کانی پانکە
(لە کانی پانکەی سەرووەوە ڕەوانە کراوە)
کانی پانکە گوندێکە، کەوتووەتە ناحیەی ناوەندی قەزای سەید سادق، قەزای سەید سادق، پارێزگای سلێمانی، باشووری کوردستان.[٢]
کانی پانکە
Kanipanka | |
|---|---|
| وڵات |  کوردستان[١] عێراق |
| پارێزگا | سلێمانی |
| قەزا | قەزای سەید سادق |
| ناحیە | ناحیەی ناوەندی قەزای سەید سادق |
| بەرزایی | ٥٧٣ مەتر (١٬٨٨٠ پێ) |
| زمان و ئایین | |
| • زمان | کوردی (سۆرانی) |
| • ئایین | سوننی شافعی |
ناو
دەستکاریوشەی کانی پانکە، وشەیەکی لێکدراوە، (کانی + پانکە)، ناوی ئەم گوندە لە کانییەکەیەوە وەرگیراوە، کە کانییەکی گەورە و بەری فراوانە لەوەوە پێیان وتووە کانی پانکە، پانکە بە واتای پان یان فراوان دێت.
جوگرافیا
دەستکاریگوندی کانی پانکە ھاوسنوورە لەگەڵ؛
- لە باکوورەوە گوندی دەرەتەت.
- لە باشوورەوە گوندی قالیجۆی سەروو.
- لە ڕۆژھەڵاتەوە گوندی گرێزە.
- لە ڕۆژاواوە گوندی بێستان سووری بچووک.[٣]
مێژوو
دەستکاری- لەساڵی ۱۹۱۹ لەلایەن کەسایەتی دیاری ناوچەکەو ڕیشسپی عەشیرەتی شێخ سمایلی (حاجی حمەگردە) ئاوەدانکراوەتەوە.
- ئەم گوندە چەندین جار توشی ڕوخاندن و چۆڵکردن بووەتەوە لەلایەن ڕژێمی بەعس لەساڵی ۱۹۸۷ لەگەڵ زەوی خانوەکانی تەخت کردوە و دانیشتوانەکەی ناچارکران ڕوبکەنە کۆمەڵگای زۆرەملێی باریکە، تا ڕاپەڕین و کۆڕەوە مەزنەکە دروست بوو، پاشان لەدوای ساڵی۱۹۹۲ جارێکی تر بەپەرۆشەوە دانیشتوانەکەی گەڕانەوە بۆ گوندەکەی خۆیان و لەسەر دارو پەردوی پاشماوەی خانوەکانیان دووبارە ئاوەدانیان کردەوە.
- لەساڵی(۱۹٤۹) یەکەم خوێندنگە لەم گوندەدا دروستکراوە و لە ئێستادا سێ خوێندنگە ھەیە لەناو گوندەکەدا.
کشتوکاڵ
دەستکاریئەم گوندە زیاتر دانیشتوانەکەی بە کشتوکاڵ و ئاژەڵدارییەوە خەریکن نزیکەی (٤۰۰۰)دۆنم زەوی کشتوکاڵی سودی لێوەردەگیرێت بۆ کشتوکاڵکردن لەجۆری دێم و بەراو، ھەروەھا لەوەڕگایەکی زۆر و پوش و پاوەن لەسنورەکەداھەیە کە بۆ ئاژەڵ بەخێوکردن سودی لێوەر دەگیرێت کە نزیکەی ۲۰۰۰ سەر ئاژەڵ بەخێو دەکرێت لە گوندەکەدا لە جۆری مەڕ و بزن و مانگا.
سەرچاوەکان
دەستکاری- ^ «Kurdistan Regional Government». KRG. لە ڕەسەنەکە لە ٦ی تشرینی یەکەمی ٢٠١٤ ئەرشیڤ کراوە. لە ٢٥ی کانوونی دووەمی ٢٠١٨ ھێنراوە.
- ^ د. عەبدوڵڵا غەفوور. «پێڕستی گوندەکانی باشوور» (PDF) (بە کوردی).
{{cite web}}: ڕاگرتنی شێوازی سەرچاوەی ١: خاڵبەندیی زیادە (بەستەر) - ^ openstreetmap. «کانی پانکە» (بە کوردی). لە ٢٠ی شوباتی ٢٠٢٣ ھێنراوە.
{{cite web}}: ڕاگرتنی شێوازی سەرچاوەی ١: زمانی نەناسراو (بەستەر)
