چۆمان ھەردی
چۆمان ھەردی لەدایکبووی ٢٩ی کانوونی دووەمی ١٩٧٤ لە سلێمانی،[١] ژنە شاعیر، وەرگێڕ، چیڕۆکنووس، وتارنووس، فێمێنیست، مامۆستای زانکۆ، وێنەکێشی کوردە. لە ئێستادا، یاریدەدەری پرۆفیسۆرە لە زانكۆی ئەمریكیی عێراق-سلێمانی، هەروەها لە هەمان زانکۆدا دامەزرێنەری سەنتەری جێندەر و گەشەپێدانە.[٢]
دکتۆر چۆمان هەردی | |
|---|---|
 چۆمان هەردی لە حوزەیرانی ٢٠٢٣، هەولێر. | |
| لەدایکبوون | ١٩٧٤ |
| نەتەوە | کورد |
| ھاوسەر | ئاراس فەتاح |
چۆمان بەهۆی چالاکییەکانییەوە لەبوارەکانی فێمینیزم، ژنان و جێندەر ڕووبەڕووی هەڕەشەی کووشتن بۆتەوە.[٣][٤][٥]
ژیان
دەستکاریچۆمان لە دایکبووی ساڵی ١٩٧٤ لە سلێمانی. ئەو کچی شاعیری کوردی، ئەحمەد هەردییە. براکانی ئاسۆس و ڕێبین، لە بواری ڕۆژنامەوانیی کاردەکەن.
لەساڵی ١٩٧٥ خێزانەکەی چوونەتە ئێران و وە لەدوای ڕێکەوتننامەی جەزائیر و ساڵی ١٩٧٩ ھاتنەوە عێراق بەڵام بەھۆی کارەساتی ئەنفال لەساڵی ١٩٨٨ چوونەتەوە ئێران، وە لەساڵی ١٩٩٣ چۆمان ھەردی چووەتە شانشینی یەکگرتوو ھەرلەوێش بۆتە خوێندکاری بەشی فەلسەفە و دەروونناسی لە زانکۆکانی زانکۆی لەندەن و زانکۆی ئۆکسفۆرد ھاوکات چۆمان ھەردی دوکتۆرای (PhD) ھەر لە بریتانیا ھێناوەتەوە کە تیشکی خستبووە سەر کاریگەری کۆچبەری ناچار (Forced migration) لە سەر ژنانی عێراق و ئێران.[٢]
چۆمان هاوسەرگیری لەگەڵ ئاراس فەتاحی نووسەر کردووە، خاوەنی منداڵێکن.[١]
چیڕۆک
دەستکاری- ڕۆچوون - ھاوینی ١٩٩٧
- تەنھاییەکی جەنجاڵ - بەھاری ١٩٩٤
- ھەوارگەی دڵم - زستانی ١٩٩٣
- چواردە ساڵیی - ھاوینی ١٩٩٢
خەڵاتەکان
دەستکاری- خەڵاتی ئازادیی رۆژنامەگەری سۆرانی مامە لەلایەن دەزگای لڤین، ٢٠١٩.[٦]
سەرچاوەکان
دەستکاری- ^ ئ ا «چۆمان هەردی مەترسی لەئایندەی منداڵانی کوردستان هەیە، بەڵام ئومێدی بەئایندە نەبڕاوە .. وێنەیەکی مناڵی ببینە». speemedia.com. لە ١٤ی حوزەیرانی ٢٠٢٣ ھێنراوە.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ ئ ا «Choman Hardi, Associate Professor». The American University of Iraq Sulaimani (بە ئینگلیزی). ٥ی تەممووزی ٢٠١٥. لە ١٤ی حوزەیرانی ٢٠٢٣ ھێنراوە.
- ^ «هەڕەشەی کوشتن لە دکتۆر چۆمان هەردی دەکرێت». westganews.net. لە ١٤ی حوزەیرانی ٢٠٢٣ ھێنراوە.
- ^ «من- فێمینیستم». drawmedia.net. لە ١٤ی حوزەیرانی ٢٠٢٣ ھێنراوە.
- ^ «چۆمان ھەردی شایانی بەرگری لێکردنە». www.rwangauraxna.com. لە ١٤ی حوزەیرانی ٢٠٢٣ ھێنراوە.
- ^ «خەڵاتی ئازادیی رۆژنامەگەری سۆرانی مامە حەمە بەخشرایە لەیلا گیوڤەن». ANF News. لە ١٤ی حوزەیرانی ٢٠٢٣ ھێنراوە.
