خولی پاڵەوانەکانی ئەفریقا

خوولی یانە پاڵەوانەکانی ئەفریقا (چامپیۆنزلیگی ئەفریقا)، بە هۆکاری ڕیکلام و سپۆنسەر پێی دەوترێت خولی یانە پاڵەوانەکانی کاف تۆتاڵ ئینێرجی (Total Energies) و پێشتر پێی دەوترا جامی ئەفریقای یانە پاڵەوانەکان، پاڵەوانێتیەکی ساڵانەی تۆپی پێی یانەکانە کە ڕێکدەخرێت لەلایەن کۆنفیدراسیۆنی تۆپی پێی ئەفریقا و پێک دێت لە یانە ئاست بەرزەکانی خوولەکانی کیشوەری ئەفریقا، براوەی پاڵەوانێتیەکە دەستنیشان دەکرێت لەڕێگەی قۆناغی کۆمەڵەکان و دواتر بۆ قۆناغی دەرکردنی دوو یاری، و دواتر یەک یاری کۆتایی. یەکێکە لە بەنرخترین پاڵەوانێتیەکانی تۆپی پێ لە جیهاندا و بەنرخترین پاڵەوانێتی یانەکانە لە تۆپی پێی ئەفریقا ، یانەی ئەلئەهلی میسڕی لە ئێستادا پاڵەوانه دوای ئەوەی توانی بۆ جاری ١٢ـەم لە مێژوویدا بیباتەوە

خولی یانە پاڵەوانەکانی ئەفریقا(چامپیۆنزلیگی ئەفریقا)

دامەزراندن	١٩٦٤ (گۆڕانکاری لە ١٩٩٧)
شیاو بۆ	جامی سوپەری ئەفریقی جامی جیهانی یانەکانی فیفا
کۆتا پاڵەوان	ئەلئەهلی (١٢یەمین نازناو)
سەرکەوتووترین یانە	ئەلئەهلی میسڕی (١٢ نازناو)
ماڵپەڕی فەرمی	وێبگەی فەرمی

براوەی پاڵەوانێتیەکە ڕاستەوخۆ وەك پاڵەوانی چامپیۆنزلیگی ئەفریقا سەردەکەوێت بۆ جامی جیهانی یانەکانی فیفا، پاڵەوانێتیەک کە پێکدێت لە یانە پاڵەوانەکانی هەر شەش کۆنفیدراسیۆنی کیشوەرەکان و هەروەها ڕوبەڕوی براوەی جامی کۆنفیدراسیۆنی کاف دەبێتەوە لە وەرزی دواتری جامی سوپەری کاف. یانەکانی کە دووەم ئەبن لە خولەکانی ناوخۆیان، و سەرناکەون بۆ خولی یانە پاڵەوانەکان، دەتوانن لە ئاستی دووەمی پاڵەوانێتیەکەدا بن کە بریتیە لە جامی کۆنفیراسیۆنی ئەفریقی

یانەکانی میسڕ زۆرترین ژمارەی بردنەوەیان هەیە بە (١٧ نازناو)، بەدوایدا مەغریب دێت بە ٧ نازناو. مەغریب، میسڕ، تونس و جەزائیر زۆرترین ژمارەی براوەیان هەیە، کە هەر یەکەیان سێ یانە نازناوەکەی بردۆتەوە. پاڵەوانێتیەکە لەلایەن ٢٦ یانەوە براوەتەوە، ١٢ یان زیاتر لە جارێک بردویانەتەوە. ئەهلی سەرکەوتووترین یانەی مێژووی پاڵەوانێتیەکەیە، کە پاڵەوانێتیەکەی ١٢ جار بردۆتەوە کە ڕیکۆردی زۆرترینە ، یانەکانی میسڕ زۆرترین بردنەوەیان بەدەست هێناوە کە ١٦ نازناوە

مێژووی چامپیۆنزلیگی ئەفریقا

١٩٦٤ – ١٩٩٧ : سەرەتای بەناوبانگ بوون و گەشەی پاڵەوانێتیەکە

لە ساڵی ١٩٦٤ دروستکرا وەک جامی ئەفریقا بۆ یانە پاڵەوانەکان، یەکەم یانە کە نازناوەکە بباتەوە بریتی بوو لە یانەی ئۆریکس دوالای کامیرۆنی کە لە ستەید مالیێنی وڵاتی مالی بردەوە ٢-١ لە یاری کۆتاییدا.

