ویکیپیدیا

ئەڤەتار: ڕێگەی ئاو

فیلمێکی ٢٠٢٢ی دەرھێندراوی جەیمز کامێرۆن

ئەڤەتار: ڕێگەی ئاو (بە ئینگلیزی: Avatar: The Way of Water) فیلمێکی خەیاڵی زانستی ئەمریکییە، لە دەرھێنانی جەیمز کامێرۆن لەساڵی ٢٠٢٢ نمایشکراوە.[١]ئەم فیلمە درێژەی فیلمی ئەڤەتار ١ و بە بەشی دووەمی زنجیرەی فیلمی ئەڤەتار دادەنرێت.[٢][٣][٤][٥] کامیرۆن و جۆن لانداو بەرھەمھێنەری فیلمەکەن و سیناریۆی فیلمەکە لەلایەن کامیرۆن و ڕیک یافا و ئاماندا سیلڤەر لەسەر بنەمای چیرۆکێک کە لەگەڵ جۆش فریدمان و شەین سالیرنۆ نووسراوە. کاستی فیلمەکە بریتین لە سام وۆرسینگتن، زۆی سالدانیا، ستیڤن لۆنگ، جوڵز دەیڤید مۆر، سی سی ئێچ  پاوندەر، جیۆڤانی ڕیبیسی، دیلیپ ڕاو و مات جیراڵد ڕۆڵی خۆیان لە فیلمی یەکەمەوە دووبارە دەکەنەوە، سیگۆرنی ویڤەر لە ڕۆڵێکی جیاوازدا دەگەڕێتەوە.[٦] کەیت وینسلێت، کلیف کورتیس، ئیدی فالکۆ، جەیمین کلیمەنت و برێندان کاول ئەکتەری نوێی فیلمەکەن.[٧] کامیرۆن لە ساڵی ٢٠٠٦ ڕایگەیاندبوو کە ئارەزووی دروستکردنی بەدواداچوونی فیلمی ئاڤاتاری ھەیە ئەگەر سەرکەوتوو بێت. دوای سەرکەوتنی گەورەی فیلمی یەکەم، لە ساڵی ٢٠١٠ دوو بەشی دیکەی لە فیلمەکە ڕاگەیاند، ئەو پلانی هەبوو کە لە ساڵی ٢٠١٤دا ڕێگای ئاوی بڵاوبکاتەوە.[٨][٩][١٠] بەڵام ڕاگەیاندنی سێ بەشی نوێ، پێویستی بە پەرەپێدانی تەکنەلۆژیای نوێ تۆمارکردنی دیمەنی ژێر ئاو هەبوو کە پێشتر نەکرابوو، دەرەنجام ئەمەش بووە ھۆی دواکەوتنێکی زۆر لە پەرەپێدانی فیلمەکە، لە پێناو ئەوەی کە کاتێکی زیاتر بدرێت بە ستافەکە بۆ کارکردن لەسەر نووسینی سیناریۆ و پێش بەرھەمھێنان و کاریگەرییە بینراوەکان. وێنەگرتنی سەرەکی فیلمەکە لە ١٥ی ئابی ٢٠١٧ لە مانھاتن بیچ لە ویلایەتی کالیفۆرنیا دەستیپێکرد و وێنەگرتنی سەرەکیش ھاوکات لەگەڵ ئاڤاتاری ٣ لە ٢٥ی ئەیلولی ٢٠١٧ لە نیوزیلاند دەستیپێکرد. دوای سێ ساڵ لە وێنەگرتنی فیلم لە کۆتایی مانگی ئەیلولی ٢٠٢٠ کۆتایی ھات.  ئەم فیلمە بە بودجەی ٣٥٠-٤٠٠ ملیۆن دۆلار دروستکراوە و یەکێکە لە گرانترین فیلمەکانی مێژوو.

ئەڤەتار: ڕێگەی ئاو
دەرھێنەرجەیمز کامێرۆن
بەرھەمھێنەرجەیمز کامێرۆن
جۆن لانداو
کاستسام وۆرسینگتن
زۆی سالدانا
سیگۆرنی ویڤەر
ستیڤن لانگ
کەیت وینسلێت
دەستکاریستیڤن ریڤکین
دەیڤد برێنەر
جۆن ریفاو
جەیمز کامێرۆن
کۆمپانیای بڵاوکەرەوەفۆکسی سەدەی ٢٠ەم
ڕێکەوتی دەرچوون٦ی کانوونی دووەمی ٢٠٢٢ (لەندەن)
١٦ی کانوونی دووەمی ٢٠٢٢ (ئەمریکا)
ماوەی فیلم١٩٢ خوولەک
وڵاتئەمریکا
زمانئینگلیزی
تێچوون٣٥٠ - ٤٦٠ ملیۆن دۆلار
داھات١،٧٣١ ملیار دۆلار

