کەیتی لێدێکی
کەیتی لێدێکی (لەدایکبووی ١٧ی ئازاری ١٩٩٧)یاریزانی پێشبڕکێی مەلەوانی ئەمریکییە. خاوەنی ٧ مەدالیای زێڕی ئۆڵۆمپیاد و ٢١ مەدالیای زێڕی پاڵەوانێتی مەلەوانی جیھانییە، کە زۆرترین مەدالیای زێڕە لە مێژوودا بۆ مەلەوانێکی مێینە. لە پاڵەوانێتی جیھانی وەرزشی ئاودا ١٦ میدالیای زێڕی تاکەکەسی بەدەستھێناوە کە ژمارەیەکی پێوانەیی جیھانییە.[١] بە بردنەوەی شەش مەدالیای زێڕی تاکەکەسی لە ئۆڵۆمپیاد و ٢٦ میدالیای گشتی لە پاڵەوانێتی جیھانی ئاوییدا ژمارەیەکی پێوانەیی لە مەلەوانی ژنان تۆمارکراوە. خاوەنی ژمارەی پێوانەیی جیھانییە لە پێشبڕکێکانی ٨٠٠ و ١٥٠٠ مەتری ئازادی ژنان (ھەردوو کۆرسی درێژ و کورت) ھەروەھا خاوەنی ژمارەی پێوانەیی جیھانی پێشووە لە پێشبڕکێی ٤٠٠ مەتری ئازادی ژنان (کۆرسی درێژ). ھەروەھا خێراترین کاتەکانی لە پێشبڕکێکانی ٥٠٠ و ١٠٠٠ و ١٦٥٠ یاردی ئازادی ژنان بەدەستھێناوە. بەگشتی وەک یەکێک لە باشترین ژنە وەرزشوانی مەلەوانی لە مێژووی ئۆلۆمپیاد دادەنرێت.[٢][٣][٤]
| کەیتی لێدێکی | |
|---|---|
| بە ئینگلیزی: Katie Ledecky | |
.jpg) | |
| لەدایکبوون | ١٧ی ئازاری ١٩٩٧ واشینگتن دی سی، ویلایەتە یەکگرتووەکانی ئەمریکا |
| وڵاتی وەرزش | ویلایەتە یەکگرتووەکانی ئەمریکا |
| ناوی کاتی لەدایکبوون | Kathleen Genevieve Ledecky |
| ناسناو | Katie |
| باوک | David Ledecký |
| خزمەکان | Jon Ledecky |
| زمانەکانی ئاخاوتن | زمانی ئینگلیزی، ئینگلیزیی ئەمریکی |
| پیشە | swimmer |
| پەروەردە | Stone Ridge School of the Sacred Heart، زانکۆی ستانفۆرد |
| دانیشتووی | بێتیسدا، Stanford، فلۆریدا |
| نەژاد | جوولەکە ئەشکەنازییەکان |
| ئایین | مەسیحییەت، جوولەکایەتی، کاسۆلیکی |
| باری تەندرووستی | postural orthostatic tachycardia syndrome |
| وەرزش | مەلەوانی |
| وێبگە | https://katieledeckyswim.com/ |
| براوەی | swimming at the 2022 World Aquatics Championships – women's 400 metre freestyle، swimming at the 2022 World Aquatics Championships – women's 1500 metre freestyle |
لە یارییەکانی ئۆڵۆمپیادی لەندەن لە ساڵی ٢٠١٢ تەمەنی ١٥ ساڵ بوو، بە شێوەیەکی چاوەڕواننەکراو میدالیای زێڕی لە پێشبڕکێی ٨٠٠ مەتری ئازادی ژنان بەدەستھێنا. دوای چوار ساڵ، ڕیۆ دێ ژانێرۆ بەجێھێشت وەک ڕازاوەترین وەرزشکاری ژن لە یارییەکانی ئۆڵۆمپیادی ٢٠١٦, بە چوار میدالیای زێڕ و یەک میدالیای زیو و دوو ژمارەی پێوانەیی جیھانی. ھەروەھا لە یارییەکانی ئۆڵۆمپیادی ٢٠٢٠ دا، لێدێکی وەک ڕازاوەترین وەرزشکاری مێینەی ئەمریکی دەرکەوت و بووە یەکەم مەلەوانی مێینەی ئەمریکی کە لە سێ ئۆڵۆمپیادی لەسەریەکدا لە پێشبڕکێیەکی تاکەکەسیدا سەرکەوتنی بەدەستھێنابێت.[٥] لە ساڵی ٢٠٢٣ لە پاڵەوانێتی جیھانی ٨٠٠ مەتری زێڕی بەدەستھێنا، بووە تاکە مەلەوان - نێر یان مێ - کە شەش میدالیای زێڕی پاڵەوانێتی جیھانی لە ھەمان پێشبڕکێدا بەدەستھێنابێت.[٦] بە گشتی ٤٦ میدالیای (٣٦ زێڕ و ٩ زیو و ١ برۆنزی) لە پێشبڕکێ نێودەوڵەتییە گەورەکاندا بەدەستھێناوە، کە ئۆڵۆمپیادی ھاوینە و پاڵەوانێتی جیھانی مەلەوانی و پاڵەوانێتی پان پاسیفیک دەگرێتەوە. لە ماوەی ژیانیدا شازدە ژمارەی پێوانەیی جیھانی شکاندووە. پێنج جار وەک باشترین ژنەمەلەوانی جیھانی ساڵ دەستنیشانکراوە. ھەروەھا وەک باشترین وەرزشکاری مێینەی ساڵی ئەسۆشێتد پرێس لە ساڵانی ٢٠١٧ و ٢٠٢٢، باشترین وەرزشکاری مێینەی کۆمیتەی ئۆڵۆمپی ئەمریکا لە ساڵانی ٢٠١٣ و ٢٠١٦ و ٢٠١٧، باشترین ژنە وەرزشی ساڵ لەلایەن دامەزراوەی وەرزشی ژنانەوە لە ساڵی ٢٠١٧، و باشترین وەرزشکاری مێینەی ESPY لە ساڵی ٢٠٢٢ دەستنیشانکراوە.[٧] لە ساڵی ٢٠٢٤ لەلایەن سەرۆک جۆ بایدنەوە مەدالیای ئازادی سەرۆکایەتی پێبەخشرا.[٨]
سەرچاوەکان
دەستکاری- ^ Sterling، Wayne (٢٩ی تەممووزی ٢٠٢٣). «Katie Ledecky overtakes Michael Phelps for most individual world titles». CNN (بە ئینگلیزی). لە ١٠ی ئابی ٢٠٢٣ ھێنراوە.
- ^ «Greatest swimmer of all time: a ranked list of the best swimmers ever». SportsBrief. ١٨ی کانوونی دووەمی ٢٠٢٣. لە ڕەسەنەکە لە ٢٣ی ئایاری ٢٠٢٤ ئەرشیڤ کراوە. لە ٧ی تشرینی یەکەمی ٢٠٢٣ ھێنراوە.
- ^ «How Katie Ledecky Became the Greatest Distance Swimmer of All Time». MySwimPro. ٢٠ی تەممووزی ٢٠٢١. لە ٧ی ئابی ٢٠٢٢ ھێنراوە.
- ^ Brennan، Christine (July 29, 2023). «Shattering Michael Phelps' Record, Katie Ledecky Shows Why She's The Greatest». USA Today. لە October 7, 2023 ھێنراوە.
{{cite news}}: نرخەکانی ڕێکەوت بپشکنە لە:|access-date=و|date=(یارمەتی) - ^ Lohn، John (٣١ی تەممووزی ٢٠٢٢). «Ledecky Johns Elite Company With Third Straight Title in 800 Freestlye». Swimming World. لە ڕەسەنەکە لە ٢١ی شوباتی ٢٠٢٤ ئەرشیڤ کراوە. لە ٧ی ئابی ٢٠٢٢ ھێنراوە.
- ^ Wade، Stephen (July 29, 2023). «Katie Ledecky passes Michael Phelps for most individual golds at world championships». ABC News.
{{cite news}}: نرخەکانی ڕێکەوت بپشکنە لە:|date=(یارمەتی) - ^ Roxanna Scott, "Katie Ledecky wins Female Athlete of the Olympic Games", USA Today (September 29, 2016).
- ^ Schad، Tom (May 3, 2024). «Katie Ledecky, Jim Thorpe among 2024 Presidential Medal of Freedom recipients by Joe Biden». USA Today.
{{cite news}}: نرخەکانی ڕێکەوت بپشکنە لە:|date=(یارمەتی)
دەروازەی ئۆڵۆمپیاد
دەروازەی ژیاننامە
دەروازەی ژن
دەروازەی ویلایەتە یەکگرتووەکانی ئەمریکا
دەروازەی وەرزش
| کۆمنزی ویکیمیدیا، میدیای پەیوەندیدار بە کەیتی لێدێکی تێدایە. |