دەروازە:کەنەدا/وتاری ھەڵبژێردراو
وتاری ھەڵبژێردراو ١
دەروازە:کەنەدا/وتاری ھەڵبژێردراو/١
تیم ھۆرتنز (بە ئینگلیزی: Tim Hortons) Tim Hortons Inc. زنجیرە خواردنگەیەکە کە خواردنی خێرا پێشکەش دەکات، گرنگی تایبەت بە بەرھەمەکانی کێک و قاوە دەدات، گەورەترین زنجیرەخواردنگەیە لەسەرانسەری کەنەدا (بەپێی ھەڵسەنگاندنی ٣١کانوونی یەکەمی ٢٠١٨). لە کۆی ١٤وڵات ٤٨٤٦ لقی ھەیە، بارەگای سەرەکی ھاوبەشگاکە لە تۆرەنتۆی کەنەدایە. ھاوبەشگاکە لە ١٩٦٤ لە شاری ھاملتن ئەنتاریۆ دامەزراوە لەلایەن یاریزانی یاری ھۆکی کەنەدی تیم ھۆرتن(١٩٣٠–١٩٧٤) دواتر لەلایەن جیم چارد (١٩٣٤–٢٠٠٩)بەرێوەچووە بەتایبەت دوای پێشکەشکردنی ھەمبەرگرلە (١٩٦٧)، تیم ھۆرتنز لەلایەن بەرھەمھێنەر ڕون جۆیس (١٩٣٠–٢٠١٩)بەرێوەبردرا ئەمەش دوای کۆچی دوایی ھۆرتن لە (١٩٧٤)، جۆیس توانی توانای تیم ھۆرتنزبۆ ملیاران دۆلار بەرزبکاتەوە. جیم چارد لە١٩٦٦ وازی لە ھاوبەشگاکە ھێنا بەلام لە ١٩٧٠گەڕایەوە تاوەکو ١٩٩٦. زیاتر...
وتاری ھەڵبژێردراو ٢
دەروازە:کەنەدا/وتاری ھەڵبژێردراو/٢
مەڵبەندی ئیتن تۆرەنتۆ (بە ئینگلیزی: Toronto Eaton Centre) کە لە ئەیلوولی ٢٠١٥ سەرلەنوێ بنیات نرایەوە لەلایەن ھاوبەشگای سی فێ تۆرەنتۆ ئیتن، بە کورتیەکەی مەڵبەندی ئیتن (ئیتن سەنتەر). شاباژێرێک یان ناوەندێکی بازارکردنە لە تۆرەنتۆ، ئۆنتاریۆ، کەنەدا. لەلایەن ھاوبەشگای کادیلاک فێرڤیو خاوەنداریەتی دەکرێت، ھەر بەھەمان ناوی کۆنی ئیتن نوێ کرایەوە کە لە کۆتایی نەوەدەکان مۆلەتی کارکردنی وەرگرتبوو. ئیتن سەنتەر بەسەرنج ڕاکێشترین شوێنی تۆرەنتۆ دادەنرێت، کە لەھەر شوێنێکی تری گەشتیاری زیاتر سەردانیکەری ھەیە، یەکێکە لەھەرە قەڵەباڵغترین شاباژێڕەکانی ئەمەریکای باکور، ئەمەش بەھۆی ھەڵکەوتەی شوێنەکەیەوەیە کە کەوتۆتە ناوجەرگەی شار. تەنھا لەماوەی ساڵی ٢٠١٥ ڕێژەی ٤٨٬٩٦٩٬٨٥٨ کەس سەردانیان کردوە. ئەمەش ڕێژەکەی زیاترە بەبەراورد بەھەریەکێک لەھەرە قەڵەباڵغترین شاباژێڕەکانی ئەمێریکا وەک (شاباژێڕی ئەمریکا، ئاڵا موانا سەنتەر، سەنتراڵ پارک).
وتاری ھەڵبژێردراو ٣
دەروازە:کەنەدا/وتاری ھەڵبژێردراو/٣ ئێدمنتن گرادز (بە ئینگلیزی: Edmonton Grads) تیپێکی کەنەدی خانمانەیە بۆ تۆپی دەست، تیپەکە خاوەنی بەرزترین ئاستی تۆماربووە لە ئەمەریکای باکوور بۆ ماوەیەکی درێژ، توانیویانە ڕکابەری ھەموو تیپە بەرھەڵستەکانیان بکەن ھەروەھا بگەن بە ڕێزبەندی دووەم لەHarlem Globetrotters بۆ تۆماری ساڵ لە ١٩٢٠ دا، ھەروەھا خاوەنی یەکەم نازناوی تیپی سەبەتەی خانمانە لە جیھاندا. زیاتر...
