ئیبراھیم گوڵستان

سەید ئیبراھیم تەقەویی شیرازی ناسراو بە ئیبراھیم گوڵستان (لەدایکبووی ١٩ی تشرینی یەکەمی ١٩٢٢، شیراز - ٢٢ی ئابی ٢٠٢٣ لە ساسێکسی ڕۆژئاوا) نووسەر و دەرھێنەرێکی ئێرانی بوو. ئەو لە ساڵی ١٩٦١دا بۆ فیلمی ئاگرێک میدالیای برۆنزی فێستیڤاڵی فیلمی ڤێنیزی وەرگرت کە لەو سەردەمە یەکەمین خەڵاتی ناونەتەوەیی بۆ کە بە دەرھێنەرێکی ئێرانی دەدرا. گوڵستان وەکوو یەکێک لە پێشڕەوانی شەپۆلی نوێی سینەمای ئێران بە ئەژمار دێت. ھەروەھا سەبارەت بە چیرۆکەکانی گوڵستان وتراوە کە شێوازی نووسینی ئەو لەنێوی چیرۆکەکانیدا لە پێشکەوتنی چیرۆکی ھاوچەرخی فارسی باندۆرێکی گرینگ و بەرچاوی ھەبووە. ئیبراھیم گوڵستان لەنێوان ساڵانی ١٣٢٠ ھەتا ١٣٢٦دا ئەندامی حیزبی توودەی ئێران بووە.

ئیبراھیم گوڵستان
گوڵستان لە ١٩٦٨
لەدایکبوون	١٩ی تشرینی یەکەمی ١٩٢٢ شیراز
مەرگ	٢٢ی ئابی ٢٠٢٣ ساسێکسی ڕۆژئاوا
نیشتەجێی	ساسێکسی ڕۆژئاوا، ئینگلتەرا
نەتەوە	فارس
پیشە	دەرھێنەر، نووسەر، مۆنتێر، بەرھەمھێنەر، وێنەگری سینەمایی، وێنەگر، ڕۆژنامەنووس
چالاکبوون	١٩٤٤-٢٠٢٣
حیزبی سیاسی	حیزبی توودەی ئێران (١٣٢٠-١٣٢٦)
ھاوسەر	فەخری گوڵستان (١٣٢١-١٣٩١)
مناڵ(ەکان)	لەیلی گوڵستان، کاوە گوڵستان
خزمەکان	شاھرۆخ گوڵستان (برا) مانی حەقیقی (نەوە) مێھرەک (نەوە) نێعمەت حەقیقی (زاوا) ھەنگامە گوڵستان (بووک)

گوڵستان ھەروەھا بە ھۆی پێوەندییەکەی لەگەڵ فرووغ فەڕوخزاد شاعیری بەناوبانگئ ئێرانی ناسراوە.

کۆچی دوایی

ئیبراھیم گوڵستان لە ڕۆژی ٢٢ی ئابی ٢٠٢٣ لە ماڵی خۆی لە ساسێکسی ڕۆژئاوا لە باشووری ئینگلتەرا کۆچی دوایی کرد.

کارەکان

کتێبەکان

چیرۆکەکان

• ئازەر، مانگە دواییەکەی پایز، ١٩٤٨.
• ڕاوکردنی سێبەر، ١٩٥٥.
• جویگە و دیوار و تینۆ، ١٩٦٧.
• خێزاو و مژ، ١٩٦٩.
• ڕازەکانی گەنجێنەکەی دۆڵی جننی، ١٩٧٤.
• کەڵەشێر، ١٩٩٥.
• قسەکان، ١٩٩٨.
• حیکایەتەک لە ڕۆژگاری ڕابردوو، ٢٠٠٤.
• لە تێپەربوونی ڕۆژگاردا، ٢٠١٦.
• نامەیەک بۆ سیمین، ٢٠١٦.
• لێکەوتنەکان لە سەردەمی لێکەوتندا، ٢٠٢١.
• موختار لە ڕۆژگاردا، ٢٠٢٢.

وەرگێرانەکان

• مارکس و کورتەیەک سەبارەت بە مارکسیزم، ڤلادیمیر لێنین، بەشکۆی چاپی شوعلەوەر.
• تایبەتمەندیی ناونەتەوەیی شۆڕشی ئۆکتۆبەر، جۆزێف ستالین، تاران: نامەی مەردۆم، ١٩٤٦.
• ژیانە خۆشە کورتەکەی فرەنسیس مەکۆمبیر، ئێرنست ھێمینگوەی، تاران: ئەمیرکەبیر، ١٩٤٩.
• ھاکەلبریفین، مارک توین، تاران: ڕەوزەن، ١٩٥٤.
• کەشتی شکاوەکان: پێنج چیرۆک لە پێنج نووسەر، ئەستیفن کرەین، ویلیام فاکنێر، ئەستیفن ڤینسەنت بنێ، ئانتۆن چێخۆڤ و ئێرنست ھێمینگوەی، تاران: کانوونی دونیا و ھونەر، ١٩٥٥.
• مەرگ، مەکسوێل بۆدەنھایم، تاران: جونگی ھونەرو ئەدەب، ١٩٥٦.
• لە نامەکانی لۆبێر، گۆستاڤ فلۆبێر، تاران: سەدەف، ١٩٥٨.
• ئەو باڵندەکانە کە دەزانم، خوان ڕامۆن خیمەنێس، تاران: ڕەوزەن، ١٩٦٨.
• مردن لە دوورەوە، خۆرگە گوویلەن، تاران: ڕەوزەن، ١٩٦٨.
• دۆن ژوان لە جەھەنەمدا، جۆرج بێرنارد شۆ، تاران: ئاگاھ، ١٩٧٥.

ھاڤپەیڤینەکان

• نووسین بە کامێراوە، ٢٠٠٥.
• سەبارەت بە ڕۆژگاری ڕابردوو، ٢٠١٦.

فیلمەکان

دەرھێنەر

• لە دڵۆپێک ھەتا زەریا، ١٩٥٧.
• دیمەنەکان، ١٩٥٧-١٩٦٢.
• کەلاوەستان (ئێمە مرۆڤین)، ١٩٦١.
• زەریا (نێوەتەواو)، ١٩٦٢.
• خوازبێنی، ١٩٦٢.
• گردەکانی مارلیک، ١٩٦٣.
• خەرمان و تۆم، ١٩٦٥.
• گەنجێنەکانی گەوھەر، ١٩٦٥.
• کەرپۆچ و ئاوێنە، ١٩٦٥.
• ڕازەکانی گەنجێنەکەی دۆڵی جننی، ١٩٧٣.

سیناریۆنووس

• ماڵی خوا، دەرھێنەر ئەبوولقاسم ڕەزایی، ١٩٦٦.

بەرھەمھێنەر

• ماڵەکە ڕەشە، دەرھێنەر فرووغ فەڕوخزاد، ١٩٦٣.