ڕاپونزێل (فیلم)

ڕاپونزێل یان تێکەڵپێکەڵ (بە ئینگلیزی: Tangled) فیلمێکی ئەنیمەیشنی-سەرکێشیی و مۆسیقیی ئەمریکیی ٢٠١٠ە. لە ستۆدیۆی ئەنیمەیشنی واڵت دیزنی بەرھەم ھێنراوە، فیلمەکە پەنجایەمین زنجیرەی کلاسیکی واڵت دیزنییە، لە فیلمەکە ھەریەکە لە ماندی مور، زاکاری لیفای، دونا مەرفی، بەشدارن وەک ئەکتەری دەنگ. زۆرینەی چیرۆکی فیلمەکە لەسەر بنەمای چیرۆکی ئەڵمانی ڕاپۆنزڵە، سیناریۆی ئەنیمەیشنەکە لەلایەن براکانی گریم نوسراوە، فیلمەکە بە 3D ئاسایی لە ٢٤ی تشرینی دووەمی ٢٠١٠ لە سینەما نیشاندرا. ڕاپونزێل ماوەی شەش ساڵی ویست تاکوو بەرھەم ھێنرا، بە یەکێک لە گرانبەھاترین فیلمەکانی مێژوو دادەنرێت، کە تێچوەکەی ٢٦٠ میلۆن دۆلار بوو.

ڕاپونزێل
دەرھێنەر	ناسان گرینۆ
بەرھەمھێنەر	ڕۆی کۆنلی
مۆسیقا	ئالان مێنکن
دەستکاری	تییم مارتینس
کۆمپانیای بڵاوکەرەوە	واڵت دیزنی
ڕێکەوتی دەرچوون	١٤ی تشرینی دووەمی ٢٠١٠
وڵات	ئەمریکا
زمان	ئینگلیزی
تێچوون	٢٦٠ ملیۆن دۆلەر
داھات	٥٩٢ ملیۆن دۆلار

چیرۆک

ڕووناکییەکی سەرسووڕھێنەر لە ئاسمانەوە بۆ سەر زەوی دەکەوێت، لەو شوێنەی ڕووناکییەکە کەوت، گوڵێک دەڕوێت، ئەو گوڵە دەتوانێت ھەرچی نەخۆشییەک ھەبێت چارەسەر بکات، شوێنی ئەو گوڵە تەنھا ژنێکی بەتەمەن دەیزانێت، ئەو ژنە بە گوڵەکە خۆی گەنج دەکردەوە، ڕۆژێک لە نزیک ئەو شوێنەدا شانشینێک پەیدا دەبێت، پاشا و شاژنێک فەرمانڕەوایی دەکەن، پاشا و شاژنەکە منداڵێکیان دەبێت، بەڵام منداڵەکە نەخۆشە، پاشاکە فەرمان دەکات کە ئەو گوڵە بدۆزنەوە، بۆ چارەسەری منداڵەکە، بەڵام ژنە بەتەمەنەکە نیویست گوڵەکە ببەن، چونکە ئەو بۆ گەنجییەتی خۆی بەکاریدەھێنا، دواتر بەگوڵەکەوە ویستی بروات منداڵەکە بکوژێت، بەڵام سەرکەوتوو نەبوو شاژنەکە فەرمووی لێکرد و گوڵەکەی لێسەند، بۆ منداڵەکە بەکاریان ھێنا، دواتر سوپاسی ژنەکەیان کرد بۆ ھێنانی گوڵەکە، پاشا و شاژنەکە لەگەڵ منداڵەکەیان بوون بەناوی (ڕاپۆنزڵ). دواتر ژنە بەتەمەنەکە ھەستی کرد کە کچەکە قژی دەدرەوشێتەوە، و بەکاردێت بۆ گەنجبونەوە و چاکبونەوەی نەخۆشی، کەمێکی لە قژی کچەکە بڕی بەڵام قژی بووە قاوەی و بەکارنایات ئەگەر ببڕێت، دواتر کچەکەی ڕفاند، پاش ماوەیەک کچەکە بەشێوەیەکی ئاسای گەورەبوو، بەڵام ھەمیشە لە ڕۆژی لەدایکبوونی وێنەی ئەو ڕووناکیانەی دەکێشا کە لە شانشینەکە بەرزیان دەکردوە لە ڕۆژی لەدایک بوونەکەی؛ و ھەمیشە پاشا و شاژنەکە بەدوای منداڵەکەدا دەگەڕان، ژنەکە کچەکەی لە بورجێک دەشارێتەوە و لەگەڵ خۆی دەژێت، بەڵام کچەکە ھەر ساڵێک کە ڕۆژی لەدایکبوونی بێت لە پەنجەرەی بورجەکەوە ئەو ڕووناکیانە دەبینێت کەلە شانشینەکەوە دەردەچن و بۆ ئاسمان دەڕۆن. کچەکە ئارەزووی ئەوەی دەکرد کەبچێت بۆ لای ئەو ڕووناکیانە بۆ ئەوەی لەنزیکەوە بیانبینێت. دوای ١٨ ساڵ، ڕاپۆنزڵ لەناو بورجەکە لەگەڵ ئاژەڵە ماڵییەکەی حەربا بەناوی پاسکاڵ دەژێت، بەڵام لەناو بورجەکە دڵخۆش بوون، ھەرچەنە ڕاپۆنزڵ پێی سەیر بوو کەبۆچی لە ڕۆژی لەدایکبوونی ئەو، ئەم ڕووناکیانە بەرز دەکەنەوە، داوای لە ژنەکە کرد کە برواتە دەرەوەی ئەم بورجە، بۆ ئەوەی ئازاد بێت و ئەو ڕووناکیانە ببینێت، بەڵام ژنەکە ڕەتی کردەوە، پێی وت: کە خەڵکی دەرەوە خەراپن.

