ئەڤەتار: ڕێگەی ئاو

ئەڤەتار: ڕێگەی ئاو (بە ئینگلیزی: Avatar: The Way of Water) فیلمێکی خەیاڵی زانستی ئەمریکییە، لە دەرھێنانی جەیمز کامێرۆن لەساڵی ٢٠٢٢ نمایشکراوە.ئەم فیلمە درێژەی فیلمی ئەڤەتار ١ و بە بەشی دووەمی زنجیرەی فیلمی ئەڤەتار دادەنرێت. کامیرۆن و جۆن لانداو بەرھەمھێنەری فیلمەکەن و سیناریۆی فیلمەکە لەلایەن کامیرۆن و ڕیک یافا و ئاماندا سیلڤەر لەسەر بنەمای چیرۆکێک کە لەگەڵ جۆش فریدمان و شەین سالیرنۆ نووسراوە. کاستی فیلمەکە بریتین لە سام وۆرسینگتن، زۆی سالدانیا، ستیڤن لۆنگ، جوڵز دەیڤید مۆر، سی سی ئێچ  پاوندەر، جیۆڤانی ڕیبیسی، دیلیپ ڕاو و مات جیراڵد ڕۆڵی خۆیان لە فیلمی یەکەمەوە دووبارە دەکەنەوە، سیگۆرنی ویڤەر لە ڕۆڵێکی جیاوازدا دەگەڕێتەوە. کەیت وینسلێت، کلیف کورتیس، ئیدی فالکۆ، جەیمین کلیمەنت و برێندان کاول ئەکتەری نوێی فیلمەکەن. کامیرۆن لە ساڵی ٢٠٠٦ ڕایگەیاندبوو کە ئارەزووی دروستکردنی بەدواداچوونی فیلمی ئاڤاتاری ھەیە ئەگەر سەرکەوتوو بێت. دوای سەرکەوتنی گەورەی فیلمی یەکەم، لە ساڵی ٢٠١٠ دوو بەشی دیکەی لە فیلمەکە ڕاگەیاند، ئەو پلانی هەبوو کە لە ساڵی ٢٠١٤دا ڕێگای ئاوی بڵاوبکاتەوە. بەڵام ڕاگەیاندنی سێ بەشی نوێ، پێویستی بە پەرەپێدانی تەکنەلۆژیای نوێ تۆمارکردنی دیمەنی ژێر ئاو هەبوو کە پێشتر نەکرابوو، دەرەنجام ئەمەش بووە ھۆی دواکەوتنێکی زۆر لە پەرەپێدانی فیلمەکە، لە پێناو ئەوەی کە کاتێکی زیاتر بدرێت بە ستافەکە بۆ کارکردن لەسەر نووسینی سیناریۆ و پێش بەرھەمھێنان و کاریگەرییە بینراوەکان. وێنەگرتنی سەرەکی فیلمەکە لە ١٥ی ئابی ٢٠١٧ لە مانھاتن بیچ لە ویلایەتی کالیفۆرنیا دەستیپێکرد و وێنەگرتنی سەرەکیش ھاوکات لەگەڵ ئاڤاتاری ٣ لە ٢٥ی ئەیلولی ٢٠١٧ لە نیوزیلاند دەستیپێکرد. دوای سێ ساڵ لە وێنەگرتنی فیلم لە کۆتایی مانگی ئەیلولی ٢٠٢٠ کۆتایی ھات.  ئەم فیلمە بە بودجەی ٣٥٠-٤٠٠ ملیۆن دۆلار دروستکراوە و یەکێکە لە گرانترین فیلمەکانی مێژوو.

