چاوەڕوانی (فیلم)
چاوەڕوانی (بە ئینگلیزی: Waiting) فیلمێکی درامیی ھیندیی ساڵی ٢٠١٥یە، لە دەرھێنانی ئانو مینۆن. فیلمەکە لەلایەن پریتی گوپتا و مانیش موندرە لەژێر ئاڵای ئیشکا فیلمز و دریشیام فیلمز بەرھەم ھێنراوە، و لەلایەن مێنۆن و جەیمز ڕوزیکا بە ھاوبەشی نووسراوە و نەسرەدین شا و کالکی کۆچلین ڕۆڵی سەرەکی تێدا دەگێڕن. فیلمی چاوەڕێ تیشک دەخاتە سەر پەیوەندی نێوان دوو کەس لە چین و توێژە جیاوازەکانی ژیان لە نەخۆشخانەیەکدا دەبنە ھاوڕێی یەکتر، لە ھەمان کاتدا چاودێری ھاوسەرکانیان دەکەن کە لە کۆمادان. لە فیلمەکەدا ڕاجات کاپوور، سوھاسینی مانیراتنام، ئارجون ماتوور، ڕاجیڤ ڕاڤیندراناتان و ڕاتنابالی بەتاچارجی ڕۆڵی پاڵپشت دەگێڕن. پەرەپێدانی فیلمەکە لە مانگی حوزەیرانی ٢٠١٤ دەستیپێکرد، کاتێک مێنۆن گرێبەستی لەگەڵ کۆچلین و شا بۆ پڕۆژەیەکی بێ ناونیشان واژووکرد. وێنەگرتنی سەرەکی لە تشرینی دووەمی ٢٠١٤ لە کەنار دەریای شاری کۆچی باشووری ھیندستان دەستی پێکردووە، نەھا پارتی وەک وێنەگری سینەمایی بۆ فیلمەکە کاری کردووە. گۆرانیبێژ و ئاوازدانەر مایکی ماککلێری کە دانیشتووی نیووزلەندایە، ئاوازی گۆرانییەکانی فیلمەکەی داناوە. نیتین بەید و ئەپورڤا ئەسرانی مۆنتاژیان بۆ فیلمەکە کردووە و ئاتیکا چۆھان دیالۆگەکەی نووسیوە. ھەروەھا یەکەم فیلمی ھیندی بوو کە دەرھێنەر و خانمەکتەری دیاری باشووری ھیندستان "سوھاسینی مانیراتنام" دەرکەوتنی تێدا ھەبوو. ھەروەھا کۆچلین یەکەم جار وەک ھۆنراوەنووسێک بۆ فیلمەکە دەرکەوت و گۆرانی "چاوەڕوانی تۆ"ی نووسی.
| چاوەڕوانی | |
.jpg) | |
| دەرھێنەر | ئانو مینۆن |
|---|---|
| بەرھەمھێنەر | پریتی گوپتا مانیش موندرا |
| نووسین | ئانو مینون جەیمز ڕوزیکا ئاتیکا چاوھان |
| کاست | نەسرەدین شا کالکی کۆچلین ڕاجات کاپوور سوھاسینی مانیراتنام ئارجون ماتوور |
| مۆسیقا | مایکی ماککلێری |
| وێنەگری سینەمایی | نەھا پارتی ماتیانی |
| دەستکاری | نیتین بەید ئاپورڤا ئەسرانی |
| ستۆدیۆ(کان) | ئیشکا فیلمز |
| کۆمپانیای بڵاوکەرەوە | دریشیام فیلمز |
| ڕێکەوتی دەرچوون | ١١ی کانوونی دووەمی ٢٠١٥ (فێستیڤاڵی نێونەتەوەییی فیلمی دوبەی) ٢٧ی ئایاری ٢٠١٦ (ھیندستان) |
| ماوەی فیلم | ٩٨ خولەک |
| وڵات | ھیندستان |
| زمان | ھیندی |
| داھات | ٣٥ ملیۆن کرۆر (٥٤٠ ھەزار دۆلار) |
یەکەم نمایشی جیھانی لە فێستیڤاڵی نێونەتەوەییی فیلمی دوبەی لە ١١ی کانوونی دووەمی ٢٠١٥ ئەنجامدا و لەلایەن ڕەخنەگرانەوە پێداچوونەوەی ئەرێنی کرا. ھەروەھا لە ئاھەنگی کۆتایی فێستیڤاڵی فیلمی ئاسیای بەڕیتانیا نمایشکرا، کە مێنۆن خەڵاتی باشترین دەرھێنەری بەدەستھێنا. فیلمەکە لە ٢٧ی ئایاری ٢٠١٦ لە ھیندستان بە شێوەی شانۆیی نمایشکرا، لەگەڵ نمایشکردنی فیلمی چاوەڕێ لە ھیندستان لەلایەن ڕەخنەگرانەوە پێشوازییەکی باشی لێکرا، بە تایبەتی ستایشی ڕۆڵەکانی کۆچلین و شا، و دەرھێنانی مێنۆنیان کرد. فیلمەکە لەساتی نمایشکردنیدا لە بۆکس ئۆفیسدا کۆی گشتی ٣٥ ملیۆن کرۆر(٤٤٠ ھەزار دۆلار)ی کۆکردەوە.
چیرۆک
دەستکاریشیڤ ناتراج (نەسرەدین شا)، پرۆفەسۆری دەروونناسی بەتەمەن، دەگاتە نەخۆشخانەیەک لە شاری کۆچی بۆ سەردانی پانکاجا (سوھاسینی مانیراتنام) ھاوسەرەکەی کە لە کۆمادایە. ھەروەھا تارا کاپوور دیسفاند (کالکی کۆچلین)، بریکاری گەنجی ڕیکلام، لە شەودا دەگاتە نەخۆشخانەکە دوای ئەوەی ھەواڵی ڕووداوێکی ئۆتۆمبێلی پێدەگات کە ھاوسەرەکەی ڕاجات دێشپاندە (ئارجون ماتوور) تێیدا بووە. ئەو لەلایەن ھاوکارە سەرنجڕاکێشەکەی ڕاجات گیریش (ڕاجیڤ ڕاڤیندراناتان) دڵنەوایی کرا، بەڵام لەناکاو لە کارەکەی دووری خستەوە. تارا زۆر ناڕەحەت بوو کاتێک بینی ڕاجات بە ئامێری ھەناسەدان ھەناسە دەدات، و یەکسەر ڕۆیشت.
