حیزبی بەعسی عێراق

حیزبی بەعسی عێراق بەشێکە لە حیزبی بەعس لە ساڵی ١٩٥٢ دامەزراوە لە ساڵی ٢٠٠٣ بەشێوەیەکی یاسایی لە عێراق کارکردن لەژێر ناوی بەعس قەدەغەکرا، ئایدۆلۆژیای حیزبەکە ناسیۆنالیزمی عەرەبی و سۆسیالیزم بوو، حیزبی بەعسی عێراقی بەشداربوون لە حکوومەتی عەبدولکەریم قاسم ئەمەش لەدوای شۆڕشی ١٤ی تەممووزی ١٩٥٨ بوو، لەدوایدا چەندین کودەتا کرا و چەند جارێک بەعس دەھاتنە سەر دەسەڵات دوایی دەشکان بەڵام دوای خۆ ڕێکخستن لە ١٧ی تەممووزی ١٩٦٨ تاکوو ھێرشەکانی ئەمریکا بۆ عێراق لە ساڵی ٢٠٠٣ ئەم حیزبە فەرمانڕەوایی عێراقی کرد، لەپاڵ حکوومکردنی چەندین دەزگای ھەواڵگری دامەزراند لەوێنەی پاسەوانی نەتەوەیی (حارس القومی) کە بۆ سەرکووتکردنی نەیاران و بەرھەڵستیکاران بوو، حیزبی بەعس لەماوەی دروستبوونی ١٢ جار کۆنگرەی بەستووە.

حیزبی بەعسی عێراق
دامەزرا لە	١٩٥٢
ئایدۆلۆجیا	ناسیۆنالیزمی عەرەبی سۆسیالیزم سێکۆلاریزم
ئاڵای حیزب

ھێمای بازی بەعسی عەرەبی

سکرتێرەکانی حیزب

ئاشکرا و یاسایی

1. فوئاد ڕکابی (١٩٥١ تاکوو ١٩٦٠)
2. تالیب حوسێن (١٩٦٠ تاکوو ١٩٦١)
3. عەلی ساڵح ئەلسەعدی (١٩٦١ تاکوو ١٩٦٣)
4. حازم جەواد (١٩٦٣/١٩٦٤)
5. ئەحمەد حەسەن بەکر (١٩٦٤ تاکوو ١٩٧٩)
6. سەددام حوسێن (١٩٧٩ تاکوو ٢٠٠٣ کۆتایی بەعس)

نھێنی و نایاسایی

• عیزەت دووری و محەممەد یونس ئەحمەد لە (٢٠٠٧ تاکوو ۲۰۲۰) بە دوو باڵی جوودا
• محەممەد یونس ئەحمەد (۲۰۰۷-تاکوو ئێستا)