ئاڵای کوردستان

ئاڵا

ئاڵای کوردستان ئاڵای ھەرێمی باشووری کوردستانە. لە تەواوی ئەو ناوچانەی لەژێر دەسەڵاتی حکوومەتی ھەرێمی کوردستان دان، لە دامودەزگا حکوومییەکان و ئۆرگانە فەرمییەکان شەکاوەیە. ئەم ئاڵایە زۆر جار وەک ئاڵای تەواوی کوردستان دەبینرێ.

ئالای کوردستان

پێناسە ئاڵای باشووری کوردستاندەستکاری

ئاڵای کوردستان پێک ھاتووە لە سێ ڕەنگی (سوور و سپی و سەوز) و دروشمێک لە ناوەندی.

ڕەنگەکاندەستکاری

ئاڵای کوردستان لە لاکێشەی ئاسۆیی پێکھاتوە، لاکێشەی سەرەوە ڕەنگی سوورە، ئەوەی ناوەند ڕەنگی سپی یە، و لاکێشەی خوارەوە ڕەنگی سەوزە. بەرینی ئاڵا دوو لەسەر سێ درێژییەکەیەتی. لە ساڵی (٢٠٠٩)دا پەرلەمانی کوردستان بڕیاریدا، ڕۆژی (١٧)ی کانوونی یەکەمی ھەموو ساڵێک، ڕۆژی ئاڵای کوردستان لەسەرجەم شارو شارۆچکەکانی ھەرێمی کوردستان بکرێتەوە.

دروشمی نەتەوەییدەستکاری

دروشمی نەتەوەیی ئاڵای کوردستان خۆری زێڕینە، ئەم خۆرە ٢١ پەڕ (تیشک) ی یەکسان و ھاوشێوەی ھەیە کە ڕێکەوتی ٢١ی ٣ دەگەیەنێت کە سەرەتای ساڵی کوردییە. بە لەبەرچاوگرتنی دوو لەسەر سێ یەتی قەبارەی ئاڵا، خۆری زێڕین بە پەڕەکانییەوە یەک پێوەرە و بەبێ پەڕەکان نیو پێوەر، ئەم پەڕانە شێوەیان ڕاستە و لە دەرەوە خالێکی تیژ دروست دەکەن. خۆرەکە دەبێ ڕێک لە چەق (ناوەندی) ئاڵای کورستان جێگیر بێت. خۆر بەشێوەیەک جێگیر کراوە کە ستوونی ناوەندی ئاڵا بە ناو خاڵی تیژی بەرزترین پەڕ (تیشک) تێدەپەڕێت.

چۆنییەتی پێکھاتەی ڕەنگەکاندەستکاری

ڕنگەکانی ئاڵای کوردستان بە شێوەی خوارەوەیە:

  • سوور: PMS ٠٣٢
  • سەوز: PMS ٣٥٤
  • زەرد: PMS ١١٦

شێوەکانی بەکار ھێنانی ئاڵادەستکاری

  1. ھەڵواسینی بە دارا، پێویستە خۆرەکەی لە ھەردوو ڕووەوە دیار بێت.
  2. بەرز کردنەوەی لە باری پانی، ڕەنگی سوور لە سەرەوە و ڕەنگی سەوز لە خوارەوە.
  3. بەرز کردنەوەی لە باری درێژی، ڕەنگی سوور لە لای چەپ و ڕەنگی سەوز لە لای ڕاست.
  4. لە یەخەدانی وەک ڕۆزێت لەسەر سینگ، لە لای چەپ لەسەر دڵ ھەڵ ئەگیرێت.
  5. لەسەر مێز دانانی، پێویستە بە لای چەپدا بشکێتەوە.

ڕۆژی ئاڵادەستکاری

لە ساڵی ٢٠٠٩دا پەرلەمانی کوردستان بڕیاریدا کە ڕۆژی ١٧ی کانوونی یەکەمی ھەموو ساڵێک وەکو ڕۆژی ئاڵا دیاری بکرێت و لەو ڕۆژەدا سەرجەم ئاڵاکانی سەر دامودەزگاکانی ھەرێمی کوردستان بگۆڕدرێن و نوێ بکرێنەوە. ھۆکاری دانانی ئەم ڕۆژەش بۆ ئەوە دەگەڕێتەوە کە لە ١٧ی کانوونی یەکەمی ١٩٤٥ ئاڵای کوردستان لەسەر دامودەزگاکانی کۆماری مەھاباد بەرز کرا.[١]

ئاڵاکانی تری کوردستاندەستکاری

سەرچاوەکاندەستکاری

  1. ^ Sorani، Basnews. "کورتە مێژوویەکی ئاڵای کوردستان". www.basnews.com. لە ڕێکەوتی 2021-01-21 ھێنراوە. 
  2. ^ ی ا ب http://www.crwflags.com/fotw/flags/krd_slvd.html
  3. ^ "Kurdistan: Short-lived independent states". www.crwflags.com. لە ڕێکەوتی 2020-12-12 ھێنراوە. 
  4. ^ "Republics of Ararat". www.ekurds.com. لە ڕێکەوتی 2020-12-12 ھێنراوە. 
  5. ^ "کۆماری ئارارات، ئاوڕدانەوەیەک لە مێژوو". chawykurd.com. لە ڕێکەوتی 2020-12-12 ھێنراوە. 
  6. ^ "Curdi repubbliche". www.rbvex.it. لە ڕێکەوتی 2020-12-12 ھێنراوە. 
  7. ^ Kürdistan Cumhuriyeti'nin bayrağı yukandan kızılla başlayarak beyaz ve yeşil renklerden oluşur. Ortada, iki buğday dalının -üretim ve emeği simgeleyen- ortasında duran bir kalem -kültür ve bilim simgesi-, arka planda da güneşi -özgürlüğün ifadesi- gösteren bir amblemi vardır. (Ersal Yavi,Kürdistan Ütopyası, Cilt 1, Yazıcı Basım Yayıncılık, 2006, p. 332. (تورکی)

بەستەرە دەرەکییەکاندەستکاری