ئاڵا ھۆشیار
ئاڵا ھۆشیار (لەدایکبووی ١٩٨٢ لە مەریوان - ) نووسەر و دەرھێنەرێکی کوردە.
ئاڵا ھۆشیار | |
|---|---|
 | |
| لەدایکبوون | ١٩٨٢ |
| نیشتەجێی | سلێمانی |
| نەتەوە | کورد |
| پیشە | نووسەر، دەرھێنەری فیلم، ڕۆژنامەوان، سیناریۆنووس |
ژیان
دەستکاریئاڵا ھۆشیار لە شاری مەریوان لەدایک بووە. ساڵی ١٩٩٩ چووەتە سلێمانی، تا ساڵی ٢٠٠٧ لەوێ ژیاوە، پاشان ڕووی لە ئەورووپا کردووە و بۆ ماوەی حەوت ساڵ، لە ١٤ وڵاتی ئەو کیشوەرە ژیاوە. ئاڵا ھۆشیار حەوت ساڵ پێشمەرگە بووە و جارێکیش بریندار کراوە، ھەروەھا لە شەڕی دژ بە داعشیش سێ جار بریندار بووە[١]؛ بۆ کەناڵ و ماڵپەڕ و ڕۆژنامەکانی وەکوو: ئێن ئاڕ تی، خەندان و ھاووڵاتی کاری ڕووماڵ و ڕۆژنامەوانی کردووە[٢]. ساڵی ٢٠١٦ وەکوو نوێنەری کورد بە فیلمی پێشمەرگە بەشداریی فێستیڤاڵی فیلمی کانی کردووە[٣]؛ ھەمان ساڵ چاوی بە سەرۆککۆماری فەرانسە، فرانسوا ئۆلاند کەوتووە[٤]. بە مەبەستی پشتگیریکردنی پێشمەرگە بۆ شەڕی داعش لە ڕۆژنامەی لیبراسیۆنی فەرانسی و لە بەشی پۆرترەیتی ئەو ڕۆژنامەیە (کە بۆ کەسانی بەناوبانگ لە دونیادا کە چالاک بوون لە بوارە جۆربەجۆرەکان) وتارێک بە زمانی فەرانسی لەسەری بڵاو کراوەتەوە. ساڵی ٢٠١٧ ھاوکار بووە لە سازکردنی بەڵگەفیلمی شەڕی مۆسڵ، کە بە زمانی ئاڵمانی و فەرانسەوی لە کەناڵی ئارتێ (Arte) بڵاو کراوەتەوە؛ ھەمان ساڵیش بەڵگەفیلمی پڵنگەکانی تامیلی لە سریلانکا دروست کردووە کە باس لە بەورەکانی تامیل دەکات. ساڵی ٢٠١٨ یەکەم ڕۆمانی خۆی بڵاو کردووەتەوە و ھەر ھەمان ساڵیش بۆ تۆڕی میدیاییی ڕووداو بەڵگەفیلمێکی لەسەر ڕووداوەکانی ١٦ی ئۆکتۆبەر ساز کردووە[٥]. بەکۆی گشتی خاوەنی ٣ بەرھەمی سینەمایی و دێکۆمێنتارییە و ٥ سیناریۆی بۆ فیلمی درێژی سینەمایی نووسیوە.
بەرھەمەکان
دەستکارینووسین
دەستکاریسینەما
دەستکاری- ناوی من دێکانە (دەرھێنەر)، ٢٠٢٢
- زەوییە پیسەکان
- شەڕی موسڵ (وێنەگری سینەمایی)
- پێشمەرگە
سەرچاوەکان
دەستکاری- ^ ئاڵا ھۆشیار، شانازیی سینەمای کوردی بەرەو خەڵاتی کان، ئێم بی سی تیڤی، ١١ی نیسانی ٢٠٢١
- ^ «ئەو پەیامنێرەی وتی میز دەکەم بە NRT دا ئەمڕۆ چی کرد». www.kdaily.org. لە ڕەسەنەکە لە ٢٠ی تشرینی دووەمی ٢٠٢١ ئەرشیڤ کراوە. لە ٢٠ی تشرینی دووەمی ٢٠٢١ ھێنراوە.
- ^ «ئاڵا ھۆشیار: بە فیلمی پێشمەرگە نوێنەرایەتیی کورد لە فێستیڤاڵی کان دەکەم». westganews.net. لە ٢٠ی تشرینی دووەمی ٢٠٢١ ھێنراوە.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ Staff، Editorial. «French president invites Kurdish cameraman to Elysee Palace». Kurd Net - Ekurd.net Daily News (بە ئینگلیزیی ئەمەریکایی).
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ 16ی ئۆکتۆبەر، ڕووداو
