەروازە:وێژەی کوردی/شیعری ھەڵبژێردراو/٢٠

ئارەزوومەندیم جە حەد ویەردەنفراوان خەیلێ تاسەی تۆم کەردەن
قیبلەم بەو ئەحەد بێھەمتای فەردەنسەوگەند یەکێوەن چەنی تۆم وەردەن
فکر و خەیاڵان وەسواسەی وەفاتدایم نە دڵەن نە ڕووی سەر بەسات
شەوان تا وە ڕۆ فکرم جە لاتەنڕۆحی ڕەوانم نە خاکی پاتەن
قاڵبم بێڕۆح، ئەڕوام نەمەندەنمن دانی حەیات زیندەگیم کەندەن
نامت چوون ئەوراد سوبح و ئێوارانموانووش وە گەرم نە پای دیواران
چەمم چوون شاباز وێڵی شکار بۆدایم باڵ پەرواز نە سەر دیار بۆ
جە سەرقەڵاوە مەگێڵوون پەی تۆدەک دیدەم ھەر دوو سەد جار فدێت بۆ
ئامان، ھەی ئازیز بینایی چاوان!گلەم ھەن جە تۆ خەیلێ فراوان
یانێ چێش مەیلت فەرامۆش کەردەنمەر بادەت نە جام بێشەرتی وەردەن؟
وەرنە یانێ چێش نە جاران جارێخەبەر نەپەرسی جە ڕاویارێ؟
ئومێدم ئێدەن، ئامانەن ئامان!جەی فێشتەر ناسۆر نەوزی زامان
ئەحواڵی حاڵات شەرت و وەفاکەتبکیانە پەرێم تۆبی خوداکەت!
نە ساڵ و نە ماھـ، نە ھەفتە نە شەونە ساتێ ئارام، نە دەقیقە خەو
نمەشۆم نە چەم، دیدەم، نە دووریتھەر ئێد موانوون: ئاخ جە مەھجووریت!
ئیسە کێ تاقەت دووری تۆ دارۆ؟دەک بەرقی غەزەب وە جەسەم وارۆ!
بە سەرگەردت بام، ئەڕواحەکەی وێم!جوابی سەریح بکیانە پەرێم...
— مەولەوی

شیعری ھەڵبژێردراو ٢١

دەروازە:وێژەی کوردی/شیعری ھەڵبژێردراو/٢١

من و پیری خەرابات و دەری مەیخانە تا مردنمن و ساقی و مەی و جام و قسەی ڕەندانە تا مردن
بڕۆ زاھید موبارەک ھەر بە تۆ بێ مەسجید و میحرابمن و ئەبرۆی بتان و گۆشەیی بتخانە تا مردن
مەکۆگای دز وەکوو خەڵوەی موریدی شێخە بۆ چیمەمن و بەزم و نیگاھی دلبەرم مەستانە تا مردن
لە شەوقی عەشقەوە من مەشعەلی بەزمی حەریفانموەرە پەروانە بڕوانە ئەمە سووتانە تا مردن
لە ئیجلالی گوڵا شەیدایە بولبول دۆستی ئیقبالەوەک ئەھلی ئێستە ئەلبەتتە بەشی ھیجرانە تا مردن
بەناز نازت دەکێشن عاشقان دەشڵێن گرانجانەبە ڕۆح نازت دەکێشم من لەلام ھەرزانە تا مردن
لە پشکۆی غونچەیی لێوت بڵێ ھەرچی کە پێت خۆشەدەبا ڕەحمەت نەبێ زەحمەت بدە و بەسمانە تا مردن
مەداری ئیتتیھامم سووئی زەننی یارە بەم عەشقەبڵێن ڕەنجی عەبەس دەردێکی بێ دەرمانە تا مردن
جەفای دلبەر مەڵێن ناخۆشە، خۆشە گەر قەدرزانەوەفای خۆت تۆ بکە و بنواڕە ئەو عینوانە تا مردن
وتم بۆ تەجرەبەی ئەھلی موحیببەت خۆت مەڕەنجێنەبەشی ئەو تاقمە مەعلوومە، سەردانانە تا مردن
لە بەینی ئەرز و ئەفلاکا ئەوی وەک زەڕڕە شەوقی بێئەساسی خیلقەتە حەمدی کە سەرگەردانە تا مردن
— حەمدی

