محەمەد ڕەسووڵ ھاوار
محەمەد ڕەسووڵ ھاوار :(١٩٢٣-١٩٨٠) نووسەر ، شاعیر ، چالاكی سیاسی ، لە نەتەوەی كورد بووە.
سەرەتای ژیان و خوێندنی
دەستکاریناوی محەمەد کوڕی ڕەسووڵ، ناسناوی شیعریی "ھاوار"ە، ڕۆژی ٣/٩/١٩٢٣ لە سلێمانی ھاتووەتە دنیاوە. بە منداڵی خراوەتە حوجرە، پاش دوو ساڵ قورئان و سەرەتایەکی فارسیی وەرگرتووە. ئەمجا چووەتە قوتابخانەی فەیسەڵییە. پاش تەواوکرنی خوێندنی ئامادەیی، ١٩٤٤ بووە بە فەرمانبەر لە بەڕێوەبەرایەتیی ئینحیساری تووتن(انحصار التبغ) لە سلێمانی. ١٩٥٤- ١٩٥٥ ساڵێک لە قەڵادزێ مولاحیزی ئینحیسار، ١٩٥٦-١٩٥٧ ساڵێک فەرمانبەر بووە لە دھۆک. دوای چەند جار گواستنەوە، لە ١٩٦١دا لە بەغدا گیرساوەتەوە.[١][٢]
یەکێتیی ئەدیبانی عیراق
دەستکاریئەو ماوەیە ئەندامی یەکێتیی ئەدیبانی عیراق بووە. ١٩٦٩ کۆلیجی قانوون و سیاسەتی لە زانکۆی موستەنسەرییە- بەغدا تەواوکردووە. گۆشەیەکی لە ڕۆژنامەی "التآخی"ی بەغدایشدا ھەبووە. ١٩٧٤ چووەتە ناو شۆڕش، ماوەتەوە تا بڵاوەپێکردنی شۆڕش. پاشتر گەڕاوەتەوە بۆ بەغدا.[١][٢]
كۆچی دوایی
دەستکاری١٩٨٠ بە ماڵەوە وڵاتی بەجێ ھێشتووە و لە شاری لەندەن جێگیر بووە. ٢٠٠٧ لە لەندەن کۆچی دواییی کردووە.[١][٢]
بەرهەمەكانی
دەستکاریھاوار، نووسینی لە (گەلاوێژ، ھەتاو، ژین، برایەتی، زانیاری، التآخی، الدراسات الكردية، چریکەی کوردستان، ھەڵوێست)دا ھەیە.[١][٢]
- پیرەمێردی نەمر، بەغدا، ١٩٧٠
- شێخ مەحموودی قارەمان و دەوڵەتەکەی خوارووی کوردستان، ب١، جاف پرێس- لەندەن، ١٩٩٠؛ ب٢، بلاک ڕۆز- لەندەن، ١٩٩١
- سمکۆ "ئیسماعیل ئاغای شکاک" و بزووتنەوەی نەتەوایەتی کورد، چاپخانەی ئاپێک- ستۆکھۆڵم، ١٩٩٥
- کورد و باکووری کوردستان لە سەرەتای مێژووەوە ھەتا شەڕی دووھەمی جیھان، لە بڵاوکراوەکانی دەزگای چاپەمەنی و ڕاگەیاندنی خاک- سلێمانی، ب١، ٢٠٠٠؛ ب٢، ٢٠٠٢؛ ب٣، ٢٠٠٤
- بیرەوەری، بنکەی ژین- سلێمانی، ٢٠٠٧ (کۆکراوەی ئەم دوو بەرگە پێشتر لەچاپدراوەیە: کوێرەوەری و بیرەوەری، لەندەن ١٩٨٤ و ھۆرەی دەروێشی یاخی، ستۆکھۆڵم، ١٩٨٦)
- سەرجەمی شیعرەکانی محەمەد ڕەسووڵ ھاوار، بنکەی ژین- سلێمانی، ٢٠٠٧
کۆکراوەی دیوانی شیعرەکانی:[١][٢]
- یادی بادینان، سلێمانی
- ١٩٥٩. یادی نیشتمان، لەندەن
- ١٩٨٣. ھەڵبژاردە، لەندەن
- ١٩٨٣. کاروانی شۆڕش، لەندەن
- ١٩٨٤. پاش ئاش بەتاڵ، لەندەن
- ١٩٨٤. وڕێنە و تاسەی نیشتمان، لەندەن
- ١٩٨٧. لە ھێرۆشیمای ھەڵەبجەوە بۆ ئەنفالی گەرمیان و لە بادینانەوە بۆ باکووری کوردستان)
- ئاوارە و شیعر، ستۆکھۆڵم، ١٩٩٦
- الآثار الكاملة (المقالات العربية)، مؤسسة ذين- السلیمانیە، ٢٠٠٨
- سەرجەمی بەرھەم- وتارە کوردییەکان، بنکەی ژین- سلێمانی، ٢٠٠٨
سەرچاوەکان
دەستکاری- ^ ئ ا ب پ ت ج گۆڤاری گەلاوێژ (بەرگی یازدەهەم / بەشی یەكەم ) ژیاننامە و پێڕست ، ئامادەكردنی ( سدیق ساڵح ، ڕەفیق ساڵح ، عبدوڵڵا زەنگەنە ) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی .ل8190-8191
- ^ ئ ا ب پ ت ج محەمەد ڕەسوولڕ ھاوار، بیرەوەری، بنکەی ژین- سلێمانی، ٢٠٠٧، ل٩-١٢، ٨٨، ٩٠، ١٩٩.