لە ھۆڵی چاوەڕوانیدا تارا لە شیڤ نزیک بوویەوە و پێی وابوو پزیشکە و داوای ئامۆژگاری لێکرد. دەری خست کە ھاوسەرەکەی ھەشت مانگ لەمەوبەر تووشی جەڵدەی مێشک بووە کاتێکدا لە دەرەوە بوو سەیری یاری کریکێتی دەکرد، لەو کاتەوە لە کۆمادایە. ئەو دووانە لەسەر بارودۆخە ھاوشێوەکانیان پەیوەندییان بەیەکەوە ھەیە. دواتر گیریش تارا لە ھۆتێلێک دادەبەزێنێت و جانتای ڕەجاتی پێدەدات. تارا کاتژمێرەکەی تێیدا دەدۆزێتەوە و دەیکاتە دەستی. ڕۆژی دواتر توڕە دەبێت دوای ئەوەی پەیامێکی خۆشەویستی لە مۆبایلەکەی ڕاجات لەلایەن ھاوکارەکەی شیتالەوە دەخوێنێتەوە، کە دواتر ئاشکرا دەبێت کە پیاوە. شیڤ شایەتحاڵی تەواوی ئەو ھەڵە تێگەیشتنە دەبێت و ئەو دووانە ساتێکی خراپیان دەبێت. دواتر لە ھۆتێلەکە سەردانی دەکات، ئەویش نائومێدی خۆی لەگەڵ ھاوڕێ و فۆڵۆوەرەکانی لە سۆشیال میدیادا بڵاو دەکاتەوە بەھۆی ئەوەی وازی لێھێناوە. ئەو ستایشی شیڤ دەکات بۆ ئارامییەکەی، کە ئەو پێنج قۆناغی خەمۆکی بۆ ڕوون دەکاتەوە. تارا ھێزی خۆی لە شیڤدا دەبینێتەوە کە ھاوتایەکی ژیرتر و بە ئەزموونترە. ھەردووکیان زۆربەی کاتە بەتاڵەکانیان بەیەکەوە بەسەردەبەن بۆ ڕووبەڕووبوونەوەی خەمەکانیان، سەرەڕای ئەوەی لە سروشتدا تەواو پێچەوانەن. شیڤ تارا دەباتە پەرستگاکە، ئەویش دەیبات بۆ بازاڕکردن. پزیشکی ڕاجات، نیروپام مالھۆترا (ڕاجات کاپوور) بە تارا دەڵێت کە ڕاجات تووشی ھێماتۆما (نەخۆشی خوێن) بووە لە مێشکیدا و ڕەنگە نەشتەرگەری یارمەتی چاکبوونەوەی بدات، بەڵام مەترسی ئیفلیجی بەشێکی ھەیە.
تارا ترسا، چونکە پێی وایە ڕاجات نایەوێت مەترسییەکە ھەڵبگرێت، و داوای ئامۆژگاری لە شیڤ دەکات. پێشتر لەگەڵ دکتۆر مالھۆترا، کێشەی ھەبوو کارەکەی دوورخرایەوە کە وەک پیاوێکی دەستەی نەخۆشخانە و کۆمپانیاکانی بیمە لە کە تەنھا گرنگی بە پارە پەیداکردن دەدەن نەک نەخۆشەکان. تارا و شیڤ دەمەقاڵەیەکی گەرمیان ھەبوو. شیڤ بە تووڕەیییەوە شەق لە تارا دەدات کە دەرفەتی ژیانی بە ڕاجات نەدات. تارا وەڵامی دایەوە کە ئەو ڕاستە، شیڤ دەستی بە خۆپەرستی کرد و وای کرد ژنەکەی ھەست بە ئازار بکات لەبەر خاتری ئەو.
باشترین ھاوڕێی تارا ئیشیتا (ڕاتنابالی بەتاچارجی) دەگاتە کۆچی و ئامۆژگاری دەکات بۆ ئەوەی دەست بکات بە نوێژکردن و دایک و باوکی ڕاجات ئاگادار بکاتەوە لە بارودۆخەکەی. سەرەڕای ئەوەی تارا بێ باوەڕە، کاتێک بە تەنیایە لەگەڵ ڕاجات، دروشمی نامو میۆھۆ ڕێنگێ کیۆ دەڵێتەوە. شیڤ بە نائومێدییەوە ھەوڵدەدات مالھۆترا ڕازی بکات کە دابەزاندنی پەستانی بڕبڕەی پشت بۆ ھاوسەرەکەی ئەنجام بدات، بەڵام ئەو توێژینەوەکەی شیڤ پشتگوێ دەخات و ئەنجامدانی نەشتەرگەرییەکە ڕەتدەکاتەوە. تارا لەگەڵ ئیشیتا باسی نەشتەرگەرییەکەی ڕاجات دەکات و بڕیار دەدات نەچێتە پێشەوە، کە زیاتر مالھۆترا توڕە دەکات. ئیشیتا بۆ یارمەتیدانی کوڕە نەخۆشەکەی دەڕوات. تارا تێدەگات کە چیتر ئەو لە پێشینەی کارەکانی ئیشیتا نییە، ئێستا کە ئیشیتا ھاوسەرگیری کردووە.
شیڤ و تارا ماکیاژ دەکەن و دواتر ئەو شەوە پێکەوە سەما دەکەن لە ماڵی شیڤ، ئەمەش زۆر جێگەی نارەزایی دراوسێکانی بووە. ئەوان ڕەشبینن بە بیرکردنەوە لە ھاوسەرەکانیان و بریاردانی ئەوەی ئەوان چ مانایەکیان ھەیە بۆیان. پێش ئەوەی خەو بیانباتەوە لە ژووری دانیشتن. بەیانی دواتر تارا زوو دەڕوات و بڕیار دەدات دایکی ڕاجات ئاگادار بکاتەوە. دوای ئەوەی گیریش کاغەزی بیمەی پێویستی بۆ تارا ھێنا، تارا سوپاسی کرد کە ھەمیشە لەگەڵیدا بووە و داوای لێبوردنی لێکرد کە ڕەق بووە لەگەلی. بڕیاریدا سەرەرای ھەموو شتێک بەردەوام بێت لەسەر نەشتەرگەرییەکە. ڕاجات بردرا بۆ نەشتەرگەری، دەستی گرت تا گەیشتنە ژووری نەشتەرگەری. لە لایەکی ترەوە شیڤ بڕیار دەدات کە ئامێری ھەناسەدانەکە لەسەر پانکاجا لابدات و ڕێگە بە ھاوسەرەکەی بدات کۆتا پەیوەندی بکات. پانکاجا ھەوڵدەدات خۆی ھەناسە بدات لەکاتێکدا بینەران مامەڵە لەگەل دەکرێت بۆ ڕووداوەکانی لووتکەی ھەردوو ھاوسەرەکە. تارا لە ھۆڵی چاوەڕوانیدا دانیشت، و شیڤ پەیوەندی پێوە کرد کاتێک کامێراکە دەرەوەبوو.