شیعری ھەڵبژێردراو ٢٢

دەروازە:وێژەی کوردی/شیعری ھەڵبژێردراو/٢٢

غەیری فیکری وەسڵی دڵبەر، نیمە ئەسڵەن یادی کەسھر دو عالم را به دشمن ده که ما را دوست بس
نیمجۆ گەر بێ وەفا کا، گەندومین ڕوو دڵبەرمجمله دنیا پیش چشم من نماید یک عدس
قەڕن و ساڵ و مەھـ ئەبەد نایێمە یادت لەمحەیێای که بی یاد تو ھرگز برنیارم یک نفس
عیجزی حاسڵ بوو بە غەفڵەت دڵ لە جەوری دڵبەرمقند را لذت مگر نیکو نمی دارد مگس؟
دیدە ھەڵنایێ لە سەیری گوڵعوزارانی جیھانتا تو را دیدم نکردم جز به دیدارت ھوس
بیمی ئافاتم نییە شەوھا لەبەر ئوفتادەگیآنچنانم کز خیالت باز نشناسم عسس
بوو بە یەم ئەشکم لە کۆتا وەھـ چ خۆشە ناگەھانبر سر آیند این رقیبان سبکبارت چو خس
سەعبە سالم قاسیدی دڵبەر دوو ئەسبە بێتە لاتبعد ازین بنشین که گردی برنخیزد زان فرس
— سالم

شیعری ھەڵبژێردراو ٢٣

دەروازە:وێژەی کوردی/شیعری ھەڵبژێردراو/٢٣

ئەو پەرچەم و ئەگریجە ھەموو دوژمنی دینەئەو زولف و ڕووە ئافەتی سەر ڕوویی زەمینە
عەشقت لە دڵم سابتە، نەک عارزە قوربانوەک توڕڕەیی شاھان کە لەسەر ڕوویی نگینە
عالەم چ دەزانێ کە ئەمن کوشتەیی کێمەلەو تیری موژەت زاھیرە دائیم کە بە خوێنە
بێعارە دڵم چەندی جەفای دەی ھەقە، ئەمماجێی ڕەحمە گوڵم چونکی ڕەقیب وا لە کەمینە
دڵ بوویتە کەباب بۆ مەزەیی دیدەیی مەستتقوربان لەوە مەعلوومە کە لێوت نمەکینە
جانا وەرە وا غەرقەیی تۆفانی سوروشکمبێ نووحی وەفات نابێ نەجاتم بە سەفینە
سافی کە لە خاکی دەری تۆ دوورە بە قوربانسەگ مەرگی نەبێ، ھێندە چلۆن قابیلی ژینە
— سافیی ھیرانی

شیعری ھەڵبژێردراو ٢٤

دەروازە:وێژەی کوردی/شیعری ھەڵبژێردراو/٢٤

زوخاو جە جەرگم، زوخاو جە جەرگمزوخاو سەر کەردەن مەشۆ جە جەرگم
گوڵ گوڵ گوڵ بەستەن، سەرتاپا بەرگمنازداوەن وادەن، قەیران مەرگم
پەی چێش پەی ھیجران بووم بە دەر سافێ؟!سەمەن سیما سام، سۆسەن کڵافێ
سەد داخ ھا نە جەرگ سیاھچارەمداسفتەن کۆن ڕەنگ ھەزار پارەمدا
خەیر جە من فێشتەر جەرگ بە داخ سفتەمبە جەستەن مەجنوون، پەی لەیل کۆسکەفتەم
وەرنە کەس بێ تۆ ڕجام زووخ نۆشەن؟کەس بە سفتەن داخ سیابەرگ پۆشەن
— خانای قوبادی

