ویکیپیدیا

فرانسیس مەکدۆرماند

ئەکتەرێکی ئەمریکیە

فرانسیس لویس مەکدۆرماند (ناوی کاتی لەدایکبوون: سینتیا ئان سمیت؛ لەدایکبووی ٢٣ی حوزەیرانی ١٩٥٧) خانمەئەکتەر و بەرھەمھێنەری ئەمریکییە.[١] ئەو چەند خەڵاتێکی بەدەستھێناوە، لە نێویاندا دوو جار خەڵاتی ئۆسکار، دوو جار خەڵاتی ئێمی پڕایم تایم، یەک جار خەڵاتی تۆمی، واتە فرانسیس یەکێکە لەو خانمە ئەکتەرە کەمانەی کە سێ تاجی نواندنی وەرگرتبێت بەھۆی وەرگرتنی سێ لە دیارترین خەڵاتەکان بۆ ئەکتەرانی سینەمایی.

فرانسیس مەکدۆرماند
بە ئینگلیزی: Frances McDormand
لەدایکبوون (١٩٥٧-٠٦-٢٣) ٢٣ی حوزەیرانی ١٩٥٧ (تەمەن ٦٧ ساڵ)
Gibson City، ویلایەتە یەکگرتووەکانی ئەمریکا
ناوی کاتی لەدایکبوونCynthia Ann Smith
ھاوسەرجۆڵ کۆین
زمانی زگماکیزمانی ئینگلیزی
زمانی نووسینزمانی ئینگلیزی
پەروەردەBethany College، Yale School of Drama، Monessen High School
دەستپێکی چالاکی١٩٨٢

فرانسیس لە ساڵی ١٩٨٤، بۆیەکەمینجار بە فیلمی Blood Simple دەرکەوت.[٢] لە ساڵی ١٩٩٦، لە فیلمێکی کۆمێدیای ڕەش بەناوی فارگۆ (Fargo) دەرکەوت، بەھۆی ئەم فیلمەوە خەڵاتی ئۆسکاری بۆ باشترین خانمەئەکتەر بەدەست ھێنا. دواتر بەبەشداریکردنی لە فیلمەکانی Mississippi Burning (١٩٨٨)، Almost Famous (٢٠٠٠)، ھەروەھا North Country (٢٠٠٥) پاڵێوراوبوونی بۆ خەڵاتی ئۆسکار لە پۆلینی باشترین خانمەئەکتەری پاڵپشت بەدەست ھێنا. لە ساڵی ٢٠١٧، لە فیلمی Three Billboards Outside Ebbing, Missouri بەڕۆڵی سەرەکی دەرکەوت، بەھۆی ئەم فیلمەوە بۆ دووەمینجار خەڵاتی ئۆسکاری بۆ باشترین خانمەئەکتەری وەرگرت.[٣]

فرانسیس لە ساڵی ١٩٨٤، بۆیەکەمینجار لە شانۆیەکی برۆدوەی لەژێر ناونیشانی (Awake and Sing!) بەشداریکرد. لە ساڵی ٢٠١١، بەھۆی بەشداربوونی لە شانۆگەری خەڵکی باش (Good People) توانی خەڵاتی تۆمی بباتەوە بۆ باشترین خانمەئەکتەری شانۆ.[٤]

ژیانی کەسی

دەستکاری

فرانسیس لە لە ساڵی ١٩٧٩، بەکالۆریۆسی لە شاننۆ بەدەستھێناوە لە کۆلێژی بێتانی، زانکۆی یەیڵ. ھەر لە ھەمان زانکۆ لە ساڵی ١٩٨٢، ماستەری بەدەستھێناوە. ئەوکاتەی لە نیویۆرک سیتی بووە، ھاوژووری ئەکتەر ھاڵی ھانتەر بووە.[٥]

فرانسیس مەکدۆرماند لە ساڵی ١٩٨٤، ھاوسەرگیری لەگەڵ دەرھێنەر جۆیل کۆین کرد، لە ساڵی ١٩٨٥ منداڵێکیان لە پاراگوای بەناوی پێدرۆ لەخۆگرت، ئەوکاتە منداڵەکە ٦ مانگان بوو.[٦][٧] ئەوان وەک خێزان لە نیویۆرک نیشتەجێن، ھەروەھا ماڵێکیشیان ھەیە لە بۆلیناس، کالیفۆرنیا.[٨][٩]

سەرچاوەکان

دەستکاری
  1. ^ Kisner، Jordan (٣ی تشرینی یەکەمی ٢٠١٧). «Frances McDormand's Difficult Women». The New York Times. لە ١٣ی شوباتی ٢٠١٨ لە ڕەسەنەکەوە ئەرشیڤ کراوە. لە ١٧ی کانوونی دووەمی ٢٠١٨ ھێنراوە.
  2. ^ «Frances McDormand». Television Academy (بە ئینگلیزی). لە ١٥ی شوباتی ٢٠٢١ ھێنراوە.
  3. ^ «Frances McDormand wins best actress award for Three Billboards at Oscars 2018». the Guardian (بە ئینگلیزی). ٥ی ئازاری ٢٠١٨. لە ١٥ی شوباتی ٢٠٢١ ھێنراوە.
  4. ^ «Flashback Friday: Frances McDormand Is One of Broadway's Good People | TheaterMania». www.theatermania.com (بە ئینگلیزیی ئەمەریکایی). لە ١٥ی شوباتی ٢٠٢١ ھێنراوە.
  5. ^ «Fast Chat: Holly Hunter». Newsday. ١٣ی تەممووزی ٢٠٠٨. لە ڕەسەنەکە لە ١٣ی ئابی ٢٠١٨ ئەرشیڤ کراوە. لە ١٣ی ئابی ٢٠١٨ ھێنراوە.
  6. ^ Durbin، Karen (March 2, 2003). «The Prime Of Frances McDormand». The New York Times. لە December 30, 2019 لە ڕەسەنەکەوە ئەرشیڤ کراوە. لە July 21, 2017 ھێنراوە. {{cite news}}: نرخەکانی ڕێکەوت بپشکنە لە: |access-date=، |date=، و |archive-date= (یارمەتی)
  7. ^ Nesa، Kamrun (١١ی ئازاری ٢٠١٨). «Everything We Know About Frances McDormand and Joel Coen's Son, Pedro». POPSUGAR Celebrity (بە ئینگلیزیی ئەمەریکایی). لە ١٨ی ئەیلوولی ٢٠١٩ ھێنراوە.
  8. ^ Britt، Aaron (٢٨ی کانوونی دووەمی ٢٠٠٧). «Going coastal / Is the elusive bohemian enclave of Bolinas getting a bit glossier?». SFGate. Hearst Corporation. لە ٢١ی شوباتی ٢٠١٨ لە ڕەسەنەکەوە ئەرشیڤ کراوە. لە ٥ی ئازاری ٢٠١٨ ھێنراوە.
  9. ^ Bruni، Frank (October 15, 2014). «A Star Who Has No Time for Vanity». The New York Times. لە March 8, 2018 لە ڕەسەنەکەوە ئەرشیڤ کراوە. لە July 21, 2017 ھێنراوە. {{cite news}}: نرخەکانی ڕێکەوت بپشکنە لە: |access-date=، |date=، و |archive-date= (یارمەتی)
وەرگیراو لە «https://ckb.wikipedia.org/w/index.php?title=فرانسیس_مەکدۆرماند&oldid=1358665»