کوڕەکان (زنجیرەی تەلەڤیزیۆنی)

ھاوڕێکان (بە ئینگلیزی: The Boys) زنجیرە تەلەڤیزیۆنییەکی سووپەرھیرۆی ئەمریکییە، کە لەلایەن ئێریک کریپکەوە بۆ خزمەتگوزاری پەخشی ڤیدیۆی ئەمازۆن پرایم دروست کراوە. ئەم زنجیرەیە لەسەر بنەمای کتێبی کۆمیک بە ھەمان ناو کە لەلایەن گارس ئینیس و داریک ڕۆبەرتسۆنەوە نووسراوە، کە لە سەرەتادا لەلایەن کۆمپانیای دی سی کۆمیکسەوە بڵاوکراوەتەوە. لەو کۆمەڵە ئەکتەرەدا کە پێکھاتبوون لە کارڵ ئۆربان، جاک کواید، لاز ئەلۆنسۆ، تۆمەر کاپۆن و کارێن فۆکوھارا، ئەنتۆنی ستار، ئێرین مۆریارتی، دۆمینیک مەکئێلیگۆت، چەیس کراوفۆرد، جێسی ئاشەر و ناتان میچڵ وەک ئەندامانی پاڵەوانی سەرەکی «حەوت».

یەکەم وەرزی فیلمی ھاورێکان لە ٢٦ی تەممووزی ٢٠١٩ لە ھەشت ئەڵقەدا بۆ یەکەمجار نمایشکرا، وەرزی دووەم لە ٤ی ئەیلوولی ٢٠٢٠ پەخشکرا، وەرزی سێیەمیش لە ٣ی حوزەیرانی ٢٠٢٢ پەخشکرا، ئەم زنجیرەیە بۆ وەرزی چوارەم لە مانگی حوزەیرانی ٢٠٢٢ نوێکرایەوە. ئەم زنجیرەیە لەلایەن ڕەخنەگرانەوە بەھۆی نووسین و چیرۆک و نوکتە و نواندنییەوە ستایش کراوەو بۆ شەش خەڵاتی ئێمی پاڵێوراوە.

باسکردن

ھاورێکان لە جیھانێکدان کە کەسانی سەرسووڕھێنەر لەلایەن خەڵکی گشتییەوە وەک پاڵەوان دەناسرێن و لەلایەن کۆمپانیای بەھێزی وات ئینتەرناشناڵەوە خاوەندارێتی دەکرێن کە بازاڕیان دەکات و پارەیان پێدەبەخشێت. سووپەرھیرۆکان لە ڕاستیدا کەسانی خۆبەزلزان و گەندەڵن. زنجیرەکە بە پلەی یەکەم لەسەر دوو گرووپ جەخت دەکاتەوە: حەوت، تیمی سەرەکی سووپەرھیرۆی وات ئینتەرناشناڵ، و دەستەی ھاورێکان کە ھەوڵدەدەن پاڵەوانە گەندەڵەکان کۆنترۆڵ بکەن.

ھاورێکان لەلایەن بێڵی بەچەرەو سەرکردایەتی دەکرێن کە سووکایەتی بە ھەموو زلھێزەکان دەکات و حەوتەکەش لەلایەن ھۆملاندەری خۆپەرست و ناجێگیرەوە سەرکردایەتی دەکرێن. لەگەڵ پێکدادانی دوو فراکسیۆنەکە، زنجیرەکە بەدوای ئەندامانی نوێی ھەر تیمێکدا دەگەڕێت: ھیوی کامپبێلی ھاوڕێکان، کە پەیوەندی بە ھاورێکانەوو دەکات دوای ئەوەی خۆشەویستەکەی لەلایەن یەکێک لە حەوتەکەوە دەکوژرێت؛ و ئانی/ستارلایت لە فیلمی حەوت، پاڵەوانێکی گەنجی ھیواخوازە کە ناچارە ڕووبەڕووی ڕاستییەکان ببێتەوە سەبارەت بەو پاڵەوانانەی کە سەرسامییەتی.