ڕۆڵەکان
دەستکاری- نەسرەدین شا وەک پرۆفیسۆر شیڤ کومار ناتراج
- کالکی کۆچلین وەک تارا دێشپاندە
- ئارجون ماتوور وەک ڕاجات دێشپاندە
- ڕاجات کاپوور وەک دکتۆر نیروپام مالھۆترا
- سوھاسینی مانیراتنام وەک پانکاجا ناتراج، ھاوسەری پڕۆفیسۆر شیڤ کومار ناتراج (کە لەحاڵەتی کۆمادایە)
- ناندینی سری وەک پەرستار ئان
- ڕاجیڤ ڕاڤیندراناتان وەک گیریش
- ڕاتنابالی بەتاچارجی وەک ئیشیتا
- مارین بابو وەک پەرستار پرێما
- کریشنا شانکار وەک ڕاڤی
بەرھەمھێنان
دەستکاریپەرەپێدان
دەستکاریفیلمەکە بە بوودجەیەکی کەم دروست کراوە و لەلایەن پریتی گوپتا لە کۆمپانیای ئیشکا فیلمز و مانیش موندرە لە کۆمپانیای دریشیام فیلمز بەرھەم ھێنراوە.[١] فیلمەکە لە دەرھێنانی ئانو مێنۆن بووە، کە دووەم بەرھەمییەتی کە کاری دەرھێنانی بۆ کردبێت دوای فیلمی کۆمیدیای ڕۆمانسی «لەندەن، پاریس، نیویۆرک» (٢٠١٢).[٢] ھەروەھا لەگەڵ ھاوڕێ خوێندکارەکەی پێشووی لە قوتابخانەی «فیلمی لەندەن» و پزیشکی پێشووی بێھۆشکەر جەیمس ڕوزیکا بە ھاوبەشی سیناریۆکەیان نووسیوە. مێنۆن بە ئیلھام وەرگرتن لە ئەزموونی تایبەتی خۆی، لەگەڵ ڕوزیکا دەستی بە کارکردن لەسەر سیناریۆی فیلمەکە کردووە. مێنۆن پرۆسەی نووسینی فیلمەکەی بە زۆرسەخت ناوبرد، چونکە دەبوو بزانن «پەیوەندیکردن لەگەڵ نەخۆشێکی حاڵەتی کۆمادا مانای چییە، چ لە ڕووی سۆزداری و چ لە ڕووی پزیشکییەوە». دواتر وتی کە ئەزموونی ڕوزیکا وەک پزیشکێک بەڕاستی یارمەتیدەر بووە لە پەرەپێدان و تێگەیشتنێکی لۆژیکی لە دۆخی فیلمەکە.[٣][٤] مێنۆن ئاشکرای کرد کە ساڵانێک پێش دەستپێکردنی بەرھەمھێنانی ڕاستەقینەی فیلمەکە دەستی بە نووسینی چیرۆکەکە کردووە، و چەند ساڵێکی پێچووە بۆ تەواوکردنی.[٥]
کارەکانی پێش بەرھەمھێنان لە مانگی تەممووزی ٢٠١٤ دەستیپێکرد، کاتێک موندرا کە بەرھەمھێنەری فیلمە و بنکەکەی لە دوبەییە، ڕەزامەندی دەربڕی لەسەر بەرھەمھێنان. مێنۆن ژینگەیەکی تەواو جیاوازی بۆ فیلمەکە دەویست، دوور لە «ژیانێکی نێو شار»، بڕیاریدا چیرۆکەکە لە ویلایەتی کێرالا لە باشووری ھیندستان دابنێت.[٦] دەرھێنەری وێنەگرتنی فیلمەکە وێنەگری سینەمایی «نەھا پارتی مارتیانی» بوو کە پێشتر پەیوەندی بە فیلمەکانی «ناوم خانە» (٢٠١٠) و «یاملا پاگڵە دیوانە» (٢٠١١) ھەبووە. دیالۆگی فیلمەکە لەلایەن ئاتیکا چۆھانەوە نووسراوە. پراجاکتا غاگ دیزاینەری بەرھەمھێنانی فیلمەکە بوو.[٧]
ماڵپەڕی کات بەسەربردن «بۆلیوود ھەنگاما»، بڵاوی کردبووەوە کە بڕیارە کالکی کۆچلین ڕۆڵی سەرەکی لە فیلمی داھاتووی مێنۆن ببینێت. ڕاپۆرتە بڵاوکراوەکان ئاشکرایان کردووە کە کۆچلین ڕۆڵی تارا دێشپاندەی گەنج و بێدەنگ و شارەزای سۆشیال میدیا دەگێڕێت. ھاوئەستێرەی کۆچلین کە لە فیلمەکانی وەک «ئەو کچە بە پێڵاوی زەردەوە» و «زیندەگی نا میلێگی دۆبارا» (٢٠١١)، نەسیرەدین شا، پەیوەندی بە کاستی فیلمەکەوە کرد، دواتر لەلایەن مێنۆنەوە پەیوەندی پێوەکرا و سیناریۆی فیلمەکەی لە ڕێگەی ئیمەیڵێکەوە بۆی نارد. نەسرەدین شا ھەرچەندە کە پێشتر ھیچ زانیارییەکی لەسەر کارەکانی مێنۆن نەبووە، بەڵام ڕۆڵی سەرەکی پیاوەکەی لە فیلمەکەدا پەسەند کرد.[٨] بۆ ئامادەکاری بۆ ڕۆڵەکە، کۆچلین کاری لەسەر ئەو زاراوەیە دەکرد کە دەبوایە وەک کەسایەتییەک لەنێو فیلمەکە قسەی پێ بکات، کە تێکەڵەیەک بوو لە زمانی ھیندی و ئینگلیزی. ھەروەھا قژی بۆ ڕەنگی ڕەش بۆ ئەو ڕۆڵە بۆیاخ کرد، چونکە مێنۆن دەیوویست زیاتر «ڕەنگی زەمینی» دەربکەوێت.[٩] لە چاوپێکەوتنێکدا لەگەڵ کەناڵی گەلف نیووز، کۆچلین ڕای گەیاند، کە شێوازی فیلمەکەی زۆر خۆشدەوێت و بەراوردی کردووە بە درامای ئەمریکی ونبوو لە وەرگێڕاندا (٢٠٠٣). لە چاوپێکەوتنێکی جیادا لەگەڵ ئارتی دانیال، لە ڕۆژنامەی خەلیج تایمز، نەسرەدین شا ڕای گەیاند کە فیلمی چاوەڕێ ڕێگەی ئەو بووە بۆ قەرەبووکردنەوەی ئەو کۆمەڵە «فیلمە ترسناکانە»ی کە لە ساڵی ٢٠١٤ ھەیبووە.[١٠]
ئەکتەر و دەرھێنەری باشووری ھیندستان «سوھاسینی مانیراتنام»یەکەم جارە کە لە سینەمای ھیندیدا بە فیلمی چاوەڕێ، ڕۆڵی پانکاجا، ھاوسەری کەسایەتی شا ببینێت.[١١] مێنۆن باسی ئەزموونی کارکردنی لەگەڵ سوھاسینی کرد، و وتی «بە کەسێکی بەئەزموونە، ھەروەھا یارمەتیشم دا لە چەند دیمەنێکی سەختی پشت کامێرا».[١٢] ئارجون ماتور ڕۆڵی ڕاجات دێشپاندەی بینی، کە ھاوسەری تارایە و تووشی ڕووداوی ئۆتۆمبێل دەبێت، و ڕاجات کاپوور ڕۆڵی نیروپام مالھۆترا دەگێڕێت کە پزیشکە لە نەخۆشخانەی کۆچی.[١٣] لە فیلمەکەدا ڕاتنابالی بەتاچاجی و ڕاجیڤ ڕاڤیندراناتان و مارین بابو ڕۆڵی پاڵپشتیان بینیوە.[١٤] باقی کاستی پاڵپشتی فیلمەکە زیاتر لە ئەکتەرە مالایالییەکان پێکھاتبوون، لەوانە دینیش نایر و کریشنا سانکار کە بە ھاوکاری گاوتام پیشارۆدی، بریکاری کاستی ناوخۆیی ناویان تۆمارکرا.[١٥]
وێنەگرتن و ناردنی بەرھەم
دەستکاری
وێنەگرتنی سەرەکی لە مانگی تشرینی دووەمی ٢٠١٤ لە کەنار دەریای شاری کۆچی لە ویلایەتی کیرالا دەستی پێکرد. وێنەگرتنی تەواوی فیلمەکە لە کاتی خۆیدا لە ماوەی نزیکەی ٣٠ ڕۆژدا تەواو بوو. سەبارەت بە ئەزموونی وێنەگرتنەکە، مێنۆن وتی، «ئەزموونی وێنەگرتنەکە جوان بوو، ھەرچەندە چەندین بەرەنگاربوونەوەش ھەبوو، چونکە ئێمە زۆرینەمان تیمێکی تەواو ژن بووین».[١٦] لە چاوپێکەوتنێکدا لەگەڵ ڕۆژنامەی زە ھیندۆس، کۆچلین ئاشکرای دەکات کە بە درێژایی پرۆسەی بەرھەمھێنان چەند جارێک پرسیاری لە مێنۆن کردووە کە دەیەوێت باشتر لە پاشخانی کەسایەتییەکەی نێو فیلمەکە تێبگات. ئاماژەی بەوەشکردووە، گفتوگۆیەکی درێژخایەن لەگەڵ مێنۆن دەکات سەبارەت بە دیمەنە تایبەتەکان.[١٧]
ھەروەھا چێژێکی زۆری لە کارکردن لەگەڵ شا وەرگرتووە و ئەزموونەکەی بە «دڵخۆشکەر» وەسف کردووە. تیمی سەرنووسەرانی فیلمی چاوەڕێ، ئەپورڤا ئەسرانی و نیتین بەید سەرپەرشتی بوون.[١٨] تێکەڵکردنی دەنگەکان لەلایەن ئەندازیاری دەنگ «ڕۆلاند ھیپ» کە بنکەکەی لە لەندەنە، بە ھاوکاری «ماندار کامالاپورکار و ئودیت داسێجا» ئەنجامدراوە. پراجاکتا غاگ دیزاینەری بەرھەمھێنانی فیلمەکە بوو و بەشی مارکێتینگیش لەلایەن پارول گۆساینەوە سەرپەرشتی دەکرا. پرۆسەی مۆنتاژکردنی فیلمەکە لە مانگی ئازاری ٢٠١٥ ئەنجامدرا. بڕینی کۆتایی فیلمەکە بۆ ماوەی کۆی گشتی ٩٨ خولەک بوو.[١٩]
مێنۆن پێش بڵاوبوونەوەی فیلمەکە لەگەڵ ڕۆژنامەی "ناشیۆناڵ"دا قسەی لەسەر فیلمەکە کردووە و ڕای گەیاندووە کە چیرۆکەکە لە دڵی خۆیەوە نزیکە چونکە ئیلھامەکەی لە ئەزموونی تایبەتی خۆی وەرگرتووە. سەبارەت بە کارکردن لەگەڵ کۆچلین و شا، وتی "ئەو (شا) لە شوێنی خۆیدا بوو و ھەمیشە ئامادەکاری باشی دەکرد، باشترین ئاستی خۆی لە یەکەم وەرگرتندا پێشکەش کرد." ھەروەھا فیلمی چاوەڕێ بە "فیلمێکی نەرم و کاریگەر" وەسف دەکات.
