موکری

موکری، کۆمەڵە ھۆزێکی پارێزگای ئازەربایجانی ڕۆژاوا لە ڕۆژھەڵاتی کوردستانە. موکری یان موکریانییەکان چەند تیرەن: ھۆزی دێبوکری، ھۆزی گەورک، ھۆزی فەیزوڵڵا بەیگی، زەرزا، مامەش، مەنگوڕ، ھۆزی پیران، ئەم کۆمەڵە ھۆزە لە شارەکانی، مەھاباد، بۆکان، سەردەشت، نەغەدە، پیرانشار و شنۆ نیشتەجێن و بە زاراوەی سۆرانی و بنشێوەزاری موکریانی قسە دەکەن، بەم کۆمەڵە ناوچە بە گشتی ناوچەی موکریان دەوترێت.

لە ناوچەکانی تر

• دوو ھۆزی تر بەو ناوە لە باکووری کوردستان، (لە وان) و لەناو ھۆز و عەشیرەتی کوردانی خۆراسانیش ھەیە.
• ھۆزێکی تورکەمەنی موکری لە باکووری ڕۆژاوای ئەفغانستانە، ئەگەری ئەوە ھەیە لە سەردەمی شا عەبباسی یەکەم ئەم ھۆزە لەگەڵ کوردەکانی خۆراسان، کۆچیان کردبێت.