دەنگ

• ماندی موور – دەنگی ڕاپۆنزڵ
• زاکاری لیڤی – دەنگی فڵاین ڕایدەر

بەرھەمھێنان

″براکانی گریم″ فیلمی «تێکەڵاو» لەسەر بنەمایەکی چیرۆکی ئەڵمانی زیندوکردەوە، لە کۆمپانیای واڵت دیزنی فیلمەکە دەستی پێکرد، کە ″گلێن کەین″ لە ساڵی ١٩٩٦ سەرپەرشتی دەکرد. گلێین کەین لە ساڵی ٢٠٠١ بیرۆکەی دروستکردنی ئەو ئەنیمەیشنەی بۆھات، پاشان بە بەڕێوبەری دیزنی وت، ئەوانیش ڕازی بوون. بەڵام بڕیاریان دا کە بە ئەنیمەیشن دروستی بکەن، گلێن کەین دوو دڵ بوو، لەبەر ئەوەی دروستکردنی ئەنیمەیشن بە کۆمپیوتەر شتێکی باش دەرناچێت وەک ئەنیمەیشنە ڕەسەنەکە.

تراکی دەنگ

مۆسیقا ڕەسەنەکە لەلایەن ″ئالان مێنکن″ ئامادەکرا، ھەروەھا ″گلێن سلێتەر″ ھونراوەکەی نووسی. مێنکن سەرەتا ھەوڵیدا، مۆسیقای ساڵی ١٩٦٠ تێکەڵ بەم مۆسیقا نوێیانە بکات، چەندین گۆرانی نوسران، بەڵام لەکۆتایدا لەبەرگیراوەی (کەی ژیانی من دەست پێدەکات؟) ھەڵبژێردرا.

بەستەرە دەرەکییەکان

• وێبگەی فەرمی
• ڕاپونزێل لە بنکەدراوەی ئینتەرنێتیی فیلمەکان
• ڕاپونزێل لە ئۆڵمووڤی
• ڕاپونزێل لە ڕاتن تۆمەیتۆز
• ڕاپونزێل لە مێتاکریتیک
• ڕاپونزێل لە بۆکس ئۆفیس مۆجۆ