فەرەح پەھلەوی

فەرەح پەهلەوی (لەدایکبووی: ١٤ی تشرینی یەکەمی ١٩٣٨) شاژنی دواهەمین شای ئێران محەممەدڕەزا پەھلەوییە. ئەو پێش لە هاوسەرگیری ناوی فەرەح دیبا بووە. فەرەح لە بنەماڵەیەکی دەوڵەمەندی بە ڕەچەڵەک ئازەربایجانی-گیلەک لەدایکبوو. ئەو کاتێ کە لە پاریس خەریکی خوێندنی نژیاروانی بوو لەگەڵ محەممەدڕەزاشا لە سەفارەتی ئێران لە فەڕەنسا بەیەک ناسران و لە کانوونی یەکەمی ساڵی ١٩٥٩ هاوسەرگیریان کرد. شا لە دوو هاوسەرگیریە پێشووەکەیدا نەبوبوو بە خاوەنی کوڕێک و لەبەر ئەمەش بوونی کوڕ لە فەرەح بوو بە مایەی خۆشحاڵی زۆری ئەو و شانشینی پەھلەوی. فەرەح ئیجازەی کاری سیاسی نەبوو بەڵام لە کارە خێرخوازییەکاندا ڕۆڵێکی بەرچاوی گرتبووە ئەستۆ، ئەو هەروەها یەکەمین زانکۆی بە شێوەی ئەمریکی (زانکۆی شیراز) لە ئێران بناغەدانا هەتاکوو ژنان بتوانن لەوێ بخوێنن. لە دوای شۆڕشی ١٩٧٩ی ئێران فەرەح لە ئێران کۆچی کرد و سەرەتا لە میسر نێشتەجێ بوو و دواتر بۆ ماوەی کاتی لە نێوان واشینگتن دی سی و پاریس نیشتەجێیە.

فەرەح لە ساڵی ١٩٧٣

سەرچاوەکان

• بەشداربووانی ویکیپیدیا، «(Farah Pahlavi)»، ویکیپیدیای ئینگلیزی. سەردان لە ٩ی ئایاری ٢٠٢١.