فیلمی ئەڤەتار: ڕێگای ئاو لە ٦ی کانوونی دووەمی ٢٠٢٢ لە نمایشێکی تایبەتدا بۆیەکەمینجار لە لەندەن نمایشکرا، لە ١٦ی کانوونی دووەمدا لە شاشەکانی سینەمای ئەمریکا نمایشکرا. بڵاوبوونەوەی فیلمەکە چەند جارێک دواکەوتووە، دوایین دواکەوتنی فیلمەکە لە ٢٣ی تەمموزی ٢٠٢٠ ڕوویدا.[١١] فیلمەکە داھاتی یەک ملیار و ٧٠٨ ملیۆن دۆلاری لە سەرانسەری جیھاندا بەدەستھێناوە و زۆرترین داھاتی ساڵی ٢٠٢٢ و حەوتەم فیلمە لە جیھاندا. بەگشتی لەلایەن ڕەخنەگرانەوە پێداچوونەوەی ئەرێنی وەرگرت، کە ستایشی کاریگەرییە بینراوەکانی و دەستکەوتە تەکنیکییەکانی دەکرد، بەڵام ھەندێک گێڕانەوەکەیان ڕەخنەیان لە درێژی ماوەی فیلمەکە و چیڕۆکەکەی گرت.  سێ بەدواداچوونەکەی داھاتوو بە ڕێککەوت لە ساڵانی ٢٠٢٤، ٢٠٢٦ و ٢٠٢٨ بڵاودەکرێنەوە،[١٢][١٣] ھەرچەندە بەرھەمھێنانی دوو فیلمی دووەم بەندە بە وەرگرتنی بازرگانیی ڕێگای ئاو.[١٤] ئەڤەتار: ڕێگای ئاو لەلایەن دەستەی نیشتمانی پێداچوونەوەی فیلم و پەیمانگای فیلمی ئەمریکی وەک یەکێک لە باشترین فیلمەکانی ساڵی ٢٠٢٢ پاڵێوراو بوو. ئەم فیلمە پاڵێوراو بوو بۆ خەڵاتی باشترین فیلمی دراما و باشترین دەرھێنەر لە خەڵاتی گۆڵدن گڵۆب.[١٥]

کورتە دەستکاری

فیلمەکە دوای زیاتر لە دە ساڵ لە ڕووداوەکانی فیلمی یەکەم، چیرۆکی بنەماڵەی سالی دەستپێدەکات، ئەو سەختییانەی ڕووبەڕوویان دەبێتەوە، ئەو هەوڵانەی کە دەیدەن بۆ ئەوەی یەکتری سەلامەت بن، ئەو شەڕانەی کە بۆ مانەوەیان دەجەنگن تێیدا و ئەو کارەساتانەی کە بەرگەی دەگرن.[١٦] سیگۆرنی ویڤەر دەڵێت کە “چیرۆکەکە باس لە خێزان دەکات، باس لە خێزانەکانمان دەکات کە هەوڵدەدەن پێکەوە بمێننەوە و ئەو درێژاییانەی کە هەموومان دەیبڕین بۆ پاراستنی یەکتر و پاراستنی ئەو شوێنەی تێیدا دەژین.[١٧]

