بریکار کارتەر (فیلم)

بریکار کارتەر (بە ئینگلیزی: Agent Carter) کورتەفیلمێکی ڕاستەوخۆ بۆ ڤیدیۆی ئەمریکیی ٢٠١٣یە کە کەسایەتیی پێگی کارتەری کۆمیکەکانی ماڕڤڵی تێدایە، لەلایەن ستۆدیۆکانی مارڤڵ بەرھەم ھێنراوە و لەلایەن ستۆدیۆکانی واڵت دیزنی بۆ کاتبەسەربردنی ماڵەوە دابەش کراوە. چوارەم کورتەفیلمی یەک بەشی مارڤڵە کە لە جیھانی سینەماییی مارڤڵ دانراوە، بەردەوامی لەگەڵ پێڕستی فیلمەکانی گەردوونی سینەمایی مارڤڵ و دوای کاپتن ئەمریکا: یەکەم تۆڵەسێنەرەوە (٢٠١١) ڕوو دەدات. فیلمەکە لە دەرھێنانی لویس دیسپۆسیتۆیە و لە سیناریۆی ئێریک پیرسنە، ھەیڵی ئاتوێڵ بە ڕۆڵی سەرەکی پێگی کارتەر، لەگەڵ برادلی ویتفۆرد و دۆمینیک کوپەر ڕۆڵ دەگێڕن. لە فیلمی بریکار کارتەر، پێگی کارتەر دەست بە ئەرکێکی تاکەکەسی دەکات بۆ بەدەستھێنانی زۆدیاکی پڕنھێنی لەکاتێکدا لە دەستگای یەدەگی ستراتیژیی زانستی ڕووبەڕووی سێکسیزم دەبێتەوە لە دوای جەنگی جیھانی دووەم، کە پێشەکییەکە بۆ شیڵد.

بریکار کارتەر
وێنەی بڵاوکراوە
دەرھێنەر	لویس دی ئێسپۆزیتۆ
بەرھەمھێنەر	کێڤن فیگ
شانۆنامە	ئیریک پێرسن
ئەکتەران	ھایلی ئەتوێل بردل وایتفۆرد دۆمینیس کوپەر
مۆسیقا	کریستۆڤەر لینەتز
وێنەگری سینەمایی	گێبریاڵ بێرستن
مۆنتاژ	پیتەر س. ئیلۆت
کۆمپانیای بەرھەمھێنەر	ستۆدیۆکانی مارڤڵ
بڵاوکردنەوە	ستۆدیۆکانی واڵت دیزنی بۆ کات بەسەربردنی ماڵەوە
دەرچوون	٣ی ئەیلوولی ٢٠١٣ (2013-09-03) ( دیجیتاڵی ) ٢٤ی ئەیلوولی ٢٠١٣ (2013-09-24)
ماوەی فیلم	١٥ دەقە
وڵات	ویلایەتە یەکگرتووەکانی ئەمریکا
زمان	ئینگلیزی

فیلمی یەک بەشی مارڤڵ کە پێگی کارتەر تێیدا بەشداربوو بۆ ماوەیەک لە کارەکاندا بوو پێش ئەوەی ئاتوێڵ واژوو بکات بۆ ئەوەی ڕۆڵی تێدا بگێڕێت، ڕۆڵی خۆی لە فیلمەکانی کاپتن ئەمریکا دووبارە کردەوە. دیسپۆسیتۆ، ھاوسەرۆکی ستۆدیۆی مارڤڵ و بەرھەمھێنەری جێبەجێکاری فیلمە درێژەکان، ئامانجی ئەوە بوو کە شوێن و سەردەمی فیلمی کاپتن ئەمریکا: یەکەم تۆڵەسێنەرەوە دووبارە بکاتەوە، لە ھەمان کاتدا ھەستێکی نوێتر و سوپەر کەسایەتی بە کورتەفیلمەکە بدات. فیلمەکە بەرھەمێکی گەورەتر بوو لە چاو فیلمەکانی پێشووی یەک بەشەکاندا، دیمەنی ئەکشن و کاریگەرییە بینراوەکانی زیاتر لە پێشووتر پێویست بوو. ھەروەھا چەندین کەسایەتی دیکەی فیلمەکانی جیھانی مارڤڵ دەردەکەون، لەوانە کوپەر، کە ڕۆڵی ھاوارد ستارک دووبارە دەکاتەوە.

کورتە فیلمەکە لە بڵاوکردنەوەی میدیای ناوخۆیی فیلمی پیاوی پۆڵا ٣ بڵاوکرایەوە، و لەلایەن ڕەخنەگران و بینەرانەوە پێشوازییەکی ئەرێنی لێکرا لە نمایشێکی پێشووتر لە کۆمیک کۆنی سان دیێگۆ، خەڵاتی گۆڵدن ڕیڵی بەدەستھێنا. ئەم وەڵامە بووە ھۆی ئەوەی کەناڵی کۆمپانیای پەخشی ئەمریکی فەرمانی فراوانکردنی زنجیرە تەلەڤیزیۆنییەکی کورتە فیلمەکە بدات بە ناوی بریکار کارتەر کە لە مانگی یەکەمی ٢٠١٥ تا ئازاری ٢٠١٦ پەخشکرا، بۆ ماوەی دوو وەرز.

