نەرگس دات
نەرگس دات ناوی لەدایکبوونی فاتیمە ڕەشید کە لەفیلمەکان بە نەرگس ناسرا. (ماوەی ژیان: ١ی حوزەیرانی ١٩٢٩ تاوەکوو ٣ی ئایاری ١٩٨١). نەرگس خانمەئەکتەرێکی ناسراوی سینەمای بۆلیوود بوو و زۆرجار ناوی لەباشترینەکانی مێژووی بۆلیوودیش دەھێنرێت. لە ساڵی ١٩٣٥ بۆیەکەمینجار لەفیلمی (Talash-E-Haq) دەرکەوت کە ئەمەش لە تەمەنێکی بچووکیدا بوو دواتر لە ساڵی لە ساڵی ١٩٤٢ لەفیلمی تەمەنا (Tamanna) دەردەکەوێتەوە. لەماوەی ساڵانی ١٩٤٠ بۆ ١٩٦٠ نەرگس بەشداری لەچەندین فیلمی سەرکەوتوو لەڕووی داھات (بازرگانی) و ڕەخنەگرانە دەکات کە بەشی زۆری لەگەڵ ئەکتەری دیاری بۆلیوود ڕاج کاپوور بووە.
نەرگس | |
|---|---|
| لەدایکبوون | فاتیمە ڕەشید ٠١ی حوزەیرانی ١٩٢٩ |
| مەرگ | ٣ی ئایاری ١٩٨١ (٥١ ساڵ ژیاوە) |
| نەتەوە | ھیندی |
| پیشە | ئەکتەر |
| چالاکبوون | ١٩٣٥, ١٩٤٢–١٩٦٨ |
| ھاوسەر | سونێل دات (١٩٥٨–١٩٨١) |
| مناڵ(ەکان) | سانجای دات، پریا دات، نامرەتا دات |
| باوان | |
| خەڵاتەکان | پادما شری (١٩٥٨) |
باشترین کاری نەگس لەفیلمی دایکی ھیند بوو لە ساڵی ١٩٥٧ کە یەکەم فیلمی ھیندستانبوو بۆ خەڵاتی ئۆسکاری بنێرن بۆ وەرگرتنی باشترین فیلمی بیانی و لەنێو ڕیزی پاڵێوراوانی کۆتایش خۆی بینییەوە لەدوای دایکی ھیند تەنیا دوو فیلمی دیکە لە ھیند گەیشتنە ئەم پلەیە، ھەر لەھەمان فیلم نەرگس خەڵاتی باشترین کچەئەکتەری بردەوە لە خەڵاتەکانی فیلم فەیر. لە ساڵی ١٩٥٨ لەگەڵ ئەکتەری بۆلیوود سونێل دات ھاوسەرگیرییان کرد کەبەیەکەوەش ڕۆڵی سەرەکییان بینیبوو لەفیلمی دایکی ھیند.
لە ساڵی ١٩٦٧ لەفیلمی شەو و ڕۆژ (Raat Aur Din) بەشداریکرد و خەڵاتی نیشتمانی بۆ باشترین کچەئەکتەری پێدرا. نەرگس لە ساڵی ١٩٨١ بەھۆی شێرپەنجەی پەنکریاس کۆچی دواییکرد، کەچەند ڕۆژێک لەپێش مردنی کوڕەکەی سانجای دات یەکەم کاری نواندنی دەستپێکرد لەبۆلیوود کەئەویش لەئێستادا یەکێکە لە ئەکتەرە دیارەکانی بۆلیوود.
سەرچاوەکان
دەستکاری- ^ «Bollywood actor Nargis Dutt remembered in today's Google Doodle». The Indian Express. ١ی حوزەیرانی ٢٠١٥.
بەستەرە دەرەکییەکان
دەستکاری
دەروازەی ژیاننامە
دەروازەی ژن
دەروازەی فیلم
دەروازەی ئەکتەران
دەروازەی ھونەرەکان
دەروازەی سیاسەت
دەروازەی ھیندستان
دەروازەی بۆڵیوود
| کۆمنزی ویکیمیدیا، میدیای پەیوەندیدار بە نەرگس دات تێدایە. |