ڕۆڵەکان دەستکاری

 
لەچەپەوە بۆ ڕاست: سام وۆرسینگتن، زۆی سالدانا، جەیمز کامێرۆن، سیگۆرنی ویڤەر، ستیڤن لانگ
  • سام وۆرسینگتن وەک جەیک سولی، مرۆڤێکی ڕابردوو کە دوای ئەوەی پەیوەندی بە بەرنامەی ئەڤەتارییەوە کرد، عاشقی نیتیری بوو، هەروەها بووە هاوڕێی ناڤیەکان و لە کۆتاییدا لایەنگری ئەوان بوو لە ململانێی مرۆڤەکاندا و بەرەو سەرکەوتنیان برد. جەستەی مرۆڤی خۆی بەجێهێشت تا بۆ هەمیشە ببێتە ئەندامی ئەوێ.[١٨][١٩]
  • زۆی سالدانا وەک نیتیری، کچی سەرۆکی پێشووی هۆزەکە، ڕێبەندی داهاتووی هۆزەکە و هاوسەری جەیک.[١٨][١٩]
  • سیگۆرنی ویڤەر وەک کاری، کچە هەرزەکارەکەی بەخێوکراوی نیتیری و جەیک.[٢٠] لە سەرەتادا لە یەکەم فیلمدا وەک دکتۆر گرەیس ئۆگستین دەرکەوتووە. هەرچەندە هەردووکیان، ویڤەر و کامیرۆن پشتڕاستیان کردەوە کە لە ئەڵقەکانی داهاتوودا دەگەڕێتەوە، بەڵام لە ساڵی ٢٠١٤ ڕایگەیاند کە ڕۆڵی کارەکتەری ناگێڕێت. بەڵام وەک زۆرێک لە ئەکتەرەکان گەڕایەوە نێو فیلمەکە.[٢١][٢٢][٢٣] هەروەها ویڤەر ڕۆڵی خۆی وەک دکتۆر گرەیس ئۆگستین دووبارە دەکاتەوە، کە زانایەکی مرۆییە و لایەنگرێکی باشە و لە کاتی ململانێدا دەمرێت. بەڵام ئاشکرا دەبێت کە جەستەی ئەڤەتارییەکەی سەرەڕای مردنی، وای کردووە کاری لەدایک بێت.[٢٤]
  • ستیڤن لانگ وەک کۆلۆنێل مایڵز کواریتچ، پیاوێک کە سەرکردایەتی هێزە ئەمنییەکانی RDA، ڕێکخراوی مرۆیی کۆلۆنی پاندۆرای کردووە، لە ململانێیەکدا لەگەڵ ئەڤەتارەکان.[٢٥] دوای ئەوەی لە فیلمی یەکەمدا لەلایەن نیتیریەوە کوژرا، وەکو پێکەوەلکاوێک زیندوو دەبێتەوە، و دەبێتە "ئەڤەتارێکی چەسپاو، کە بە یادەوەرییەکانی مرۆڤ" وەسف دەکرێت، و بەدوای تۆڵەسەندنەوەدا دەگەڕێت.[٢٦][٢٧] کامیرۆن لە ساڵی ٢٠١٠ ڕایگەیاند کە لانگ لە سێ بەدواداچوونی یەکەمدا دەگەڕێتەوە و وتیشی: "نامەوێت بە تەواوی بڵێم چۆن دەیهێنینەوە، بەڵام لە کۆتاییدا، ئەوە زانستی خەیاڵییە". هەروەها لانگ لە شوێنە چاوەڕواننەکراوەکان دەبینینەوە.
  • کەیت وینسلێت لە ڕۆڵی ڕۆناڵ، وەک غەواسێکی ئازاد، کە هاوسەری تەنوارییە کە دووگیانە.[٢٨][٢٩] وینسلێت ڕۆناڵی بە "کارەکتەری ناوەندی لە چیرۆکە بەردەوامەکەدا" ناوبردووە، بەڵام هەروەها بە "کارەکتەری ناوەندی کورت" ناوی بردووە "بە بەراورد بە وێنەگرتنی درێژ" چونکە هەموو دیمەنەکانی تەنها مانگێکی خایاندووە بۆ وێنەگرتن.[٣٠] ئەمە یەکەمجارە کاردەکات لەگەڵ گرتنی ئەدای کارکردن و گرتنی جوڵە بەگشتی.  وەک زۆرێک لە ئەکتەرەکان ناچار بوو فێری غەواسکردنی ئازاد بێت بۆ فیلمەکە.  زیاتر لە حەوت خولەک هەناسەی خۆی ڕاگرت لەکاتی وێنەگرتنی دیمەنێکی ژێر ئاودا، ئەمەش ژمارەیەکی پێوانەیی نوێیە بۆ هەر دیمەنێکی فیلم کە لە ژێر ئاودا تۆمارکرابێت.[٣٠][٣١][٣٢][٢٤]
  • جۆڵ دەیڤد مۆر وەک دکتۆر نۆرم سپێلمان، ئەندامی پێشووی بەرنامەی ئەڤەتاریی، کە لە فیلمی یەکەمدا لایەنگری ئەڤەتارەکان بوو.[٣٦]
  • ئیدی فالکۆ وەک ژەنەڕاڵ فرانسیس ئاردمۆر، فەرماندەی بەرپرسیار لە بەرژەوەندییەکانی ARDA.[٣٩]
  • برێندان کوێڵ ڕۆڵی کاپتن میک سکۆرسبی، سەرۆکی کەشتییەکی دەریایی کەرتی تایبەت لەسەر هەسارەی پاندۆرا.[٤٠]
  • جامین کلیمنت وەک دکتۆر ئیان گارڤین، زانای بایۆلۆجی دەریایی.[٤١]
  • جەیمس فلاتێرز وەک نێتیام، کوڕی یەکەم و منداڵی گەورەی جەیک و نیتیری.[٤٢][٤٣]
  • بریتن داڵتۆن وەک لواک، کوڕی دووەمی جەیک و نیتیری.

بەبازاڕیکردن دەستکاری

 
ناوی فیلمەکە کە لە سینەماکۆنی ساڵی ٢٠٢٢ ئاشکرا بوو

دیزنی بە شێوەیەکی بەرفراوان بانگەشەی بۆ فیلمی ئەڤەتار: ڕێگای ئاو لە چەندین پلاتفۆرمی میدیاییدا کرد، لەوانە بازرگانی، بەرهەمی بەکاربەریی و پارکە گەشتیارییەکانی.[٤٤] لە سینەماکۆنی ساڵی ٢٠٢٢،[٤٥] ناونیشانی نوێی بەدواداچوونەکەی بە فەرمی ڕاگەیەندرا و یەکەم ترەیلەر لە چالاکییەکەدا نمایشکرا، لەگەڵ چوار وێنەی نوێ، کە سەرکێشییەکانی ئەڤەتارەکان لە کەناراوەکانی پاندۆرا و لە دەرەوەی کەناراوەکانی پاندۆرا نیشان دەدا.[٤٦] نووسەری ئەمریکی ستیڤن گۆڵد بەکرێ گیرا بۆ نووسینی چوار ڕۆمان لەسەر بنەمای چوار بەدواداچوونی فیلمی ئەڤەتار، کە بە ئەڤەتار: ڕێگەی ئاو دەستی پێکرد. دوای ئەوەی چەندین دەزگای میدیایی دەنگۆی ئەگەری ناونیشانەکانی بەدواداچوونەکانی ئەڤەتاریان بڵاوکردەوە، لەوانەش ئەڤەتار: وەک ئاو یان ئەڤەتار ٢، کامیرۆن پشتڕاستی کردەوە کە ئەو ناونیشانانەی پێشتر باسکراون "لە نێو ئەو ناونیشانانەدان کە لەبەرچاو دەگیرێن، بەڵام تا ئێستا هیچ بڕیارێکی کۆتایی نەدراوە".[٤٧][٤٨]

