کاردۆخی
محەممەد ئەمین کوڕی کاکە شێخ محەممەد (بەھائەدین) کوڕی شێخ عوسمانی تەوێڵە ناسراوە بە کاردۆخی[١] (لەدایکبووی ٢٥ی ئازاری ١٩١٦ لە تەوێڵە، عێراق - مردووی ٨ی حوزەیرانی ١٩٨٢ سلێمانی)[٢] ناوی تەواوی محەممەد ئەمین کوڕی شێخ محەمەد کە بە کاکە شێخ ناسراوە کوڕی شێخ محەممەد بەھائەدین کوڕی شێخ عوسمانی سیراجەددینی تەوێڵەیە. دایکی کچی مەلا نەجمەددینی مەلا نەزیرە.
محەممەد ئەمین کاردۆخی | |
|---|---|
 | |
| لەدایکبوون | ٢٥ی ئازاری ١٩١٦ |
| مەرگ | ٨ی حوزەیرانی ١٩٨٢ |
| نەتەوە | کورد |
| ئایین | ئیسلام |
ژیان دەستکاری
لە ساڵی ١٩١٦ لە تەوێڵە لەدایکبووە، لە پێنج ساڵیدا لای باوکی و خاڵوانی قورئان و کتێبە ئایینیەکانی خوێندووە، لە ساڵی ١٩٢٩ لە تەوێڵە چووەتە قوتابخانە. لە پاییزی ساڵی ١٩٣٥ خوێندنی سەرەتایی تەواوکردووە، پاشان چووەتە بەغدا لە خانەی مامۆستایان وەرگیراوە و لە ھاوینی ١٩٣٩ خوێندن تەواو دەکات و لە (١ی تشرینی یەکەمی ١٩٣٩) دامەزراوە و بووە بە مامۆستا لە تەوێڵە.
ژیانی مامۆستایەتی دەستکاری
ژیانی مامۆستایەتی لەم شوێنانە تەواو کردووە.
- تەوێڵە (یەک ساڵ)
- بیارە (دە ساڵ)
- عەبابەیلێ (دوو ساڵ)
- جافەران (یەک ساڵ)
- ھەڵەبجە (دە ساڵ)
- سلێمانی (دوو ساڵ)
- بەغدا (شەش ساڵ)
لە (١ی نیسانی ١٩٧٠) خۆی خانەنشین دەکات و دەگەڕێتەوە بۆ سلێمانی، واتە (٣١) ساڵ خزمەتی بووە لە پەروەردەدا.
مردن دەستکاری
لە ڕێکەوتی (٨ی حوزەیرانی ١٩٨٢) لە سلێمانی کۆچی دوایی کردووە و لە گۆڕستانی گردی سەیوان نێژراوە.
کاری ھونەری و ھۆنراوە دەستکاری
کاردۆخی ھەر بە منداڵی حەزی لە خوێندنەوە و لەبەرکردنی ھۆنراوە بووە بە تایبەت ھۆنراوەکانی حاجی قادر و کوردی و مەولەوی، کاریان تێکردووە.
بەرھەمەکان[٣] دەستکاری
ئەوانەی کە تا ئێستا چاپکراون دەستکاری
- دیوانی (سەیدی ھەورامی) - چاپخانەی کامەرانی سلێمانی ساڵی ١٩٧١.
- بەرگی یەکەمی دیوانی (شاھۆ) - چاپخانەی کامەرانی سلێمانی ساڵی 1978
- بەرگی یەکەمی دیوانی مەردۆخی - چاپخانەی دار الحریة لە بەغدا ساڵی ١٩٧٨.
- بەرگی دووەمی دیوانی (شاھۆ) - چاپخانەی کامەرانی لە سلێمانی ساڵی ١٩٨٠.
- لە چاپ دانەوەی دیوانی کاردۆخی بەشی یەکەم و ھەندێ لە بەشی دووەم - چاپخانەی ئۆفسێتی سەرکەوتن لە سلێمانی ساڵی ١٩٨٢.
پەراوێزەکان دەستکاری
- ^ مێژووی ئەدەبی کوردی، بەرگی حەوتەم، مارف خەزنەدار، لاپەڕەکانی ٢٩٥ تا ٣٠٤، دەزگای چاپ و بڵاوکردنەوەی ئاراس، ھەولێر:٢٠٠٦.
- ^ کتێبی: دیوانی کاردۆخی
- ^ http://www.freewebs.com/mahabadassociation/kardokhi.html[بەستەری مردووی ھەمیشەیی]
سەرچاوەکان دەستکاری
- کتێبی: دیوانی کاردۆخی.
- کتێبی: سەربوردێکی ھەورامان و سەردانێکی تەوێڵە/لاپەڕە/١١١٠.
- مێژووی ئەدەبی کوردی، بەرگی حەوتەم، مارف خەزنەدار، لاپەڕەکانی ٢٩٥ تا ٣٠٤، دەزگای چاپ و بڵاوکردنەوەی ئاراس، ھەولێر:٢٠٠٦.
 | ئەم ژیاننامە وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |