بیژەن زولفەقارنەسەب

بیژەن زولفەقارنەسەب (لەدایکبووی ٧ی حۆزەیرانی ١٩٤٩، سنە) یاریزانی پێشووی و ڕاھێنەری تۆپی پێیە لە ئێران کە ئەزموونی بەشداری لە ھەڵبژاردەی تۆپی پێ ئێرانی لە یارییەکانی ئۆلەمپیکی ١٩٧٦ و جامی نەتەوەکانی کیشوەری ئاسیا ١٩٧٦دا ھەیە.

بیژەن زولفەقارنەسەب
نەتەوە	کورد
پیشە	یاریزان و ڕاھێنەر

کورتەیەک لەسەر ژیان

دکتۆر بیژەنی زولفەقارنەسەب لە دایک بووی ٧ ی حوزەیرانی ١٩٤٩ لە شاری سنەی ڕۆژھەڵاتی کوردستانە و خاوەنی بڕوانامەی دکتۆرایە لە بواری ڕاھێنان و وەرزشی لە زانکۆی بڕۆکسێل

یاریزانی

زولفەقارنەسەب لە ساڵی ١٩٧٠ لە یانەی ئەفسەر دەستی بە یاری پڕۆفێشناڵ کردو پاشان پەیوەست بوو بە یانەی پاس تاران و ئەمە بوو بەھۆی بەرەوپێشچوونی وەرزشەکەی.. بیژەن لە ساڵی ١٩٧٥ پەیوەندیکرد بوو بە یانەی پێرسپۆلیسی تاران. لە ساڵی ١٩٧٦ بانگھێشت کرا بۆ یاری کردن لە ھەڵبژاردەی نەتەوەیی ئیران، زولفەقارنەسەب لە ١٠ تەممووزی ١٩٧٩ بەفەرمی لە وازی لە یاریکردن ھێنا.

ڕاھێنەری

زولفەقارنەسەب لە یارییەکانی پێش ڕکابەری مۆندیالی ١٩٩٨ فەرانسا لە تیمی ڕاھێنانی ھەڵبژاردەی ئیران بەشدار بوو، پاشان لە یانەکانی ئیستقلالی تاران، سایپا، پاسی تاران، مێسی کرمان، پەیکان، بەرقی شیراز، زۆباھەنی ئەسفەھان، داماشی گیلان و نەفتی ئابادان وەکوو ڕاھێنەری سەرەکی کاری کردووە، کە لەم ناوەدا دوو جار لەگەڵ یانەی سایپا بووە بە پاڵەوانی خولی تۆپی پێ پلە نایابەکانی ئێران.

سەرچاوەکان

ماڵپەڕی کاردۆ ئارت