ڕەشۆڵ
ڕەشید حاجی عەبدوڵڵا میرزا عەزیز ناسراو بە ڕەشۆڵ ھونەرمەند و کوردپەروەرێکی دیار و ناسراوی کوردستان بوو. ساڵی ١٩١٢ لە گەڕەکی سەرشەقامی شاری سلێمانی لە بنەماڵەیەکی ناوداری شارەکە لەدایکبووە. ڕەشۆڵ ھەر لە سەرەتای ژیانی لاوێتییەوە خولیای ھونەری گۆرانی و مەقام بووە. لە بیستەکانی سەدەی ڕابردوو لەگەڵ مەلا کەریمی ھونەرمەند چونەتە بەغدا و لەوێ چەند گۆرانیەکانیان تۆمار کردووە. ھەروەھا دوای کردنەوەی ڕادیۆی کوردیی بەغدا، چەند گۆرانی و مەقامێکی دیکەی تۆمار کردووە و لەرێی ڕادیۆکەوە لەسەرانسەری کوردستاندا ناسرا. بەھۆی نەخۆشییەوە ١٤ی تەمووزی ١٩٧٤ کۆچی دوایی کرد و لە دەربەندی ڕایات بە خاک سپێردرا.[١]
ڕەشۆڵ | |
|---|---|
| ناوی لەدایکبوون | ڕەشید حاجی عەبدوڵڵا میرزا عەزیز |
| لەدایکبووی | ١٩١٢ سلێمانی، باشووری کوردستان  |
| مردووی | ١٤ی تەممووزی ١٩٧٤ |
| چەشنەکان | مۆسیقای کوردی، کلاسیک |
| پیشە(کان) | ھونەرمەندی گۆرانیبێژ، مەقامبێژ |
ئەختەری ڕەشۆڵ
دەستکاریئەختەری ڕەشۆڵ ساڵی ١٩٢٩ لە سلێمانی لەدایکبووە و ھاوسەریی ڕەشۆڵ بوو، ژنێکی ڕۆشنبیر و ئازادیخواز بووە؛[٢] بە ئازا‌یەتی و تێکۆشەریی کوردانەی ناسرابوو، کە لە خۆپیشاندانی ھێنانەوەی تەرمی شێخ مەحموودی حەفید لە ساڵی ١٩٥٦ لە شاری سلێمانی بە گولەی پۆلیسی ئینگلیز کوژرا.[٣][٤]
سەرچاوەکان
دەستکاری- ^ عەتا، محەممەد (١٥ی تەممووزی ٢٠٢٣). «ڕەشۆڵ – ھونەرمەند و وڵاتپەروەر» (بە کوردی). لە ١٨ی ئابی ٢٠٢٤ ھێنراوە.
- ^ «ئەختەری ڕەشۆڵ؛ ژنە ڕۆشنبیر و شۆڕشگێڕێکی کورد». www.metroo.org. لە ١٨ی ئابی ٢٠٢٤ ھێنراوە.
- ^ «لە سلێمانی پەردە لەسەر پەیکەری ئەختەری ڕەشۆڵ لادرا». RojNews. ٢٤ی شوباتی ٢٠٢٠. لە ١٨ی ئابی ٢٠٢٤ ھێنراوە.
- ^ «ئەختەری ڕەشۆڵ دێتەوە بەردەرکی سەرا». www.wishe.net (بە کوردی). لە ١٨ی ئابی ٢٠٢٤ ھێنراوە.