بڵاوکردنەوە دەستکاری

یەکەم نمایشی جیهانی فیلمی ئەڤەتار: ڕێگەی ئاو لە ٦ی کانوونی دووەمی ٢٠٢٢ لە گۆڕەپانی ئۆدیۆن لێستەر لە لەندەن بەڕێوەچوو.[٤٩] فیلمەکە لە ١٦ی کانوونی دووەمی ٢٠٢٢ لە ئەمریکا نمایشکرا و لەلایەن فۆکسی سەدەی ٢٠ەم دابەشکرا.[٥٠] ئەم فیلمە یەکەم فیلمە لە زنجیرەکەدا کە لە ژێر دەستی کۆمپانیای دیزنی نمایش دەکرێت، لەوەتەی ستۆدیۆی فۆکسی سەدەی ٢٠ەم مافی فیلمی ئەڤەتاری لە ساڵی ٢٠١٩ کڕیووە. ئەم فیلمە بە فۆرماتەکانی RealD 3D و Dolby Cinema و IMAX بڵاوکرایەوە.[٥١][٥٢][٥٣][٥٤]

پێشوازی دەستکاری

بۆکس ئۆفیس دەستکاری

تا ٨ی کانوونی دووەم ٢٠٢٣، فیلمی ئەڤەتار: ڕێگەی ئاو لە ئەمریکا و کەنەدا ٥١٦ ملیۆن دۆلاری بەدەستهێناوە، لە ئاستی نێودەوڵەتیشدا ١.١٩١ ملیار دۆلاری بەدەستهێناوە، کە کۆی گشتی داهاتی جیهانی ١.٧٠٨ ملیار دۆلار بووە. فیلمەکە بە کردنەوەی ٤٤١،٧ ملیۆن دۆلار لە سەرانسەری جیهاندا، ١١ەمین و گەورەترین فیلمی سەردەمی کۆڤید-١٩یە لە دوای فیلمی پیاوی جاڵجاڵۆکە: ھیچ ڕێگەیەک نییە بۆ نیشتیمان (٦٠١ ملیۆن دۆلار) و فیلمی دکتۆر سترەینج لە فرەگەردوونی شێتیدا (٤٥٢،٤ ملیۆن دۆلار). کۆمپانیای ئایماکس بە بڕی ٤٨.٨ ملیۆن دۆلار، دووەم بەرزترین ئاستی لە کۆتایی هەفتەی جیهانیدا بۆ کردنەوەی فیلمەکە لە سینەماکانیدا تۆمارکرد. زۆرترین داهاتی ساڵی ٢٠٢٢ ھەیە، بەشێوەیەک لە ماوەی نمایشکردنیدا فیلمی "تۆپ گەن"ی تێپەڕاندووە.[٥٥] جگە لەوەش، چوارەم فیلمە کە لە سەردەمی کۆڤید-١٩دا ڕێژەی یەک ملیار دۆلاری تێپەڕاندووە، دوای فیلمی پیاوی جاڵجاڵۆکە: ھیچ ڕێگەیەک نییە بۆ نیشتیمان، تۆپ گەن و جیھانی جوراسیک، هەروەها شەشەمین فیلمە بە گشتی بگاتە ئەم بەربەستە.[٥٦][٥٧] تا ١٤ی کانوونی دووەم، پێش بڵاوبوونەوەی فیلمەکە لە ئەمریکا، بۆکس ئۆفیس پرۆ پێشبینی کۆتایی هەفتەی کردنەوەی فیلمەکەی لە ئەمریکا و کەنەدا لە نێوان ١٤٥ بۆ ١٧٩ ملیۆن دۆلاردا کردبوو، کە کۆی گشتی کۆتایی ناوخۆیی ٥٧٤ بۆ ٨٠٣ ملیۆن دۆلار بوو.[٥٨] فیلمەکە لە ڕۆژی دەستپێکردنیدا ٥٣،٢ ملیۆن دۆلاری بەدەستهێنا، لەنێویاندا ١٧ ملیۆن دۆلار لە پێشبینییەکانی شەوی پێنجشەممەدا. فیلمەکە لە کۆتایی هەفتەی یەکەمیدا ١٣٤،١ ملیۆن دۆلاری بەدەستهێنا، کە نزیکەی دوو هێندە بوو لە سەرەتای کردنەوەی فیلمەکەدا کە ٧٧ ملیۆن دۆلار بوو، هەروەها پلەی یەکەمی بۆکس ئۆفیسیشی بەدەستهێنا.[٥٩][٦٠][٦١] فیلمەکە لە یەکەم هەفتەی خۆیدا لە دەرەوەی ئەمریکا و کەنەدا لە ٥٢ وڵاتدا ٣٠٧،٦ ملیۆن دۆلاری بەدەستهێنا. گەورەترین بازاڕەکانی کردنەوەی فیلمەکە لە کۆتایی هەفتەدا بریتیین لە چین (٥٦،٨ ملیۆن دۆلار)، کۆریای باشوور (٢٤،٩ ملیۆن دۆلار)، فەڕەنسا (٢١،٧ ملیۆن دۆلار)، ئەڵمانیا (١٩،٤ ملیۆن دۆلار) و ھیندستان (١٩،٢ ملیۆن دۆلار).[٦٢][٦٣] لە ٢٩ی کانوونی دووەمی ٢٠٢٢ (١٣ ڕۆژ دوای بڵاوبوونەوەی) بووە زۆرترین داهاتی ساڵی ٢٠٢٢ لە دەرەوەی ئەمریکا و کەنەدا. پێنج وڵاتی سەرەکی داهاتی کۆی گشتی بریتین لە چین (١١٥.٨ ملیۆن دۆلار)، فەرەنسا (٨١.٦ ملیۆن دۆلار)، کۆریای باشوور (٦١.٦ ملیۆن دۆلار)، ئەڵمانیا (٥٧.٧ ملیۆن دۆلار) و بەریتانیا (٤٥.١ ملیۆن دۆلار).[٦٤]