ئەڤەتار: ڕێگەی ئاو
دەرھێنەر	جەیمز کامێرۆن
بەرھەمھێنەر	جەیمز کامێرۆن جۆن لانداو
کاست	سام وۆرسینگتن زۆی سالدانا سیگۆرنی ویڤەر ستیڤن لانگ کەیت وینسلێت
دەستکاری	ستیڤن ریڤکین دەیڤد برێنەر جۆن ریفاو جەیمز کامێرۆن
کۆمپانیای بڵاوکەرەوە	فۆکسی سەدەی ٢٠ەم
ڕێکەوتی دەرچوون	٦ی کانوونی دووەمی ٢٠٢٢ (لەندەن) ١٦ی کانوونی دووەمی ٢٠٢٢ (ئەمریکا)
ماوەی فیلم	١٩٢ خوولەک
وڵات	ئەمریکا
زمان	ئینگلیزی
تێچوون	٣٥٠ - ٤٦٠ ملیۆن دۆلار
داھات	١،٧٣١ ملیار دۆلار

فیلمی ئەڤەتار: ڕێگای ئاو لە ٦ی کانوونی دووەمی ٢٠٢٢ لە نمایشێکی تایبەتدا بۆیەکەمینجار لە لەندەن نمایشکرا، لە ١٦ی کانوونی دووەمدا لە شاشەکانی سینەمای ئەمریکا نمایشکرا. بڵاوبوونەوەی فیلمەکە چەند جارێک دواکەوتووە، دوایین دواکەوتنی فیلمەکە لە ٢٣ی تەمموزی ٢٠٢٠ ڕوویدا. فیلمەکە داھاتی یەک ملیار و ٧٠٨ ملیۆن دۆلاری لە سەرانسەری جیھاندا بەدەستھێناوە و زۆرترین داھاتی ساڵی ٢٠٢٢ و حەوتەم فیلمە لە جیھاندا. بەگشتی لەلایەن ڕەخنەگرانەوە پێداچوونەوەی ئەرێنی وەرگرت، کە ستایشی کاریگەرییە بینراوەکانی و دەستکەوتە تەکنیکییەکانی دەکرد، بەڵام ھەندێک گێڕانەوەکەیان ڕەخنەیان لە درێژی ماوەی فیلمەکە و چیڕۆکەکەی گرت.  سێ بەدواداچوونەکەی داھاتوو بە ڕێککەوت لە ساڵانی ٢٠٢٤، ٢٠٢٦ و ٢٠٢٨ بڵاودەکرێنەوە، ھەرچەندە بەرھەمھێنانی دوو فیلمی دووەم بەندە بە وەرگرتنی بازرگانیی ڕێگای ئاو. ئەڤەتار: ڕێگای ئاو لەلایەن دەستەی نیشتمانی پێداچوونەوەی فیلم و پەیمانگای فیلمی ئەمریکی وەک یەکێک لە باشترین فیلمەکانی ساڵی ٢٠٢٢ پاڵێوراو بوو. ئەم فیلمە پاڵێوراو بوو بۆ خەڵاتی باشترین فیلمی دراما و باشترین دەرھێنەر لە خەڵاتی گۆڵدن گڵۆب.

چیرۆک

دوای شازدە ساڵ لە دوورخستنەوەی ئیدارەی پەرەپێدانی سەرچاوەکان (ئاڕ دی ئەی)ی ئەڤەتارەکان لە ناوچەی پاندۆرا، جەیک سولی وەک سەرۆکی خێڵی ئۆماتیکایا لەگەڵ خێزانەکەی بەناوی تێتیری دەژی و منداڵەکانی پەروەردە دەکات، کە پێکھاتوون لە دوو کوڕ نێتیام و لۆئاک، کچەکەی توکتێری، و ھەروەھا کچە بەخێوکراوەکەی بەناوی کیری (ئەڤەتارێکی لەدایکبووی بێھێزی دکتۆر گرەیس ئۆکستن. مایڵز «سپایدەر» سۆکۆرۆ، کوڕی کۆلۆنێل مایڵز کواریتچی کۆچکردوو، زۆرجار سەردانی منداڵەکانی ئەوان دەکات لەکاتێکدا لەلایەن مرۆڤە زاناکانەوە پەروەردە و چاودێری دەکرێت کە لەسەر پاندۆرا ماونەتەوە.