تراکی دەنگی
دەستکاری| چاوەڕێ | |
|---|---|
| لە لایەن مایکی ماککلێری | |
| بڵاوبوونەوە | ١٦ی ئایاری ٢٠١٦ |
| تۆماربوون | ٢٠١٦ |
| چەشن | ساوند تراک |
| ماوە | ١٤:١٩ |
| بڵاوکەرەوە | کۆمپانیای زی میوزیک |
مۆسیقای فیلمەکە لەلایەن مایکی ماککلێری ئامادەکراوە و کاڤیتا سێت، نیخیل دیسۆزا، ئەنوشکا مانچاندا، ڤیشال دادلانی و مەککلیریش وەک گۆرانیبێژ بۆ ئەلبوومەکە کاریان کردووە.[٢٠] ھەروەھا تێکستی تراکەکان لەلایەن مەککلیری، کۆچلین مانۆج مونتاشیر و ئەنکور تیواری نووسراوە. یەکەم گۆرانی ئەلبوومەکە بە ناوی "تو ھای تۆە مەین ھون" کە شێوازێکی پۆپە لەلایەن مانچاندا و دیسۆزا، لە ٤ی ئایاری ٢٠١٦ لە یووتیووب بڵاوکرایەوە. ئەلبوومەکە لە سێ گۆرانی دیکە پێکھاتبوو: "چاوەکانم بۆ تۆ وەرگرتووە" لە نووسینی مەککلیری، "چاوەڕوانی تۆ"ی مانچاندا و "زارا زارا"ی سێت و دادلانی.[٢١]
تراکی دەنگی فیلمی چاوەڕێ لە ١٦ی ئایاری ٢٠١٦، لەژێر ناوی کۆمپانیای "زیی میوزیک" بڵاوکرایەوە. تراکی دەنگی فیلمەکە لەلایەن ڕەخنەگرانەوە پێشوازییەکی باشی لێکرا. تراکەکانی "تو ھای توە مەین ھون" و "زارا زارا" وەڵامی ئەرێنییان لەلایەن ڕەخنەگران و بینەرانەوە بەدەستھێنا، ماناڤی کاپوور لە " بزنس ستاندارد" ئاماژەی بەوەشکردووە، "'زارا زارا" و "تو ھای توە مەین ھون" پێشوازییەکی باشی لێکراوە و بەزەقی فیلمەکە دەگرێتەوە".[٢٢] ھەروەھا قسەی ئوشنۆتا پاولوس بۆ «فیلمفەیر»، پێزانینی بۆ ھەردوو گۆرانییەکە ھەبوو. لە پێداچوونەوەیەکی دیکەی دەنگیدا بۆ ڕۆژنامەی تایمز ئۆف ھیندستان، مۆھار باسو ستایشی کارەکانی مەککلیری بۆ تراکە دەنگییەکان کرد.[٢٣] ھەروەھا وتیشی: «چەند گۆرانییەکی خۆش بوونە و ھەرچەندە دەنگی ھەموویان تاڕادەیەک لەیەک دەچن، بەڵام کاریگەرییەکی دڵخۆشکەری ھەیە».[٢٤] مانیش گایکواد لە «سکرۆڵ دۆت ئین» پێداچوونەوەیەکی تێکەڵاوی بۆ کرد، لە ستایشکردنی سروشتی دەنگی تراکەکاندا ھەمان ڕای ھەبوو، بەڵام ڕەخنەی لە تێکستەکانی گرت.[٢٥]
| ژمارە | ناو | ھۆنراوەکان | ئاوازدانەر | گۆرانیبێژ(ەکان) | ماوە |
|---|---|---|---|---|---|
| ١. | «تو ھای تو مەین ھون» | مانۆج مونتەشیر | مایکی ماککلێری | نیخیل سۆوزە، ئەنوشکا مانچاندە | ٤:١٨ |
| ٢. | «چاوەکانم وەرەگرم بۆ تۆ» | مایکی ماککلێری | مایکی ماککلێری | مایکی ماککلێری | ٢:٤٩ |
| ٣. | «چاوەڕێی تۆم» | کالکی کۆچلین، مایکی ماککلێری | مایکی ماککلێری | مایکی ماککلێری، ئەنوشکا مانچاندە | ٣:٢٥ |
| ٤. | «زارا» | ئانکور تیواری | مایکی ماککلێری | کاڤیتا سێت، ڤیشال دادلانی | ٤:٢٧ |
| ماوەی گشتی: | ١٤:١٩ | ||||
بڵاوکردنەوە
دەستکاریبەبازاڕکردن و بڵاوکردنەوە
دەستکاریفیلمی چاوەڕێ یەکەم نمایشی جیھانی لە ١١ی کانوونی دووەمی ٢٠١٥ لە دوازدەھەمین خولی فێستیڤاڵی نێونەتەوەییی فیلمی دوبەی ئەنجامدا. لەوێ بەرھەمھێنەری جێبەجێکاری فیلمەکە پریتی گوپتا، دامەزرێنەری کۆمپانیای ئیشکا فیلمز، جەختی لەسەر گشتگیری فیلمەکە کردەوە و وتی: «فیلمێکی خۆشەویست و جوانە نەک تەنھا بۆ ھیندییەکان، بەڵکو بۆ بینەرانی جیھانیش، چونکە لە بنەڕەتدا باس لە بارودۆخی مرۆڤایەتی دەکات، کە بە شێوەیەکی لێزانانە و بە شێوەیەکی ناسک و لە ھەمان کاتدا گاڵتەجاڕانە وێنا کراون».[٢٦] مانیش موندرە دامەزرێنەری کۆمپانیای دریشیام فیلمز خۆشحاڵی خۆی بە نمایشکردنی فیلمەکە دەربڕی و دانی بەوەدانا کە دوبەی یەکێکە لە گەورەترین بازاڕەکانی دەرەوەی وڵات بۆ فیلمە ھیندییەکان. ھەروەھا فیلمەکە لە ئاھەنگی کۆتایی فێستیڤاڵی فیلمی ئاسیای بەڕیتانیا نمایشکرا، ھەروەھا لە فێستیڤاڵی فیلب ھیندی لە لۆس ئەنجلۆس نمایشکرا.[٢٧] ترەیلەری فەرمی فیلمی چاوەڕێ لە ٢٢ی نیسانی ٢٠١٦ بڵاوکرایەوە و وەڵامی ئەرێنی لەلایەن ھەردوو ڕەخنەگران و بینەرانەوە بە ھەمان شێوە.[٢٨][٢٩][٣٠][٣١][٣٢] ڕاجانی چاندێل لە ڕۆژنامەی تایمز ئۆف ھیندستان جەختی لەوە کردەوە کە «فیلمێکە دەتباتە فرمێسکەوە»، لەکاتێکدا ئەنکور پاتاک سەرنووسەری ڕۆژنامەی «ھافینگتۆن پۆست ھیندستان» ئاماژەی بەوەدا کە ترەیلەری فیلمەکە بەشێوەیەکی باش دوو ئەکتەرە پێشەنگەکە نیشان دەدات.[٣٣] مێنۆن باسی لە بەرەنگاربوونەوەی پەرەپێدانی فیلمێکی سەربەخۆ، و ڕاکێشەری بینەرانی کرد و وتی «بڵاوکردنەوەی فیلمەکە لە کۆتایی ھەفتەدایە».[٣٤][٣٥] فیلمەکە پێش نمایشکردنی لە شانۆ نمایشێکی تایبەتی ھەبوو کە کاست و تیمی فیلمەکە و کەسایەتییە ناودارەکانی دیکەی بۆڵیوود بەشدارییان تێدا کرد لەوانە: گوڵشان دێڤایا، ڕادیکا ئاپتێ، ھوما قوڕەیشی، ڕاجکومار ڕاو و عادل حوسێن. لە ٢٧ی ئایاری ٢٠١٦ لە ھیندستان نمایشکرا.[٣٦][٣٧]