شیعری ھەڵبژێردراو ٢٥

دەروازە:وێژەی کوردی/شیعری ھەڵبژێردراو/٢٥

عومرێکە کە عومرم بە جەفا سەرفی غەمت کرددەورێکە نەشاتم بە خەیاڵی ئەلەمت کرد
قابیل بە تۆ ھیچم نەبوو تاکوو بە فیدات کەمڕۆحی بوو ئەویشم بە نیساری قەدەمت کرد
جەورت ھەموو ئەلتافە وە زوڵمت ھەموو عەدڵەھەرچەند لە مەنعی نیگەھێکم ستەمت کرد
دڵ مایلی قەندی لەبی لەعلەت بوو مەگەسوارنایەیتەوە لام خۆی بە فیدای قەندی دەمت کرد
بۆ زامی جگەر زامی ترە مەرھەمی قوربانچەند خۆشە جەفا و ئەلەمت بۆچی کەمت کرد؟
نەززارە بە ڕووتا ئەڕژێ وەک عەرەقی گوڵدەرحەق بە منی ڕووت لە ڕووتا کەرەمت کرد
گاھێ بە غەزەب، گاھێ بە خەندەم دەدوێنیخادیم دڵی قوربانی دڵی دەم بە دەمت کرد
— خادیم

شیعری ھەڵبژێردراو ٢٦

دەروازە:وێژەی کوردی/شیعری ھەڵبژێردراو/٢٦

تک تکەی بارانی پاییز وەک تکەی چاوی منەکاتی ھەڵقرچاوی باغ وەک جەرگی برژاوی منە
ھەر خڕ و شیوێ تەماشا کەی، خڕی پڕ بوو لە ئاوھەڵدەچۆڕێ لێڵ و لیخن، چەشنی زووخاوی منە
ھەورە، بایە، بەفرە، بارانە، تەمە، سەر کێوەکانھەردەمەی جۆرێکە، ھەروەک حاڵی شێواوی منە
ئەمن و بەفری سەر چیاکان پێکەوە دەتوێینەوەکاکە! ئەم زستانە بەفریش عومری فەوتاوی منە
ئەی خودا! بۆچیمە تازە ژینی ھێندە تاڵوتووندوو برا بووین، بازی دا ئەو، نۆرە ھەنگاوی منە
— سەید کامیل ئیمامی

شیعری ھەڵبژێردراو ٢٧

دەروازە:وێژەی کوردی/شیعری ھەڵبژێردراو/٢٧

نەمدیوە وەکوو تۆ کەسێ وا دڵبەر و ڕەعناڕوومەت گوڵ و موو سونبل و چاو نەرگسی شەھلا
خۆشڕەنگ و قەشەنگ و بە نەزەر شەنگ و دەھەن تەنگسووڕەت قەمەر و لەب شکەر و ئاوێنە سیما
نازوک بەدەن و سیم تەن و سینە سپی و سافشیرین دەھەن و خۆش سوخەن و شۆخی دلارا
عەییار و دڵازار و ستەمکار و جەفاکارغارەتگەری ھۆش و خیرەد و تاقەتی دڵھا
من سەیدی چ دامێکی نەبووم کەوتمە دامتپابەندی بە زنجیری سەری زولفی سەمەنسا
بولبول وەرە تا مردنێ ھەر تێکڕا بناڵینتۆ بۆ گوڵ و من بۆ دەھەنی غونچەیی یەکتا
پەروانە وەرە تاکوو دەگەڵ یەگدی بسووتێینتۆ عاشقی شەمعیی و ئەمن عاشقی لەیلا
کەس قیمەتی ئەشعاری ئەمینی لە شنۆیەنازانێ مەگەر شەخسێکی زۆر عارف و دانا
— ئەمین ئوشنوویی

