ژیاننامە

ژیاننامە (بە ئینگلیزی: biography) نووسین یان باسکردی وردەکاری ژیانی کەسایەتییەکە، بڕگەکانی نووسینی ژیاننامە چەندین بڕگە و بابەتی سەرەکی ھەن وەک لەدایکبوون و مردن و کارەکان و پەیوەندییەکان و خوێندن ھتد…، نووسینی ژیاننامە بەپێی کەسی ژیاننامەنووس دەگۆڕێت، زۆرجاریش کەسەکان خۆیان ژیاننامەی خۆیان دەنووسن، زۆر جار ژیاننامەنووسیش لایەنێکی ئەدەبی تێیدا زاڵە لەوێنەی بەرھەمی چێشتی مجێور ی ھەژار کە زۆرتر وەک ڕؤمانێکی ھونەری دەردەکەوێت و ھەروەھا کتێبی گەشتی ژیانم لە نووسینی مەسعوود محەممەد کە وەک باسکردن لە ژیانی سیاسی یان ترژیدیا دێتە بەرچاو

چێشتی مجێوەر بەرھەمی ھەژار کە تێیدا باسی سەرگوزشتەکانی ژیانی خۆی دەکات

زاراوەی بیۆگرافیا یان ژیاننامە

ئەم زاراوەیە (biography) لە دوو وشەی یۆنانی پێک دێت، bios واتە ژیان، grapho واتە نووسینەوە، ھەردوو وشەکە بەسەر یەکەوە، واتە نووسینەوەی ژیان.