هیچ پاڵەوانێتیەک ئەنجام نەدرا لە ساڵی دواتردا، بەڵام دوای دوو ساڵ دەستی پێکردەوە و لە ١٩٦٦، کاتێک یاری کۆتایی دوو یاری 'یاریگای خۆت و دەرەوە' دروستکرا، کە لە یاری کۆتاییدا یانەیەکی تری مالی کە بریتی بوو لە ڕیاڵ باماکۆ ڕوبەڕوی ستەید دابدانی کۆتدیڤوار بووەوە. باماکۆ یاری یەکەمی لە یاریگای خۆیدا بردەوە ٣-١ بەڵام هەموو شتێکیان لێ تێکدرا لە یاری دووەمدا لە ئابیدان و یانەکەی کۆتدیڤوار یاری دووەمی بردەوە ٤-١ و ئەنجامی کۆتایی بوو بە ٥-٤ و نازناوەکەی بردەوە.

لە ١٩٦٧ کاتێک ئاسانتێ کۆتۆکۆی غانا ڕوبەڕوی مازێمبێ بووەوە کە یانەیەکی کۆماری دیموکراتی کۆنگۆ بوو (کورتکراوەی ئینگلیزی : DRC)، هەردوو یاریەکە بە بەرامبەر بوون کۆتایی هات (١-١ و ٢-٢). کۆنفیدراسیۆنی کاف یاریەکی یەکلاکەرەوەی ڕێکخست بەڵام کۆتۆکۆ نەیتوانی بەشداری بکات و نازناوەکە بەخشرا بە مازێمبێ، کە دووبارە نازناوەکەی بردەوە لە ساڵی دواتردا.

″ وێنەی یاریزان سەلیف کیتا ، براوەی چامپیۆنزلیگی ئەفریقا لەگەڵ ستەید مالێن و ڕیاڵ باماکۆ (١٩٦٥ و ١٩٦٦)″

لەگەڵ ئەوەشدا، یانەکەی غانا توانی تۆڵەی خۆی بکاتەوە لە ١٠٧٠، کاتێک کۆتۆکۆ و مازێمبێ بۆ جارێکی تر ڕوبەڕوی یەک بونەوە لە یاری کۆتایی. بۆ جارێکی تر، یاری یەکەم ١-١ تەواو بوو، بەڵام دوور لە چاوەڕوانیەکان غاناییەکان ٢-١ بردیانەوە لە یاری دووەمدا بۆ ئەوەی نازناوەکە بەرز بکەنەوە کە سێ ساڵ پێشتر لێی بێبەش بوون.

ساڵانی ١٩٧٠کان گەشەیەکی ناوازەی بینی لە سودی تۆپی پێی یانەکانی کامیرۆنی، کە سەرکەوتنی زۆر تۆمار کرا لەلایەن تۆپی پێی کامیرۆنی لە ئاستی نێودەوڵەتی تا ئێستا.

لە نێوان ١٩٧١ بۆ ١٩٨٠ تیمەکانی کامیرۆنی چوار جار جامەکەیان بردەوە، کە یانەی کانۆن یاوندی سێ جار نازناوەکەی بردەوە (١٩٧١، ١٩٧٨ و ١٩٨٠) و یو ئێس دوالا یەک جار جامەکەی بەرز کردەوە لە ١٩٧٩. لە نێوان بردنەوەکانی کامیرۆنیەکان تیمێکی تر کە لە ماوەی زێڕینی خۆیدا بوو نازناوی دەبردەوە ، یانەی گینی حافیا کۆناکری، کە سێ جار نازناوەکەی لەو ماوەیەدا بردەوە (١٩٧٢، ١٩٧٥ و ١٩٧٧).

