عەباس مەعرووفی

عەبباس مەعروفی لە دایکبووی ٢٧ی گوڵانی ١٣٣٦ی کۆچی هەتاوی لە تاران ، نووسەر، شانۆنامە نووس، رۆژنامەنووسی هاوچەرخی ئێرانییە کە لە ئاڵمان ئەژی . ئەو چالاکیە ئەدەبیەکانی خۆی لە ژێر چاودێری نووسەری بەناو بانگی ئێرانی هووشەنگ گوڵشیری دەسپێکرد و لە ساڵەکانی ٦٠ی هەتاوی دا لەبەر رەخنە گرتن لە حکوومەت و سیاسەتەکانی دەسەڵات کەوتە ژێر فشار و ناچار بە تەرک و بەجێ هێشتنی وڵات و رۆشتن بۆ ئاڵمان کرا.

عەبباس مەعروفی
لەدایکبوون	١٣٣٦ی کۆچی هه‌تاوی تاران، ئێران
نیشتەجێی	بێرلین - ئاڵمان
نەتەوە	سەنگەسەری (سمەنی)
پیشە	نووسەر، چیرۆک و رۆمان، شانۆنامە نووس، رۆژنامە نووس
وێبگە	http://maroufi.malakut.org

ژیاننامە

عەبباس مەعروفی لە ساڵی ١٣٦٦ی هەتاوی لە تاران لە دایک بوو. خوێندنی لە زانکۆی هونەرە جوانەکانی تاران لە بواری هونەرە دڕاماتیکیەکان دا وەرگرتووە و ماوەی ١١ ساڵ لە خوێندنگا دواناوەندیەکانی تاران دا وانەی "ئەدەبیات"ی وتۆتەوە .

یەکەمین کۆمەڵە چیرۆکی خۆی بە ناوی بەرامبەر بە هەتاو لە ساڵی ١٣٥٩ی هەتاوی دا لە تاران چاپ کرد. پێس تر و دواتریش چیرۆکەکانی لە بڵاوکراوەکان دا چاپ کراون، بەڵام لەگەڵ چاپی سەمفۆنیای مردووەکان بوو کە ناوی وەک نووسەرێکی باش بڵاو بۆوە. لە ساڵی ١٣٦٩ی هەتاوی گۆڤاری ئەدەبی گەردوونی دایە دەر و بە تەواوی و زۆر چالاکانە دەستی کردە کار کردن لەو بڵاوکراوە ئەدەبیەدا. ستایل و شێوازی ئەو لەم گۆڤارەدا لەگەڵ بەرژەوەندیەکان و دڵخاوزەکانی دەسەڵاتدارانی ئێران دا هاوسەنگی و تەبایی نەبوو بۆیە کەوتە ژێر فشاری بەردەوام و سەرەنجام دادگایی کرا و گۆڤارەکە داخرا.

مەعروفی لە دوای داخرانی گۆڤاری گەردوون ناچار وڵاتی بە جێ هێشت . بۆ ئاڵمان رۆشت و کەڵکی لە بورسی ماڵی هاینریش بێل وەرگرت. لە دوای ئەوە بۆ بەڕیوە بردنی ژیانی دەستی دایە کارگەلێکی تر وەکوو بەڕێوەبەری هۆتێل و دواتر کردنەوەی ماڵی هوونەر و ئەدەبیاتی هیدایەت لە شەقامی کانتی بێرلین ، کە کتێب فرۆشیەکی گەورە بوو لەوێ دەستی کردە فرۆشتنی کتێب و هەر لەوێش خولی فێرکاری چیرۆک نووسی دامەزراند و ئێستاش بەردەوامە.

بەرهەمەکان

رۆمان

رووبەرگی کتێبی "سال بلوا " ( ساڵی ئاژاوە)

روبەرگی رۆمانی "پەیکەری فەرهاد" بە کوردی - چاپی یەکەم ٢٠١١

• سەمفۆنیای مردوەکان (۱۳۶۸)
• ساڵی ئاژاوە (۱۳۷۱)
• پەیکەری فەرھاد
• فەرەیدوون سێ کوڕی بوو (۱۳۸۲)
• تواوە (۱۳۸۸)
• تەواو تایبەتی (۱۳۸۹)

کۆمەڵە چیرۆک

رووبەرگی کتێبی "دەریا رۆیوەکانی دوورگەی شین تر"

• لە بەرامبەر هەتاودا (۱۳۵۹)
• دوایین باشترین بەرەی (۱۳۶۵)
• عەتری یاس (۱۳۷۱)
• دەریا رۆیوەکانی دوورگەی شین تر (۱۳۸۲)
• ئەو شەست هەزارە، ئەو شەست کەسە

شانۆنامە

• تا کوێ لەگەڵمای (۶۲-۱۳۶۱)
• وەرەگ (۱۳۶۵)
• دلی بای و کارمامز (۱۳۶۶)
• مەندۆڵی بیرەوەریەکانی ئێمە (سێ شانۆنامە) (۱۳۸۲)

گۆڤار

رووبەرگی گۆڤاری ئەدەبی "گەردوون"

• گۆڤاری ئەدەبی گەردوون

خەڵاتەکان

• خەڵاتی «بنکەی چاپەمەنی، ئەدەبی -فەلسەفی سوور کامپ»، ۲۰۰۱

سەرچاوەکان

• وتاری "عباس معروفی " لە ویکیپێدیای فارسی
• ژیاننامەی عەبباس معروفی لە ماڵپەڕی بی بی سی
• ماڵپەڕی عەبباس مەعروفی ١١ی حوزەیرانی ٢٠١٧ لە وەیبەک مەشین، ئەرشیڤ کراوە.