عیزەت ئیبراھیم دووری (لەدایکبووی ١ی تەممووزی ١٩٤٢ لە ناوچەی دوور، پارێزگای سەلاحەددین) لە خێزانێکی ھەژار لەدایک بوە. ئەو لە تیرەی ئەلبوحەربەیە لە ھۆزی ئەلمەواشت. خوێندنی لە قەزای سامرا و بەغدا تەواوکرد[١]

عیزەت ئیبراھیم دووری
ناوی خۆماڵیعزة إبراھیم الدوری
لەدایکبوون (١٩٤٢-٠٧-0١) ١ی تەممووزی ١٩٤٢ (تەمەن ٧٨)
گوندی دوور سەر بە پارێزگای سەلاحەددین
ونبوون٣ی ئایاری ٢٠٠٣
نەتەوەعەرەب
پیشەسەرکردایەتی حیزبی بەعس ھەڵوەشاوە
حیزبی سیاسیحیزبی بەعسی شۆشالیزمی عەرەبی
ئایینئیسلام سوننە
منداڵەکانئەحەمەد - ئیبراھیم -عەلی -ھۆزان - عەبلە - حەمرا

ژیانی سیاسیدەستکاری

ساڵی ١٩٥٩ لەلایەن حکومەتەکەی عەبدولکەریم قاسمەوە دەستگیر دەکرێت‌و دەخرێتە زیندانەوە. یەکێک دەبێت لەو بەعسیانەی کە ڕۆڵی سەرەکی دەبێت لە کۆدەتایی١٧ی تەممووز ١٩٦٨ دژ بە عەبدولکەریم قاسم. بۆیە ساڵی ١٩٦٩ دا عیزەت دووری دەبێتە ئەندامی ئەنجومەنی سەرکردایەتی شۆڕشی بەعس.[٢] ساڵی ١٩٧٩ دەبێتە جێگری سەرۆکی حیزبی بەعسی عێراقی. لەکاتی ھێرشەکانی ئەمریکا بۆ سەر عێراق لە ساڵی ٢٠٠٣ سەرکردەی ناوچەکانی باکووری عێراق بووە لەدوای کۆنترۆڵکردنی عێراق لەلایەن ئەمریکاوە، ١٠ میلیۆن دۆلار لەلایەن سوپای ئەمریکاوە وەک دیارییەک ڕاگەیەنرا بۆ ئەو کەسەی زانیاری درووستی لەسەر شوێنی عیزەت دووری ھەبێت ناوی لەنێو لیستی ٥٥ داواکراوەکەی ئەمریکادا ھەبووە پاش ڕووخانی ڕژێمی بەعس، وەکو ئەمینداری گشتی حیزبی بەعس خۆی ناساند. لە ساڵی ٢٠٠٩ بەرەی جیھاد و ڕزگاری لە عێراق ڕاگەیاندا.[٣]

ھەواڵی کوژراندەستکاری

لەدوای ڕووخانی ڕژێمی بەعسەوە چەندین جار دەنگۆی کوژرانی عیزە دووری بڵاوکراوەتەوە.[٣] دواجار ١٧ی نیسانی ٢٠١٥ تەلەفزیۆنی ئەلعێراقییە ھەواڵی کوژرانی عیزە دووری لە ھەڵمەتێکی سوپای عێراقدا بڵاوکردەوە[٤] بەڵام حیزبی بەعسی ھەڵوەشاوە ئەم ھەواڵەی ڕەتی کردەوە[٥]

سەرچاوەکاندەستکاری