دەروازە:شانشینی یەکگرتوو/وتاری ھەڵبژێردراو
وتاری ھەڵبژێردراو ١
دەروازە:شانشینی یەکگرتوو/وتاری ھەڵبژێردراو/١
جەیمز بۆند یاخوود (007) بە(ئینگلیزی: James Bond) کەسایەتییەکی خەیاڵی نێو ڕۆمان و چیڕۆکەکانی نێو بەریتانیاـە لەساڵی (۱۹٥٤) لەلایەن (لان فلێمینگ)، نووسەری بەریتانی نووسراوە. کەسایەتییەکە لە زنجیرە فیلمێکدا، کەتێیاندا چەندین کەسایەتی و ئەکتەری جیاواز ڕۆڵی سیخوڕ (جەیمس بۆند)یان بینیوە. ھاوکات جەیمس بۆندی سیخوڕ بە (007) دەناسرێت، کە کۆدێکی تاییەتی ئەوە لە (دەزگای ھەواڵگری بەریتانیا). یەکەمین فیلم لە ساڵی (۱۹٦٢) بە ناوی (dr.No) بڵاو کراوەتەوە و کۆتا فیلمی لەساڵی (۲۰۱٥)بەناوی(Spectre). گشت زنجیرە فیلمەکانی "جەیمس بۆند" لە سەرانسەری جیھاندا، خاوەن بینەر و پشتگیرییەکی زۆرن. کە ھاوکات لەگەڵ بڵاوبوونەوەی ھەر یەکێک لە فیلمەکانی لەکۆی پەخشیاندا داھاتێکی زۆر کۆدەکەنەوە.
وتاری ھەڵبژێردراو ٢
دەروازە:شانشینی یەکگرتوو/وتاری ھەڵبژێردراو/٢
لۆرد ڤۆڵدمۆرت (بە ئینگلیزی: Lord Voldemort) کەسایەتی خەیاڵیی جادووگەرێکی ناو زنجیرەی ھاری پۆتەری نووسەری بەڕیتانی جەی کەی ڕۆولینگە. لۆرد ڤۆولدمۆر خراپەکاری سەرەکی زنجیرەکەیە و یەکێک لە شەڕانگێزترین کەسایەتییەکانی ئەدەبی ئینگلیزی نوێیە. گەورەی تاریکی ناوی لەدایکبوونی تۆم مارڤۆلۆ ڕیدڵ (بە ئینگلیزی: Tom Marvolo Riddle)، ڤۆولدمۆر بۆ یەکەم جار لە ڕۆمانی ھاری پۆتەر و بەردی فەیلەسووفەکە دەرکەوت کە لە ساڵی ١٩٩٧ بڵاوکرایەوە. لە ٣١ی کانوونی یەکەمی ١٩٢٦ لە لەندەن لەدایکبووە، دوای ئەوە بوو بە ترسناکترین جادووگەری تاریکی بە درێژایی سەدەکان، ئەو دوژمنی سەرەکی ھاری پۆتەرە، بکووژی دایک و باوکییەتی، و کۆتا نەوەی جادووگەر ساڵازار سڵیزیرن کە یەکێک لە چوار دامەزرێنەرەکانی قوتابخانەی ھۆگوارتز بۆ جادوو بووە.
