لەتیفە زیات
لەتیفە زیات (بە عەرەبی: لطيفة الزيات؛ لەدایکبووی ٨ی ئابی ١٩٢٣ – مردووی ١٠ی ئەیلوولی ١٩٩٦)[١][٢] چالاکوانی مافەکانی مرۆڤ و نووسەری میسڕی بوو، ناوبانگی لەتیفە بۆ ڕۆمانی دەرگا کراوەکە دەگەڕێتەوە کەبووە براوەی مێدالیای نەجیب مەحفووز بۆ وێژە.[٣]
لەتیفە زیات | |
|---|---|
 | |
| لەدایکبوون | ٨ی ئابی ١٩٢٣ |
| مەرگ | ١٠ی ئەیلوولی ١٩٩٦ (٧٣ ساڵ ژیاوە) قاھیرە، میسڕ |
| نەتەوە | میسڕی |
| خوێندنگە | زانکۆی قاھیرە |
| ناسراوە بە | ڕۆمانی دەرگا کراوەکە وە خاوەن ماڵەکە |
ژیان
دەستکاریلەتیفە لەدایکبووی ٨ی ئابی ١٩٢٣، لە دومیات، میسڕ.[١] لە ساڵی ١٩٤٦، بڕواننامەی بەکالۆریۆسی لەزمانی ئینگلیزی بەدەستھێنا لە زانکۆی قاھیرە. لە ساڵی ١٩٥٧، لەھەمان زانکۆ بڕواننامەی دکتۆرای وەرگرت.[٤] لە ساڵی ١٩٤٥، لەگەڵ وێنەکێش و چالاکوانی میسڕی ئینجی ئەفلاتوون بەیەکەوە یەکێتیی ژنانی زانکۆ و پەیمانگاکانیان دامەزراند.[٥]
دوو لە ڕۆمانە دیارەکانی لەتیفە، دەرگا کراوەکە و خاوەن ماڵەکە بوون کە ھەردووکیان بۆسەر زمانی ئینگلیزی وەرگێڕدراون، شێوازی نووسینی ڕۆمانەکان بۆ ئەوسەردەمە نوێگەریان پێوەدیاربووە بۆیە دەنگۆی باشیان لێکەوتەوە.
لەتیفە مامۆستای زمانی ئینگلیزی بوو لە زانکۆی عەین شەمس، ھەروەھا بووەتە ڕاگری بەشی ئینگلیزی لەھەمان زانکۆ. ماوەکیش بووەتە بەڕێوبەری ئەکادیمیای ھونەری میسڕ.[٤] لەتیفە لە تەمەنی ٧٣ ساڵیدا، بەھۆی شێرپەنجە کۆچی دوایی دەکات لە ١٠ی ئەیلوولی ١٩٩٦.[١]
یادکردنەوە
دەستکاریلە ٨ی ئابی ٢٠١٥، ماڵپەڕی گووگڵ وەک یادەوەرییەک بۆ لەتیفە وێنەیەکی ئەوی لەپەڕەی سەرەکی خۆی دانا، وێنەکە لەتەواوی جیھانیی عەرەبی دەنگدانەوەی ھەبوو.[٦]
سەرچاوەکان
دەستکاری- ^ ئ ا ب Amal Amireh (October 1996). «Remembering Latifa al-Zayyat». Al Jadid. 2 (12). لە 26 October 2014 ھێنراوە.
{{cite journal}}: نرخەکانی ڕێکەوت بپشکنە لە:|accessdate=(یارمەتی) - ^ Johnson-Davis, Denys، ed. (2006). The Anchor Book of Modern Arabic Fiction. p. 462. ISBN 1-4000-7976-4.
- ^ «The Naguib Mahfouz Medal for Literature». The American University in Cairo Press. لە ڕەسەنەکە لە ٢٠ی ئازاری ٢٠٠٧ ئەرشیڤ کراوە. لە ٥ی ئایاری ٢٠١٣ ھێنراوە.
- ^ ئ ا «Biography». Latifa Al Zayyat website. لە ڕەسەنەکە لە ١٢ی کانوونی یەکەمی ٢٠١٩ ئەرشیڤ کراوە. لە ٢٦ی تشرینی یەکەمی ٢٠١٤ ھێنراوە.
- ^ Smith، Bonnie G. (2000). Global feminisms since 1945. Psychology Press. p. 25. ISBN 978-0-415-18491-5.
- ^ «Latifa al-Zayyat's 92nd Birthday». 8 August 2015. لە 26 December 2017 ھێنراوە.
{{cite news}}: نرخەکانی ڕێکەوت بپشکنە لە:|access-date=و|date=(یارمەتی)