شیعری ھەڵبژێردراو ٢٨

دەروازە:وێژەی کوردی/شیعری ھەڵبژێردراو/٢٨

فەزڵ و ھونەر لە ناو تەم و غەمدا دیار ئەبێشەوقی چرا لەگەڵ شەوی تارا بەکار ئەبێ
پووشینی ڕەش بە دەوری سەری قیبلەما گەڕابەختی ڕەشم لە قینی ئەوە داغدار ئەبێ
میحراب لە ڕاستی تاقی برۆی ئەو چەمایەوەپشتی شکاو و کۆم بە دیوار ئیستوار ئەبێ
چاوم لە دانە نەبووە بە دانەی ئەزەل قەسەمبۆ پێم بە داوی دانە گرفتار و خوار ئەبێ؟
میوە کە کاڵ و ڕەق بێ لقی بەرزە تەختگایدەردی تەکامولە وا کە گەیی خەسار ئەبێ
مانگ تا ھەموو شەوێ ھەڵبێ، بێ قەدرە لای عەوامکە کەوتە پەناوە بۆی ئەگەڕێن تا دیار ئەبێ
نان لای خوا بڕاوەتەوە، ڕوو لە کەس مەنێھەرچی کە نانی منەتی خوارد شەرمەزار ئەبێ
— پیرەمێرد

شیعری ھەڵبژێردراو ٢٩

دەروازە:وێژەی کوردی/شیعری ھەڵبژێردراو/٢٩

گوێ شل کە برا لەم غەزەلە، نسحەت و پەندەوا تێمەگە بەیتی بلەیە مەیکە بە خەندە
ڕووحم بە فیدای ئەو کەسە میللەت دەپەرەستێبێزارە لە مەحکوومیی و ئازادی پەسەندە
ھەرکەس کە دەگەڵ میللەتی خۆی نییەتی چابێزاتێکە کە عالینەسەب و فکری بوڵەندە
ئەم میللەتە مەحڕوومە لە ئازادی و شادیئاوارە لە بووم و وەتەنن بوونە پەڕەندە
دەخولێنەوە سەحرا و دەر و دەشت و بیابانوەک غوولی بیابانی و حەیوانی چەڕەندە
قسمێکی وەکوو عەقرەب و وەک مار و ڕوتەیلەمەیلی بە گەزینە وەکوو حەیوانی گەزەندە
باعیس ئەمەیە بێکەس و سەردار و ڕەئیسنھەر بۆیەشە ئەم ئیشە کە گەندیدە و گەندە
گەر موتتەفیقەن دەس بدەنێ نەیکەنە قەڵبییەک قووەتی پێ لازمە ئەم بەند و کەمەندە
تەوفیق لە خوداوەندە لەسەر ئێوە قیامەیەک حەملە بەرن فرسەتە وەک شێری دڕەندە
ئەو سەدد و تەلیسمانە بە گورزان بشکێننلەتلەت بکەن ئەم قەیدە بە شمشێری بڕەندە
ئەو لەززەتی ئازادی و حوڕڕییەتی نەفسیسەد مەرتەبە شیرینترە لەم شەککەر و قەندە
— مەلا مارف کۆکەیی

شیعری ھەڵبژێردراو ٣٠

دەروازە:وێژەی کوردی/شیعری ھەڵبژێردراو/٣٠

ھەر لە بەحری فورسەوە خاکی ھەتا بەحری ڕەشەنیشتمانی میللەتی کوردە، لە دونیا ئەم بەشە
ڕەوزەیێکی جەننەتە لالە و گوڵی دایم گەشەپڕ لە ئاڵتونی سیاھ و زیوی ساف و بێ غەشە
نیعمەت و خێری بە تاڵان وا بە دەست ئەغیارەوەمن بە دڵ ھاوار ئەکەم، کەس نایە بەم ھاوارەوە
شاخی کوردستان ھەموو ئێسقانی ئەجدادی منەخاک و خۆڵی، گۆشت و لاشەی قەومی ئازادی منە
— عەبدولڕەحمان بەگی بابان

