سروشت چەندین مانای ھەیە. لە بەربڵاوترین مانادا دەگەڕێتەوە بۆ جیھان لە تەواوێتیی خۆیدا. لە مانایەکی بەرتەسکتریدا، دەگەڕێتەوە بۆ ئەو بەشە لە جیھان کە دروستکراوی دەستی مرۆڤ نییە، وەک کێو و دەشت و دەریا و لەمانە. بە میزاج و خوو و خدەی ئینسانیش دەوترێ، بۆ وێنە، حەمدی دەڵێ: «فکری خۆت ئامان مەنێرە بەر حەریفی بەدسروشت/ ھەر چرووکە گەر چرووک بیکاتە بەر کاڵایی ساغ.»[١][٢][٣] لە فەلسەفەدا، مەبەست لە سروشت، ھەمان زات و تایبەتمەندیگەلی زاتییە، لە بەرامبەر تایبەتمەندیگەلی عەرەزیدا، بەتایبەت ئەگەر باسەکە باسی ھەبوویەکە. ئەگەریش باسەکە ڕەھایە و بەند نییە بە ھەبوویەکی تایبەتەوە، مەبەست لە سروشت ھۆکاری ئەو گۆڕانەیە کە لە شتدا پەیدا دەبێ.[٤]
سروشت وێدەچێ لە «سرشت»ی فارسی بە مانای مەزاج و تەبیعەتی بەشەر وەرگیرابێ و مانای گشتیی تەبیعەتی بە خۆوە گرتبێ. نزیکایەتیی ھەیە لەگەڵ وشەی «سرێش»دا.[٢]
| کۆمنزی ویکیمیدیا، میدیای پەیوەندیدار بە سروشت تێدایە. |
