فوئاد مەعسووم


فوئاد مەعسووم ناوی تەواوی محەممەد فوئاد مەعسووم ھەورامی سیاسەتوانێکی ناسراوی کوردە. لە ساڵی ٢٠١٤ی زایینیدا لەلایەن پەرلەمانی عێراقەوە بۆ سەرۆک کۆماری عێراق ھەڵبژێردرا و بوو بە حەوتەم سەرۆک کۆماری عێراق و دووەمین سەرۆک کۆماری کورد کە سەرۆکایەتی عێراقیان کردبێت (لە دوای جەلال تاڵەبانی). فوئاد مەعسووم لە ساڵی ١٩٣٨ لە شاری کۆیە لە بنەماڵەیەکی ئایینیدا لەدایکبووە.[١]

فوئاد مەعسووم

President Fuad Masum in Iran.jpg
لەدایکبوون١٩٣٨
نیشتەجێیعێراق
نەتەوەکورد
پیشەسەرۆک کۆماری عێراق
پێشجەلال تاڵەبانی
حیزبی سیاسییەکێتیی نیشتمانیی کوردستان
ئایینئیسلام
ھاوسەرڕوناک
مناڵ(ەکان)جوان

ژیاندەستکاری

فوئاد مەعسووم لە شاری کۆیە لەدایکبووە. بنەماڵەی ئەو پێشتر لە ناوچەی ھەورامانەوە ھاتوون بۆ شاری کۆیە.[٢] ئەو لە قوتابخانە ئایینییەکانی کوردستان دەستی بە خوێندن کرد. دواتر لە زانکۆی بەغدا شەریعەتی ئیسلامی خوێند.[٣] لە ساڵی ١٩٥٨ بۆ شاری قاھیرە کۆچی کرد ھەتاکوو بتوانێت درێژە بە خوێندنەکانی لە زانکۆی ئەزھەر بدات.[٤] دواتر لە ساڵی ١٩٦٨ لە زانکۆی بەسرە بە مامۆستایی وەگیرا.[٣] فوئاد مەعسووم لە ساڵی ١٩٧٥ بڕوانامەی PhD لە فەلسەفەی ئیسلامی لە زانکۆی ئەزھەر وەرگرت کە تێزەکەی لەسەر ئیخوان موسلیمین بووە لەژێر ناونیشانی (إخوان الصفا فلسفتهم وأفكارهم).[٥][٣]

ژیانی سیاسیدەستکاری

حیزبی شیوعیدەستکاری

لە ساڵی ١٩٦٢دا فوئاد مەعسووم بوو بە ئەندامی حیزبی شیوعی عێراق و ھەتا ساڵی ١٩٦٤ ھەر ئەندامی ئەم حیزبە بوو. لە ئەم ساڵەدا (١٩٦٤) لە دوای سەفەر بۆ سووریا و چاوپێکەوتنێک لەگەڵ خالید بەکداش، سکرتێری ئەوکاتی حیزبی شیوعی،[٢] دوای پێزانین بەوەی کە خالید بەکداش ھەرچەند کە خۆی بە ڕەچەڵەک کوردە بەڵام دژ بە کورد خەبات دەکات، لە حیزبی شیوعی ھەڵگەڕاوە و بوو بە ئەندامی پارتی دیموکراتی کوردستان.[٦]

حیزبی دیموکڕاتی کوردستاندەستکاری

لە ساڵی ١٩٦٨دا مەعسووم نوێنەری پارتی دیموکڕاتی کوردستان بوو لە بەسرە. ھەروەھا ئەو ھەتا ساڵی ١٩٧٥ نوێنەری شۆڕشی کورد بوو لە پایتەختی وڵاتی میسر، قاھیرە.[٢] لە ساڵی ١٩٧٦دا مەعسووم یەکێک لە بناغەدانەرانی یەکێتیی نیشتمانیی کوردستان بوو.[٦] ساڵی ١٩٩٢ بوو بە یەکەم سەرۆک وەزیرانی کوردستان.[٦] لە ساڵی ٢٠٠٣ و دوای ڕووخانی ڕژیمی بەعس، مەعسووم یەکێک بوو لە نوێنەرانی کورد کە چوونە بەغدا و لە پڕۆسەی نووسینی پێشنوونی یاسای بنەڕەتی عێراقدا بەشداریان کرد.[٢]

سەرۆک کۆماریدەستکاری

 
فوئاد مەعوسووم وەک سەرۆککۆماری عێراق لەگەڵ حەسەن ڕۆحانی سەرۆککۆماری ئێران لە ساڵی ٢٠١٥.

لە ساڵی ٢٠١٤دا فوئاد مەعسووم بە بەدەستھێنانی ٢١١ دەنگ لە پەرلەمانی عێراق بوو بە حەوتەمین سەرۆککۆماری عێراق.[٧]

ژیانی ھاوسەریدەستکاری

فوئاد مەعسووم لەگەڵ ڕووناک عەبدولوەحید مستەفا ھاوسەرگیری کردووە و پێنج کچی ھەیە: شیرین، جوان، زۆزان، شیلان و ویان. ئەو ھەروەھا کوڕێکیشی بوو بە ناوی شوان کە بەھۆی نەخۆشییەوە گیانی لە دەست دا.[٨]

سەرچاوەکاندەستکاری

  1. ^ تۆڕی میدیایی ڕووداو - ژیاننامەی فوئاد مەعسووم
  2. ^ ئ ا ب پ http://www.alsumaria.tv/news/106401/من-هو-فؤاد-معصوم-رئيس-جمهورية-العراق/ar
  3. ^ ئ ا ب http://www.bbc.co.uk/arabic/middleeast/2014/07/140724_fouad_massoum_profile.shtml
  4. ^ "وەشانی ئەرشیڤکراو". Archived from the original on ٢٧ی تەممووزی ٢٠١٤. Retrieved ٢٤ی تەممووزی ٢٠١٧. Check date values in: |accessdate=, |archivedate= (help)
  5. ^ http://rudaw.net/sorani/middleeast/iraq/29072014 ، تێزی دکتۆرا
  6. ^ ئ ا ب "وەشانی ئەرشیڤکراو". Archived from the original on ١٤ی ئابی ٢٠١٤. Retrieved ٢٦ی تەممووزی ٢٠١٤. Check date values in: |access-date=, |ڕێکەوتی ئەرشیڤ= (help) Archived ١٤ی ئابی ٢٠١٤, لە وەیبەک مەشین.
  7. ^ http://www.worldbulletin.net/headlines/141288/iraq-selects-fuad-masum-as-new-president
  8. ^ "وەشانی ئەرشیڤکراو". Archived from the original on ٢٨ی تەممووزی ٢٠١٤. Retrieved ٢٤ی تەممووزی ٢٠١٤. Check date values in: |accessdate=, |archivedate= (help)