چیرۆک

دوای ساڵێک لە ڕووداوەکانی فیلمی کاپتن ئەمریکا: یەکەم تۆڵەسێنەرەوە، ئێستا بریکار پێگی کارتەر ئەندامی یەدەگی زانستی ستراتیژییە (SSR). ئەو ڕووبەڕووی سێکسیزم دەبێتەوە لەلایەن سەرۆکەکەیەوە، بریکار جۆن فلین، کە بە شێوەیەکی خۆبەزلزانانە مامەڵەی لەگەڵ دەکات و دەیھێڵێتەوە لە کۆکردنەوەی داتا و کۆد شکاندن لەکاتێکدا کەیسی مەیدانی بۆ بریکارە نێرەکان دیاری دەکات. خەمی سەرەکی SSR زۆدیاکی نھێنییە کە ماوەیەکە نەیانتوانیوە بیگەڕێننەوە.

شەوێک بە تەنیا لە نووسینگەکەدا لەکاتێکدا پیاوەکان پێکەوە لە دەرەوەن، کارتەر وەڵامی ھێڵی کەیسەکە دەداتەوە بۆ ئەوەی شوێنی زۆدیاک بزانێت. ھەرچەندە سێ بۆ پێنج بریکار پێشنیار دەکرێن، بەڵام کارتەر بڕیار دەدات خۆی بچێتە شوێنەکە. کارتەر بە شەڕکردن لەگەڵ چەندین پاسەوان، دەتوانێت خۆی زۆدیاک وەربگرێتەوە کە سیۆرۆمێکی نھێنییە. ڕۆژی دواتر فلین سەرزەنشتی دەکات کە بە ڕێکارە دروستەکاندا نەڕۆیشتووە بۆ تەواوکردنی ئەرکەکە، کارتەری تووڕەش وەک تەنھا "خۆشەویستە کۆنەکەی "ی کاپتن ئەمریکا کە لە بەزەیی بە خەمبارییەوە کارەکەی ئێستای پێدراوە، لە کارەکەی دووری دەخاتەوە؛ بەڵام پێش ئەوەی بتوانێت بە فەرمی سزای بدات، ھێڵی کەیسەکە جارێکی تر زەنگ لێدەداتەوە، ئەمجارەیان ھاوارد ستارک لە کۆتایییەکەی تردا، کە فلین ئاگادار دەکاتەوە کە کارتەر ھاوبەشی سەرۆکایەتی شیلێدی لەگەڵ بەڕێوەبەرێت.

کەسایەتییەکان

بەرھەمھێنانی کورتە فیلمەکە کاتێک دەستی پێکرد کە ھایلی ئاتوێڵ ڕازی بوو ڕۆڵی خۆی لە فیلمی کاپتن ئەمریکا: تۆڵەسەندنەوەی یەکەمدا دووبارە بکاتەوە.

• ھایلی ئاتوێل وەک پێگی کارتەر: بریکاری دەستگای ستراتیژی زانستییە کە لە کۆتایی جەنگی جیھانی دووەمەوە ناچار بووە کار بکات لە شیکاری داتا و شکاندنی کۆد، کارتەر ڕۆڵی خۆی لە فیلمی کاپتن ئەمریکا: یەکەم تۆڵەسێنەرەوە دووبارە دەکاتەوە. سەبارەت بەو کارەکتەرەی کە لە کورتە فیلمی خۆیدا ڕۆڵی سەرەکی تێدا دەگێڕێت، دەرھێنەر لویس دیسپۆزیتۆ ڕای گەیاندووە کە مارڤڵ ھەمیشە دەیەوێت کورتە فیلمی پێگی کارتەر دروست بکات، بەو پێیەی کارەکتەرەکە «لەلایەن ھەوادارانەوە سەرنج ڕاکێش بووە و دڵخوازی ستۆدیۆکانی مارڤڵە» .
• برادلی ویتفۆرد وەک جۆن فلین: بەڕێوبەری SSR و کارتەر
• دۆمۆنیس کوپەر وەک ھاورد ستارک: ھاوسەرۆک و ھاوبەشی دامەزرێنەری شیلد،کوپەر ڕۆڵی خۆی لە فیلمی کاپتن ئەمریکا: یەکەم تۆڵەسێنەرەوە دووبارە دەکاتەوە. بە کورتی وەک ھێلکەی جەژنی ئیستەر، ستارک دەبینرێت کە ھەمان ئەو عەبایە لەبەردایە کە تۆنی کوڕەکەی لە فیلمی ئایرۆن ماندا لەبەری دەکات.
• نیل ماکدۆنۆ ڕۆڵی تیمۆسی «دام دام» دوگان لە فیلمەکانی پێشووی گەردوونی سینەمایی مارڤڵ دووبارە دەکاتەوە.
• کریس ئیڤانس لە ڕێگەی گرتە ڤیدیۆیییەکانی پێڕستی فیلمەکانی گەردوونی سینەمایی مارڤڵ وەک ستیڤ ڕۆجەرز / کاپتن ئەمریکا دەردەکەوێت.
• شەین بلاک، دەرھێنەر و ھاوکارێکی نووسەری فیلمی پیاوی پۆڵا ٣، دەنگی «دەنگی بێ جەستە» دەکات، کە پەیوەندیکەرەکە لە کۆتایییەکەی تری ھێڵی کەیسەکەدا.

