داڕێژە:لە ھەواڵەکاندا/ئەرشیڤ/ئەرشیڤی ٢٠١٣

کانوونی یەکەمی ٢٠١٣

• ٥ی کانوونی یەکەم، شۆڕشگێڕی ئەفریقای باشوور نێڵسۆن ماندێلا کۆچی دوایی کرد.

ئەیلوولی ٢٠١٣

• ١٩ی ئەیلوول، بەبەشداری ١٥٤ ھەزار دەنگدەر لەھێزەکانی ناوخۆ و پێشمەرگە دەنگدانی تایبەت بۆ ھەڵبژاردنی پەرلەمانی کوردستانی عێراق ٢٠١٣ دەستی پێکرد.
• ١٠ی ئەیلوول، بەبەشداری ١ میلیۆن و ٥٠٠ ھەزار خوێندکار و ٣٧ ھەزار مامۆستا یەکەم زەنگی خوێندنی (٢٠١٣-٢٠١٤) لێدرا.

ئابی ٢٠١٣

• ٢٨ی ئاب، بانگەشەی لایەنە بەشداربووەکان بۆ ھەڵبژاردنی خولی سێیەمی پەرلەمانی کوردستان دەستی پێکرد.
• ٧ی ئاب، ھەریەکە لە سعودیە و دیوانی وەقفی سوننی عێراقی و وەزارەتی ئەوقافی حکومەتی ھەرێمی کوردستان ڕۆژی ٨ی ئابیان، وەکو یەکەم ڕۆژی جێژنی ڕەمەزان دیاریکرد.
• ٤ی ئاب، شاعیری کورد شێرکۆ بێکەس لە ستۆکھۆڵم کۆچی دوایی کرد

تەممووزی ٢٠١٣

• ٣١ی تەممووز، فەلەکەدین کاکەیی نووسەر و ڕۆشەنبیری کورد و وەزیری پێشووی ڕۆشەنبیری بەنەخۆشییەکی کتتوپڕ کۆچی دوایی کرد.
• ٢١ی تەممووز، فلیپ بووە پاشای نوێی بەلجیکا لەدوای ڕادەستکردنی دەسەڵات لەلایەن ئالبێرتی دووەمی باوکی.
• ١٥ی تەممووز، وەزارەتی پەروەدەی حکوومەتی ھەرێمی کوردستان ئەنجامی تاقیکردنەوەکانی ١٢ی ئامادەیی ڕاگەیاند و ڕێژەی دەرچوونیش لەخوولی یەکەم لە بەشی زانستی ٢١٪ و وێژەیی ٢٧٪ و پیشەیی ٢٩٪ بووە.
• ١٠ی تەممووز، کۆنگرەی گەل نۆھەمین کۆبوونەوەی جڤاتی گشتی خۆی ئەنجامدا و دوو کەسی تر لەجێگەی قەرەیلان کرانە ھاوسەرۆکی کەجەکە. لەو ھەواڵەدا ھاتووە کە جەمیل بایک، بەسێ ھۆزات لەجیاتی موراد قەرەیلان بۆ سەرۆکایەتی کەجەکە ھەڵبژێردران.
• ٨ی تەممووز، ھەریەکە لەوەزارەتی ئەوقافی ھەرێمی کوردستان و دیوانی وەقفی سوننی عێراقی و سعودیە و کوێت و قەتەر و فەڵەستین و ئیمارات و میسر و لوبنان و عوممان ڕۆژی ١٠ی تەمموزیان وەکو یەکەم ڕۆژی مانگی ڕەمەزان دیاریکردز
• ٣ی تەممووز، لە ڕێگای کودەتای سەربازییەوە دەسەڵات لە محەممەد مورسی سەرۆک کۆماری میسر سەندرایەوە.
• ١ی تەممووز، کرۆواتیا بووە ٢٨ەمین ئەندام لە یەکێتیی ئەورووپا.

ئایاری ٢٠١٣

• ٢٧ی ئایار، بەچەند ھۆکارێک لە تورکیا ناڕەزاییەکانی ٢٠١٣ی تورکیا دژی حکوومەتی تورکیا دەستیپێکرد.
• ١٤ی ئایار، لەمیانی پڕۆسەی ئاشتی لە تورکیا یەکەم دەستەی گرووپی گەریلایەکانی پەکەکە تورکیایان بەرەوباشووری کوردستان جێھێشت.

ئازاری ٢٠١٣

• ٢١ی ئازار، لەمیانەی ئاھەنەگەکانی نەورۆز لەشاری ئامەد پەیامی عەبدوڵڵا ئۆجەلان خوێندرایەوە کە داوای نەھێشتنی شەڕی کرد لەنێوان سووپای تورکیا و ھێزەکانی پەکەکە.
• ٢١ی ئازار، بە ملیۆنان کورد لە کوردستان بە ھەرچوارپارچەکەوە ئاھەنگی خۆشیان بەبۆنەی ھاتنی نەورۆز و ساڵی نوێی کوردی گێڕا.
• ١٣ی ئازار، پاپای نوێێ ڤاتیکان ھەڵبژێردرا ئەویش پاپا فرانسیس بوو.
• ١١ی ئازار، ڤیستیڤاڵی ئادار و ڕاپەڕین لەشاری ھەولێر بەڕێوە چوو کە لە ١١ی ئادار دەستیپێکرد تاکوو ٢٠ی ئادار بەردەام بوو.
• ٥ی ئازار، ھوگۆ چاڤێزی سەرۆکی وڵاتی ڤەنزوێلا کۆچی دوایی کرد.