دەروازە:وێژەی کوردی/شیعری ھەڵبژێردراو/٦

دڵ فریبی دڵبەری دڵدار، ھەی!		فیتنەگەر، ھەی! ڕەند ھەی عەییار ھەی!
بوویە یاری غەیر و من بێگانە مام		بێوەفا، ھەی! ھەی جەفاکردار، ھەی!
خۆ موسوڵمانم، بە ناحەق خوێنی من		بۆ دەڕێژی، کافری خوونخوار، ھەی!
چا نییە، ڕەفتاری وا بەد بەس بکە		دەرحەقی من، شۆخی بەدرەفتار، ھەی!
تۆ دڵت دێوانە کردم، ئێستەکەش		نانوێنی ڕوو، پەری ڕوخسار ھەی!
قەت لە تیری ئاھی مەزڵوومانی عیشق		تۆ نەترسی، زاڵمی غەددار ھەی!
غەیری بەد نەیدی لە تۆ مەحوی ئەتۆش		ھەر بەدت ڕێ بێ، بەدی بەدکار ھەی!
— مەحوی