ئاڕ دی ئەی دەگەڕێتەوە بۆ تێکشکانی پاندۆرا. دەیانەوێت بگەڕێنەوە و بەتایبەتی جەیک سولی بکوژن، جەیک سەرکردایەتی ھەڵمەتێکی جەنگاوەران دەکات دژی داگیرکارییەکانی ئاڕ دی ئەی. لە کاتێکی دیاریکراودا منداڵەکانی جەیک دەگیرێن، جەیک و نەیتیری دەگەن و ئازادیان دەکەن، بەڵام کواریچ (سەرکردەی ئاڕ دی ئەی) توانی سپایدەر بگرێت، دواتر وەک دەیناسێتەوە کە کوڕی خۆیەتی. دوای ئەوەی ئاڕ دی ئەی بەبێ سەرکەوتن لێکۆڵینەوە لە سپایدەر دەکات بۆ وەرگرتنی زانیاری زیاتر، کواریچ بڕیار دەدات کات لەگەڵ سپایدەر بەسەر ببات بۆ ئەوەی بتوانێت لەگەڵ ئەڤەتارەکان لەسەر ناوچەی پاندۆرا بتوانێت قسە بکات و فێری کلتووری ئەوان ببێت.

جەیک و خێزانەکەی ئاگاداری ئەو مەترسییەن کە زانیارییەکانی سپایدەر دروستی دەکات، خۆیان لە ئۆماتیکایا دەگوازنەوە بۆ دەریای ڕۆژھەڵاتی پاندۆرا کە خێڵی مێتکاینا تێیدا نیشتەجێن. لەوێدا خێزانەکە لەگەڵ مێتکاینادا تێکەڵ دەبن: کیری پەیوەندییەکی ڕۆحی لەگەڵ دەریادا پەرەپێدەدات، جەیک و نێیتیری یارمەتی سەرۆک تۆنۆواری و ڕۆناڵی ھاوسەری دەدەن، لەکاتێکدا لۆئاک ھاوڕێیەتی تسیرێیا دەکات کە کچەکەیانە. دوای شەڕ و ئاژاوە لە نێوان کوڕەکانی تۆنۆواری و جەیک، دوای ئەوەی یەکێکیان گاڵتەی بە کیری کرد، لۆواک داوای لێبوردن دەکات بەھۆی ئەوەی باوکی پێی دەڵێت کە دەبێت ڕێزیان لێ بگرین. پاشان ئاونونگ، کوڕە گەورەکەی تۆنۆواری و ھاوڕێکانی لۆئاک بۆ گەشتێکی دوور ڕادەکێشن، لەوێدا فێڵی لێ دەکەن و پاشان لۆئاک گیر دەخوات. لۆئاک لەوێدا لەلایەن دڕندەیەکەوە پەلامار دەدرێت و پێویستە خۆی ڕزگار بکات، بەڵام ھەر زوو تولکونێک کە جۆرێکی ئاژەڵی دەریایە و شێوەی نزیکە لە نەھەنگ، دەتوانێت لۆئاک ڕزگار بکات. لەگەڵ ئەوەی لۆئاک دەگەڕێتەوە، لەجیاتی سکاڵا بکات لە کوڕی سەرۆکەکە، بەپێچەوانەوە دەڵێت کە ھەڵەی من بوو ئەو گەشتەمان کرد. دواتر کیری لەلایەکی ترەوە لەژێر دەریا پەیوەندییەکی ڕۆحی دەبەستێت و بۆ ساتێک خەیاڵی دەڕوات بۆ یادەوەری کۆن کە ڕوویداوە، پاشان نەخۆش دەکەوێت نزیک دەبێتەوە لەوەی بخنکێت. جەیک نۆرم سپێلمان و ماکس پاتەل بانگ دەکات بۆ یارمەتی، لەوێدا بە جەیک ڕادەگەینن کە نابێت جارێکی تر کیری پەیوەندی ڕۆحی دروست بکات لەبەر تەندروستی خۆی.