وەڵامی ڕەخنەگرانە دەستکاری

لە ماڵپەڕی پێداچوونەوەی ڕاتن تۆمەیتۆز، ٧٧٪ی ٣٩٩ پێداچوونەوەی ڕەخنەگران ئەرێنین، وە فیلمەکە تێکڕای ڕیزبەندی ٧،١/١٠ی هەیە. کۆدەنگی ماڵپەڕەکە دەڵێت: "لە ڕووی چیرۆکەوە، ڕەنگە شتێکی تاڕادەیەک ستاندارد بێت، بەڵام لە ڕووی بینراوەوە، ئەڤەتار: ڕێگەی ئاو ئەزموونێکی سەرسوڕهێنەرە".[٦٥] ڕۆژنامەی تۆرۆنتۆ ستار ڕایگەیاندووە کە فیلمەکە لەلایەن خەڵکی ڕەسەنی کەنەدییەوە پێشوازییەکی خراپی لێکرا چونکە وەک هەوڵێک بۆ وێناکردنی خەباتی کۆلۆنیالیزمی دانیشتووانێکی ڕەسەن سەیر دەکرا.[٦٦]

بەدواداچوونەکان دەستکاری

ئەڤەتار: ڕێگەی ئاو یەکەم فیلمە لە چوار بەدواداچوون کە پلانیان بۆ دانراوە بۆ فیلمەکانی ئەڤەتار. فیلمی ئەڤەتار ٣ لە ٢٥ی ئەیلوولی ٢٠١٧ لە نیوزلەندا دەستی بە وێنەگرتنی کراوە. تەواوی کاستی فیلمەکانی پێشوو، لەوانە وۆرسینگتۆن، سالدانیا، لانگ، ویڤەر، پۆندەر، وینسلێت، کورتیس، ڕیبیسی، مۆر، ڕاو، جیراڵد، داڵتۆن، بلیس، چامپیۆن، باس و گۆڵجۆ، لە هەموو بەدواداچوونەکاندا دەردەکەون، لەکاتێکدا ئۆنا چاپلین، میشێل یوو و دەیڤید تیولیس ڕۆڵی کارەکتەری نوێ دەگێڕن لە فیلمەکەدا.[٦٧][٦٨][٦٩][٧٠] لە مانگی یەکی ساڵی ٢٠١٩ لە بەرامبەر کڕینی کۆمپانیای واڵت دیزنی بۆ فۆکسی سەدەی ٢٠ەم، بۆب ئایگەر بەڕێوەبەری جێبەجێکاری کۆمپانیای دیزنی پشتڕاستی کردەوە کە هەردوو فیلمی ئەڤەتار ٤ و ئەڤەتار ٥ لە قۆناغی پەرەپێداندان بەڵام گڵۆپی سەوزیان بۆ دانەنراوە.[٧١] بە گوتەی بەرهەمهێنەری لانداو لە شوباتی ٢٠١٩، کە وتی: ڕەنگە لێدوانەکەی ئایگەر بە هەڵە لێکدرابێتەوە، چونکە ئیگەر وتی کە ئەڤەتاری ٤ و ٥ "نەک تەنها گڵۆپی سەوزیان بۆ دانراوە"، بەڵکو سێیەکی ئەڤەتاری ٤ پێشتر وێنەیگیراوە.[٧٢]

