بزەینیان

بزەینان گوندێکە، کەوتووەتە ناحیەی سیتەک، قەزای شارباژێڕ، پارێزگای سلێمانی، باشووری کوردستان.

بزەینان Bzaynan
گوند
دیمەنی گوندی بزەینان
وڵات	کوردستان عێراق
پارێزگا	سلێمانی
قەزا	قەزای شارباژێڕ
ناحیە	ناحیەی سیتەک
بەرزایی	١٠٣٣ مەتر (٣٬٣٨٩ پێ)
زمان و ئایین
• زمان	کوردی (سۆرانی)
• ئایین	سوننی شافعی

بارودۆخی بزەینان

ئەم دێیە تەواو فەرامۆشکرابوو لەلایەن ڕژێمی عێراقییەوە. ڕێگاوبان، کارەبا و، ئاو و ئاوەڕۆی بۆ نەکرابوو. ئێستا بەپشتیوانی ڕێکخراوە خێرخواکان و پرۆژەکانی ئاوەدانکردنەوەی حکومەتی ھەرێم، ڕێگاوبانی بۆکراوە و بۆری ئاو ڕاکێشراوە بۆ ماڵان.

بەروبوومەکانی بزەینان

گەرچی ناوچەکە زۆر شاخاویی و بەردەڵانە، کەچی پڕە لە میوەی بەتام و بەرھەمی کشتوکاڵی جۆراوجۆر. لەو میوە و سەوزانەی لە بزەینیاندا ھەن: ھاوینە:

• ھەڵووژە
• ترێ
• مزرە سێو
• ھەرمێ
• ھەنجیری کێوی (ڕەش)
• قەیسی
• بەڵاڵووک
• گۆیژ
• ھەروەھا بێستانی کاڵەک و جۆری میوەی تریشی وەرزانە تێدا دەچێنرێت.

زستانە: بەڕوو ھەموو ئەم میوانە بە وشکی بۆ شەوچەرەی زستان ساڵانە بەرھەمھێنراون.

بەروبوومی ئاژەڵیشی زۆرە. دۆ، کەشک و، بەرھەمە کوردەوارییەکانی تر لە بزەیناندا بوونی ھەبووە.

گرنگی بزەینان

ئەم دێیە بەھۆی ھەڵکەوتن و دروستبوونی لەم ناوچە شاخاوییەدا، بۆ بزوتنەوەی شۆڕشی کورد، پەنایەکی گرنگ بووە بۆ پێشمەرگەکان. دەستی ڕژێمی بەعسییەکان و جاشە خۆفرۆشەکانی نەگەیشتۆتێ ھەتا کاتی ڕووخانی لە ساڵی ١٩٨٨ دا.

جوگرافیا

بزەینان لە باکوور ھاوسنوورە لەگەڵ گوندی نۆدێ و لە باشوور لەگەڵ گوندی وێڵەی شارباژێڕ و لە ڕۆژھەڵات لەگەڵ گوندی کانی دڕکە و لە ڕۆژاوا لەگەڵ گوندی ئاڵەسیاوی سەروو.

ناودارەکانی بزەینیان

• حاجی باوەر کەوکوژ
• سەید ڕەوا ڕم باز
• حاجی زوبە چەتە
• نەهەی جامباز
• سەید شێخ احسان سەرۆکی عەشرەتی عزیزی

• حاجی احمەد ناسراو بە ئەحمەد بچکۆل
• کوێخا عارف
• حاجی عبدوڵا ئەحمەد بچکۆل ناسراو بە عەبە کەچەڵ

ناسراوەکانی گوند

• شەهید کەریم عبدوڵا ناسراو بە کەریمە سور
• خوالێخۆشبوو جەوهەر عەبدوڵا
• بەکری حاجی ڕەحمان
• جەزا حاجی عەبدوڵا ناسراو بەجەزای سایەق
• کوێخا محمد
• کوێخا سەید احسانی