لە کۆتاییدا ڕۆناڵ، کیری چاک دەکاتەوە، بەڵام کواریچ شوێنپێی فڕۆکەکانی نۆرم و ماکس دەگرێت بۆ دوورگەکانی مێتکاینا. کواریتچ بە ھێنانی سپایدەر لەگەڵ خۆی، ھێزەکانی لەگەڵ ئۆپەراسیۆنە دەریایییەکانی ئاڕ دی ئەی یەکدەگرێت و فەرماندەیی کەشتییەک دەکات و پاشان نەھەنگێکی جۆری تولکون ڕاو دەکەن. سکوادەکانی کواریچ دەست دەکەن بە ھەڵکوتانە سەر دوورگەکان بەڵام دوای لێکۆڵینەوە لە ھۆزە جیاوازەکان شکست دەھێنن لە دۆزینەوەی جەیک. بڕیار دەدات گوندەکان کۆمەڵکوژ بکات و تولکونەکان بکوژێت بۆ ئەوەی جەیک خۆی بەدەستەوە بدات. لۆئاک لەگەڵ ئەو نەھەنگەی کە پێشتر بووە ھاوڕێی، پەیوەندییەکی ڕۆحی دەبەستێت تا بزانێت چی لە پێشتر ڕوویداوە کە وا دەکات نەھەنگەکان ترسناک بن و خەڵکی ھۆزەکان بترست لێیان، پاشان بۆی دەرەکەوێت کە پێشتر لەلایەن ھێزە ئاسمانییەکانەوە کۆمەڵکوژ کراون و دایکی ئەو نەھەنگە مردووە.

لە ھەوڵێکی لۆئاک و منداڵەکانی تر بۆ ڕزگارکردنی تولکونەکان، لەلایەن کواریچ دەگرترێن و پاشان جەیک و نەیتیری دەگەنە ئەوێ بۆ ڕزگارکردنی منداڵەکانیان. کواریچ جەیک ناچار دەکات خۆی ڕادەست بکات، بەڵام یەکێک لە کولکونەکان ھێرش دەکاتە سەر کەشتییەکە و شەڕێک لە نێوان ھۆزی مێتکاینا و مرۆڤەکاندا دەستپێدەکات. سپایدەر کەشتییەکە لە کار دەکات، پاشن نێتیامی برا گەورەی لۆئاک دەیەوێت لۆئاک ھاوڕێکانی ڕزگار بکات، ھەرزوو بەھۆی تەقەی دوژمنەکانەوە دەمرێت. جەیک و نەیتیری کە بەھۆی مردنی نێتیامەوە تووشی زەبر و زەنگ بوون، بڕیار دەدەن کچەکانیان ڕزگار بکەن، کە کچەکانیان دووبارە دەستبەسەر کراون لەلایەن کواریچەوە. جەیک ڕووبەڕووی کواریچ دەبێتەوە کە کیری بە بارمتە دەگرێت، بەڵام کاتێک نێیتیری ھەمان شت لەگەڵ سپایدەر دەکات و بە بارمتە دەیگرێت، ئەوا کواریچ واز لە کیری لێدەھێنێت. جەیک و کواریچ شەڕ لەگەڵ یەکتر دەکەن، پاشان جەیک کواریچ دەخنکێنێت و دەیکاتە ژێر ئاوەکەوە، ھەر زوو یارمەتی نەیتری ھاوسەری دەدات لەکاتێکا خەریکە دەخنکێت لەژێر ئاودا لەلایەکی ترەوە. سپایدەر دەچێتە ژێر ئاوەکەوە و دەیەوێت باوکی کە کواریچە ڕزگار بکات. دوای پرسەی نێتیام، جەیک تۆنۆواری لەوە ئاگادار دەکاتەوە کە دەیەوێت ئەم شوێنە جێبھێڵێت؛ بەڵام تۆنۆواری بە ڕێزەوە خێزانەکەی وەک بەشێک لە خێڵەکە دەناسێنێت و پێشوازییان لێدەکات بۆ مانەوە. خێزانی جەیک ژیانی نوێی خۆیان لە دەریادا قبوڵ دەکەن بەڵام سوێند دەخۆن بەردەوام بن لە خەباتیان دژی ئاڕ دی ئەی.

