بەرسا ڤۆن سەتنەر

بەرسا ڤۆن سەتنەر (بە ئینگلیزی: Bertha von Suttner) چالاکوانێکی نەمسایی بوو بۆ بواری ئاشتی لە ٩یۆنیۆی ١٨٤٣ لە پراگ لەدایک بوو لە ٢١ یۆنیۆی ١٩١٤لە ڤییەننا کۆچی دوایی کرد، لە ١٨٧٦وەک سکرتێری ئەلفرێد نۆبل کاری کردوە کاتێک لە پاریس نیشتەجێبووە، لەوساتەوە لەگەڵ ئەلفرێد دەکەوێتە پەیوەندی و نامە گۆڕینەوە تادواساتی ژیانی، لە نوسراو و ھۆنراوەکانی پەیامی ئاشتی بڵاودەکردەوە ئەمەش بووە ھۆی وەرگرتنی خەڵاتی نۆبڵ بۆ ئاشتی کە بووە یەکەم ئافرەت کە بتوانێت خەڵاتی نۆبڵ بەدەست بێنێت لە بواری ئاشتیدا وە بە دووەم ئافرەت دادەنرێت کە خەڵاتی نۆبڵی وەرگرتبێت بە گشتی ئەمیش دوای خەڵاتەکەی ماری کۆری، ھەروەھا بەیەکەم ھاوڵاتی نەمسایی دادەنرێت کە خەڵاتی نۆبڵی وەرگرتبێت، بەرسا لەژێڕ کاریگەریەکانی ھێربێرت سپێنسەر و ھێنری تۆماس و چارلز داروین دابووە. لە ١٨٨٩ پەرتوکێکی نووسی بەناوی چەکەکانتان داگرن ئەم پەرتوکە خوێنەر و ھەوادارێکی زۆری ھەبوو، لە ١٨٩١ دامەزراوەی نەمسایی بۆ ئاشتی دامەزراند، لە ڕۆژگاری ئەمرۆدا وێنەکەی لەسەر ڕووی دراوی یۆرۆی نەمسایی ھەڵکەندراوە لە ساڵی ١٩٠٥ خەڵاتی نۆبڵی بۆ ئاشتی وەرگرت.

ئەمانەش ببینەدەستکاری

سەرچاوەکاندەستکاری