شیعری ھەڵبژێردراو ٣١

دەروازە:وێژەی کوردی/شیعری ھەڵبژێردراو/٣١

پیاوی زانا چۆن لە ڕەویەی قەومی خۆی حاشا ئەکاچۆن لە ئاداب و ئوسووڵی ئەو گەلە ئیبا ئەکا
ھەروەکوو مەنسوور «أنا الحق» گۆ بوو گەر بیشمکوژنخوێنەکەم ئەتکێ بە کوردی دەردی خۆی ئینشا ئەکا
کورد ئەوەند کوردن بە سەد شەیتان لە کوردی ناکەونئیکە خەڵکی بۆ چی بۆخۆی دەردی سەر پەیدا ئەکا!
باوکی ناناسێ خودا ئەیزانێ کێیە و کەی بووەھەرکەسێ تەرکی زوبانی خاسی مادەرزا ئەکا
ھەرکەسێ ھات و وتی کورد مردووە باوەڕ مەکەنشێتە، بێ عەقڵە، کەر و گایە، قسەی بێجا ئەکا
— کەمالی

شیعری ھەڵبژێردراو ٣٢

دەروازە:وێژەی کوردی/شیعری ھەڵبژێردراو/٣٢

عومرێکە گەدا چاوی بە شا ڕێیەوە پاشاسووتام و سەرێ ناکەیە ئەم کاولە ئاشا
ئەو ڕۆژە لەسەر ڕێگەیی ئەشقت کە بکوژرێمسەیرانە تەکەببور مەکە تۆش بێرە تەماشا
کەوتوومە لەبەر قاپییەکەت سائیلی ڕووتمڕەحمت بە مەساکین و فەقیران نییە حاشا
عینوان و تەعەددا مەکە دەربارەیی دەروێشھەرچەندە کە پاشای لە توێی بەرگی قوماشا
ئازاری دڵ و دەردی سەرم بەس بدە قوربانچی زاڵم و غەددارە پەشیمانە لەپاشا
ئازاری دڵی سابیری بێچارە ئەپرسی؟بێ شووبھە دەڵێی ماسییە شێواوە لە ماشا
— سابیری

شیعری ھەڵبژێردراو ٣٣

دەروازە:وێژەی کوردی/شیعری ھەڵبژێردراو/٣٣

گەر مەتڵەعە بۆ ماھی موقەننەع، چەھی نەخشەبماھی مە، تلووعی لە چەھی غەبغەبە ھەر شەب
گوڵزاری جەمالە، موتەشەکیل بەدوو سونبولیا بەدری درەخشندە، لە مابەینی دوو عەقرەب
ئەی سەرو چەمانی قەمەریی، نووری قەمەر ڕووئەی خونچە دەھانی شەکەری نوتق، شەکەر لەب
تاکەی بەجەفا؛ ئێمە خەتابار و گونەھکارتاکەی بە ستەم، ئێمە گرفتار و موعەززەب؟
گەر نوتقە؛ ھەتاکەی دەگەڵ ئەغیارە خیتابتگەر قەھرە، ھەتاکەی منی بێچارە موخاتەب
سەد حەیفێ کە بۆ دەردی دڵی مە، دەمی وەسڵتشەو کورتە و فرسەت کەم و توولانییە مەتڵەب
گەر بادە، فەرحبەخشە، بەیادی لەبی تۆیەنەشئەی چییە، بێ شەھدی لەبت: جامی لەبالەب!
گەر لۆمەیە، گەر مەنعە، ئەگەر کفرە، گەر ئیسلامگەر تابعی قانوونە؛ ئەگەر خارجی مەزھەب
تا جان لە بەدەندایە، ئەدەب تۆ دەپەرستێزونناری ملم: زوڵفی خەمت؛ قیبلەمە: غەبغەب
— ئەدەب