بۆکس ئۆفیس
دەستکاریفیلمەکە لە بۆکس ئۆفیسدا کرانەوەیەکی خراپی ھەبوو، چونکە کردنەوەی بەیانیان لە سەدا ٢ بۆ ٣ لە «مالتیپلێکسەکان» دا جیاواز بوو.[٣٨] فیلمەکە توانی لە ڕۆژی یەکەمی فیلمەکەدا تەنھا ٢٫٥ ملیۆن کرۆر (٣١ ھەزار دۆلاری ئەمریکی) کۆبکاتەوە.[٣٩] شانبەشانی فیلمە ھیندییەکانی دیکەی وەک «ڤیراپان و فۆبیا» بڵاوکرایەوە، کە ھەردووکیان کردنەوەی تاڕادەیەک خراپیان ھەبوو؛ بەڵام فیلمی چاوەڕێ گەشەیەکی باشی بەدرێژایی ڕۆژەکە نیشان دا بە باشترین داگیرکاری لە نێوان ئەو فیلمانەی کە پێشتر باسمان کرد.[٤٠] ژمارەکان گەشەیان کرد بەھۆی ئەوەی فیلمەکە لە دووەم و سێیەم ڕۆژیدا بەڕیز ٤٫٨ ملیۆن یۆنگ (٦٠ ھەزار دۆلاری ئەمریکی) و ٥٫٥ ملیۆن یۆنگ (٦٩ ھەزار دۆلاری ئەمریکی) کۆکردەوە، بەمەش داھاتی یەکەمی کۆتایی ھەفتە گەیشتە کۆی گشتی ١٢٫٨ ملیۆن یۆنگ (١٦٠ ھەزار دۆلاری ئەمریکی). بە ژمارەیەکی جێگیر لە ھەفتەی یەکەم و دووەمدا بەردەوام بوو و ٢٥ ملیۆن کرۆر (٣١٠ ھەزار دۆلاری ئەمریکی)ی کۆکردەوە. فیلمی چاوەڕێ لە تەواوی نمایشەکەیدا لە بۆکس ئۆفیسدا کۆی گشتی نزیکەی ٣٥ ملیۆن کرۆر (٤٤٠ ھەزار دۆلاری ئەمریکی)ی بەدەستھێناوە.
پێشوازی
دەستکاریھیندستان
دەستکاری
وەک ئەزموونێکم بۆ بینین، کاتێک بەراورد دەکرێت بە زۆربەی فیلمەکانی تری ھیندستان، ئەوا فیلمی چاوەڕێ بە شێوەیەکی جیاواز نوێیە. لە نێوان فیلمی "ونبوو لە وەرگێڕان (٢٠٠٣) و نەوەکان (٢٠١١)" خۆی دەبینێتەوە.
- سوپراتیک چاتێرجی، زە ھافینگتۆن پۆست ھیندستان[٤١]
فیلمەکە لە ھیندستان بە شێوەیەکی بەرچاو پێداچوونەوەی ئەرێنی کرایەوە.[٤٢] سایباڵ چاتێرجی لە کەناڵی ئێن دی تی ڤی بەرزترین ستایشی فیلمەکەی کرد و بە "سەرسوڕھێنەرێکی باش داڕێژراو" ناوی برد و وتی: فیلمی چاوەڕێ ھەم دڵتەزێنە و ھەم باشە".[٤٣] ھەروەھا پێداچوونەوەکارێکی ڕۆژنامەی نیو ئیندیا ئێکسپرێس بە بەرزی باسی لە فیلمەکە کرد و وتی "لە دوای فیلمی " سەفەرتاسەکە"ی ڕیتێش باترا تا ئێستا فیلمێکی ھیندیم نەبینیوە کە خۆی ئاراستەی شێوازێک بکات کە گرینگی بە تەمەن و خەمی تاکەکەسی بدات".[٤٤] یەکێکی تر لە ڕۆژنامەی ھیندۆ بۆ سیناریۆکە وتی: «بەبێ ھیچ تێبینییەکی درۆ، فیلمەکە توانی لەسەر زەمینەی سۆزداری خۆی بوەستێت؛ کەسەکان، دۆخەکان، پەیوەندییەکان، ھەستەکان شێوازێکی باشیان ھەبوو».[٤٥] موھار باسو لە ڕۆژنامەی تایمز ئۆف ھیندستان فیلمەکەی بە «بیرکردنەوە ورووژێنەر» ناوبردووە و نووسیویەتی: «مێنۆن چیرۆکێکی گەرمی لەبارەی خۆشەویستی و لەدەستدان و ڕزگاربوون لە لێدانە کارەساتبارەکانی ژیانەوە، بەو سادەیییە، دروست کردووە».[٤٦]
کوناڵ گوھا لە «ئایین مومبای» ستایشی دەرھێنان و سینەماتۆگرافی فیلمەکەی کرد و وتی «مێنۆن شێوەیەکی خۆڕاگر یی ھەیە بۆ بەرھەمھێنانی چوارچێوەی فیلمێک کە مرۆڤ ناتوانێت چاوی لێ دوور بخاتەوە» و لە کۆتاییدا دەڵێت «فیلمەکە بۆ بوون شایەنی سەیرکردنە».[٤٧] کەسێک بەناوی گوپتا لەکاتێکدا ستایشی مامەڵەی فیلمەکە دەکات لەگەڵ بابەتەکە، و دەڵێت: فیلمی چاوەڕێ بە «فیلمێکە دەربارەی ژیان و خۆشەویستی بەردەوام و لەدەستدانی کەسە نزیکەکانمان، کە بەدواداچوون بۆ ناوچەیەک دەکات کە بینەرانی بۆڵیوود لێی بێزار نابن».[٤٨] نمایشی جووتە پێشەنگەکەی فیلمە، کوێچلین و شا تا ڕادەیەکی زۆر لەلایەن چەند ڕەخنەگرێکەوە ستایشیان لێ کرا.[٤٩]