سەرچاوەکان دەستکاری

  1. ^ Mahajan, Viraj (September 24, 2019). "Too much pressure on James Cameron for Avatar 2 after Avengers: Endgame?". International Business Times. Archived from the original on September 27, 2019. Retrieved January 17, 2020.
  2. ^ Fleming Jr., Mike (August 1, 2013). "'Avatar' Sequels Upped To Three; Fox, James Cameron Set Trio of Writers to Spearhead". ددلاین ھالیوود. Archived from the original on August 22, 2014. Retrieved September 25, 2017.
  3. ^ Vijay, Amar (November 26, 2014). "James Cameron Talks Avatar Sequels". امپایر (مجلە). Archived from the original on October 5, 2015. Retrieved September 25, 2017.
  4. ^ Medina, Joseph (November 28, 2014). "James Cameron Opens Up About 'Avatar' Sequels". Inquisitr. Archived from the original on October 22, 2019. Retrieved September 25, 2017.
  5. ^ Fleming Jr., Mike (October 22, 2013). "James Cameron Has Found Avatar's Darth Vader: It's Stephen Lang". ددلاین ھالیوود. Archived from the original on October 26, 2013. Retrieved November 8, 2013.
  6. ^ Briers, Michael (March 2, 2015). "Avatar 2 Will See Sigourney Weaver Play a Brand New Character". Wegotthiscovered.com. Archived from the original on June 7, 2020. Retrieved February 19, 2020.
  7. ^ Nayak, Greeshma (February 24, 2021). "Zoe Saldana To Feature In Netflix's 'The Bluff', To Be Directed By Frank E. Flowers". Republic TV. Retrieved February 24, 2021.
  8. ^ Carroll, Larry (June 29, 2006). "'Titanic' Mastermind James Cameron's King-Size Comeback: Two Sci-Fi Trilogies". امتیوی. Archived from the original on July 5, 2006. Retrieved October 18, 2006.
  9. ^ Rosenberg, Adam (January 8, 2010). "'Avatar' Sequel Confirmed By James Cameron... And Here's What We'd Like To See". امتیوی. Archived from the original on January 16, 2010. Retrieved January 11, 2010.
  10. ^ McClintock, Pamela (October 27, 2010). "James Cameron's 5-year plan". ورایتی. Archived from the original on January 12, 2011. Retrieved October 27, 2010.
  11. ^ White, Adam (July 23, 2020). "Avatar 2 delayed indefinitely due to coronavirus, confirms James Cameron". ایندیپندنت (بە ئینگلیزی). Retrieved March 22, 2021.
  12. ^ Mendelson, Scott (July 25, 2020). "Box Office: 'Avatar 2' Delay Means Universal's 'F9' And 'Jurassic World: Dominion' Could Rule 2021". فوربز. Retrieved July 28, 2020.
  13. ^ Reimann, Tom (July 23, 2020). "The 'Avatar' Sequels Have Been Delayed Again, So I Guess Things Are Returning to Normal". کلایدر (وبگاه) (بە ئینگلیزی). Retrieved July 23, 2020.
  14. ^ "James Cameron is Prepared to Wrap Things up with Avatar 3 if the Sequels Aren't Profitable". November 5, 2022.
  15. ^ Lattanzio, Ryan; Lattanzio, Ryan (2022-12-09). "AFI's Top 10 Films and TV of 2022 Revealed: 'Avatar,' 'Elvis,' 'The Bear,' 'Severance' Honored". IndieWire (بە ئینگلیزی). Retrieved 2023-01-10.
  16. ^ Kofi, Outlaw (2022-04-27). "Avatar 2 Title Confirmed by Disney During CinemaCon 2022". Movies. Archived from the original on April 27, 2022. Retrieved 2022-04-27.
  17. ^ Taylor, Elizabeth (September 29, 2022). "'Avatar: The Way of Water' Is 'Very Much Based on' James Cameron's Family, Sigourney Weaver Says". Variety. Retrieved 2022-10-24.
  18. ^ ئ ا Robertson, Lindsay (January 14, 2010). "James Cameron Planning 'Avatar' Trilogy". یاهو! موویز. Archived from the original on January 18, 2010. Retrieved January 17, 2010.
  19. ^ ئ ا Ditzian, Eric (December 21, 2009). "James Cameron Talks 'Avatar' Sequel Plans". ام‌تی‌وی. Archived from the original on January 14, 2010. Retrieved January 2, 2010.
  20. ^ Travis, Ben (2022-07-01). "Sigourney Weaver Plays Jake And Neytiri's Adopted Teenage Na'vi Daughter In Avatar 2 – World-Exclusive". Empire. Archived from the original on July 1, 2022. Retrieved 2022-07-01.
  21. ^ Klein, Brennan (2022-04-30). "Avatar 2 First Images Reveal What James Cameron Has Spent 13 Years On". ScreenRant (بە ئینگلیزی). Archived from the original on April 30, 2022. Retrieved 2022-04-30.
  22. ^ "Sigourney Weaver Avatar 2 role confirmed". بی‌بی‌سی نیوز. September 18, 2011. Archived from the original on September 18, 2011. Retrieved September 18, 2011.
  23. ^ Valdez, Rubi (September 14, 2014). "Avatar 2 Movie Spoilers, Release Date: Sigourney Weaver Alive, Will Play Crucial Role in New Trilogy". Breathecast.com. Breathe Cast. Archived from the original on August 25, 2017. Retrieved September 25, 2017.
  24. ^ ئ ا Rawden, Jessica (November 1, 2020). "Kate Winslet Beats Tom Cruise's Underwater Record In Avatar 2". Screen Rant. Archived from the original on November 1, 2020. Retrieved April 4, 2022.
