ئارمیتا گەراوەند
ئارمیتا گەڕاوەن (بە فارسی: آرمیتا گراوند؛ ٢ی نیسانی ٢٠٠٦ لە کرماشان - ٢٨ی تشرینی یەکەمی ٢٠٢٣ لە تاران) کچەمێرمنداڵێکی کوردی خەڵکی ڕۆژھەڵاتی کوردستان و لە کوردانی لەک بوو کە لە ڕۆژی ١ی تشرینی یەکەمی ٢٠٢٣ بەدوای ڕووداوێک لە میترۆی تاران بێھۆش بوو و بەدوای خەوتن لە نەخۆشخانەی فەجر کە ھی زانکۆی زانستە پزیشکییەکانی ئەرتەشی کۆماری ئیسلامیی ئێرانە چووە کۆما و بەدوای ٢٨ ڕۆژ گیانی خۆی لە دەست دا.[١] [٢] ئارمیتا قوتابیی پۆلی یانزەھەمی ھونەرستانێک بوو لە تاران.
ئارمیتا گەڕاوەن | |
|---|---|
 | |
| لەدایکبوون | ٢ی نیسانی ٢٠٠٦ |
| مەرگ | ٢٨ی تشرینی یەکەمی ٢٠٢٣ (١٧ ساڵ ژیاوە) |
| پەروەردە | قوتابیی پۆلی یانزەھەمی ھونەرستانی کچانی تاران |
| ناسراوە بە | مردن بەھۆی لێدانی حیجابپارێزانی پۆلیسی ئەخلاقیی کۆماری ئیسلامیی ئێران |
تا ئێستا ڕوون نییە کە بەڕاستی لەناو میترۆکەدا چیی بەسەر ھاتووە، بەڵام بارودۆخەکە بووەتە ھۆی ئەوەی کە «حیجابپارێزەکان» کە لە لایەن کۆماری ئیسلامی بۆ داسەپاندنی حیجابی زۆرەملی لە میترۆ و شەقامەکاندا ئەرکدار کراون، زیانیان پێگەیاندووە. سەرەڕای ئەوەی کە میدیا و کاربەدەستانی کۆماری ئیسلامیی ئێران ئیدیعا دەکەن کە ھیچ ڕووبەڕووبوونەوەیەکی جەستەیی لەگەڵ گەڕاوەندا نەکراوە، بەڵام ھەندێک لە میدیاکان لەوانە ڕادیۆ فەردا، گاردیان و ئێرانوایر، بە گێڕانەوەی ئامادەبووان و شایەتحاڵەکان، ڕاپۆرتیان کردووە کە بەدوای ماوەیەکی کەم لەپشتی سواربوونەوەی ئەو کچە بە واگۆنی میترۆ، یەکێک لە ژنەحیجابپارێزانی کۆماری ئیسلامی لەگەڵیدا تووشی مشتومڕ بووە و بەدوای ئەوەی کە گەڕاوەن بەرگریی لەخۆی کردووە، حیجابپارێزەکە پاڵی پێوە ناوە و گەڕاوەن بەھۆی لێدانی سەری بە ستوونێکی کانزایی لە ھۆش چووەتەوە.
لە رۆژی ھەینی ٢ی نیسانی ٢٠٢٤ ھێزە ئەمنییەکان و سەرکوتگەرەکانی کۆماری ئیسلامیی ئێران ڕژیم ھێرشیان کردە سەر ڕێوڕەسمی تایبەت بە ساڵڕۆژی لەدایکبوونی ئارمیتا گەڕاوەن و بە بێڕێزییەوە وێڕای پشکنینی تەلەفۆن و کارتی پێناسەکەیان لە گۆڕستانی بەھەشتی زارای تاران دەریانیان کردووە.[٣]
ئەمانەش ببینە دەستکاری
سەرچاوەکان دەستکاری
- ^ ڕۆژنیوز: ھاوشێوەی ژینا ئەمینی ئارمیتا گەراوەندیش شەھید بوو (بە سۆرانی)، نووسراو لە ٢٨ی تشرینی یەکەمی ٢٠٢٣؛ سەردان لە ٢٨ی تشرینی یەکەمی ٢٠٢٣.
- ^ ئاژانسی ھەواڵی فرات: ئارمیتا گراوەندە گیانش جە دەسدا (بە ھۆرامی)، نووسراو لە ١٨ی ئەیلوولی ٢٠٢٣؛ سەردان لە ١٩ی ئەیلوولی ٢٠٢٣.
- ^ کۆمەڵە ڕێکخراوی کوردستانی حیزبی کۆمۆنیستی ئێران: ھێرشی ھێزە سەرکوتگەرەکانی ڕژیم بۆ سەر ڕێوڕەسمی ساڵڕۆژی لەدایکبوونی ئارمیتا گەڕاوەند (بە سۆرانی)، نووسراو لە ٦ی نیسانی ٢٠٢٤؛ سەردان لە ٨ی نیسانی ٢٠٢٤.
| کۆمنزی ویکیمیدیا، میدیای پەیوەندیدار بە ئارمیتا گەراوەند تێدایە. |