١٩٩٧ – بۆ ئێستا : گۆڕینی ناو و زیادبوونی ناوبانگ

بێ جگە لە زیاد کردنی یاسای گۆڵی دەرەوە، زۆر کەم گۆڕانکاری کراوە لە پاڵەوانێتیەکە هەتا ١٩٩٧، کاتێک کۆنفیراسیۆنی کاف لە ژێر سەرپەرشتی عیسا حایاتۆ هەنگاوێکی گەورەی نا بۆ ئەوەی بە ڕێڕەوی یوفادا بڕوات کە پێش چەند ساڵێک پاڵەوانێتیەکی کۆمەڵەکان/خولی دروست کرد و ناوەکەی گۆڕی بە خولی یانە پاڵەوانەکانی کاف ( کە هەمان شێوازە لەگەڵ خولی یانە پاڵەوانەکانی یۆفا). کاف هەروەها خەڵاتی پارەی بۆ بەشداربووان دانا بۆ یەکەم جار و خەڵاتی سەرەتایی ١ ملیۆن دۆلاری ئەمریکی بۆ براوە و ٧٥٠،٠٠٠ دۆلار بۆ دووەم بوون، کە وای کرد ئەم گۆڕانکاریانە پاڵەوانێتیەکە بکات بە دەوڵەمەندترین پاڵەوانێتی یانەی ئەفریقی لەو کاتەدا.

لە شێوازە تازەکەدا، پاڵەوانی خول لە وڵاتەکانی ئەندامی کاف دەڕۆن بەناو چەند قۆناغێکی پاڵاوتن تا دەگەنە قۆناغی ١٦. ٨ براوەکە دواتر بەر یەک دەکەون لە نێوان دوو گروپدا و هەر گروپێک ٤ یانە لە خۆدەگرێت، هەر یەکێکیان ڕوبەڕوی یەکتر دەبنەوە بە دوو یاری. لە کۆتایی قۆناغی خولەکەدا، دوو یانە لە هەر گروپێکدا دوو یانە سەردەکەون بۆ قۆناغی پێش-کۆتایی، و براوەکانیان سەردەکەون بۆ یاری کۆتایی.

″وێنەی یاریزان مەحمەد ئەبوتریکە ، براوەی پێنج نازناوی یانە پاڵەوانەکانی ئەفریقا لەگەڵ ئەهلی″

لە سەرەتایی وەرزی ٢٠٠٩، خەڵاتی پارەکان زیاد کران بۆ ١.٥ ملیۆن دۆلار بۆ پاڵەوان و ١ ملیۆن دۆلار بۆ دووەم بوون. لەوکاتەوەی گۆڕانکاری لە پاڵەوانێتیەکە کرا لە ١٩٩٧، یانەکانی باکوری ئەفریقا زاڵبوون بەسەر پاڵەوانێتیەکە و ڕیکۆردەکاندا بە تەواوی. ڕەجا کاسابلانکای مەغریبی دوو پاڵەوانێتی یەکەمی بردەوە لە سێ پاڵەوانێتی، بەڵام ئەهلی بوو بە سەرکەوتوو ترین یانەی مێژووی پاڵەوانێتیەکە، کە ڕکابەریەکەی بردەوە لە ٢٠٠١، ٢٠٠٥، ٢٠٠٦، ٢٠٠٨ و ٢٠١٢. لە کاتێکدا ئەلزەمالكی میسڕی توانی ببێ بە پاڵەوان لە ٢٠٠٢. یانەکانی تونسی خۆیان بکەن بە پاڵەوانی نازناوەکە وەک ئیتۆیل دو ساهێل، کە لە ٢٠٠٧ کە بە پاڵەوان ڕاگەیەندرا لە دوای ئەوەی گەیشتبووە کۆتایی لە ٢٠٠٤ و ٢٠٠٥. ئێسپێرانس دی تونس توانی دووەم نازناوی کیشوەری بباتەوە لە ٢٠١١ لە دوای ئەوەی یاری کۆتایی دۆڕاندبوو لە ساڵەکانی ١٩٩٩، ٢٠٠٠، ٢٠١٠ و ٢٠١٢.

