مێژوویەکی فەلسەفەی ڕۆژاوا

مێژوویەکی فەلسەفەی ڕۆژاوا کتێبێکی ١٩٤٥ی فەیلەسوف و بیرکاریزان بێرتراند ڕەسڵە. بریتیە لە چاوپیاخشاندنێک لە فەلسەفەی ڕۆژاوایی لە پێش سوقراتەوە بۆ سەدەی بیستەم. ڕەخنەی لێدەگیرێ بەوەی کەوا ڕەسڵ یەکجار گشتاندن ئەکات تیایدا، وە هەندێ شتی پەڕاندوە بە تایبەتی چاخی دوای دیکارتەوە، لەگەڵ ئەوەشدا پڕناوبانگ ماوەتەوە و سەرکەوتنێکی ئابووری گەورەبوو و بەردەوام لە چاپدا ماوەتەوە لە یەکەم بڵاو بوونەوەیەوە. کاتێک بێرتراند ڕەسڵ خەڵاتی نۆبڵی وێژەی وەرگرت لە ١٩٥٠ ناوی کتێبەکە هاتوە وەک یەکێ لەو کتێبانەی وایکردوە خەڵاتەکەی بدرێتێ. کتێبەکە سەرچاوەی ئابووری دوابەشی ژیانی ڕەسڵ بوو.

مێژوویەکی فەلسەفەی ڕۆژاوا

پەڕگە:History of Western Philosophy.jpeg بەرگی چاپی یەکەم
نووسەر	بێرتراند ڕەسڵ
زمان	ئینگلیزی
بابەت	فەلسەفەی ڕۆژاوا
بڵاوکەرەوە	سایمن و سوشتەر (US) جۆرج ئالەن و ئەنوین لیمیتید (شانشینی یەکگرتوو)
ڕێکەوتی بڵاوبوونەوە	١٩٤٥ (ئەمریکا) ١٩٤٦ (بەریتانیا)
جۆری کتێب	چاپ
ژپنک (ISBN)	0-415-32505-6

کورتە

کتبێکە دابەشکراوە بۆ سێ بەش، هەر یەک لە بەشەکان دابەشکراون بۆ چەن بەشێک، هەر بەشێکیش لەمانە باسی تەنها یەک فەیلەسوف، قوتابخانەیەکی فەلسەفی یان سەردەمێکی تایبەت دەکات.

فەلسەفەی کۆن

• پێش سوقرات لەناویاندا تالیس، فیساغۆرس، هێراکلیتوس، پارمێنیدس، ئێمپیدۆکلس، ئاناکسیماندرۆس، ئاناکسیمینیس، ئاناکساگۆراس، لوسیپاس، دیمۆکریتس و پرۆتاگۆراس.
• سوقرات، ئەفلاتون و ئەرستۆ
• فەلسەفەی کۆنی پاش یۆنانیەکان لەناویاندا قوتابخانەی گومانکاران (بە عەرەبی کلبیە)، گومانگەراکان، ئێپیکوریسم، ڕەواقیەکان، و پلۆتینەس.

فەلسەفەی کاتۆلیکی

• باوکەکان لەناویاندا فەلسەفەی جووەکان، فەلسەفەی ئیسلامی (کە ئەو بە موحەممەدیەکان ناویان ئەبات کە ئەوکاتە وا باو بوە)، قەدیس ئەمبرۆز، قەدیس جیرۆم، قەدیس ئۆگستین، قەدیس بەنەدیکت و پاپا گریگۆری گەورە.
• پیاوانی قوتابخانە تیایاندا جۆن سکۆت و قەدیس تۆماس ئەکویناس

فەلسەفەی مۆدێرن

• لە هەڵایسانەوە و بۆ هیوم، تیایاندا مەکیاڤێلی، ئیراسمۆس، تۆماس مۆر، بەیکن، هۆبز، دێکارت، سپینۆزا، لایبنیز، لۆک، بەرکەلەی و هیوم.
• لە ڕۆسۆوە بۆ ئەمڕۆ تیایاندا ڕۆسۆ، کانت، هیگڵ، بایرۆن، شۆپنهاوەر، نیچە، مارکس، بێرگسن، ویلیام جەیمز و جۆن دێوی
• دوا بەشی ئەم بەشەش، فەلسەسەفی شیکاریی ژیربێژانە، بریتیە لە بیروبۆچونی ڕەسڵ خۆی ئەو سەردەمە