  25. ^ Travis, Ben (July 3, 2022). "Stephen Lang's Quaritch Is 'Bigger, Bluer, And Pissed Off' In Avatar 2 – Exclusive Image". Retrieved July 3, 2022.
  26. ^ Jr, Mike Fleming; Jr, Mike Fleming (2013-10-22). "James Cameron Has Found 'Avatar's Darth Vader: It's Stephen Lang". Deadline (بە ئینگلیزی). Retrieved 2023-01-10.
  27. ^ "Avatar 2 Filming Starts This Week! - SuperHeroHype". web.archive.org. 2019-07-13. Retrieved 2023-01-10.
  28. ^ Fleming, Mike Jr. (October 3, 2017). "Kate Winslet Joins 'Avatar' Universe For 'Titanic' Reunion With James Cameron". ددلاین هالیوود. Archived from the original on October 4, 2017. Retrieved October 4, 2017.
  29. ^ Couch, Aaron; Galuppo, Mia (October 3, 2017). "Kate Winslet Joins James Cameron's 'Avatar' Universe". هالیوود ریپورتر. Archived from the original on October 4, 2017. Retrieved April 27, 2022.
  30. ^ ئ ا Setoodeh, Ramin (October 24, 2017). "Kate Winslet on Woody Allen, 'Wonder Wheel' and the 20th Anniversary of 'Titanic'". ورایتی. Archived from the original on October 24, 2017. Retrieved October 29, 2017.
  31. ^ Mitchell, Bea (June 13, 2018). "Zoe Saldaña has already finished shooting Avatar 2 and 3". دیجیتال اسپای. Archived from the original on June 26, 2018. Retrieved June 26, 2018.
  32. ^ Rawden, Jessica (June 13, 2018). "Zoe Saldaña Has Wrapped Filming, And Other Details About Avatar 2 And 3". فیوچر پی‌ال‌سی. Archived from the original on June 26, 2018. Retrieved June 26, 2018. ٢٦ی حوزەیرانی ٢٠١٨ لە وەیبەک مەشین، ئەرشیڤ کراوە.
  33. ^ Chitwood, Adam (May 9, 2017). "'Avatar' Sequels Add 'Fear the Walking Dead' Star Cliff Curtis in Lead Role". کلایدر (وبگاه). Archived from the original on September 26, 2017. Retrieved September 25, 2017.
  34. ^ Anthony D'Alessandro (May 9, 2017). "'Avatar' Sequels Update: 'Fear The Walking Dead's Cliff Curtis Signs On For Lead Role". ددلاین هالیوود. Archived from the original on September 25, 2017. Retrieved September 25, 2017.
  35. ^ D'Alessandro, Anthony (August 7, 2017). "Matt Gerald Returning To James Cameron's 'Avatar' World; Boards Crackle's 'The Oath'". ددلاین هالیوود. Archived from the original on September 11, 2017. Retrieved September 25, 2017.
  36. ^ N'Duka, Amanda (May 31, 2017). "Joel David Moore Returning For 'Avatar' Sequels". ددلاین هالیوود. Archived from the original on September 9, 2017. Retrieved September 25, 2017.
  37. ^ McNary, Dave (July 24, 2017). "CCH Pounder to Return for 'Avatar' Sequels". ورایتی. Archived from the original on September 25, 2017. Retrieved September 25, 2017.
  38. ^ Hipes, Patrick (July 24, 2017). "CCH Pounder Rejoins 'Avatar' Team For Sequels". ددلاین هالیوود. Archived from the original on September 30, 2017. Retrieved September 25, 2017.
  39. ^ D'Alessandro, Anthony (February 6, 2019). "Edie Falco Joins James Cameron's 'Avatar' Franchise". ددلاین هالیوود. Archived from the original on April 25, 2019. Retrieved February 6, 2019.
  40. ^ Couch, Aaron (March 28, 2019). "'Avatar' Sequels Cast 'Game of Thrones' Actor Brendan Cowell". هالیوود ریپورتر. Archived from the original on March 28, 2019. Retrieved March 28, 2019.
  41. ^ McNary, Dave (May 15, 2019). "James Cameron's 'Avatar' Sequels Casts Jemaine Clement". ورایتی. Archived from the original on May 17, 2019. Retrieved May 15, 2019.
  42. ^ Goldberg, Matt (September 27, 2017). "'Avatar' Sequels Reveal First Look at the Young Cast". کلایدر (وبگاه). Archived from the original on September 28, 2017. Retrieved September 27, 2017.
  43. ^ Hibberd, James (September 27, 2017). "Avatar 2: First look at sequel's next generation cast". انترتینمنت ویکلی. Archived from the original on September 27, 2017. Retrieved September 27, 2017.
  44. ^ Herren, Parker (December 15, 2022). "Inside Disney's 'Avatar' Marketing Strategy—reviving the franchise 13 years later". Ad Age. Retrieved December 16, 2022.
  45. ^ Tartaglione, Nancy; D'Alessandro, Anthony (2022-04-27). "'Avatar 2' Gets A Title, With 3D Teaser Trailer Shown At CinemaCon". Deadline (بە ئینگلیزی). Archived from the original on April 28, 2022. Retrieved 2022-05-06.
  46. ^ Ryan, Patrick (April 29, 2022). "Check out the breathtaking first teaser trailer for James Cameron's 'Avatar: The Way of Water'". USA Today (بە ئینگلیزی). Retrieved 2022-10-29.
  47. ^ "Fox & James Cameron Announce 'Avatar' Novels Based On Movie & Upcoming Sequels". ددلاین هالیوود. August 22, 2013. Archived from the original on November 11, 2014. Retrieved September 12, 2013.
  48. ^ Anderton, Joe (February 7, 2019). "James Cameron confirms those weird Avatar sequel title rumours are true". دیجیتال اسپای. Archived from the original on February 10, 2019. Retrieved March 12, 2019.