شیعری ھەڵبژێردراو ٣٤

دەروازە:وێژەی کوردی/شیعری ھەڵبژێردراو/٣٤

تکاندی ئابڕووی چەمەن بە ڕوویی ئابدارەوەشکاندی نرخی نەستەرەن بە زولفی موشکبارەوە
چمە لە مەی لە نەی لە جام، ئەگەر بە لەنجە بێتە لامبە ڕوویی تابدارەوە، بە چاوی پڕخومارەوە
عەرەق نییە لە عالەما، کە لابەرێ لە دڵ غەماجگە لە قەترەئارەقێ لە ڕووت کە دێتە خوارەوە
نیشاتی من جەماڵی تۆ، بەراتی من ویساڵی تۆخەیاڵی من لە خاڵی تۆ بە عیشوە لێم مەشارەوە
عەزیزەکەی حەبیبی من، نیگارەکەی تەبیبی منکە شەق بەرێ ڕەقیبی من، وەرە بە سەد ویقارەوە
فیدایی خەدد و قەددی تۆ چەمەن بە فەوجی گوڵیەوەبە بولبول و بە چڵیەوە، بە قومری و ھوزارەوە
فەرەنگڕووی زەنگموو، عەجەمسیاق و ڕووسخووئەناسرێ کە کوردە زوو بە پێچی لار و خوارەوە
نیساری زولفی عەنبەری ھەموو وڵاتی گوڵعومەربە عەرد و بەرد و دارەوە، بە ئاوی سەرچنارەوە
ئەمن گەیاندمە ئەنوەری فنوونی شیعر و شاعیریئەتۆ گەیانتە سامیری بە چاوی سیحرکارەوە
— زێوەر

شیعری ھەڵبژێردراو ٣٥

دەروازە:وێژەی کوردی/شیعری ھەڵبژێردراو/٣٥

ئەی فەلەک دیسان لە دەس تۆ، شین و واوەیلا ئەکەمژەھری قەھری تۆ لەگەڵ دەردی دڵم، ئیفشا ئەکەم
وەختە یەکجاری لە دەس ئاشووبی فیتنەت شەق بەرممن قسەی ڕاست و ڕەوان و خۆش و بێ پەروا ئەکەم
ھێند خراپەم دی لە دەس ئەھلی زەمانە، عاقیبەتلەم وەزیفەی ھاتنە دنیایە، ئیستیعفا ئەکەم
نابەمە بەر دەستی ھەر نامەردێ، عەرزی ئیحتیاجمن لە دنیا و لە مافیھاشی، ئیستیغنا ئەکەم
مورغی فەھمی ھەر کەسێ، ناگاتە عەرشی فیکرەتممن بە چەرخی ئاسمانی سفڵە، ئیستیھزا ئەکەم
تەبعی عالی وا دەبێ، سەیری بە کۆڵێ فەقرەوەگاڵتە و سوحبەت، بە تاج و تەختی شاھنشا ئەکەم
ئەو کەسە ڕوو سوورە «نووری»، دوورە لێی نەوعێ بەشەرمن لەمەولا ڕوو لە دەشتی وەحشەتی سەحرا ئەکەم
— شێخ نووری

