ھێرشی تشرینی یەکەمی ٢٠٢٤ی ئێران بۆ سەر ئیسرائیل

ھێرشی تشرینی یەکەمی ٢٠٢٤ی ئێران بۆ سەر ئیسرائیل
بەشێک لە ململانێی ٢٠٢٤ی ئێران و ئیسرائیل
ڕێکەوت ١ تشرینی یەکەمی ٢٠٢٤ شوێن مووشەکەکان لە ئێرانەوە ئاراستەکران، بەرەو ئامانجەکانی لە سەرتاسەریی ناوەندی ئیسرائیل ئەنجام ھەندێک زیانی بچووک بەر بنکەی ھێزە ئاسمانییەکانی ئیسرائیل کەوت * زیان بەر قوتابخانەیەک لە شاری گێدێرە و چێشتخانەیەک لە تەلئەبیب کەوت
جەنگاوەران
ئێران	ئیسرائیل
هێز
سوپای پاسداران
زیان و تیاچوونەکان
١ ھاووڵاتی فەلەستینی کوژرا (بەھۆی پاشماوەی مووشەک)؛ ٢ ھاووڵاتی ئیسرائیلی و ٢ ھاووڵاتی ئوردنی بە سوکی بریندار بوون.

لە ١ی تشرینی یەکەمی ٢٠٢٤، ئێران ١٨١ مووشەکی بالیستیکی ئاراستەی پێگەکانی ئیسرائیل کرد، بەلایەنی کەمەوە بە دوو شەپۆل، کە گەورەترین ھێرش بوو لە ماوەی ململانێی بەردەوامی ئێران و ئیسرائیلدا. کۆد ناوی ھێرشە مووشەکییەکان بە ئۆپەراسیۆنی بەڵێنی ڕاستی ٢ (بە فارسی: عملیات وعده صادق ۲) ناسێنرا لەلایەن ئێرانەوە. ئەوە دووەم ھێرشی ڕاستەوخۆی ئێران بوو بۆ سەر ئیسرائیل دوای ھێرشەکانی مانگی نیسانی ٢٠٢٤.

ئێران بانگەشەی ئەوە دەکات کە ھێرشەکە "بەرگری لەخۆ" بووە وەک تۆڵەسەندنەوەیەک لە تیرۆرکردنی ئیسماعیل ھەنییە، سەرۆکی حەماس لە تاران، حەسەن نەسروڵڵا، سەرۆکی حیزبوڵڵا و عەباس نیلفرووشان، جەنەڕاڵی سوپای پاسداران. زۆربەی مووشەکەکانی ئێران خرانە خوارەوە و کەمترین زیانی لێکەوتەوە. ئیسرائیل ڕای گەیاند، زۆربەی مووشەکەکانی ڕێگری کردووە و ڕای گەیاندووە، ھیچ زیانێک بە تواناکانی ھێزی ئاسمانی وڵاتەکەی نەگەیشتووە. ھەروەھا ھێزی دەریایی ئەمریکا و ئوردن ڕاپۆرتیان دا کە ڕێگریان لە مووشەکەکان کردوە. چوار فەلەستینی و دوو ئیسرائیلی و دوو ئوردنی بریندار بوون. تاکە کوژراوەکە پیاوێکی تەمەن ٣٨ ساڵانی فەلەستینی خەڵکی غەززە بووە کە بەھۆی کەوتنەخوارەوەی پاشماوەی مووشەکەکانەوە لە نزیک ئەریحا کوژراوە.

پشت ڕووداوەکان

«تەوەری بەرگری» ئێران لە دوای ڕووداوەکانی ٧ی تشرینی یەکەمەوە بە شێوەیەکی بەرچاو لاواز بووە؛ ئێران کە ئەم تۆڕەی پەرەپێدابوو بۆ گەمارۆدانی بریکاریی ئیسرائیل بە مووشەک و فڕۆکەی بێفڕۆکەوان، بەڵام ڕووبەڕووی زیانێکی گەورە دەبێتەوە. پێکھاتەی فەرماندەییحەماس وێران بووە، کەوتووەتە نێو شەڕی چریکی. بزووتنەوەی حووسییەکان ڕێگای دابینکردنی دەرامەتەکانی پچڕاوە، لەکاتێکدا حیزبوڵڵا زیانێکی بەرچاوی بەرکەوتووە، لەوانە زۆربەی سەرکردایەتییە باڵاکانی و ژمارەیەکی زۆر لە فەرماندەی ئاستی ناوەڕاست و بەشێکی زۆر لە جبەخانەی مووشەکی کە لەلایەن ئێرانەوە دابین دەکرێت. ئەم پێشھاتانە مەترسییەکانی ئێران و بریکارەکانی بۆ سەر ئیسرائیل بەشێوەیەکی بەرچاو کەمکردووەتەوە، زیانی بە توانای کۆی گشتیی ئێران گەیاندووە.

لە ٣١ی تەممووزی ٢٠٢٤، ئیسماعیل ھەنییە، ڕێبەری سیاسی بزووتنەوەی حەماس، لە تارانی پایتەختی ئێران بە ھێرشێکی ڕواڵەتی ئیسرائیل تیرۆر کرا. ناسر کەنعانی وتەبێژی وەزارەتی دەرەوەی ئێران ئەم تیرۆرەی شەرمەزار کرد و ڕای گەیاند کە «خوێنی ھەنییە ھەرگیز بەفیڕۆ ناچێت». لە ٢٧ی ئەیلوولی ٢٠٢٤، حەسەن نەسروڵڵا، ئەمینداری گشتی حزبوڵڵا، لە ھێرشێکی ئاسمانی ئیسرائیلدا لە بەیروت تیرۆرکرا.