ڕۆڵەکان

لەچەپەوە بۆ ڕاست: سام وۆرسینگتن، زۆی سالدانا، جەیمز کامێرۆن، سیگۆرنی ویڤەر، ستیڤن لانگ

• سام وۆرسینگتن وەک جەیک سولی، مرۆڤێکی ڕابردوو کە دوای ئەوەی پەیوەندی بە بەرنامەی ئەڤەتارییەوە کرد، عاشقی نیتیری بوو، هەروەها بووە هاوڕێی ناڤیەکان و لە کۆتاییدا لایەنگری ئەوان بوو لە ململانێی مرۆڤەکاندا و بەرەو سەرکەوتنیان برد. جەستەی مرۆڤی خۆی بەجێهێشت تا بۆ هەمیشە ببێتە ئەندامی ئەوێ.

• زۆی سالدانا وەک نیتیری، کچی سەرۆکی پێشووی هۆزەکە، ڕێبەندی داهاتووی هۆزەکە و هاوسەری جەیک.

• سیگۆرنی ویڤەر وەک کاری، کچە هەرزەکارەکەی بەخێوکراوی نیتیری و جەیک. لە سەرەتادا لە یەکەم فیلمدا وەک دکتۆر گرەیس ئۆگستین دەرکەوتووە. هەرچەندە هەردووکیان، ویڤەر و کامیرۆن پشتڕاستیان کردەوە کە لە ئەڵقەکانی داهاتوودا دەگەڕێتەوە، بەڵام لە ساڵی ٢٠١٤ ڕایگەیاند کە ڕۆڵی کارەکتەری ناگێڕێت. بەڵام وەک زۆرێک لە ئەکتەرەکان گەڕایەوە نێو فیلمەکە. هەروەها ویڤەر ڕۆڵی خۆی وەک دکتۆر گرەیس ئۆگستین دووبارە دەکاتەوە، کە زانایەکی مرۆییە و لایەنگرێکی باشە و لە کاتی ململانێدا دەمرێت. بەڵام ئاشکرا دەبێت کە جەستەی ئەڤەتارییەکەی سەرەڕای مردنی، وای کردووە کاری لەدایک بێت.

• ستیڤن لانگ وەک کۆلۆنێل مایڵز کواریتچ، پیاوێک کە سەرکردایەتی هێزە ئەمنییەکانی RDA، ڕێکخراوی مرۆیی کۆلۆنی پاندۆرای کردووە، لە ململانێیەکدا لەگەڵ ئەڤەتارەکان. دوای ئەوەی لە فیلمی یەکەمدا لەلایەن نیتیریەوە کوژرا، وەکو پێکەوەلکاوێک زیندوو دەبێتەوە، و دەبێتە "ئەڤەتارێکی چەسپاو، کە بە یادەوەرییەکانی مرۆڤ" وەسف دەکرێت، و بەدوای تۆڵەسەندنەوەدا دەگەڕێت. کامیرۆن لە ساڵی ٢٠١٠ ڕایگەیاند کە لانگ لە سێ بەدواداچوونی یەکەمدا دەگەڕێتەوە و وتیشی: "نامەوێت بە تەواوی بڵێم چۆن دەیهێنینەوە، بەڵام لە کۆتاییدا، ئەوە زانستی خەیاڵییە". هەروەها لانگ لە شوێنە چاوەڕواننەکراوەکان دەبینینەوە.

• کەیت وینسلێت لە ڕۆڵی ڕۆناڵ، وەک غەواسێکی ئازاد، کە هاوسەری تەنوارییە کە دووگیانە. وینسلێت ڕۆناڵی بە "کارەکتەری ناوەندی لە چیرۆکە بەردەوامەکەدا" ناوبردووە، بەڵام هەروەها بە "کارەکتەری ناوەندی کورت" ناوی بردووە "بە بەراورد بە وێنەگرتنی درێژ" چونکە هەموو دیمەنەکانی تەنها مانگێکی خایاندووە بۆ وێنەگرتن. ئەمە یەکەمجارە کاردەکات لەگەڵ گرتنی ئەدای کارکردن و گرتنی جوڵە بەگشتی.  وەک زۆرێک لە ئەکتەرەکان ناچار بوو فێری غەواسکردنی ئازاد بێت بۆ فیلمەکە.  زیاتر لە حەوت خولەک هەناسەی خۆی ڕاگرت لەکاتی وێنەگرتنی دیمەنێکی ژێر ئاودا، ئەمەش ژمارەیەکی پێوانەیی نوێیە بۆ هەر دیمەنێکی فیلم کە لە ژێر ئاودا تۆمارکرابێت.