شیعری ھەڵبژێردراو ٣٦

دەروازە:وێژەی کوردی/شیعری ھەڵبژێردراو/٣٦

پەژارەت شادیم جە بێخ ئاوەردەندووریت ڕیشەی دڵ خەیمەکەن کەردەن
فیراقت فەرقم وە تووتیا کەردجیاییت ئازام جە ھەم جیا کەرد
وەسواسەت وەی تەور ئێش دان وە جەرگموە مەرگت قەسەم ڕازیم وە مەرگم
وێت بدەر ئینساف نەو نەمامی نۆمەردەن خاستەرەن یا خۆ دووریی تۆ؟
مەردەن یەک ساتەن ئەڕواحەکەی وێمدووریت ھەر ساتێ سەد مەرگەن پەرێم
مەر جەستەی خەستەی من جە فۆلادەنیەند دووریت وینۆ ھێمان دڵ شادەن
دەک ڕەحمەت ئەو قەبر گشت وەفادارانخوسوسەن ئەو کەس شای وەفاداران
— مەولەوی

شیعری ھەڵبژێردراو ٣٧

شیعری ھەڵبژێردراو ٣٨

شیعری ھەڵبژێردراو ٣٩

شیعری ھەڵبژێردراو ٤٠

شیعری ھەڵبژێردراو ٤١

شیعری ھەڵبژێردراو ٤٢

شیعری ھەڵبژێردراو ٤٣

شیعری ھەڵبژێردراو ٤٤

شیعری ھەڵبژێردراو ٤٥

شیعری ھەڵبژێردراو ٤٦

شیعری ھەڵبژێردراو ٤٧

شیعری ھەڵبژێردراو ٤٨

شیعری ھەڵبژێردراو ٤٩

شیعری ھەڵبژێردراو ٥٠

شیعری ھەڵبژێردراو ٥١

شیعری ھەڵبژێردراو ٥٢

شیعری ھەڵبژێردراو ٥٣

شیعری ھەڵبژێردراو ٥٤

شیعری ھەڵبژێردراو ٥٥

شیعری ھەڵبژێردراو ٥٦

شیعری ھەڵبژێردراو ٥٧

شیعری ھەڵبژێردراو ٥٨

شیعری ھەڵبژێردراو ٥٩

شیعری ھەڵبژێردراو ٦٠

شیعری ھەڵبژێردراو ٦١

شیعری ھەڵبژێردراو ٦٢

شیعری ھەڵبژێردراو ٦٣

شیعری ھەڵبژێردراو ٦٤

شیعری ھەڵبژێردراو ٦٥

شیعری ھەڵبژێردراو ٦٦

شیعری ھەڵبژێردراو ٦٧

شیعری ھەڵبژێردراو ٦٨

شیعری ھەڵبژێردراو ٦٩

شیعری ھەڵبژێردراو ٧٠

شیعری ھەڵبژێردراو ٧١

شیعری ھەڵبژێردراو ٧٢

شیعری ھەڵبژێردراو ٧٣

شیعری ھەڵبژێردراو ٧٤

شیعری ھەڵبژێردراو ٧٥

شیعری ھەڵبژێردراو ٧٦

شیعری ھەڵبژێردراو ٧٧

شیعری ھەڵبژێردراو ٧٨

شیعری ھەڵبژێردراو ٧٩

شیعری ھەڵبژێردراو ٨٠

شیعری ھەڵبژێردراو ٨١

شیعری ھەڵبژێردراو ٨٢

شیعری ھەڵبژێردراو ٨٣

شیعری ھەڵبژێردراو ٨٤

شیعری ھەڵبژێردراو ٨٥

شیعری ھەڵبژێردراو ٨٦

شیعری ھەڵبژێردراو ٨٧

شیعری ھەڵبژێردراو ٨٨

شیعری ھەڵبژێردراو ٨٩

شیعری ھەڵبژێردراو ٩٠

شیعری ھەڵبژێردراو ٩١

شیعری ھەڵبژێردراو ٩٢

شیعری ھەڵبژێردراو ٩٣

شیعری ھەڵبژێردراو ٩٤

شیعری ھەڵبژێردراو ٩٥

شیعری ھەڵبژێردراو ٩٦

شیعری ھەڵبژێردراو ٩٧

شیعری ھەڵبژێردراو ٩٨

شیعری ھەڵبژێردراو ٩٩