ڕۆڵەکان

• کارڵ ئۆربان وەک بێڵی بەچەر، سەرۆکی دەستەی ھاوڕێکان و ئەندامی پێشووی سی ئای ئەیە، کە متمانەی بە کەسانی خاوەن زلھێزەکان نییە. ڕقێکی تایبەتی لە ھۆملاندەر ھەیە، کە پێی وایە بەرپرسیارە لە دیارنەمانی ھاوسەرەکەی بەناوی بێکا.
• جاک کواید لە ڕۆڵی ھیوی کامبێڵ/ ئەندامێکی ھاورێکانە کە پەیوەندی بە ھاورێکان دەکات دوای ئەوەی خۆشەویستەکەی ڕۆبن لەلایەن ئەی-ترەین دەکوژرێت. لەکاتێکدا بە فەرمی لە ھیچ بوارێکی سەربازی و ھەواڵگریدا وەرنەگیراوە، بەڵام بەھرەیەکی فێڵ نیشان دەدات و بە خێرایی دەبێتە ھاوڕێیەکی بەنرخ.
• ئەنتۆنی ستار وەک جۆن/ھۆملاندەر، سەرکردەی سووپەرھیرۆکانی حەوتە و دژبەری سەرەکی زنجیرەکەیە، لەژێر وێنەی گشتی خۆیدا وەک پاڵەوانێکی بەرز، خۆبەزلزان و بکوژە، ھیچ ڕەچاوی خۆشگوزەرانی ئەو کەسانە ناکات کە خۆشیان دەوێت.
• ئێرین مۆریارتی وەک ئانی ژانوی/ستارڵایت، سووپەرھیرۆیییەکی ڕووناکی دەرھێنەر و ئەندامێکی نوێی حەوتە، ئانی بە پێچەوانەی زۆر کەسی تری زلھێزەوە، دڵسۆزە لە ھەوڵەکانی بۆ یارمەتیدانی خەڵک.
• ناتان میشێل وەک بلاک نوێر، یەکێکە لە ئەندامانی گرووپی حەوت لە کۆمپانیای ڤاوت، بەشێوەی نینجایەکی بێدەنگ ھەڵسوکەوت دەکات، لەبەر ئەوەی لە زنجیرەکە نھێنییەکەی گەورەیی لە ھۆمڵاندەر شاردبۆوە ھەر بەدەستی ئەو دەکوژرێت.

بڵاوکردنەوە

ڕۆژی ٢٦ی ئەیلوولی ٢٠١٨ پۆستەری فەرمی ئەم کۆمەڵەیە بڵاوکرایەوە. لە ٥ی تشرینی یەکەمی ٢٠١٨، لە ھەمان کاتدا لەگەڵ پانێڵی زنجیرەکە لە ساڵانەی نیویۆرک کۆمیک، ترەیلەری بانگەشەیی زنجیرەکە بڵاوکرایەوە. لە ٢٤ی کانوونی دووەمی ٢٠١٩، پێشبینییەکی دیکەی بانگەشەیی لە ڕێگەی ھەژماری فەرمی «سێس ڕۆگن» لە توویتەر بڵاوکرایەوە. دوای پەخشکردنی تیزەرێکی دیکە، زنجیرەکە لە ٢٦ی تەممووزی ٢٠١٩ بۆ یەکەمجار نمایشکرا. لە ٢٢ی تەممووزدا کۆمپانیای Slipknot گۆرانییەکی نوێی بە ناوی Solway Firth بڵاوکردەوە کە کلیپ و دەنگی بەرنامەکەی تێدابوو. لە ٢٦ی حوزەیرانی ٢٠٢٠ ڕاگەیەندرا کە وەرزی دووەم لە ٤ی ئەیلوولی ٢٠٢٠ دەست پێدەکات، لە ئێستادا ٧ ئەڵقەی یەکەمی وەرزی دووەم بەردەستە، ئەوەی دەمێنێتەوە ھەفتانە پەخش دەکرێت. کورتە فیلمێکی ھاوڕێی بە ناوی «قەسابەکە» کاتێک دوای دەستپێکردنی ستریمکردن بڵاودەکرێتەوە. ترەیلەری فەرمی وەرزی دووەم لە ٤ی ئابی ٢٠٢٠ بڵاوکرایەوە.