• کلیف کورتس وەک تەنواری، سەرۆکی هۆزی مێتکاینا و هاوسەری ڕۆناڵ.

• جۆڵ دەیڤد مۆر وەک دکتۆر نۆرم سپێلمان، ئەندامی پێشووی بەرنامەی ئەڤەتاریی، کە لە فیلمی یەکەمدا لایەنگری ئەڤەتارەکان بوو.

• کاڕۆڵ پاوندەر لە ڕۆڵی مۆت، دایکی نیتیرییە.

• ئیدی فالکۆ وەک ژەنەڕاڵ فرانسیس ئاردمۆر، فەرماندەی بەرپرسیار لە بەرژەوەندییەکانی ARDA.

• برێندان کوێڵ ڕۆڵی کاپتن میک سکۆرسبی، سەرۆکی کەشتییەکی دەریایی کەرتی تایبەت لەسەر هەسارەی پاندۆرا.

• جامین کلیمنت وەک دکتۆر ئیان گارڤین، زانای بایۆلۆجی دەریایی.

• جەیمس فلاتێرز وەک نێتیام، کوڕی یەکەم و منداڵی گەورەی جەیک و نیتیری.

• بریتن داڵتۆن وەک لواک، کوڕی دووەمی جەیک و نیتیری.

بەبازاڕیکردن

ناوی فیلمەکە کە لە سینەماکۆنی ساڵی ٢٠٢٢ ئاشکرا بوو

دیزنی بە شێوەیەکی بەرفراوان بانگەشەی بۆ فیلمی ئەڤەتار: ڕێگای ئاو لە چەندین پلاتفۆرمی میدیاییدا کرد، لەوانە بازرگانی، بەرهەمی بەکاربەریی و پارکە گەشتیارییەکانی. لە سینەماکۆنی ساڵی ٢٠٢٢، ناونیشانی نوێی بەدواداچوونەکەی بە فەرمی ڕاگەیەندرا و یەکەم ترەیلەر لە چالاکییەکەدا نمایشکرا، لەگەڵ چوار وێنەی نوێ، کە سەرکێشییەکانی ئەڤەتارەکان لە کەناراوەکانی پاندۆرا و لە دەرەوەی کەناراوەکانی پاندۆرا نیشان دەدا. نووسەری ئەمریکی ستیڤن گۆڵد بەکرێ گیرا بۆ نووسینی چوار ڕۆمان لەسەر بنەمای چوار بەدواداچوونی فیلمی ئەڤەتار، کە بە ئەڤەتار: ڕێگەی ئاو دەستی پێکرد. دوای ئەوەی چەندین دەزگای میدیایی دەنگۆی ئەگەری ناونیشانەکانی بەدواداچوونەکانی ئەڤەتاریان بڵاوکردەوە، لەوانەش ئەڤەتار: وەک ئاو یان ئەڤەتار ٢، کامیرۆن پشتڕاستی کردەوە کە ئەو ناونیشانانەی پێشتر باسکراون "لە نێو ئەو ناونیشانانەدان کە لەبەرچاو دەگیرێن، بەڵام تا ئێستا هیچ بڕیارێکی کۆتایی نەدراوە".

بڵاوکردنەوە

یەکەم نمایشی جیهانی فیلمی ئەڤەتار: ڕێگەی ئاو لە ٦ی کانوونی دووەمی ٢٠٢٢ لە گۆڕەپانی ئۆدیۆن لێستەر لە لەندەن بەڕێوەچوو. فیلمەکە لە ١٦ی کانوونی دووەمی ٢٠٢٢ لە ئەمریکا نمایشکرا و لەلایەن فۆکسی سەدەی ٢٠ەم دابەشکرا. ئەم فیلمە یەکەم فیلمە لە زنجیرەکەدا کە لە ژێر دەستی کۆمپانیای دیزنی نمایش دەکرێت، لەوەتەی ستۆدیۆی فۆکسی سەدەی ٢٠ەم مافی فیلمی ئەڤەتاری لە ساڵی ٢٠١٩ کڕیووە. ئەم فیلمە بە فۆرماتەکانی ڕیەڵدی تری دی و دۆڵبی سینەما و ئایماکس بڵاوکرایەوە.

