ئەحمەد شەوقی
ئەحمەد شەوقی (لەدایکبووی ٢٥ی کانوونی یەکەمی ١٨٦٨ لە قاھیرە – مردووی ١٣ی کانوونی یەکەمی ١٩٣٢ لە قاھیرە) شاعیر و شانۆنووسێکی عەرەبی میسری بوو.[١][٢]
| ئەحمەد شەوقی | |
|---|---|
 | |
| لەدایکبوون | أحمد شوقي ٢٥ی کانوونی یەکەمی ١٨٦٨ قاھیرە |
| مردن | ١٤ی تشرینی یەکەمی ١٩٣٢ قاھیرە |
| پیشە | شاعیر و شانۆنووس |
| زمان | عەرەبی |
| نەتەوە | عەرەب |
| چالاکی ساڵانی | سەدەی ١٩ و ٢٠ |
ژیان
دەستکاریلە ساڵی ١٨٦٨ لە قاھیرە لە خێزانێکی دەوڵەمەنددا گەورە بووە کە ڕەگ و ڕیشەکەی تێکاڵاوی میسری، چەرکەسی، تورکی، کورد و یۆنانی بووە،[٣] لە تەمەنی چوار ساڵیدا بەشێک لە قورئانی پیرۆزی لەبەر کردووە و فێری بنەماکانی نووسین و خوێندنەوە بووە، پاشان چووەتە قوتابخانەی سەرەتایی و نیشانەکانی زیرەکی تێدا دەرکەوتووە و بەھۆیەوە لە خەرجییەکانی قوتابخانە چاوپۆشیلێکراوە، لە تەمەنی پانزدە ساڵیشدا دەستی کردووە بە خوێندن لە قوتابخانەی ماف، لەو ماوەیەدا بەھرەی شیعری تێدا دەرکەوت و بووە ھۆی سەرسامبوونی مامۆستاکەی شێخ محەممەد بسیونی.
گەشتکردن بۆ فەڕەنسا
دەستکاریگەشتی کرد بۆ فەڕەنسا کە خەرجی مانەوەی لە لایەن خدێوی تۆفیق بۆ دابینکرابوو. لە ساڵی ١٩٢٧ لە لایەن شاعیرانی عەرەب نازناوی (امیر الشعراء) ی پێبەخشرا، دوای ماوەیەک شەوقی خۆی یەکلاکردەوە بۆ شیعری شانۆگەری و تا ئیستاش بە پێشەوا دادەنرێت لەم بوارەدا لە ناو ھەموو عەرەبدا، شەوقی پێشەوایەتی سەرھەڵدانی ئەدەبی و ھونەری و سیاسی و کۆمەڵایەتی و شانۆگەری کردووە کە میسڕ پێیدا ڕۆیشتووە، لە بواری شیعردا خزمەتێکی زۆری کردووە و یەکێکە لە پڕبەرھەمترین شاعیرانی عەرەب، بە جۆرێک کە بەرھەمە شیعرییەکانی زیاترە لە بیست و سێ ھەزار و پێنج سەد دێرە شیعر. لە ساڵی ١٩٣٢ لە قاھیرە مردووە.[٤]
بەرھەمەکان
دەستکاریگرنگترین بەرھەمەکانی بریتیین لەمانە:
- دیوانی شەوقیات لە سێ بەرگدا
- وڵاتانی عەرەب
- دیوانی لەیلێ و مەجنوون
- عەلی بەگی گەورە
- قەمبیز
- مەرگی کلیۆپاترا
سەرچاوەکان
دەستکاری- ^ http://www.tripadvisor.com/Attraction_Review-g294201-d459959-Reviews-Ahmed_Shawki_Museum_Karmat_Ibn_Hani-Cairo.html
- ^ Esat Ayyıldız, “Ahmet Şevki’nin Mısır İstiklalinin Müdafaası İçin Sömürge Yöneticisine Hitaben Nazmettiği Lâmiyye’sinin Tahlili”, Arap Edebiyatında Vatan ve Bağımsızlık Mücadelesi, ed. Ahmet Hamdi Can – İhsan Doğru (Ankara: Nobel Bilimsel Eserler, 2021), 1-26.
- ^ «نبذة عن الشاعر أحمد شوقي». موضوع (بە عەرەبی). لە ١٥ی حوزەیرانی ٢٠٢٤ ھێنراوە.
- ^ بەشداربووانی ویکیپیدیا، «أحمد شوقي»، ویکیپیدیای عەرەبی. سەردان لە ١٣ی کانوونی یەکەمی ٢٠١٩.
 | ئەم نووسەر، شاعیر یان شانۆنووس وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
| کۆمنزی ویکیمیدیا، میدیای پەیوەندیدار بە ئەحمەد شەوقی تێدایە. |