فیلمەکە بەھۆی ھێڵی چیرۆکی ناوازە و پەیوەندیدار و نمایشە بەھێزەکانی و توانای لێدانی پەیوەندییەکی سۆزداری لەگەڵ بینەراندا ستایشی کرا. ڕەخنەگران بە تایبەتی ستایشی ڕۆڵەکانی کالکی کوچلین و نەسیرەدین شایان کرد کە قووڵی و ڕەسەنایەتییان بۆ کارەکتەرەکانیان ھێنایە ئاراوە.[٥٠] ھەردوو ئەکتەرەکە دەستخۆشییان لێکرا بەھۆی وێناکردنی نوانسەکانیانەوە، کە بە شێوەیەکی کاریگەر ھەستی کارەکتەرەکانیان دەگەیەنن کاتێک بە ئاڵۆزییەکانی چاوەڕوانیدا دەڕۆن.[٥١] دەرھێنەری فیلمەکە، ئانو مێنۆن، دەستخۆشی لێ دەکرا بەھۆی مامەڵەکردنی ھەستیارانەی لەگەڵ بابەتەکەدا. ئەو بە سەرکەوتوویی گێڕانەوەیەکی داڕشت کە بە وردی و قووڵی سۆزدارییەوە تەوەری جۆراوجۆری وەک خۆشەویستی، پەیوەندییەکان و گەشەکردنی کەسی لێکۆڵییەوە.[٥٢]
ھەروەھا سیناریۆی فیلمی "چاوەڕێ" بەھۆی دیالۆگە ژیرانە و گفتوگۆ بیرھێنەرەکانی نێوان کارەکتەرەکانەوە پێشوازییەکی باشی لێکرا. شرۆڤەیەکی تێڕاماناوی لەسەر چاوەڕوانییەکانی کۆمەڵگا لە دەوروبەری ھاوسەرگیری و پەیوەندییەکان لە ھیندستان پێشکەش کرد. بینەران پەیوەندییان بە کارەکتەرە پەیوەندیدارەکانی فیلمەکەوە ھەبوو و خۆیان بینی کە لە ڕووی سۆزدارییەوە وەبەرھێنانیان لە چیرۆکەکانیاندا کردووە. زۆر کەس ستایشی وێناکردنی ڕاستەقینەی ھەستەکانی مرۆڤیان کرد لە ساتەکانی چاوەڕوانیدا، کە دەنگدانەوەیەکی بەھێزی لەگەڵ بینەراندا ھەبوو.[٥٣]
ھەربۆیە کە فیلمی "چاوەڕێ" پێداچوونەوەی ئەرێنی بەدەستھێنا بەھۆی ھێڵی چیرۆکە سەرنجڕاکێشەکەی و نمایشە بەھێزەکانی و توانای وروژاندنی کۆمەڵێک ھەست و سۆز لە پێکەنینەوە تا فرمێسک. بەھۆی پێشکەشکردنی دیدێکی تازە بۆ خۆشەویستی و پەیوەندییەکان بە شێوەیەکی دڵسۆزانە بەرز نرخێندرا. سەرکەوتنی فیلمی "چاوەڕێ" لە ھیندستان دەتوانرێت بگەڕێنرێتەوە بۆ توانای پەیوەندیکردن لەگەڵ بینەران لەسەر ئاستی سۆزداری لە ھەمان کاتدا پرسیاری بیرکردنەوە وروژێنەر سەبارەت بە نادڵنیایییەکانی ژیان دەوروژێنێت.
دەرەوەی وڵات
دەستکاریفیلمەکە لە فێستیڤاڵی نێونەتەوەییی فیلمی دوبەی لەلایەن ڕەخنەگرانەوە پێداچوونەوەی ئەرێنی وەرگرت کە ستایشی گێڕانەوەی چیرۆکەکە و دەرھێنانی مێنۆن و نمایشی جووتە سەرەکییەکەی کوێچلین و شایان کرد. گاوتامان بەسکاران لە ھیندستان تایمز فیلمەکەی بە «کارێکی تراژیدی و ژیرانە» ناوبرد و ستایشی شێوازی پێشکەشکردنی جیاوازی نێوان شیڤ و تارای کرد.[٥٤] فیۆنۆلا ھالیگان لە سکرین ئینتەرناشناڵ ستایشی سینەماکاری نەھا پارتی ماتیانی و ھەموو کارەکانی کرد، نووسیویەتی: " فیلمی چاوەڕێ لە شوێنی خۆیدا بەبێ ھیچ خۆگەورەکردنێکەوە ڕەنگەکانی ھیندستان لەنێو فیلمەکە دەدرەوشێنەوە”. ھەروەھا ستایشی نمایشەکانی کۆچلین و شای کرد و وتی فیلمەکە "سودێکی زۆر لە سەرنجڕاکێشیی نمایشەکانی کۆچلین وەردەگرێت ڕوخسارێکی گونجاوی بۆ دەربڕین ھەیە بۆ ئەوەی لەگەڵ بەھرەکەیدا بگونجێت" و ئاماژەی بەوەشکرد کە بوونی شا "بووەتە نیعەمتێک بۆ پێشچوونی فیلمەکە".[٥٥] ھەروەھا دیبۆرا یۆنگ لە ڕۆژنامەی ھۆلیوود ڕیپۆرتەر پێداچوونەوەیەکی ئەرێنی بۆ فیلمەکە کرد و بۆ فیلمەکە وتی: «چیرۆکێکی ناسک و زۆرجار گاڵتەجاڕانەی تێدایە و ھەروەھا نمایشی دەرەوشاوەی ھەیە». بە بۆچوونی ئەو، «کۆچلین ڕۆڵێکی جوان و سەرنجڕاکێشی بە فیلمەکە بەخشیووە».
پاداشتەکان
دەستکاری| ساڵ | خەڵات | پۆل | وەرگر(ەکان) و پاڵێوراو(ەکان) | ئەنجام | سەرچاوەکان |
|---|---|---|---|---|---|
| ٢٠١٦ | فێستیڤاڵی فیلمی ئاسیای بەڕیتانیا | باشترین دەرھێنەر | ئانو مێنۆن | براوە | [٥٦] |
| فێستیڤاڵی فیلمی باشووری ئاسیای واشنتۆن دی سی | باشترین چیرۆک | ئانۆ مێنۆن و جەبمز ڕۆزیکا | براوە | [٥٧] | |
| باشترین ئەکتەر | نەسرەدین شا | براوە |
سەرچاوەکان
دەستکاری- ^ «Kalki Koechlin and Naseeruddin Shah's film 'Waiting' to premiere». The Times of India. ١ی کانوونی یەکەمی ٢٠١٥. لە ٢٠ی شوباتی ٢٠١٦ ھێنراوە.
- ^ «Naseeruddin Shah Thrilled About His Next 'Waiting' With Kalki». Koimoi. ١٠ی کانوونی یەکەمی ٢٠١٤. لە ڕەسەنەکە لە ٧ی نیسانی ٢٠١٦ ئەرشیڤ کراوە. لە ٢٥ی ئازاری ٢٠١٦ ھێنراوە.
- ^ «'Laughter is better than medicine'». BBC News. ٢٣ی حوزەیرانی ٢٠٠١. لە ٢ی شوباتی ٢٠١٧ لە ڕەسەنەکەوە ئەرشیڤ کراوە. لە ٢٣ی کانوونی دووەمی ٢٠١٧ ھێنراوە.
