جولیا ئیلیزابێت ویلس ناسراو بە جولی ئاندروز (لە دایکبووی ١ی تشرینی یەکەمی ١٩٣٥) خانمەکتەر، گۆرانیبێژ و نووسەری ئینگلیزە.[١][٢] جولی بۆ ماوەی حەوت دەیە چالاک بووە، ئەو لە ماوەی ژیانی ھونەریدا چەندین خەڵاتی بەدەست ھێناوە، لە نێویاندا یەک جار خەڵاتی ئۆسکار، دوو خەڵاتی ئێمی پرایم تایم، خەڵاتێکی گرامی، یەک جار خەڵاتی گۆڵدن گلۆب، ھەروەھا یەک جاریش خەڵاتی خەڵاتەکانی فیلمی ئەکادیمیای بریتانی ناسراو بە بافتا. لە ساڵی ٢٠٠٠، جولی لەلایەن شاژنی بەریتانیا، ئیلیزابێتی دووەم، پێشناوی (Dame) وەک ڕێزلێنان پێدراوە.[٣][٤]

جولی ئاندروز
Julie Andrews Park Hyatt, Sydney, Australia 2013.jpg
لەدایکبوون (١٩٣٥-١٠-0١) ١ی تشرینی یەکەمی ١٩٣٥ (تەمەن ٨٥)
Walton-on-Thames، شانشینی یەکگرتوو
ناوی کاتی لەدایکبوونJulia Elizabeth Wells
ھاوسەرTony Walton، Blake Edwards
منداڵEmma Walton Hamilton
زمانی نووسینئینگلیزی
پەروەردەArts Educational School، Tring Park School for the Performing Arts
دەستپێکی چالاکی١٩٥٦
Voice typeسۆپرانۆ، alto
Record labelColumbia Records

جولی لە ساڵی ١٩٥٢ وەک دۆبلێری دەنگی بۆ فیلمی ئەنیمەیشنی ئیتالی ڕۆزەکەی بەغدا (La Rosa di Bagdad) بەشداربوو. دواتر لە ساڵی ١٩٦٤، بۆیەکەمینجار لە فیلمێکی ئەمریکی بەناوی ماری پۆپینز (Mary Poppins) بە ڕۆڵی سەرەکی دەرکەوت، ھەر بەھۆی ئەم فیلمەوە جولی ئاندروز بووە براوەی خەڵاتی ئۆسکار بۆ باشترین خانمەکتەر.[٥] جولی ڕۆڵیشی گێڕاوە لە شانۆی برۆدوەی. لە ساڵی ١٩٦٥، لە فیلمی دەنگی مۆسیقا (The Sound of Music) دەرکەوت، بەھۆی ئەم فیلمەوە خەڵاتی باشترین خانمەکتەری بۆ فیلمی کۆمێدی - دراما بەدەست ھێنا.

لە ساڵی ٢٠٠٢، بەپێی ڕاپرسییەکی تۆڕی بی بی سی ناوی جولی ئەندروز لە ڕیزبەندی ٥٩ ھات لە ناو ١٠٠ مەزنترین کەسایەتی بەریتانی.[٦]

سەرچاوەکاندەستکاری

  1. ^ "Julie Andrews | Biography, Movies, & Facts". Encyclopedia Britannica (به ئینگلیزی). Retrieved 2021-02-20.
  2. ^ "Dame Julie: The Sound of Music". BBC. 31 December 1999. Archived from the original on 9 March 2008. Retrieved 29 January 2007.
  3. ^ "Dame Julie: The sound of music" Archived 29 July 2017 لە وەیبەک مەشین.. BBC. Retrieved 1 July 2012
  4. ^ "Queen honours movie Dames" Archived 28 December 2007 لە وەیبەک مەشین.. BBC. Retrieved 1 July 2012
  5. ^ "The 37th Academy Awards | 1965". Oscars.org | Academy of Motion Picture Arts and Sciences (به ئینگلیزی). Retrieved 2021-02-20.
  6. ^ "BBC – 100 great British heroes". BBC News. 21 August 2002. Archived from the original on 4 November 2010. Retrieved 16 December 2010.