حەشدی شەعبی
حەشدی شەعبی (بە عەرەبی: الحشد الشعبي)، ڕێکخراوێکی چەتری عێراقییە کە دەوڵەتی عێراقی سپۆنسەری دەکات پێکهاتووە لە نزیکەی ٦٧ کوتلەی چەکداری جیاواز، لەگەڵ نزیکەی ١٢٨ هەزار چەکدار کە زۆربەیان گروپی موسڵمانی شیعەن، بەڵام گروپەکانی موسڵمانی سوننە، مەسیحی و ئێزیدیش لەخۆدەگرن. بەڵام لێکۆڵینەوەیەک بە سەرۆکایەتی حەیدەر عەبادی سەرۆک وەزیرانی پێشووی عێراق دەرکەوت کە نزیکەی ٦٠ هەزار کەسیان سەربازی ڕاستەقینەن، لەکاتێکدا ئەوانی دیکە ٧٠ هەزاریان "سەربازی شاراوە"ن. یەکینەکانی کۆکردنەوەی جەماوەری وەک گروپێک لە ساڵی ٢٠١٤ پێکهێنراون و نزیکەی لە هەموو شەڕێکی گەورەدا دژی داعش شەڕیان کردووە. دوای ئەوەی لە سەرەتای ساڵی ٢٠١٨دا بە تەواوی لەلایەن حەیدەر عەبادی فەرماندەی گشتی ئەوکاتەی، سەرۆکوەزیرانی عێراقەوە لە ساڵی ٢٠١٤ تا ٢٠١٨ ڕێکخرایەوە، ناوی پاسەوانی نوێی کۆماری عێراقی لێنراوە، کە رێسای بۆ گونجاندنی دۆخی کۆکردنەوەی جەماوەری دەدا. هەندێک لە میلیشیا پێکهێنەرەکانی لەلایەن هەندێک دەوڵەتەوە بە گروپی تیرۆریستی دادەنرێت، لە کاتێکدا هەندێکی تر بە توندوتیژی تائیفی تۆمەتبار کراون.لەماوەی ناڕەزایەتییەکانی عێراق لە ساڵی ٢٠١٩-٢٠٢٠، ئەو ڕێکخراوە تۆمەتبارکرا بە کوشتن و بریندارکردنی ژمارەیەکی زۆر لە خۆپیشاندەران و چالاکوانان.[٢]
| حەشدی شەعبی | |
|---|---|
| الحشد الشعبي بەشدار لە شەڕی کەرکووک (٢٠١٧) | |
| ساڵانی چالاکیی | حوزەیرانی ٢٠١٤-تاکوو ئێستا |
| ھاوپەیمانان |  ئێران سووریا عێراق پێشمەرگە (ھەندێک جار) |
| دوژمنان |  ئیسرائیل ویلایەتە یەکگرتووەکان میرنشینە یەکگرتووە عەرەبییەکان دەوڵەتی ئیسلامی لە عێراق و شام پێشمەرگە (ھەندێک جار)[١] |
سەرچاوەکاندەستکاری
- ^ "حەشدی شەعبی شەڕی دژبە پێشمەرگە دەستپێکرد". www.aa.com.tr. Retrieved 2021-11-27.
- ^ "Islamic State: The caliphate strikes back". The Economist. 23 May 2015. Retrieved 25 May 2015.
بەستەرە دەرەکییەکاندەستکاری
| کۆمنزی ویکیمیدیا، میدیای پەیوەندیدار بە حەشدی شەعبی تێدایە. |