- ^ «Q&A Autumn: Screening of 'Waiting' + Q&A with Anu Menon & James Ruzicka». London Film School. ٢٦ی تشرینی یەکەمی ٢٠١٦. لە ٣٠ی ئازاری ٢٠١٧ لە ڕەسەنەکەوە ئەرشیڤ کراوە. لە ٢٩ی ئازاری ٢٠١٧ ھێنراوە.
- ^ «Anu Menon's new film Waiting explores the anatomy of grief». The National. ٩ی کانوونی یەکەمی ٢٠١٥. لە ١٩ی ئازاری ٢٠١٦ لە ڕەسەنەکەوە ئەرشیڤ کراوە. لە ٢٥ی ئازاری ٢٠١٦ ھێنراوە.
- ^ «Waiting explores the beauty of Kerala». Deccan Chronicle. ٩ی ئایاری ٢٠١٦. لە ٣ی تشرینی یەکەمی ٢٠١٦ لە ڕەسەنەکەوە ئەرشیڤ کراوە. لە ٢٥ی حوزەیرانی ٢٠١٦ ھێنراوە.
- ^ «Waiting». Ishka Films. لە ڕەسەنەکە لە ٦ی نیسانی ٢٠١٦ ئەرشیڤ کراوە. لە ٢٥ی ئازاری ٢٠١٦ ھێنراوە.
- ^ «Kalki Koechlin and Naseeruddin Shah to star in Waiting». Bollywood Hungama. ١٤ی تشرینی دووەمی ٢٠١٤. لە ڕەسەنەکە لە ٢٨ی کانوونی دووەمی ٢٠١٦ ئەرشیڤ کراوە. لە ٢٥ی ئازاری ٢٠١٦ ھێنراوە.
- ^ «Naseeruddin Shah's nod to role high point in my life: 'Waiting' director Anu Menon». The Indian Express. ٢٠ی نیسانی ٢٠١٦. لە ٢٦ی ئابی ٢٠١٦ لە ڕەسەنەکەوە ئەرشیڤ کراوە. لە ٢٥ی حوزەیرانی ٢٠١٦ ھێنراوە.
- ^ «Kalki Koechlin: Naseeruddin Shah constantly surprises us». The Times of India. ٢٧ی ئایاری ٢٠١٦. لە ٦ی حوزەیرانی ٢٠١٦ لە ڕەسەنەکەوە ئەرشیڤ کراوە. لە ١٩ی حوزەیرانی ٢٠١٦ ھێنراوە.
- ^ «Kalki Koechlin Describes Working With Naseeruddin Shah in Waiting». NDTV. ٥ی ئایاری ٢٠١٦. لە ٢٩ی ئایاری ٢٠١٦ لە ڕەسەنەکەوە ئەرشیڤ کراوە. لە ١٩ی حوزەیرانی ٢٠١٦ ھێنراوە.
- ^ «Diff 2015: Kalki Koechlin on her indie film 'Waiting'». Gulf News. ١٢ی کانوونی یەکەمی ٢٠١٥. لە ١٩ی ئازاری ٢٠١٦ لە ڕەسەنەکەوە ئەرشیڤ کراوە. لە ٢٥ی ئازاری ٢٠١٦ ھێنراوە.
- ^ «'Waiting' review: Splendid performances by Naseer and Kalki». The Economic Times. ٣٠ی ئایاری ٢٠١٦. لە ٦ی حوزەیرانی ٢٠١٦ لە ڕەسەنەکەوە ئەرشیڤ کراوە. لە ٢٦ی حوزەیرانی ٢٠١٦ ھێنراوە.
- ^ «Grief brings Kalki Koechlin and Naseeruddin Shah together in Waiting». Khaleej Times. ١٠ی کانوونی یەکەمی ٢٠١٥. لە ٢ی شوباتی ٢٠١٧ لە ڕەسەنەکەوە ئەرشیڤ کراوە. لە ٢٣ی کانوونی دووەمی ٢٠١٧ ھێنراوە.
- ^ «Anu Menon's new film Waiting explores the anatomy of grief». The National. ٩ی کانوونی یەکەمی ٢٠١٥. لە ١٩ی ئازاری ٢٠١٦ لە ڕەسەنەکەوە ئەرشیڤ کراوە. لە ٢٥ی ئازاری ٢٠١٦ ھێنراوە.
- ^ «Kalki Koechlin: Naseeruddin Shah constantly surprises us». The Times of India. ٢٧ی ئایاری ٢٠١٦. لە ٦ی حوزەیرانی ٢٠١٦ لە ڕەسەنەکەوە ئەرشیڤ کراوە. لە ٢٦ی حوزەیرانی ٢٠١٦ ھێنراوە.
- ^ Tankha، Madhur (١٣ی ئایاری ٢٠١٦). «Working with maestros». The Hindu. لە ١٤ی ئازاری ٢٠١٨ لە ڕەسەنەکەوە ئەرشیڤ کراوە. لە ٢٥ی حوزەیرانی ٢٠١٦ ھێنراوە.
- ^ «Waiting». Bollywood Hungama. لە ڕەسەنەکە لە ١٢ی نیسانی ٢٠١٦ ئەرشیڤ کراوە. لە ٢١ی نیسانی ٢٠١٦ ھێنراوە.
- ^ «Does the Waiting trailer look similar to this Bengali film?». The Times of India. ٢ی ئایاری ٢٠١٦. لە ٢٥ی حوزەیرانی ٢٠١٦ ھێنراوە.
- ^ «Waiting». The Times of India. ١٧ی کانوونی دووەمی ٢٠١٧. لە ١١ی نیسانی ٢٠١٧ ھێنراوە.
- ^ «Tu Hai Toh Main Hoon — Waiting, Anushka Manchanda & Nikhil D'Souza, Mikey McCleary». YouTube. لە ١٤ی تشرینی دووەمی ٢٠٢١ لە ڕەسەنەکەوە ئەرشیڤ کراوە. لە ١٢ی نیسانی ٢٠١٧ ھێنراوە.
- ^ «Soundtrack review: 'Waiting' is pleasant but not memorable». Scroll.in. ٢١ی ئایاری ٢٠١٦. لە ڕەسەنەکە لە ٢٧ی ئابی ٢٠١٦ ئەرشیڤ کراوە. لە ١١ی نیسانی ٢٠١٧ ھێنراوە.
- ^ «Movie Review: Waiting». Filmfare. ٢٧ی ئایاری ٢٠١٦. لە ١٢ی نیسانی ٢٠١٧ لە ڕەسەنەکەوە ئەرشیڤ کراوە. لە ١١ی نیسانی ٢٠١٧ ھێنراوە.
- ^ «Waiting». Saavn. لە ١٢ی نیسانی ٢٠١٧ لە ڕەسەنەکەوە ئەرشیڤ کراوە. لە ١١ی نیسانی ٢٠١٧ ھێنراوە.
- ^ «Waiting on grief». Business Standard. ٢٨ی ئایاری ٢٠١٦. لە ٢٨ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «Naseeruddin-Kalki-starrer Waiting is a tragic, witty affair». Hindustan Times. ١٣ی کانوونی یەکەمی ٢٠١٥. لە ٢٥ی ئازاری ٢٠١٦ لە ڕەسەنەکەوە ئەرشیڤ کراوە. لە ٢٥ی ئازاری ٢٠١٦ ھێنراوە.
- ^ «Kalki Koechlin and Naseeruddin Shah's film 'Waiting' to premiere in Dubai». The Times of India. ١ی کانوونی یەکەمی ٢٠١٥. لە ٢٥ی شوباتی ٢٠١٦ لە ڕەسەنەکەوە ئەرشیڤ کراوە. لە ٢٥ی ئازاری ٢٠١٦ ھێنراوە.
