عیماد ئەحمەد
عیماد ئەحمەد سەیفور سیاسەتمەداری کورد و جێگری سەرۆک وەزیرانی هەرێمی کوردستان بوو لە کابینەی پێنجەم و حەوتەمی حکوومەتی هەرێمی کوردستان و ئەندامی مەکتەبی سیاسیی یەکێتیی نیشتمانیی کوردستانە و پێشتر پەیوەندی بە کۆمەڵەی ڕەنجدەرانی کوردستانەوە کردووە. لە ساڵی ١٩٥٥ لە شاری خانەقیندا لە دایکبووە. لە ساڵی ١٩٨٣ بوو بە پێشمەرگە. لە ١٩٩٣ پاش کۆنگرەی یەکێتیی بوو بە ئەندامی سەرکردایەتی و ساڵێک پاشتر بووە ئەندامی مەکتەبی سیاسی هەمان حیزب. لە رێکخستنەکانی سلێمانی و کەرکووک و راپەرین و سۆران و دھۆک بەرپرسایەتی کردووە. لە ناو حکوومەتی ھەرێمدا پۆستی وەزارەتی تەندرووستیی و وەزارەتی پیشەسازی و وەزارەتی ئاودێری وەرگرتووە. لە ئیدارەی سلێمانی جێگری سەرۆک وەزیران بوو. پاش یەکگرتنەوەی حکوومەت لە کابینەی پێنجەم و حەفتەم دووبارە کراوە بە جێگری ئەنجومەنی وەزیرانی حکومەتی ھەرێم.[٢]
عیماد ئەحمەد سەیفور | |
|---|---|
| لەدایکبوون | ١٩٥٥ |
| نەتەوە | کورد |
| پەروەردە | پەیمانگای تەکنەلۆژیی بەغدا ساڵی ١٩٧٩ – ١٩٨٠[١] |
| چالاکبوون | ١٩٨٣ - هەنووکە |
| حیزبی سیاسی |  یەکێتیی نیشتمانیی کوردستان |
سەرچاوە
دەستکاری- ^ «وەشانی ئەرشیڤکراو». لە ڕەسەنەکە لە ١١ی تشرینی یەکەمی ٢٠١٢ ئەرشیڤ کراوە. لە ١٧ی ئازاری ٢٠١٤ ھێنراوە. ١١ی تشرینی یەکەمی ٢٠١٢ لە وەیبەک مەشین، ئەرشیڤ کراوە.
- ^ [١][بەستەری مردوو] سایتی حکومەتی ھەرێم