سەرباری زاڵبونی ڕونی یانەکانی ئەفریقای باکور، لە ٢٠٠٣ و ٢٠٠٤، یانەی نێجیری ئنیمبا دوو نازناوی پاڵەوانێتی بردەوە لە مێژووی خۆیدا. میمۆساسی کۆتدیڤواری و ئاکرا هێرتس لە غانا دوو پاڵەوانێتی تریان زیاد کرد بۆ ئەفریقای ڕەش. لە ٢٠١٠، مازێمبێ لە کۆماری کۆنگۆی دیموکرات بوو بە یەکەم یانە کە دوو جار لەسەر یەک ببێت بە پاڵەوان لە دوو کاتی جیاوازدا، کە یەکەم دوو بردنەوەی لە ١٩٦٧ و ١٩٦٨ بوو. دواتر دوبارەی کردەوە لە ٢٠٠٩ و ٢٠١٠. لە ٢٠١٧، ژمارەی کۆمەڵەکان زیاد کران لە ٢ کۆمەڵەی ٤ یانەیەی بۆ ٤ کۆمەڵەی ١٦ یانە، کە وای کرد یەک قۆناغی دەرکردن زیاد ببێت.

وەرزی ٢٠٢٠- ٢٠٢١ یاری کرا بە بێ ئامادەبوونی هاندەر بەهۆی پەتای کۆرۆنا (کۆڤید-١٩) لە ئەفریقا بە هەمان شێوازی پاڵەوانێتی و خولەکانی تۆپی پێ لە جیهاندا. لەگەڵ ئەوەشدا، ئەهلی ڕوبەڕووی ڕکابەرە ناوخۆیەکەی بووەوە کە ئەلزەمالیك بوو لە یاریەکی کۆتایی تەواو خۆماڵیانە (بۆ یەکەمجار لە مێژووی پاڵەوانێتی کاف دوو یانەی هەمان وڵات ڕکابەری دەکەن لە هەر جۆرێکی یاری کۆتایی)، ئەهلی توانی بیباتەوە بۆ جاری نۆیەم. ئەهلی بە سەرکەوتووی پارێزگاری لە نازناوەکە کرد و ڕیکۆردەکەی زیاد کرد بۆ ١٠ جار لە وەرزی دواتردا بە بردنەوە لە کایزەر شێفسی ئەفریقای باشور.

پێکهاتە و پاڵاوتن

خولی یانە پاڵەوانەکانی کاف کراوەیە بۆ هەموو براوەکانی خولە ناوخۆیەکانی پەیوەستن بە کۆنفیدراسیۆنی ئەفریقاوە، هەروەها خاوەنی نازناوەکە لە وەرزی پێشوتردا. لە وەرزی ٢٠٠٤ەوە، لەگەڵ یەکخستنی جامی کاف و جامی براوەکانی جامی کاف بۆ دروستکردنی جامی کۆنفیدراسیۆنی کاف، دووەمی خولە ناوخۆیەکانی تۆپی پێ لە ١٢ ئاست بەرزترین وڵاتەکان بەشدار دەبن لە پاڵەوانێتیەکە، کە وا دەکات پاڵەوانێتیەکە لە ٦٤ تیم پێکبێت. ١٢ وڵات ئاستەکانیان دیاری دەکرێن لەسەر بنەمای ئاستی یانەکانیان لە ٥ وەرزی پێشوتر لە پاڵەوانێتیەکە ( پێناسەی ڕونی ڕیزبەندی ٥-ساڵی کاف).

