مستەفا دادار
مستەفا حسێن لاسوور دادار (لەدایکبووی ١ی تشرینی دووەمی ١٩٦٠) ناسراو بە مستەفا دادار و مستۆ دادار گۆرانیبێژێکی کوردە کە زیاتر لە بواری ھونەری بەرگرییەوە کار دەکات و بە گۆرانی و سروودە نیشتمانییەکانییەوە ناسراوە. شێواز و ستایلی دادار ئۆپێراییە.[١]
مستەفا دادار | |
|---|---|
 | |
| لەدایکبوون | مستەفا حسێن لاسوور دادار ١ی تشرینی دووەمی ١٩٦٠ مەھاباد، ڕۆژھەڵاتی کوردستان |
| ناوەکانی تر | مستۆ دادار |
| پیشە | گۆرانیبێژ |
| چالاکبوون | ١٩٧٦-ئێستا |
| چەشن | ئۆپێرا |
| واژوو | |
 | |
ژیان دەستکاری
مستۆ لە بنەماڵەیەکی نیشتمانپەروەر لە گەڕەکی تەپەی قازی شاری مەھاباد لەدایک بووە، دواتر ماڵیان چووەتە باغی سیسە؛[٢] حسێن لاسووری باوکی پیاوێکی ئازا و نەترسی لە سوێندخۆرەکانی کۆمەڵەی ژیانەوەی کوردستان بووە. کاتێک باوکی شەھید دەبێت زۆر منداڵ بووە. دیبلۆمی ئابووری-کۆمەڵایەتی وەرگرتووە. بە ھەژاری و چەرمەسەری گەورە بووە و بەھۆی ئەوەی کە لەژێر چاودێری و فشاردا بووە تاوەکوو سروود و گۆرانی بۆ کۆماری ئیسلامیی ئێران بڵێت، ناچار کوردستانی جێھێشتووە. ھەرچەند ھێمن موکریانی نەیدەویست بڕوات و پێی خۆش بوو لە سروەدا، کە ئەوکات تازە دامەزرابوو، ھاوکاریی بکات.[٣]
ژیانی ھونەریی دەستکاری
دادار ھەر لە منداڵییەوە بە گۆرانی گۆش کراوە. لە قوتابخانە بۆ خۆشیی و دڵی خۆی سۆیبە باڵابەرزی وتووە؛ بەڵام دەستپێکی کارەھ ونەرییەکانی بە گۆرانی و سروودی سیاسی بووە. ساڵی ١٩٧٨ بۆ یەکەم جار لە خانەی جەوانانی مەھاباد لەگەڵ ھونەرمەندانی وەکوو جەمال موفتی گۆرانیی پێشکەش کردووە. یەکێک لە سەرەتاترین بەرھەمەکانی لەوێ، «ھەستە پێش کەوە ئەی لاوی کوردی» بووە. بەرھەم و گۆرانییەکانی مستۆ بە زمانەکانی کوردی، فارسی، ئازەری، ئەرمەنی و ئیتالییە کە بەھۆی بارودۆخی ڕامیاریی کورد و پشت نەگرتن، کۆ نەکراونەتەوە و پەرتەوازەن.[٤]
کاریگەرییەکان دەستکاری
ئەو ھونەرمەندانەی زۆرترین کاریگەرییان لەسەر مستەفا دادار ھەبووە بریتین لە: ڕەفیق چالاک، قادر دیلان، ھۆمەر دزەیی، سێوە، عەلی مەردان، تاھیر تۆفیق، محەممەد ماملێ، شەماڵ سائیب. دوابەدوای ئەوانیش لە سەردەمی کارکردن و کرێکاریدا حەسەن زیرەک.[٥]
بەرھەمەکان دەستکاری
ژن دەستکاری
لە ساڵی ٢٠٠٥دا، دادار ھەوڵی بەزانستکردنی مۆسیقای دا، کە ئاکامەکەی بوو بە سی دییەکی چوار تراکی بە ناوی ژن، و لە ٢٠١٠دا بڵاوکرایەوە.[٦][٧] ھەمان ئەلبوم لە ٢٣ی ئەیلوولی ٢٠٢٣ بڵاوکرایەوە لەگەڵ کۆنسێرتێکیدا، و لە ٢٥ی ھەمان مانگیشدا لەگەڵ بەڵگەفیلمی ڕووبارە خەمبارەکەدا.[٨][٩][١٠]
| ژن | |
|---|---|
| Studio album لە لایەن مستۆ دادار | |
| بڵاوبوونەوە | ٢٠١٠ |
| تۆماربوون | ٢٠٠٥ |
| شوێن | مەینز، ئەڵمانیا |
| ستودیۆ | کۆلێژی مۆسیقای پیتەر کۆرنیڵییەس |
| چەشن | فۆلکلۆر |
| ماوە | ٢٨:٣٢ |
