پاککردنەوە (فیلم)
پاککردنەوە (بە ئینگلیزی: The Purge) فیلمێکی ٢٠١٣ی ئەمەریکی ترسناک - زانستی/خەیاڵی - ھەستبزوێنە لەلایەن جەیمس دیمۆناکۆ نووسراوە و دەرھێنراوە. ئەکتەران ئێثان ھاوک، لینا ھێدی، ئادێلەید کەین ڕۆڵیان گێڕاوە لە فیلمەکە. فیلمەکە بەوە دیاریکرا کە خاوەنی کەمترین داھاتە و گەیشتۆتە سەرەوەی بۆکس ئۆفیس، کە تێچوونی فیلمەکە تەنیا ٣ میلیۆن دۆلارە و داھاتیشی ٨٩٫٣ میلیۆن دۆلارە.
| پاککردنەوە | |
 | |
| دەرھێنەر | جەیمس دیمۆناکۆ |
|---|---|
| نووسین | جەیمس دیمۆناکۆ |
| کاست | ئێثان ھاوک لینا ھێدی ئادێلەید کەین ڕایس وێکفیلد |
| مۆسیقا | ناثان وایتھێد |
| وێنەگری سینەمایی | جاککیس کۆفرێت |
| دەستکاری | پیتەر ڤۆزداس |
| ڕێکەوتی دەرچوون | ٧ی حوزەیرانی ٢٠١٣ ویلایەتە یەکگرتووەکانی ئەمەریکا |
| ماوەی فیلم | ٨٥ خولەک |
| وڵات | ویلایەتە یەکگرتووەکانی ئەمەریکا |
| زمان | ئینگلیزی |
| تێچوون | ٣ میلیۆن دۆلار |
| داھات | ٨٩٫٣ میلیۆن دۆلار |
چیڕۆکی فیلم
دەستکاریلە ساڵی ٢٠٢٢، لە ویلایەتە یەکگرتووەکانی ئەمەریکا، بارودۆخ جێگیر و باشە و ھیچ کێشەیەک لە ئارادا نییە. بەڵام لەو کاتانەدا شەوی پاککردنەوە دێت، ئەو شەوەی کە حکومەت دایناوە ھەموو تاوانێک ڕێگە پێدراو دەبێت لە شەوەوە تاوەکو ٧ی بەیانی، بەم شەوەش دەڵێن شەوی پاک بوونەوەی رۆحەکان. جەیمس ساندن بازرگانێکە کە سیستەمی پارێزگاری دەفرۆشێت بە خەڵکی بۆ ئەوەی پارێزگاری لەخۆیان بکەن. شەو دادێت و پاککردنەوە دەست پێ دەکات. خانەوادەی ساندن لە ماڵی خۆیان سیستەمی پارێزگاری بەکاردەخەن و چاوەڕێ دەکەن بەیانی دابێت و ڕزگاریان ببێت، بەڵام ڕووداوەکان دەگۆڕێت پاش ئەوەی کوڕە ١٤ ساڵەکەیان چارلی لە رێگەی کامێرای چاودێریەوە کەسێک دەبینێت کە داوای یارمەتی دەکات، سیستەمی پارێزگارییەکە لەکاردەخات و کەسەکە دەھێنێتەوە ماڵەوە. لە ھەمان کاتدا دۆستی کچەکە ١٧ ساڵەکەیان (زۆوی) لە ماڵەکەدا دەردەکەوێت و تەقە لە جەیمس دەکات و دەیەوێت بیکوژێت لەبەر ئەوەی ڕێگە نادات کچەکەی ببینێت. پاش ئەوە ئەو گروپەی بە دوای کەسەکە کەوتبوون دەگەنە ماڵەکە و داوای ئەوە دەکەن کە کەسەکەیان ڕادەست بکەنەوە ئەگینا سیستەمی بەرگرییەکە دەشکێنن و دێنە ماڵەوە و ھەموویان دەکووژن. ئایا جەیمس کە سەرۆک خێزانەکەیە چۆن بڕیارێک بدات، کەسێکی بێ تاوان ڕادەست بکات بۆ ئەوەی بکوژرێ، یان ژیانی خانەوادەکەی خۆی بخاتە مەترسییەوە؟
ئەکتەرەکان و ڕۆڵەکانیان لە فیلمەکە
دەستکاریخانەوادەی ساندن
دەستکاری- ئێثان ھاوک لە ڕۆڵی جەیمس ساندن.
- لینا ھێدی لە ڕۆڵی ماری ساندن.
- ئادێلەید کەین لە ڕۆڵی زۆوی.
- ماکس بۆرکۆڵدەر لە ڕۆڵی چارلی
پاککەرەوەکان
دەستکاری- ڕایس وێکفیلد لە ڕۆڵی سەرۆکی گروپ.
- جۆن وێسیڵکۆچ.
- ئالیسا ڤێلابایلی.
- ئارۆن کوبان.
- بۆیما بلەیک.
- ناثان کلارکسۆن.
- چێستەر لۆکھارت.
- تیلێر ئۆستەرکامپ.
- ئاڕ جەی وۆڵف.
- ترازاریا شێلس.
ڕۆڵەکانی تر
دەستکاری- ئێدوین ھۆج لە ڕۆڵی کەسە نامۆکەی کە چارلی یارمەتی دەدا.
- تۆنی ئۆڵێر لە ڕۆڵی ھێنری.
- ئاریجا باڕێیکس لە ڕۆڵی خاتوو گرەیس فێرین.
- دانا بەنچ لە ڕۆڵی بەڕێز فێرین.
- کریس مەڵکی لە ڕۆڵی بەڕێز ھاڵڤێرسۆن.
- تیشا فرێنچ لە ڕۆڵی خاتوو ھاڵڤێرسۆن.
کاتی دەرچوونی فیلمەکە
دەستکاریفیلمەکە لە فێستیڤاڵی فیلمی ستانلی لە ٢ی ئایاری ٢٠١٣ پەخش کرا، ھەروەھا لە ٧ی حوزەیرانی ٢٠١٣ لە ویلایەتە یەکگرتووەکانی ئەمەریکا کەوتە سینەماکان. ھەروەھا فیلمەکە بە شێوەی دیڤیدی و بلوڕای لە ٨ی تشرینی یەکەمی ٢٠١٣ بڵاوکرایەوە.
سەرچاوەکان
دەستکاری- پەڕەی فیلم لە بنکەدراوەی ئینتەرنێتیی فیلمەکان.
- ویکیی ئینگلیزی.
بەستەرە دەرەکییەکان
دەستکاری- پاککردنەوە لە بنکەدراوەی ئینتەرنێتیی فیلمەکان.
- پاککردنەوە لە وێبسایتی ڕۆتن تۆماتۆس.