وتاری ھەڵبژێردراو ٤
وتاری ھەڵبژێردراو ٥
دەروازە:کەنەدا/وتاری ھەڵبژێردراو/٥ تی دی کەنەدا ترەست (بە ئینگلیزی: TD Canada Trust) یان ھەر بە تی دی بانگ دەکرێت، بریتیە لە بانکێکی کەسی و بازرگانی لە کەنەدا، ھەردوو پیتی تی دی کورتکراوەی تۆرەنتۆ و دۆمینیۆن بەنکە، تی دی کۆمەڵێک خزمەتگوزاری پێشکەش بە بەشداربوانی دەکات ھەربەم ھۆیەوە زیاتر لە ١٠ ملیۆن بەشداربووی ھەیە کە لە ١١٠٠ لقی بەنکی و ٢٦٠٠ ئامێری خۆکاری ATMs خزمەتگوزاری وەردەگرن.
وتاری ھەڵبژێردراو ٦
وتاری ھەڵبژێردراو ٧
دەروازە:کەنەدا/وتاری ھەڵبژێردراو/٧ ڕاجەرس (بە ئینگلیزی: Rogers Communications) ھاوبەشگایەکی کەنەدیە بۆ پەیوەندیەکان و ڕاگەیاندن. بەشێوەیەکی تایبەتی لەبواری پەیوەندی بێتەل کاردەکات، ھەروەھا لەبواری گەیاندنی شەپۆڵی تەلەڤژیۆنی و تەزدەنگ و گەیاندنی ئەنتەرنێت لەڕێگای تەزبەرەوە، بەشێوەیەکی گشتی لەھەموو بوارەکانی پەیوەندی و گەیاندنی بێتەل و بەتەل کاردەکات، بارەگای سەرەکی ھاوبەشگاکە دەکەوێتە شاری تۆرەنتۆ.
وتاری ھەڵبژێردراو ٨
دەروازە:کەنەدا/وتاری ھەڵبژێردراو/٨ کۆمەڵگەی کەنەدایی بۆ ئەندازیاریی شارستانی (بە ئینگلیزی: Canadian Society for Civil Engineering) ناسراو بە سی ئێس سی ئی بە ئینگلیزی: CSCE ڕێکخراوێکی پێکھاتوو لە ئەندازیارانی شارستانییە کە لە ساڵی ١٨٧٧دا دامەزراوە. سەرەتا ناوی کۆمەڵگەی کەنەداییی ئەندازیارانی شارستانی بوو و دواتر لە ١٩١٨دا ناوەکەی گۆڕدرا بە کۆمەڵگەی کەنەدایی بۆ ئەندازیاریی شارستانی. ئەم ڕێکخراوە ھەوڵ بۆ پێشخستن و پەرەپێدانی ئەندازیاریی شارستانی دەدات.
وتاری ھەڵبژێردراو ٩
دەروازە:کەنەدا/وتاری ھەڵبژێردراو/٩ سروودی نیشتمانی کەنەدا ئەی کەنەدا لەگەڵ سروودی شاھانە (خوا شاژن بپاڕێزێت) کە ھەردووکیان بە سروودی فەرمی نیشتمانی دادەنرێت بەڵام لەکاتی ئێستا حکومەتی کەنەدا تەنھا سروودی ئەی کەنەدا دەناسێت
وتاری ھەڵبژێردراو ١٠
دەروازە:کەنەدا/وتاری ھەڵبژێردراو/١٠ گەلە ڕەسەنەکانی کەنەدا (بە ئینگلیزی: Indigenous peoples in Canada) بەتایبەت ئەو ھۆزانەی کەوتوونەتە سنووری ڕامیاری کەنەدای ئێستا وەک (مێتیس) و (ئینوت)، تا ئێستا نازناوی ھیندی و ئەسکیمۆیان ھەڵگرتووە لە بەڵگەنامە فەرمیەکان. کە ئەمە بۆتە مایەی ھەڕاسانیان. خاوەنی کەلتووری تایبەت بە خۆیانن، ھەربۆیە کۆمەڵگەی تایبەت بە خۆیان درووست کردووەو پێکەوە دەژین و پێکرا یادی بۆنە کەلتوری و ئایینیەکانیان دەکەنەوە. ھەر چەندە بەشێکی زۆریان تێکەڵ بە کۆمەڵگەی ئەورووپی بوون لە ڕێگای ژن و ژنخوازیەوە. بۆیە لە کۆمەڵگە شارنشینەکانیش دەبینرێن، وە بەشداری کارایان ھەیە لە کایە دەوڵەتیەکاندا ھەر بۆیە بەپێی یاسا خاوەنی ماف و تایبەتمەندی خۆیانن لە خزمەت کردنیان لە دامودەزگاکانی کەنەدا.