مایکڵ دانتێ دیمارتینۆ
مایکڵ دانتێ دیمارتینۆ (بە ئینگلیزی: Michael Dante DiMartino؛ لەدایکبووی ١٨ی تەممووزی ١٩٧٤) ئەنیمەیشنساز و بەرھەمھێنەر و نووسەر و دەرھێنەری ئەمریکییە. زیاتر بە کارەکانی لەگەڵ برایان کۆنێتزکۆ ناسراوە بە دروستکردن و نووسینی چیرۆکی ئەڤەتار: دوایین ملکەچپێکەری ھەوا و ئەفسانەی کۆرا، لەسەر پەخشی نیکلۆدیۆن.
مایکڵ دانتی دیمارتینۆ | |
|---|---|
 دیمارتینۆ ٢٠١٢ | |
| لەدایکبوون | ١٨ی تەممووزی ١٩٧٤ شێلبورن، ویلایەتە یەکگرتووەکانی ئەمریکا |
| پیشە | ئەنیمەیشن ساز، نووسەر، بەرھەمھێنەر، دەرھێنەر |
| چالاکبوون | ١٩٩٣–ئێستا |
| ناسراوە بە | ئەفسانەی کۆرا و ئەڤەتار: دوایین ملکەچپێکەری ھەوا |
| کار | ستۆدیۆکانی ئەڤەتار |
| مناڵ(ەکان) | ٢ |
پیشە
دەستکاریپێش زنجیرەی تەلەڤیزیۆنی ئەڤەتار: دوایین ملکەچپێکەری ھەوا، دیمارتینۆ بۆ ماوەی دوازدە ساڵ لە چەند فیلم و زنجیرەی دیکە دەرھێنانی کردوە، کە یەکێک لەوانە زنجیرەی ئەنیمەیشنی فامیلی گای بوو.[١] لە ساڵی ٢٠١٠ کۆمپانیای نیکلۆدیۆن ڕای گەیاند کە دیمارتینۆ و کۆنێتزکۆ زنجیرەیەکی نوێ بۆ تۆڕەکە پەرە پێدەدەن، بە ناوی ئەفسانەی کۆرا،[٢] کە پێشوازییەکی باشی بینەرانی لێکرا.[٣][٤]
لە مانگی ئەیلوولی ٢٠١٨ ڕاگەیەندرا کە کۆنێتزکۆ و دیمارتینۆ وەک بەرھەمھێنەری جێبەجێکار و نمایشکار بۆ زنجیرەی داھاتووی نێتفلیکس، زنجیرەی لایڤ ئاکشنی ئەڤەتار: کۆتا ملکەچپێکەری ھەوا دەست بەکاردەبن؛ بەڵام لە ١٢ی ئابی ٢٠٢٠، کۆنێتزکۆ و دیمارتینۆ لە سۆشیال میدیای فەرمی خۆیان ئاشکرایان کرد کە ھەردووکیان ستۆدیۆکانی ئەو زنجیرە نوێیەیان جێھێشتووە، ئەمەش بەھۆی جیاوازیی لە دەرھێنان و چیرۆکی زنجیرەکە کە تیمی نێتفلێکس بەڕێوەی دەبەن.[٥][٦]
ژیانی کەسی
دەستکاریدیمارتینۆ لە شاری شێلبورن لە ڤێرمۆنتی ویلایەتە یەکگرتووەکانی ئەمریکا لەدایکبووە. پێکەوە لەگەڵ برایان کۆنێتزکۆ لە قوتابخانەی ڕۆد ئایلەند بۆ کاری دیزاین خوێندویانە و بیرۆکە و بەرھەمھێنانی چیرۆکی ئەڤەتاریان لەوێ دروست کردوە.[٧][٨]
سەرچاوەکان
دەستکاری- ^ «Michael Dante DiMartino». Family Guy Wiki (بە ئینگلیزی). لە ٦ی کانوونی یەکەمی ٢٠٢٣ ھێنراوە.
- ^ https://www.polygon.com/animation-cartoons/2020/8/31/21405084/legend-of-korra-netflix-bryan-konietzko-michael-dimartino-interview-avatar
- ^ https://www.nydailynews.com/entertainment/tv/2010/03/12/2010-03-12_testing_soapy_waters_nickelodeon_to_use_degrassi_the_next_generation_to_try_out_.html
- ^ «Michael Dante DiMartino | Writer, Producer, Additional Crew». IMDb (بە ئینگلیزیی ئەمەریکایی). لە ٦ی کانوونی یەکەمی ٢٠٢٣ ھێنراوە.
- ^ Renfro، Kim (١٢ی ئابی ٢٠٢٠). «Why it's so worrying that the original 'Avatar: The Last Airbender' creators are no longer in charge of Netflix's live-action show». Insider (بە ئینگلیزیی ئەمەریکایی). لە ٦ی کانوونی یەکەمی ٢٠٢٣ ھێنراوە.
- ^ Spencer، Samuel (١٣ی ئابی ٢٠٢٠). «Why the Creators of 'The Last Airbender' Left Netflix's Live Action Reboot». Newsweek (بە ئینگلیزی). لە ٦ی کانوونی یەکەمی ٢٠٢٣ ھێنراوە.
- ^ «Michael Dante DiMartino». Avatar Wiki (بە ئینگلیزی). لە ٦ی کانوونی یەکەمی ٢٠٢٣ ھێنراوە.
- ^ «Interview: Michael Dante DiMartino and Bryan Konietzko, Creators of the Original Televised Avatar: The Last Airbender | Tor.com». www.tor.com. لە ٦ی کانوونی یەکەمی ٢٠٢٣ ھێنراوە.
دەروازەی ویلایەتە یەکگرتووەکانی ئەمریکا
دەروازەی ژیاننامە
دەروازەی فیلم
دەروازەی تەلەڤیزیۆن
دەروازەی ھۆڵیوود
دەروازەی ھونەرەکان
دەروازەی ئەنیمەیشن
| کۆمنزی ویکیمیدیا، میدیای پەیوەندیدار بە مایکڵ دانتێ دیمارتینۆ تێدایە. |