| زمان | کوردی |
| ژن | |
|---|---|
| Studio album لە لایەن مستەفا دادار | |
| بڵاوبوونەوە | ٢٣ی ئەیلوولی ٢٠٢٣ |
| تۆماربوون | ٢٠٠٥ |
| شوێن | مەینز، ئەڵمانیا |
| ستودیۆ | کۆلێژی مۆسیقای پیتەر کۆرنیڵییەس |
| چەشن | فۆلکلۆر |
| ماوە | ٢٨:٣٢ |
| زمان | کوردی |
پێڕستی تراکەکان دەستکاری
| ژمارە | ناو | ھۆنراوەکان | ئاوازدانەر | ماوە |
|---|---|---|---|---|
| ١. | «ڕووبارە خەمبارەکە» | دڵشاد بەرزنجی | شێرکۆ حەمەساڵح | ٩:٠٦ |
| ٢. | «شینی ھێمن» | ھێدی | مستەفا دادار و شێرکۆ حەمەساڵح | ٨:٠٢ |
| ٣. | «ژن» | عەبدوڵڵا گۆران | ئاکۆ عەزیز عینایەت | ٥:٤٠ |
| ٤. | «کوردستان» | ھەژار | ئیقبال حەجیبی | ٥:٤٤ |
| ماوەی گشتی: | ٢٨:٣٢ | |||
بەرھەمەکانی تر دەستکاری
بەشێک لە بەرھەمەکان:
- ئامینێ (ھەی ڕۆڵە)
- ئەی دایە گیان
- ئەی ڕووبارە خەمبارەکە
- ئەی کوردینە
- بانە وێرانە
- بریا دەرزی بام (خۆزگە نەمدیبای)
- بەرھەڵبێنە
- پەپوولە
- پەری
- تەیرەکەی گەرمێنێ
- جانێ جانێ
- چاوان مەڕێژە
- چاوت ئاوری بن کایە
- خۆم بە غوڵامی
- سوارۆ
- سیلەی قەبران
- شاخی ڕەنگاوڕەنگی کوردان
- فاتمۆکێ
- کاڤۆکێ
- کچە جیران
- کەرکووک
- کوردستان جێگامی
- کوردستان نیشتمانی جوان
- کوردستان[١١][١٢]
- کۆڵانێ ئاوپڕژێن دەکەم
- کۆمەڵە شاخێک
- کیژووڵەی نازدار
- گەلۆ
- گەوھەرێ
- گوڵا من گوڵا زەرە
- گوڵی خوێناوی
- لادە لادە (یارە ژیکەڵانەکەم)
- لەو دەمەیدا
- لۆرکێ
- مناڵەکان
- نازێ
- نەورۆز
- ھەی وایە
سەرچاوەکان دەستکاری
- ^ کوردیپێدیا, Kurdipedia-. "مستەفا دادار". Kurdipedia.org.
{{cite web}}: CS1 maint: url-status (link) - ^ بەرنامەی ساز و ئاواز، ڕۆژھەڵات تیڤی
- ^ دیدارێکی تایبەت لەگەڵ ھونەرمەند مستۆ دادار، زانیار عومڕانی
- ^ بەرنامەی ڕێژوان، ھونەرمەند مستەفا دادار، کوردکەناڵ
- ^ "مستەفا دادار، ئەو ھونەرمەندەی خاوەنی دەنگێکی ئەفسووناوییە". knwe.org. Retrieved 2023-09-27.
- ^ بەرنامەی ھەوارگەی ھونەر، مستەفا دادار، ١٥ی حوزەیرانی ٢٠١٧
- ^ Musto Dadar - Jin / Woman (بە ئینگلیزی), 2010, retrieved 2023-09-27
- ^ فایەق, پەسار (25-09-2023). "ئەمڕۆ بەڵگەفیلمێکی ڕووداو لەبارەی مستەفا دادار لە سلێمانی پێشاندەدرێت". rudaw.net.
{{cite web}}: Check date values in:|date=(help)CS1 maint: url-status (link) - ^ "لە سلێمانی کۆنسێرتێک بۆ ھونەرمەند "مستۆ دادار" بەڕێوەچوو". کوردی - RojNews.News. 2023-09-23. Retrieved 2023-09-27.
- ^ Mustafa Dadar - Jin (بە ئینگلیزی), 2023-09-23, retrieved 2023-09-27
- ^ مسرود حماسی مصطفی دادار کردستان (ھەر بژی بە شادی…) - فیلم (فارسی). film.akaup.
- ^ سرود حماسی مصطفی دادار کردستان (ھەر بژی بە شادی…) (فارسی). rahekhob.
بەستەرە دەرەکییەکان دەستکاری
دیسکۆگرافیی مستەفا دادار لە دیسکۆگز