وتاری ھەڵبژێردراو ٣
دەروازە:شانشینی یەکگرتوو/وتاری ھەڵبژێردراو/٣
سەردەمی ڤیکتۆریا سەردەمێک بوو لە مێژووی شانشینی یەکگرتوو کە ڕژێمی شاژن ڤیکتۆریا تێیدا حوکمی دەکرد لە ٢٠ی حوزەیرانی ١٨٣٧ەوە تاکوو مردنی شاژن ڤیکتۆریا لە ٢٢ی کانوونی دووەمی ١٩٠١. ئەم ماوەیە دوای سەردەمی ڕیجنسی و پێش سەردەمی ئێدوارد. ئەم ماوەیە دوای دەرچوونی قانوونی چاکسازیکردنی ١٨٣٢ ھاتە ئاراوە، کە باسی لە چاکسازیکردنی سیستمی دەنگدان و ھەڵبژاردنەکانی دەکرد. لەم ماوەیەدا، ئایین بە شێوەیەکی بەربڵاو و فراوان بانگەشەی بۆ پێوەرێکی ڕەوشتی بەرزتر دەکرد، بە تایبەتی لەلایەن ئەو لایەنانەی کە پەیوەندیداربوون بە کڵێسای ئینگلتەراوە. لەم کاتەدا، پەیوەندییەکانی بەریتانیا لەگەڵ وڵاتە زلھێزەکاندا بە شێوەیەکی گشتی کاریگەریی کایە مەزنەکەی لەسەر بوو، کە گەمەیەکی دیپلۆماتیکی نێوان ڕووسیا و بەریتانیا بوو، کە لە دەرەنجامدا شەڕی کریمیانی لێکەوتەوە. لە سایەی خواستی بەریتانیا بۆ زیادکردنی توانا بازرگانییەکانی، توانیان لەم سەردەمەدا بازرگانییەکی جیھانیی جێگیر پێک بھێنن. بەریتانیا کەوتە ھەوڵی گەورەکردنی ئیمپراتۆرییەتەکەی، ئەمەش بە داگیرکردنی ئەو ناوچانەی کە بە شێوەیەکی زیاتر دەکەوتنە ئاسیا و ئەفریقاوە؛ ئەمەش وای لە ئیمپراتۆریەتی بەریتانیا کرد کە ببێتە گەورەترین ئیمپراتۆریەت لە مێژوودا. ئەم سەردەمە بە سەردەمی بووژاندنەوە و پێشکەوتنی شانشینی یەکگرتوو ناسراوە.
وتاری ھەڵبژێردراو ٤
دەروازە:شانشینی یەکگرتوو/وتاری ھەڵبژێردراو/٤
فاشنی ڤیکتۆریایی پێکھاتووە لە تێکەڵەیەکی شێوازی پۆشاک و خواستی چاندی ئینگلیزی کە لە ئیمپراتۆریەتیی بریتانی و شانشینی یەکگرتوو سەری ھەڵداوە و پەرەی پێ دراوە لە سەردەمی سەردەمی ڤیکتۆریا، کە ١٨٣٠ەکان بۆ ١٩٠٠کان دەگرێتەوە. ئەم ماوەیە زۆرێک گۆڕانکاری بە خۆوە بینی لە ڕوانگەی فاشنەوە، لەوانە گۆڕانی شێوازی پۆشاک، تەکنۆلۆژیای فاشن و شێوازی دابەشکردنیش. چەند جووڵانەوەیەک لە بیناسازی و وێژە لەگەڵ ھونەری سۆمایی و شێوەکاری، لە پاڵ گۆڕانی بیر و ڕای خەڵکی لەسەر ڕۆڵە جێندەرییەکان، ھەموو بوونە کاریگەرییەک لەسەر فاشن. لەژێر حوکمی شاژن ڤیکتۆریادا، ئینگلتەرا ماوەیەک لە بووژانەوەی ئابووری و پێشکەوتنی تەکنۆلۆژیایی بەخۆوە بینی. بەرھەمھێنانی بەکۆمەڵی ئامێرەکانی دوورین لە ١٨٥٠کاندا لەگەڵ بەرھەم ھاتنی ڕەنگی قژ بوونە ھۆی سەرھەڵدانی گۆڕانکاری مەزن لە فاشندا. لەم دەمەدا پۆشاکەکان خێراتر و ھەرزانتر دەدووردران. پێشکەوتن لە چاپکردن و دەرچوونی گۆڤارە فاشنەکان وای کرد کە کۆمەڵگە بە گشتی بەشداری بکەن لە فاشن، کە بووە ھۆی کردنەوەی مارکێتی بازرگانیی گەورە و بڵاوکردنەوەی ڕێکلام. لە سەرەتای پێشکەوتنی بەرھەمھاتنی پۆشاکەوە ھەتاکوو ١٩٠٥، پۆشاکەکان بە زۆری لە کارگەکاندا بەرھەم دەھێندران و زۆرجاریش لە فرۆشگەی گەورەدا دەفرۆشران، بەم شێوەیەش لەم ماوەیەدا ڕێژەی خێزانە ئاست مامناوەندەکان کە سوودیان لە شۆڕشی پیشەسازی دەبینی زیادی کرد و ھەروەھا گرنگییەکی زیاتر بە مافی کڕیاران دەدرا.