  49. ^ Ritman, Alex (December 6, 2022). "James Cameron Joins Sigourney Weaver, Kate Winslet for Avatar: The Way of Water World Premiere in London". هالیوود ریپورتر. Archived from the original on December 6, 2022. Retrieved December 18, 2022.
  50. ^ White, Adam (July 23, 2020). "Avatar 2 delayed indefinitely due to coronavirus, confirms James Cameron". ایندیپندنت (بە ئینگلیزی). Archived from the original on January 28, 2021. Retrieved March 22, 2021.
  51. ^ Faughnder, Ryan (December 14, 2022). "'Avatar: The Way of Water' won't save movie theaters. But here's how it can help". Los Angeles Times. Retrieved December 16, 2022.
  52. ^ Buckley, Thomas; Gillette, Felix (November 30, 2022). "The Avatar Sequel Is a Make-or-Break Moment for Disney's $71 Billion Fox Deal". بلومبرگ بیزنس‌ویک. Retrieved December 16, 2022.
  53. ^ D'Alessandro, Anthony (April 27, 2022). "'Avatar 2' Gets Title, 3D Teaser Unveiled -CinemaCon". Deadline. Archived from the original on April 28, 2022. Retrieved April 27, 2022.
  54. ^ Keegan, Rebecca (November 26, 2017). "James Cameron on Titanic's Legacy and the Impact of a Fox Studio Sale". ونتی فر. Archived from the original on November 27, 2017. Retrieved November 27, 2017.
  55. ^ "Top 2022 Movies at the Worldwide Box Office". نامبرز. Retrieved December 18, 2022.
  56. ^ McClintock, Pamela (December 28, 2022). "Box Office Milestone: 'Avatar 2' Crosses $1B Globally in 14 Days". The Hollywood Reporter. Retrieved December 28, 2022.
  57. ^ "Avatar The Way of Water box office: James Cameron movie crosses $1 billion in 14 days; 6th fastest film ever to do so". Hindustan Times. December 28, 2022. Retrieved December 29, 2022.
  58. ^ "Weekend Box Office Forecast: Diving Deep Into Avatar: The Way of Water's Potential Outcomes". Boxoffice Pro (بە ئینگلیزی). 2022-12-14. Retrieved 2022-12-16.
  59. ^ Hogg, Ryan (December 17, 2022). "'Avatar: The Way of Water' failed to live up to box office expectations on its opening weekend, reports say — putting pressure on Disney's $2 billion bet". Business Insider. Retrieved December 17, 2022.
  60. ^ Thomas Buckley; Christopher Palmeri (December 18, 2022). "Disney's 'Avatar 2' Brings In $134 Million in Domestic Opening". Bloomberg News. Retrieved December 20, 2022.
  61. ^ "Domestic Box Office For Dec 16, 2022". Box Office Mojo. Retrieved December 20, 2022.
  62. ^ Charles Gant (December 19, 2022). "'Avatar: The Way Of Water' storms global box office with $441.6m opening". Screen International. Retrieved December 20, 2022.
  63. ^ "Weekend Box Office: Avatar: The Way of Water Opens to $134.1M Domestic, $441.7M Global". Box Office Pro (بە ئینگلیزی). December 18, 2022. Retrieved December 20, 2022.
  64. ^ Tartaglione, Nancy (December 30, 2022). "'Avatar: The Way Of Water' Tops $810M Overseas On Way To $1.3B+ Global Through Sunday". ددلاین هالیوود. Retrieved December 31, 2022.
  65. ^ D'Alessandro, Anthony (December 18, 2022). "Avatar: The Way Of Water Opens To $134M; Why Pic's Box Office Fate Will Be Determined Through The Holidays – Sunday AM Update". ددلاین هالیوود. Archived from the original on December 18, 2022. Retrieved December 18, 2022.
  66. ^ Taylor, Drew Hayden (December 20, 2022). "James Cameron's 'Avatar: The Way of Water' unites Canada's Indigenous population — in dislike for this movie". The Toronto Star. Retrieved December 19, 2022.
  67. ^ Fleming, Mike Jr. (September 25, 2017). "'Avatar' Starts Production Today On Four Consecutive Sequels At Over $1 Billion Budget". ددلاین هالیوود. Archived from the original on December 6, 2019. Retrieved September 26, 2017.
  68. ^ Steve Hopkins (December 25, 2022). "James Cameron says he's already filmed Avatar 3 and 4 to avoid the 'Stranger Things' effect".
  69. ^ Guttman, Graeme. (January 19, 2021). "Avatar 2 Or 3? Kate Winslet Couldn't Tell Them Apart When Filming". Screen Rant.
  70. ^ N'Duka, Amanda (April 15, 2019). "Michelle Yeoh Boards 'Avatar' Sequels". ددلاین هالیوود. Archived from the original on April 17, 2019. Retrieved April 15, 2019.
  71. ^ Hough, Jack (January 8, 2019). "Disney's Bob Iger Talks Streaming, Park Plans, and Learning From Kodak". Barron's. Archived from the original on February 3, 2019. Retrieved February 5, 2019.
  72. ^ Alita: Battle Angel – The Cast & Filmmakers discuss making the Manga epic. HeyUGuys. February 3, 2019. Archived from the original on October 26, 2022. Retrieved December 20, 2022 – via YouTube.

بەستەرە دەرەکییەکان دەستکاری

وەرگیراو لە «https://ckb.wikipedia.org/w/index.php?title=ئەڤەتار:_ڕێگەی_ئاو&oldid=1202158»