خولی یانە پاڵەوانەکانی کاف بە شێوەی سەرەکی وەک پاڵەوانێتیەکی یەکتر دورخستنەوەیە، کە لە سەرەتادا قۆناغەکانی پاڵاوتن هەیە، دواتر قۆناغی کۆمەڵەکان، دواتر قۆناغەکانی دەرکردنی دوو-یاری و ئەوکات یەک یاری کۆتایی. لە سەرەتای پاڵەوانێتیەکە، ٦٤ تیمەکەی سەرکەوتوون بەشدار دەبن لە دوو قۆناغی پاڵاوتن: قۆناغی سەرەتایی و قۆناغی یەکەم. لە دوای پاڵاوتنی قۆناغی یەکەم، تیمەکانی دەمێنن جیا دەکرێنەوە بۆ چوار گروپی ٤ تیم، کە هەر تیمێک لە یاری پێشوو دۆڕاوە دەگوازرێتەوە بۆ قۆناغی دووەمی جامی کۆنفیدراسیۆنی کاف بە هیوای ئەوەی سەر بکەوێت بۆ قۆناغی کۆمەڵەکان. براوە و دووەمی هەر گروپێک سەردەکەوێت بۆ قۆناغی یەکتر دەکردنی دوو یاری بە هیوای ئەوەی سەر بکەوێت بۆ یاری کۆتایی و هەلی ئەوەی هەبێت کە نازناوەکە بۆ وڵاتەکەی بەرز بکاتەوە.

سپۆنسەرەکانی پاڵەوانێتییەکە

لە تشرینی یەکەمی ٢٠٠٤، ئێم تی ئێن (ئینگلیزی : MTN) پەیوەندی کرد بۆ گرێبەستێکی چوار ساڵی کە سپۆنسەری پاڵەوانێتیەکانی فیدراسیۆنی ئەفریقا بێت کە نرخەکەی ١٢.٥ ملیۆن دۆلار بوو، کە لەو کاتەدا گەورەترین گرێبەستی سپۆنسەر بوو لە مێژووی وەرزشی ئەفریقادا.

لە ٢٠٠٨، کاف نرخی ١٠٠ ملیۆن یۆرۆی دانا بۆ پاکەیجی دوور مەودا و دەوڵەمەند بۆ پاڵەوانێتیەکانی کە وای کرد دەرگای کردەوە بە ڕوی سپۆنسەری نوێدا، کە دواتر کۆمپانیای بواری پەیوەندی و تەلەفوون ئۆرەینج گرێبەستێکی هەشت-ساڵی واژۆ کرد لە ساڵی دواتردا و لە مانگی تەموز، کە بەندەکانی گرێبەستەکە ئاشکرا نەکران.

لە ٢١ تەموزی ٢٠١٦، کۆمپانیای زلهێزی بواری نەوت و گازی فەڕەنسی تۆتاڵ ئێنەرجیز - Total Energies گرێبەستێکی سپۆنسەری هەشت ساڵی واژۆو کرد لەگەڵ کاف بۆ ئەوەی پشتگیری لە پاڵەوانێتیەکانی بکات، لەناویاندا پاڵەوانێتیە سەرەکیەکان وەك جامی نەتەوەکانی ئەفریقا.لە ٢٠٢١، تۆتاڵ ناوی گۆڕا بۆ تۆتاڵ ئینێرجیس ، هەرچەندە وەک سپۆنسەری نازناوی پاڵەوانێتیەکان مایەوە

سپۆنسەرەکانی خولی یانە پاڵەوانەکانی ئەفریقا

سپۆنسەرەکانی ئێستا

سپۆنسەری نازناوەکە	سپۆنسەرە فەرمیەکان	دروستکەری تۆپ
تۆتاڵ ئینێرجیس	ئۆرەینج کیو نێت ١ ئێکس بێت تیکتۆک	ئۆمبرۆ

خەڵاتەکانی پاڵەوانێتییەکە

نازناو و مەدالیاکان

هەر ساڵێک، تیمی براوە جامی یانە پاڵەوانەکانی ئەفریقای پێشکەش دەکرێت، وەشانی ئێستا کە بووە بەو نازناوە لەو کاتەی پاڵەوانێتیەکە ناوی گۆڕی لە ١٩٩٧. چل مەدالیای زێڕ پێشکەشی براوەی پاڵەوانێتیەکە و ٤٠ مەدالیای زیو پێشکەشی دووەم کراون بۆ هەر وەرزێك.