- ^ «WATCH: Trailer of 'Waiting' will move you to tears». The Times of India. ٢٢ی نیسانی ٢٠١٦. لە ٢٦ی نیسانی ٢٠١٦ لە ڕەسەنەکەوە ئەرشیڤ کراوە. لە ٢٢ی نیسانی ٢٠١٦ ھێنراوە.
- ^ «Waiting». The Times of India. لە ٢٨ی ئایاری ٢٠١٦ ھێنراوە.
- ^ «Radhika Apte, Kalki Koechlin are B-town's new BFFs». The Times of India. ٣١ی ئایاری ٢٠١٦. لە ٤ی تەممووزی ٢٠١٦ لە ڕەسەنەکەوە ئەرشیڤ کراوە. لە ٢٦ی حوزەیرانی ٢٠١٦ ھێنراوە.
- ^ «LAFF 2016 Schedule Released». London Asian Film Festival. ٢٠ی کانوونی دووەمی ٢٠١٦. لە ڕەسەنەکە لە ٢٦ی نیسانی ٢٠١٦ ئەرشیڤ کراوە. لە ٢٢ی نیسانی ٢٠١٦ ھێنراوە.
- ^ «'Angry Indian Goddesses' & 26 other Indian films to be showcased at IFFLA». The Economic Times. ٢٦ی شوباتی ٢٠١٦. لە ڕەسەنەکە لە ٢٩ی تشرینی یەکەمی ٢٠١٦ ئەرشیڤ کراوە. لە ٢٢ی نیسانی ٢٠١٦ ھێنراوە.
- ^ «What's sex got to do with it?». The Telegraph. ١٥ی ئایاری ٢٠١٦. لە ڕەسەنەکە لە ١٥ی ئابی ٢٠١٦ ئەرشیڤ کراوە. لە ٢٥ی حوزەیرانی ٢٠١٦ ھێنراوە.
- ^ «Does the Waiting trailer look similar to this Bengali film?». The Times of India. ١٢ی کانوونی دووەمی ٢٠١٧. لە ٢٧ی کانوونی دووەمی ٢٠١٧ ھێنراوە.
- ^ «The Trailer Of Kalki Koechlin-Naseeruddin Shah-Starrer 'Waiting' Is Making Us Impatient For The Film». The Huffington Post India. ٢٢ی نیسانی ٢٠١٦. لە ٢٧ی کانوونی دووەمی ٢٠١٧ ھێنراوە.[بەستەری مردوو]
- ^ «Special screening of 'Waiting'». Bollywood Hungama. لە ڕەسەنەکە لە ١٠ی ئابی ٢٠١٦ ئەرشیڤ کراوە. لە ٢٦ی حوزەیرانی ٢٠١٦ ھێنراوە.
- ^ «Watch: Trailer of 'Waiting' will move you to tears». The Times of India. ٢٢ی نیسانی ٢٠١٦. لە ١٩ی حوزەیرانی ٢٠١٦ لە ڕەسەنەکەوە ئەرشیڤ کراوە. لە ٢٧ی کانوونی دووەمی ٢٠١٧ ھێنراوە.
- ^ «The Angry Birds Movie beats new Bollywood releases». Filmfare. ٢٧ی ئایاری ٢٠١٦. لە ٣١ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «Waiting Box Office». Bollywood Hungama. لە ڕەسەنەکە لە ٣٠ی ئایاری ٢٠١٦ ئەرشیڤ کراوە. لە ٢٩ی ئایاری ٢٠١٦ ھێنراوە.
- ^ «Box Office: Phobia, Waiting And Veerappan's First Day Collection». Business of Cinema. ٢٨ی ئایاری ٢٠١٦. لە ٢٩ی ئایاری ٢٠١٦ لە ڕەسەنەکەوە ئەرشیڤ کراوە. لە ٣٠ی ئابی ٢٠١٨ ھێنراوە.
- ^ «'Waiting' Review: One Film, Many Hues». The Huffington Post India. ٢٧ی ئایاری ٢٠١٦. لە ٢٨ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «'Waiting' review round-up: What critics have to say about Naseeruddin-Kalki starrer». International Business Times. ٢٧ی ئایاری ٢٠١٦. لە ٢٨ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «Waiting Movie Review». NDTV. ٢٦ی ئایاری ٢٠١٦. لە ڕەسەنەکە لە ٢٧ی ئایاری ٢٠١٦ ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «'Waiting' Review: Naseer, Kalki add heft to this homage to humanism». The New Indian Express. ٢٧ی ئایاری ٢٠١٦. لە ڕەسەنەکە لە ٢٨ی ئایاری ٢٠١٦ ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «Waiting: On the pause before a loss». The Hindu. ٢٧ی ئایاری ٢٠١٦. لە ٢٨ی ئایاری ٢٠١٦ ھێنراوە.
- ^ «Waiting Movie Review». The Times of India. ٢٦ی ئایاری ٢٠١٦. لە ٢٩ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «Film Review: Waiting». Mumbai Mirror. ٢٧ی ئایاری ٢٠١٦. لە ٢٨ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «Waiting movie review: An unmissable journey of two strangers». Deccan Chronicle. ٢٨ی ئایاری ٢٠١٦. لە ٢٩ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «Waiting review: Both Naseer and Kalki are good fits for their parts». The Indian Express. ٢٨ی ئایاری ٢٠١٦. لە ٢٨ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «Review: Naseer-Kalki's Waiting is absolutely riveting!». Rediff.com. ٢٧ی ئایاری ٢٠١٦. لە ٣٠ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «'Waiting' review: Naseeruddin Shah and Kalki Koechlin shine in a lovely film». Firstpost. ٢٧ی ئایاری ٢٠١٦. لە ٣٠ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «Waiting review: Naseerudin, Kalki in a charming and warm film». Hindustan Times. ٢٨ی ئایاری ٢٠١٦. لە ٢٨ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٨ی ئایاری ٢٠١٦ ھێنراوە.
- ^ «'Waiting' Review: Raises Questions About Life, Love & Letting Go». News18. ٢٨ی ئایاری ٢٠١٦. لە ١٠ی نیسانی ٢٠١٧ لە ڕەسەنەکەوە ئەرشیڤ کراوە. لە ٩ی نیسانی ٢٠١٧ ھێنراوە.
- ^ «'Waiting': Review». Screen International. ١١ی کانوونی یەکەمی ٢٠١٥. لە ١٧ی نیسانی ٢٠١٦ لە ڕەسەنەکەوە ئەرشیڤ کراوە. لە ٢٥ی ئازاری ٢٠١٦ ھێنراوە.
- ^ «'Waiting': Dubai Review». The Hollywood Reporter. ١٤ی کانوونی یەکەمی ٢٠١٥. لە ٢٠ی ئازاری ٢٠١٦ لە ڕەسەنەکەوە ئەرشیڤ کراوە. لە ٢٥ی ئازاری ٢٠١٦ ھێنراوە.
- ^ «Anu Menon bags Best Director award for 'Waiting' at LAFF». The Times of India. ١٦ی ئازاری ٢٠١٦. لە ٢٠ی ئازاری ٢٠١٦ لە ڕەسەنەکەوە ئەرشیڤ کراوە. لە ٢١ی نیسانی ٢٠١٦ ھێنراوە.
- ^ «5th Annual DCSAFF». DCSAFF: Washington DC South Asian Film Festival. لە ڕەسەنەکە لە ٢ی شوباتی ٢٠١٧ ئەرشیڤ کراوە. لە ٢٣ی کانوونی دووەمی ٢٠١٧ ھێنراوە.
