زاھیر (ئەفسانەی کۆرا)
زاھیر (بە ئینگلیزی: Zaheer) کارەکتەری خەیاڵی جیھانی ئەڤەتارە، لە زنجیرەی تەلەڤیزیۆنی ئەفسانەی کۆرا لەسەر پەخشی کۆمپانیای نیکلۆدیۆن (کە درێژەی زنجیرەی ئەڤەتار: دوایین ملکەچپێکەری ھەواە). کارەکتەرەکە وەک دژبەری سەرەکی پەڕتووکی سێیەمی زنجیرەکە ڕۆڵی ھەیە، و کردارەکانی کاریگەری درێژخایەنیان لەسەر ئەڤەتار کۆرا و چیرۆکی زنجیرەکە ھەیە. کارەکتەرەکە لەلایەن مایکڵ دانتێ دیمارتینۆ و برایان کۆنێتزکۆوە دروست کراوە. ناوەڕۆکی کارەکتەرەکە وەک خراپەکارێکی ئاڵۆز و ترسناک، لەلایەن ڕەخنەگرانەوە پێشوازییەکی باشی لێکرا.
| زاھیر | |
|---|---|
| کەسایەتیی ئەفسانەی کۆرا | |
| یەکەم دەرکەوتن | ئەفسانەی کۆرا (وەرزی سێیەم) |
| دوایین دەرکەوتن | کۆتایییەکانی ئەفسانەی کۆرا (وەرزی سێیەم) |
| دروستکراوە لەلایەن | مایکڵ دانتێ دیمارتینۆ برایان کۆنێتزکۆ |
| زانیاریی ناو-گەردوونی | |
| ڕەگەز | نێر |
| پیشە | سەرکردەی جووڵانەوەی سوور |
| خۆشەویست | پی لی (P'Li) |
| ملکەچپێکردنەکان | ھەوا، فڕین |
| ڕەنگی قژ | ڕەش و ڕەساسی |
| ڕەنگی چاو | قاوەیی تاریک |
تێڕوانینی گشتی کارەکتەرەکە
دەستکاریزاھیر دوای جینۆسایدی ڕەوەندی ھەوا لەدایک بووە و وەک کەسێکی ناملکەچپێکەر گەورە بووە، کەسێک کە خاوەنی توانای دەستکاریکردنی یەکێک لە توخمە سەرەکییەکەی نەبێت؛ بەڵام لە تەمەنی گەنجییەوە سەرسام بووە بە کولتوری ڕەوەندیی ھەوا، و بە تێڕوانینێکی زۆرەوە لێکۆڵینەوەی لەسەر ملکەچپێکردنی ھەوا و نەتەوەی ھەوا کردووە.[١]
دوای ئەوەی لە ھەوڵی ڕفاندنی ئەڤەتار کۆرا، لە منداڵیدا شکستی ھێنا، زاھیر و ھەموو ئەندامانی دەستەکەی لە خانەیەکدا زیندانی کران. دوای ئەوەی ئەڤەتار کۆرا دەروازەی ڕۆحەکانی بە جیھانی مرۆڤەکاندا کردەوە لە پەڕتووکی دووەم، زاھیر یەکێک بوو لەو تاکانەی کە توانای ملکەچپێکردنی ھەوای بەدەستھێنا.[٢] لە زیندان ڕای کرد و سەرجەم ئەندامە دەستگیرکراوەکانی دیکەی کۆمەڵەکەی ڕزگار کرد و کۆکردەوە. زاھیر بەتەواوی بیرێکی ئەنارکیستیی ھەبوو و دەیویست سەرجەم حوکومەتەکان بڕوخێن و یەک کەس و یەک کۆمەڵ حوکمی جیھان بکات، بۆ ئەو مەبەستەش، بوونی ئەڤەتاری بە ھەڕەشە دەزانی بۆ سەر پلانەکانی.
زاھیر توانی شاژنی شانشینی زەوی تیرۆر بکات و ھەڕەشەی کوشتنی لە ھەموو ملکەچپێکەرانی تری ھەوا کرد، ئەمەش بۆ دەستگیرکردنی ئەڤەتار کۆرا. دوای ڕووبەڕوو بوونەوەیان، زاھیر شکستی ھێنا بەرامبەر ئەڤەتار کۆرا و ھاوپەیمانەکانی، و دەستگیر کرا، بەڵام جەستەی کۆرای بەتەواوی پەکخست و تواناکانی کەم کردەوە، ئەویش بەھۆی ژەھر خواردکردنی کۆرا.[٣]
کەسایەتی و تایبەتمەندییەکان
دەستکاریبە پێچەوانەی کەسایەتییە خراپەکانیی پێشووی جیھانەکە، زاھیر وەک خراپەکارێکی زۆر ھاوسۆزتر وێنا دەکرێت،[٤] بەو پێیەی ئارەزووی ئەوەیە جیھان لەژێر یەک حوکمی مەدەنی بەڕێوەببرێت و چەوساندنەوە کۆتایی پێ بێت،[٥] و دەیەوێت ئازادی بۆ ھەمووان بێت نەک تەنیا بۆ دەسەڵاتدارەکان، جا مرۆڤ بن یان ڕۆح. ئەو پێی وایە شۆڕشێک بەڕێوەدەبات کە یەکسانی بۆ خەڵکانی جیھان دەھێنێت، زۆرتر ھاوشێوەی ئاموون دەبینرێت.[٦][٧]
سەرچاوەکان
دەستکاری- ^ Kemner، Louis (٢٧ی تشرینی یەکەمی ٢٠١٩). «Legend of Korra: 8 Reasons Why Zaheer Is The Best Villain (& 7 Why It's Kuvira)». ScreenRant (بە ئینگلیزی). لە ١٢ی کانوونی یەکەمی ٢٠٢٣ ھێنراوە.
- ^ «Zaheer (The Legend of Korra) Facts for Kids». kids.kiddle.co (بە ئینگلیزیی ئەمەریکایی). لە ١٢ی کانوونی یەکەمی ٢٠٢٣ ھێنراوە.
- ^ «The Legend Of Korra – Zaheer / Characters». TV Tropes. لە ١٢ی کانوونی یەکەمی ٢٠٢٣ ھێنراوە.
- ^ «MBTI Dark Side – Zaheer». Tumblr (بە ئینگلیزیی ئەمەریکایی). لە ١٢ی کانوونی یەکەمی ٢٠٢٣ ھێنراوە.
- ^ «Zaheer Personality Type, MBTI – Which Personality?». Personality List. لە ١٢ی کانوونی یەکەمی ٢٠٢٣ ھێنراوە.
- ^ https://www.cbr.com/legend-of-korra-zaheer-facts/
- ^ «'The Legend of Korra' – Korra Creators: Book 4, Book 3 Finale & Game». Speakeasy. IGN. ٢٥ی ئابی ٢٠١٤. لە ڕەسەنەکە لە ٣ی تشرینی دووەمی ٢٠١٤ ئەرشیڤ کراوە. لە ١٧ی کانوونی دووەمی ٢٠١٥ ھێنراوە.