١٩٩٧-٢٠٠٨

لە ١٩٩٧، کاف خەڵاتی خەڵاتی ماددی دانا بۆ هەشت بەشدار بوو لە قۆناغی کۆمەڵەکان بۆ یەکەم جار لە مێژووی پاڵەوانێتی یانەکانی تۆپی پێی ئەفریقا. ئەمەش هەتا ٢٠٠٨ی خایاند.

ڕیزبەندی کۆتایی	خەڵات
پاڵەوان	US$1,000,000
دووەم	US$750,000
پێش کۆتایی	US$427,500
سێیەم لە قۆناغی کۆمەڵەکان	US$261,250
چوارەم لە قۆناغی کۆمەڵەکان	US$190,000

٢٠٠٩ - ٢٠١٦

لە نێوان ٢٠٠٩ بۆ ٢٠١٦، کاف خەڵاتەکەی زیاد کرد کە دەبەخشرێت بە ٨ یانەی سەرەوە بەم شێوەیە:

ڕیزبەندی کۆتایی	خەڵات
پاڵەوان	US$1,500,000
دووەم	US$1,000,000
پێش کۆتایی	US$700,000
سێیەم لە قۆناغی کۆمەڵەکان	US$500,000
چوارەم لە قۆناغی کۆمەڵەکان	US$400,000

٢٠١٧ - ٢٠٢١

لە نێوان ٢٠١٧ بۆ ٢٠٢١، کاف خەڵاتەکانی زیاد کرد کە دەبەخشرا بە ١٦ یانەی سەرەوە بەم شێوەیە:

ڕیزبەندی کۆتایی	خەڵات
پاڵەوان	US$2,500,000
دووەم	US$1,250,000
پێش کۆتایی	US$875,000
چارەکی کۆتایی	US$650,000
سێیەم لە کۆمەڵەکان	US$550,000
چوارەم لە کۆمەڵەکان	US$550,000

مافی پەخشی یاریەکانی پاڵەوانێتی

ئەمەی خوارەوە خاوەنی پەخشە ڕاستەوخۆکانی یاریەکانن لە ئێستادا:

وڵات / هەرێم	کەناڵ
لێژنەی نەتەوەکانی ئاسیای باشووری ڕۆژھەڵات	beIN Sports
بێنین	ORTB
ئەورووپا	Sportfive
فەڕەنسا	beIN Sports
بورکینافاسۆ	RTB
ئەمریکای لاتین	ESPN
گانا	GTV Sports+ Star Times
مینا	beIN Sports
ئەفریقای باشوور	Super Sport SABC Sports
باڵکانسی باشور	Sport Klub
ویلایەتە یەکگرتووەکان	beIN Sports
Sub-Saharan Africa	Canal+ Super Sport Star Times
ئەفریقای ڕۆژهەڵات	TVZ ZBC

ڕیکۆرد و ئامارەکانی پاڵەوانێتییەکە

ئاستەکان بە پێی نەتەوەکان

ئاستەکان بە پێی وڵاتەکان لە کۆتاییدا

نەتەوە	نازناو	دووەم	کۆی گشتی
میسر	17	10	27
مەغریب	7	3	10
توونس	6	8	14
کۆنگۆ	6	6	12
جەزائیر	5	2	7
کامیروون	5	1	6
گانا	3	8	11
گینێ	3	2	5
نێجیریا	2	5	7
ئەفریقای باشوور	2	3	5
کۆتدیڤوار	2	2	4
Congo	1	0	1
مالی	0	2	2
ئووگاندا	0	2	2
سوودان	0	2	2
تۆگۆ	0	1	1
زامبیا	0	1	1
زیمبابوی	0	1	1