وتاری ھەڵبژێردراو ٥
دەروازە:شانشینی یەکگرتوو/وتاری ھەڵبژێردراو/٥
کۆتاییی دونیای نەفرەتی (بە ئینگلیزی: The End of the F***ing World) زنجیرە درامایەکی تەلەڤیزیۆنی بەریتانیی کۆمێدیای ڕەشە، لە ڕۆمانێکی گرافیکی لەژێر ھەمان ناو وەرگیراوە، کە لە نووسینی چارڵز فۆرسمنە. ھەر ھەشت ئەڵقەی زنجیرەکە بۆ یەکەم جار لە کەناڵ ٤ لە شانشینی یەکگرتوو لە ٢٤ی تشرینی یەکەمی ٢٠١٧ پەخش کران، دواتر ھەر ھەموو بەشەکانی لە ئۆڵ ٤ بڵاوکرایەوە. ئەم بەرھەمە بە ھاوبەشی لەگەڵ نێتفڵکس بەرھەم ھاتووە، کە دواتر لە ٥ی کانوونی دووەمی ٢٠١٨ لە سەرتاسەری جیھان لەسەر تۆڕی نێتفڵکس بڵاوکرایەوە. ئەم زنجیرەیە باس لە جێمس (ئەلێکس لاوتەر)ی ١٧ ساڵان دەکات، کە پێی وایە پەشێوی دەروونی ھەیە، ھەروەھا باس لە ئەلیسا (جێسیکا باردن)ی قوتابی سەرەڕۆی ھاوپۆلەکەی جێمیس دەکات، کە دەرفەتی ڕاکردن لە ژیانە ناخۆشەکەی ماڵی لە جێمس دەبینێت.
وتاری ھەڵبژێردراو ٦
دەروازە:شانشینی یەکگرتوو/وتاری ھەڵبژێردراو/٦
کۆنفلیکت: گلۆوبل تێرۆر یان کۆنفلیکت: گلۆوبل ستۆرم (بە ئینگلیزی: Conflict: Global Terror (پێشی دەوترێت Conflict: Global Storm)) گەمەیەکی ڤیدیۆییی تەقەکەری تەکتیکییە کە لەلایەن پیڤۆتاڵ گەیمز و بە ھاوکاریی ئێس-سی-ئای گەیمز و ٢کەی گەیمزەوە بۆ پلەیستەیشن ٢، ئێکسبۆکس، مایکرۆسۆفت ویندۆز و مۆبایل بەرھەمھێنراوە. ئەمە بەشی چوارەمە لە زنجیرەی کۆنفلیکت. کارەکە تیشک دەخاتە سەر چینێکی ھەڵبژاردەی خێرا وەڵامدەرەوەی یەکەی ھێزە تایبەتییەکان، بە بەکارھێنانی چوار ئەندامە ڕەسەنەکەی زنجیرەی دیزێرت ستۆرم و ئەندامێکی نوێ. بڕادلی، فۆولی، کانرز، جۆونز و شێرمن دەبێت زاڵبن بەسەر تیرۆرستەکاندا کە بەسەر زۆر وڵاتی جیاوازدا دابەشبوون، کە بریتین لە کۆلۆمبیا، کۆریای باشوور، ئوکراینا، میسر، فلیپین و کەشمیر.
وتاری ھەڵبژێردراو ٧
دەروازە:شانشینی یەکگرتوو/وتاری ھەڵبژێردراو/٧
چێرنۆبڵ (بە ئینگلیزی: Chernobyl) چکۆلە زنجیرەیەکی مێژوویی، ژیاننامەیی و درامیە لە نووسینی کڕەیگ مازن و دەرھێنانی یۆھان ڕێنک بۆ تۆڕی ئێچ بئ ئۆ و سکای ئەتلانتیک. چیڕۆکەکە باسی کارەساتی ئەتۆمی چێڕنۆبڵ دەکات لە نیسانی ١٩٨٦ و ھەوڵەکانی لایەنەکان بۆ دامرکاندنەوەی ڕووداوەکە. زنجیرەکە، و خاوەن کاستێکی پڕ ئەستێرەیە لەنێویاندا جارێد ھاریس، ستێلان سکاڕسگارد و ئێمیلی واتسن. زنجیرەکە بە پێنچ ئەڵقە پەخشکرا، و لە ٦ی ئازار لە ئەمریکا، ٧ی ئازار لە بەڕیتانیا دەستیان بە پەخشکرا. چێرنۆبڵ پێشوازیەکی گەرمی لەلایەن ڕەخنەگرانەوە لێکرا، لە ٧١ەمین مەڕاسیمی دابەشکردنی خەڵاتەکانی ئێمی توانی ١٩ پاڵاوتن دەستەبەر بکات لەنێویاندا باشترین کورتە زنجیرە، و خەڵاتی باشترینەکانی نواندن بۆ ھاریس، سکاڕسگارد و واتسن.