نورەددین بیتروجی

نورەددین کوڕی ئیسحاق بیتروجی (لاتینی: ئەلپێتراجیۆس) فەلەکناس و قازیەکی عەرەب بووە لە ئەندەلوس. بیتروجی یەکەم فەلەکناس بوو کە سیستەمێکی فەلەکناسی نا-بەتلیمۆسی وەک بەدیلێک بۆ مۆدێلەکانی بەتڵیمۆس پێشکەش کرد، لەگەڵ ئەو هەسارانەی کە لەلایەن گۆی جیۆسەنتریکەوە هەڵدەگیرێن. لایەنێکی دیکەی ڕەسەنی سیستەمەکەی ئەوە بوو کە هۆکارێکی فیزیکیی جووڵەی ئاسمانی پێشنیار دەکرد. سیستەمی بەدیلەکەی لە ماوەی سەدەی ١٣دا بە زۆربەی ئەوروپادا بڵاوبووەوە.

هیچ شتێک لەبارەی ژیانیەوە نازانرێت، تەنها ئەوە نەبێت کە ڕەنگە ناوەکەی لە لۆس پێدرۆچێس (البتراوش)ەوە وەرگیرابێت، کە ناوچەیەکی نزیکە لە کۆردۆبا. قوتابی ئیبن توفەیل بووە و هاوچەرخی ئیبن ڕوشد بووە.