ئاستەکان بەپێی ناوچەکان

فیدراسیۆن (ناوچە)	یانەکان	نازناوەکان
UNAF (ئەفریقای باکور)	ئەهلی(١٢), زەمالك(٥), ئەلتەڕەجی(٤) ، ئەلڕەجا(٣) ، ئەلویداد(٣) ، ویفاق ستیف(٢), کابیڵەی(٢), کڵەب ئەفڕیکن(١), ئەلساحڵ(١), ئەلڕیبات(١), ئەلئیسماعیلیە(١), ئەلجەزائیر(١)	٣٦
UNIFFAC (ئەفریقای ناوەڕاست)	تیبی مازیمبی(٥) , یاوەندی ئۆڕێکس(٣) ، بڕازاڤیڵ(١) ، یونیەن(١) ، دواڵا(١) ، ڤیتا کڵەب(١)	١٢
WAFU (ئەفریقای ڕۆئاوا)	حەیفا(٣), ئەسانتی کوکو(٢), ئەنیمبا(٢), ئەسیك میموزا(١), هاڕتس ئۆف ئۆك(١), ستاد ئەبیجان(١)	١٠
COSAFA (ئەفریقای باشور)	ئۆڕڵاندۆ پایڕتس(١) مامیڵۆدی سەنداونز(١)	٢
CECAFA (ئەفریقای ڕۆژهەڵات)		—

گۆڵکارانی خوولی یانە پاڵەوانەکانی ئەفریقا

ساڵ	یاریزان	یانە	ژمارەی گۆڵ
١٩٩٧	کۆسی نوتسجود	ئۆباسی گۆڵدفیڵدس	٧
١٩٩٨	ئەیسگد تیسفای ڕەزا ئێرایی	ئیسپویاین کۆفی ئەلڕەجاء	٦
1999	Hossam Hassan	[[یانەی وەرزشی ئەھلی| ئەهلی]]	6
2000	Emmanuel Osei Kuffour	Hearts of Oak	10
2001	Kapela Mbiyavanga	Petro Atlético	9
2002	Ahmed Belal Antonin Koutouan Hicham Aboucherouane	ئەهلی ASEC Mimosas Raja Casablanca	7
2003	Dramane Traoré	Ismaily	8
2004	Mamadou Diallo	USM Alger	10
2005	Mohamed Barakat Joetex Frimpong	ئەهلی Enyimba FC	7
2006	Mohamed Aboutrika	ئەهلی	8
2007	Trésor Mputu	TP Mazembe	9
2008	Stephen Worgu	Enyimba FC	13
2009	Dioko Kaluyituka	TP Mazembe	8
2010	Michael Eneramo	Espérance de Tunis	8
2011	Edward Sadomba	Al-Hilal	14
2012	Emmanuel Clottey	Berekum Chelsea	12
2013	Alexis Yougouda Kada	Coton Sport	7
2014	El Hedi Belameiri Haythem Jouini Ndombe Mubele Mrisho Ngasa	ES Sétif Espérance de Tunis AS Vita Club Young Africans	6
2015	Bakri Al-Madina Mbwana Samatta	Al-Merrikh TP Mazembe	7
2016	Mfon Udoh	Enyimba	9
2017	Taha Yassine Khenissi Saladin Said	Espérance de Tunis Saint George	7
2018	Anice Badri	Espérance de Tunis	8
2018–19	Moataz Al-Mehdi	Al-Nasr	7
2019–20	Jackson Muleka	TP Mazembe	7
2020–21	Mohamed Sherif	ئەهلی	6
2021–22	Tiago Azulão	Petro de Luanda	6