بەسێ ھۆزات
ھوولیا ئۆران ناسراو بە بەسێ ھۆزات (بە کرمانجی: Besê Hozat)، (١٩٧٨ لە تانێر، خۆزات، دێرسیم) ژنی چالاکوانی سیاسیی شۆڕشگێڕی کورد و لە ڕێبەرانی پارتی کرێکارانی کوردستانە. بەسێ ھۆزات لە ٥ی تەممووزی ٢٠١٣ لەلایەن ئەنجومەنی گشتی كۆنگرەی گەل لەگەڵ جەمیل بایکەوە وەکوو ھاوسەرۆکانی کۆما جڤاکێن کوردستان ھەڵبژێردران.
| بەسێ ھۆزات Besê Hozat | |
|---|---|
| ھاوسەرۆکی کۆما جڤاکێن کوردستان | |
| لە پۆستدایە | |
| گرتنە دەست ٥ی تەممووزی ٢٠١٣ هاوشانی جەمیل بایک | |
| پێشینە | موراد قەرەیلان |
| وردەکاریی تاکەکەسی | |
| لەدایکبوون | ھوولیا ئۆران ١٩٧٨ تانێر، دێرسیم |
ژیان
دەستکاریھوولیا ئۆران لە ساڵی ١٩٧٨ لە گوندی تانێر لە شارستانی خۆزاتی پارێزگای دێرسیم لەدایک بوو. ھەفتەمین منداڵی بنەماڵەیەکی کوردی عەلەوی بوو کە ٩ منداڵیان ھەبوو. خوێندنی سەرەتایی لە گوندەکەی خۆیان تێپەڕاند و بۆ خوێندنی ناوەندی چوو بۆ قەیسەری، بەڵام وەکوو کوردێکی عەلەوی کەوتە بەر دووچاوەکی. ھەروەھا کە خۆی دەڵێت عەلەوێتی و دێرسیمیبوون بە سووکایەتی و پەراوێزخستنەوە سەیر دەکران. لە بارودۆخی وەھا بوو کە بۆ تێکۆشان دژ بە ھەڵاواردن و دووچاوەکی تێکەڵی ڕێکخراوەیەکی چەپی ڕادیکاڵ بە ڕێبەریی عەبدوڵڵا ئۆجەلانەوە بوو.[١]
بنەماڵەی بەسێ ھۆزات قوربانیی کۆمەڵکوژیی دێرسیم لە ساڵی ١٩٣٨ بوون کە وەکوو جینۆسایدێک ناو لێ دەبات. بەسێ ھۆزات ئاماژەی بەوەشکردووە کە زۆرێک لە ئەندامانی خێزانەکەی لەو کۆمەڵکوژییەدا کوژراون، لەنێویاندا باپیرەکەی و ھاوسەری باوکی و منداڵەکانی بوو، بەڵام داپیرەی توانیوە بەزەحمەت ڕزگار ببێتەوە. ئەم ڕووداوانە ئاگاییی ھۆزاتیان بەدی ھێنا، و ھەستی ڕق و تووڕەیی بەرامبەر بە دەوڵەت دروست کرد.[١]
ھۆگریی ھۆزات بە پارتی کرێکارانی کوردستان لە قۆناخی خوێندنی ئامادەیی گەشە بوو و ئەمە تا ڕادەیەک لەژێر کاریگەریی وتارەکانێک بوو کە عەبدوڵڵا ئۆجەلان بە نازناوی عەلی فراتەوە لە ڕۆژنامەی ئۆزگوور ھاڵکدا دەنووسی. لە ساڵی ١٩٩٤ەوە لە چیاکانی ارێزگای دێرسیم بوو بە ئەندامی پارتێ کرێکارانی کوردستان و ناوی بەسە ھۆزاتی بۆ خۆی ھەڵبژارد کە ناوی ھاوسەری سەید ڕەزا ڕێبەڕی شۆڕشی دێرسیم بووە.[١]
سەرچاوەکان
دەستکاری- ^ ئ ا ب ئەلجەزیرەی تورکی: پۆرترە: بەسێ ھۆزات (بە تورکی)، نووسراو لە ١٤ی شوباتی ٢٠١٤؛ ٢٢ی تەممووزی ٢٠٢٣ لە وەیبەک مەشین، ئەرشیڤ کراوە. سەردان لە ١٢ی تشرینی دووەمی ٢٠٢٣.
