پارتی ھەرێمە دێموکراتیکەکان

پارتی ھەرێمە دێموکراتیکەکان یان دەبەپە (بە کورمانجی: Partiya Herêman a Demokratîk، بە تورکی: Demokratik Bölgeler Partisi) کە لە پێشوودا بە ناوی پارتی ئاشتی و دیموکراسی یان بەدەپەیش دەناسرا٬ پارتێکی سیاسی لە باکووری کوردستان و وڵاتی تورکیا کە ھاوکات لەگەڵ داخستنی پارتی کۆمەڵگای دیموکراتی دامەزرا. دەبەپە لەسەر ئەگەری داخستنی پارتی کۆمەڵگای دیموکراتی لە ٣ی ئایاری ٢٠٠٨ دامەزرا. لە یەکەمین کۆنگرەی ئاسایی دەبەپە (کە ئەوکاتە ناوی بەدەپە بوو)، کە لە ٧ی ئەیلوولی ٢٠٠٨ لە ئامەد بەڕیوە چوو، شارەداری پێشووی گمگم، دەمیر چەلیک وەکوو سەرۆکی گشتی دەبەپە ھاتە ھەڵبژاردن.

پارتی ھەرێمە دێموکراتیکەکان Demokratik Bölgeler Partisi
ناوی کرمانجی	Partiya Herêman a Demokratîk
ھاوسەرۆکان	ساڵحە ئایدەنیز کەسکین بایندر
دامەزراندن	٢ی ئایاری ٢٠٠٨ (بە ناوی پارتی ئاشتی و دیموکراسی) ١١ی تەممووزی ٢٠١٤ (گۆڕاندنی ناو)
پێشینە	پارتی ئاشتی و دیموکراسی
شوێنگەی سەرەکی	شەقامی باریش مانچۆ، کۆڵانی ٣٢، ژمارەی ٣٧، بالگات، ئانکارا، تورکیا
ئەندامێتی  (٢٠٢٣)	٦,٧٩٦
ئایدۆلۆژیا	مافی چارەنووس بۆ کورد جیھانگەرایی مافەکانی ژنان دیموکراسیی کۆمەڵایەتی سۆسیالیزمی دیموکراتیک ھەرێمایەتی
شوێنی سیاسی	چەپ
ئینتیمای نیشتمانی	کۆنگرەی دیموکراتی گەلان ھاوپەیمانی ئازادی و دیموکراسی کورد
ئینتیمای نێودەوڵەتی	سۆسیالیست ئینتەرناسیۆنال
ئەنجومەنی باڵای نیشتمانیی تورکیا	٢ / ٦٠٠
ماڵپەر
http://www.bdp.org.tr/anasayfa/

ھێمای پارتی ھەرێمە دێموکراتیکەکان

ھێمای ئەم پارتە بریتییە لە دارێکی بەڕوو لە سەر زەمینەیەکی زەرد. بەڕوو لە فەرھەنگی کوردەواریدا نیشانەی خۆراگری و سووربوون و سەربەرزییە.

بەدەپە لە پەرلەمانی تورکیا

لە ھەڵبژاردنی پەرلەمانی تورکیا لە ١٢ی حوزەیرانی ٢٠١١ کوردەکانی تورکیا لە چوارچێوەی بەرەی ڕەنج، ئازادی و دیموکراسی (بەدەپە) کە لە ژمارەیەک کاندیدی سەربەخۆ پێکھاتبوون، توانیان بە ڕێژەی ٦%ی دەنگەکانی ھەڵبژاردن، ٣٦ کورسی پەرلەمان مسۆگەر بکەن.

ڕێبەرەکان

پێشتر سەڵاحەدین دەمیرتاش و گوڵتان کشاناک بەشێوازی ھاوبەش سەرۆکی ئەم پارتی بوون. لە سێیەمین کۆنگرەی دەبەپە لە ڕێکەوتی ١٢ی تەممووزی ٢٠١٤ ھاوکات بە گۆڕاندنی ناوی پارتیەکە بە «پارتی ھەرێمە دێموکراتیکەکان» یان «دەبەپە»٬ ھاوسەرۆکانی پارتیەکەش گۆڕاندران و ئەمینە ئاینا و کامێران یوکسەک بوون بە ھاوسەرۆکانی تازە.

بەستەرە دەرەکییەکان

• ماڵپەڕی فەرمی پارتی ئاشتی و دیمۆکراسی