پێشوازی

بۆکس ئۆفیس

تا ٨ی کانوونی دووەم ٢٠٢٣، فیلمی ئەڤەتار: ڕێگەی ئاو لە ئەمریکا و کەنەدا ٥١٦ ملیۆن دۆلاری بەدەستهێناوە، لە ئاستی نێودەوڵەتیشدا ١.١٩١ ملیار دۆلاری بەدەستهێناوە، کە کۆی گشتی داهاتی جیهانی ١.٧٠٨ ملیار دۆلار بووە. فیلمەکە بە کردنەوەی ٤٤١،٧ ملیۆن دۆلار لە سەرانسەری جیهاندا، ١١ەمین و گەورەترین فیلمی سەردەمی کۆڤید-١٩یە لە دوای فیلمی پیاوی جاڵجاڵۆکە: ھیچ ڕێگەیەک نییە بۆ نیشتیمان (٦٠١ ملیۆن دۆلار) و فیلمی دکتۆر سترەینج لە فرەگەردوونی شێتیدا (٤٥٢،٤ ملیۆن دۆلار). کۆمپانیای ئایماکس بە بڕی ٤٨.٨ ملیۆن دۆلار، دووەم بەرزترین ئاستی لە کۆتایی هەفتەی جیهانیدا بۆ کردنەوەی فیلمەکە لە سینەماکانیدا تۆمارکرد. زۆرترین داهاتی ساڵی ٢٠٢٢ ھەیە، بەشێوەیەک لە ماوەی نمایشکردنیدا فیلمی "تۆپ گەن"ی تێپەڕاندووە. جگە لەوەش، چوارەم فیلمە کە لە سەردەمی کۆڤید-١٩دا ڕێژەی یەک ملیار دۆلاری تێپەڕاندووە، دوای فیلمی پیاوی جاڵجاڵۆکە: ھیچ ڕێگەیەک نییە بۆ نیشتیمان، تۆپ گەن و جیھانی جوراسیک، هەروەها شەشەمین فیلمە بە گشتی بگاتە ئەم بەربەستە. تا ١٤ی کانوونی دووەم، پێش بڵاوبوونەوەی فیلمەکە لە ئەمریکا، بۆکس ئۆفیس پرۆ پێشبینی کۆتایی هەفتەی کردنەوەی فیلمەکەی لە ئەمریکا و کەنەدا لە نێوان ١٤٥ بۆ ١٧٩ ملیۆن دۆلاردا کردبوو، کە کۆی گشتی کۆتایی ناوخۆیی ٥٧٤ بۆ ٨٠٣ ملیۆن دۆلار بوو. فیلمەکە لە ڕۆژی دەستپێکردنیدا ٥٣،٢ ملیۆن دۆلاری بەدەستهێنا، لەنێویاندا ١٧ ملیۆن دۆلار لە پێشبینییەکانی شەوی پێنجشەممەدا. فیلمەکە لە کۆتایی هەفتەی یەکەمیدا ١٣٤،١ ملیۆن دۆلاری بەدەستهێنا، کە نزیکەی دوو هێندە بوو لە سەرەتای کردنەوەی فیلمەکەدا کە ٧٧ ملیۆن دۆلار بوو، هەروەها پلەی یەکەمی بۆکس ئۆفیسیشی بەدەستهێنا. فیلمەکە لە یەکەم هەفتەی خۆیدا لە دەرەوەی ئەمریکا و کەنەدا لە ٥٢ وڵاتدا ٣٠٧،٦ ملیۆن دۆلاری بەدەستهێنا. گەورەترین بازاڕەکانی کردنەوەی فیلمەکە لە کۆتایی هەفتەدا بریتیین لە چین (٥٦،٨ ملیۆن دۆلار)، کۆریای باشوور (٢٤،٩ ملیۆن دۆلار)، فەڕەنسا (٢١،٧ ملیۆن دۆلار)، ئەڵمانیا (١٩،٤ ملیۆن دۆلار) و ھیندستان (١٩،٢ ملیۆن دۆلار). لە ٢٩ی کانوونی دووەمی ٢٠٢٢ (١٣ ڕۆژ دوای بڵاوبوونەوەی) بووە زۆرترین داهاتی ساڵی ٢٠٢٢ لە دەرەوەی ئەمریکا و کەنەدا. پێنج وڵاتی سەرەکی داهاتی کۆی گشتی بریتین لە چین (١١٥.٨ ملیۆن دۆلار)، فەرەنسا (٨١.٦ ملیۆن دۆلار)، کۆریای باشوور (٦١.٦ ملیۆن دۆلار)، ئەڵمانیا (٥٧.٧ ملیۆن دۆلار) و بەریتانیا (٤٥.١ ملیۆن دۆلار).

