ئوسامە جەمیل

ئوسامە جەمیل عەلی (لەدایکبووی ٢٣ی کانوونی یەکەمی ١٩٦٥) سیاسەتوان، نووسەر، ئەکتەر و دەرھێنەرێکی کوردە.

ئوسامە جەمیل عەلی
لەدایکبوون	٢٣ی کانوونی یەکەمی ١٩٦٥ شاوێس، ھەولێر، عێراق
نەتەوە	کورد
پیشە	سیاسەتوان، نووسەر، ئەکتەر و دەرھێنەر
حیزبی سیاسی	یەکگرتووی ئیسلامیی کوردستان
ئایین	ئیسلام
ھاوسەر	نیگا ئەبوبەکر، سومەیە جەعفەر
باوان	جەمیل عەلی (باوک)
خزمەکان	موسعەب جەمیل، بوخاری جەمیل، سوھەیب جەمیل، بیلال جەمیل

لەساڵی ۱۹۹٤ تاکو ۲۰۰۰ بەڕێوەبەری رادیۆو تەلەفزیۆنی یەکگرتوو بووە.

لە ماوەی ساڵانی ٢٠١٠ بۆ ٢٠١٤ لەسەر لیستی یەکگرتووی ئیسلامیی کوردستان ئەندامی پەرلەمانی عێراق بوو. بەر لەوەش لە چەند کارێکی ھونەری وەک ئەکتەر، نووسەر و دەرھێنەر بەشداریی کردووە. لە ساڵی ٢٠٠٢، لە زنجیرەی تەلەڤیزیۆنیی مەمی ئالان بە ڕۆڵی میر ئیزین دەرکەوت.

ئوسامە بەشێکی زۆری ئەزموونی ھونەریی لە کەناڵی ناوخۆییی یەکگرتوو بەدەستھێنا، ھەروەھا زۆربەی کارەکانی لە کەناڵی سپێدە کە سەر بە ھەمان حیزبە پەخش کراوەتەوە. ئوسامە کوڕی جەمیل عەلییە، کە کەسایەتییەکی ئیسلامیی ناسراو بوو لە ھەولێر.

بەرھەمەکان

نوسینی سیناریۆ و دەرھێنانی بۆ ئەم زنجیرانە کردووە:

• کۆچ ۱
• کۆچ ۲
• ئازارەکانی بارام

وەک ئەکتەر بەشداری ئەم درامایانەی کردووە:

• مەمی ئالان
• گرێ

ئەو ڕۆمانانەی کە نووسراون و چاپنەکراون:

• ڕاو
• سکرتێرە
• قوماش
• سەمای مارەکان

ئەو ڕۆمانانەی ھێشتا لە نووسیندان:

• عەدێ و مەدێ
• باژۆ

بەستەرە دەرەکییەکان

• ئوسامە جەمیل لە فەیسبووک