دایک (ڕۆمان)

دایک (بە ڕووسی: Мать) ڕۆمانێکی نووسەر مەکسیم گۆرکییە و باس لە ھەلومەرجی شۆڕشی بەلشەفیک دەکات بۆ دامەزراندن و بەھێزکردنی ئەو سیستمە سۆسیالیستییەی کە تێیدا کرێکاران یەکیان گرت و ماڵ و موڵکی بۆرژوازییەکانیان زەوت کرد. لە ساڵی ١٩٠٦ نووسراوە، بۆ یەکەمجار لە ساڵی ١٩٠٦ لە گۆڤاری ئەپڵتۆن بە زمانی ئینگلیزی بڵاوکراوەتەوە، دواتر لە ساڵی ١٩٠٧ بە زمانی ڕووسی، وەشانێکی ھەیە کە وەرگێڕدراوەتە سەر زمانی عەرەبی، لەلایەن دار ئەلتەنوویر بۆ چاپ و بڵاوکردنەوە و لە ساڵی ١٩٨٣ دەرچووە بە وەرگێڕانی «الأخوين فؤاد» و «سهيل أيوب»، و وەشانێکی کوردیشی ھەیە لەلایەن ناوەندی ڕۆشنبیری ئەدیبان لە ساڵی ٢٠٢٢ چاپکراوە لە وەرگێڕانی زاھیر محەممەد.

دایک
دامەزران	١ی کانوونی دووەمی ١٨٩٠
سەرناو	Мать
کاری وەرگیراو	The Mother
جۆر	ڕۆمان
چەشن	historical novel
دانەر	مەکسیم گۆرکی
وڵاتی بنەڕەت	ئیمپراتۆریەتیی ڕووسی
زمان	زمانی ڕووسی
ڕێکەوتی بڵاوکردنەوە	١ی کانوونی دووەمی ١٩٠٧
دۆخی چاپکردن	پاوانی گشتی، پاوانی گشتی
لە ویکیدراوە دەستکاریی زانیارییەکان بکە

پاڵەوانی ئەم ڕۆمانە، بەپێی ناونیشانی ڕۆمانەکە، دایکێکە کە چلەکانی تەمەن تێپەڕ ناکات و بۆ کوڕەکەی تێدەکۆشێت، بەڵام دوای ئەوەی لە ئاوات و ئامانجەکانی تێگەیشت، وا دیار بوو کە دایکەکە بۆ ھەمووان خەبات دەکات، بەتایبەت ئەو کرێکارانەی کە لەو قۆناغەدا بەدەست نادادپەروەری چینی موڵکدارەوە دەناڵێنن کە خاوەنی ئامرازەکانی بەرھەمھێنان بوون.

ڕۆمانەکە بۆ زۆر زمان وەرگێڕدرا، و کرا بە کۆمەڵێک فیلم، و شانۆنووسی ئەڵمانی بێرتۆڵت برێخت و ھاوکارەکانی شانۆنامەی دایکیان ئەنجامدا لە ساڵی ١٩٣٢ کە لەسەر بنەمای ڕۆمانەکە وەریانگرتبوو.