وەڵامی ڕەخنەگرانە

لە ماڵپەڕی پێداچوونەوەی ڕاتن تۆمەیتۆز، ٧٧٪ی ٣٩٩ پێداچوونەوەی ڕەخنەگران ئەرێنین، وە فیلمەکە تێکڕای ڕیزبەندی ٧،١/١٠ی هەیە. کۆدەنگی ماڵپەڕەکە دەڵێت: "لە ڕووی چیرۆکەوە، ڕەنگە شتێکی تاڕادەیەک ستاندارد بێت، بەڵام لە ڕووی بینراوەوە، ئەڤەتار: ڕێگەی ئاو ئەزموونێکی سەرسوڕهێنەرە". ڕۆژنامەی تۆرۆنتۆ ستار ڕایگەیاندووە کە فیلمەکە لەلایەن خەڵکی ڕەسەنی کەنەدییەوە پێشوازییەکی خراپی لێکرا چونکە وەک هەوڵێک بۆ وێناکردنی خەباتی کۆلۆنیالیزمی دانیشتووانێکی ڕەسەن سەیر دەکرا.

بەدواداچوونەکان

ئەڤەتار: ڕێگەی ئاو یەکەم فیلمە لە چوار بەدواداچوون کە پلانیان بۆ دانراوە بۆ فیلمەکانی ئەڤەتار. فیلمی ئەڤەتار ٣ لە ٢٥ی ئەیلوولی ٢٠١٧ لە نیوزلەندا دەستی بە وێنەگرتنی کراوە. تەواوی کاستی فیلمەکانی پێشوو، لەوانە وۆرسینگتۆن، سالدانیا، لانگ، ویڤەر، پۆندەر، وینسلێت، کورتیس، ڕیبیسی، مۆر، ڕاو، جیراڵد، داڵتۆن، بلیس، چامپیۆن، باس و گۆڵجۆ، لە هەموو بەدواداچوونەکاندا دەردەکەون، لەکاتێکدا ئۆنا چاپلین، میشێل یوو و دەیڤید تیولیس ڕۆڵی کارەکتەری نوێ دەگێڕن لە فیلمەکەدا. لە مانگی یەکی ساڵی ٢٠١٩ لە بەرامبەر کڕینی کۆمپانیای واڵت دیزنی بۆ فۆکسی سەدەی ٢٠ەم، بۆب ئایگەر بەڕێوەبەری جێبەجێکاری کۆمپانیای دیزنی پشتڕاستی کردەوە کە هەردوو فیلمی ئەڤەتار ٤ و ئەڤەتار ٥ لە قۆناغی پەرەپێداندان بەڵام گڵۆپی سەوزیان بۆ دانەنراوە. بە گوتەی بەرهەمهێنەری لانداو لە شوباتی ٢٠١٩، کە وتی: ڕەنگە لێدوانەکەی ئایگەر بە هەڵە لێکدرابێتەوە، چونکە ئیگەر وتی کە ئەڤەتاری ٤ و ٥ "نەک تەنها گڵۆپی سەوزیان بۆ دانراوە"، بەڵکو سێیەکی ئەڤەتاری ٤ پێشتر وێنەیگیراوە.

بەستەرە دەرەکییەکان

• وێبگەی فەرمی
• ئەڤەتار: ڕێگەی ئاو لە بنکەدراوەی ئینتەرنێتیی فیلمەکان