بەرھەمھێنان

گەشەپێدان

لە مانگی ئابی ساڵی ٢٠١١، ستۆدیۆی مارڤڵ ڕای گەیاند کە یەک دوو کورتە فیلم بە شێوەی ڕاستەوخۆ بۆ ڤیدیۆ بڵاودەکرێنەوە، کە بە شێوەیەک داڕێژراون کە چیرۆکی خۆگر بن و بە یەک دیمەنی مارڤڵ ناسراون. براد ویندەربام، ھاوبەشی بەرھەمھێنەر دەڵێت «ئەمە ڕێگەیەکی خۆشە بۆ تاقیکردنەوەی کارەکتەر و بیرۆکەی نوێ، بەڵام لەوەش گرنگتر ڕێگایەکە بۆ ئەوەی ئێمە جیھانی سینەماییی مارڤڵ فراوانتر بکەین و چیرۆکەکان بگێڕینەوە کە لە دەرەوەی چیرۆکە تایبەتمەندییەکان دەژین». یەکێک لەو بیرۆکانەی کە وەکو فیلمێکی یەک دیمەنی مارڤڵ پەرەی سەند، وەچەرخانێک بوو لە کاپتن ئەمریکا: یەکەم تۆڵەسێنەرەوە، کە بەدوای چیرۆکی پێگی کارتەردا ھات دوای ڕووداوەکانی ئەو فیلمە. بیرۆکەکە جارێکی تر سەیرکرایەوە کاتێک مارڤڵ بڕیاریدا کورتە فیلمێک بەرھەمبھێنێت بۆ بڵاوکردنەوەی میدیای ناوخۆیی فیلمی پیاوی پۆڵا لە ساڵی ٢٠١٣، و بۆ ئەو شوێنە ھەڵبژێردرا، ئەمەش بەندە بە بەژداریکردنی ئەکتەری ناوداری ئەمریکی ھایلی ئاتوێڵ.

لویس دیسپۆزیتۆ، ھاوسەرۆکی ستۆدیۆی مارڤڵ کە دەرھێنەری فیلمی پێشووی یەک دیمەن بوو، بەشی ٤٧، وەک دەرھێنەر گەڕایەوە،ھەروەھا نووسەر ئێریک پیرسۆنیش لە فیلمی یەک دیمەنی پێشوو گەڕایەوە.دیسپۆزیتۆ ئاماژەی بەوەدا کە کورتە فیلمەکە دوو ھێندەی بوودجەی بڕگەی ٤٧ی ھەبووە، بەڵام ھەمان بڕی کاتی وێنەگرتنی ھەبووە بۆیە "مەودای وێنەگرتنی زۆر گەورەترە. لە قۆناغێکدا دانراوە، ئەکتەرەکانی زیاتر بەشدارن.ئاتوێڵ دوای بینینی بابەتی ٤٧ ڕازی بوو بە پڕۆژەکە، ھەروەھا بەھۆی خۆشەویستییەکەی بۆ کارەکتەرەکە و توانای «پیشاندانی ھەندێک لە کۆمەڵە لێھاتوویییەکانی» کە لە فیلمەکەدا نەبینران. ئاتوێڵ سێ ڕۆژ لەگەڵ تیمی ستۆنت کاریکرد بۆ پرۆڤەکردنی زنجیرە شەڕەکانی پێشوەختە «کۆریۆگرافی» بۆ کورتە فیلمەکە. وردەکارییەکانی دیسپۆزیتۆ بۆ بڕیاردان و گرنگیدان بە کارتەری خستەڕوو و ھەروەھا وتی: «ئەوە گێڕانەوەی باشترین چیرۆکە، و دۆزینەوەی ئەو چیرۆکەیە کە دەمانەوێت بیگێڕینەوە- جا پەیوەندیکردن بێت بە گەردوونی مارڤڵ، یان تیشک خستنە سەر کارەکتەرێک. ئێمە ویستمان چیرۆکی پێگی کارتەر بگێڕینەوە- ئەو لە ساڵانی چلەکاندا ھیچ بەشداری تری نەبووە. ڕاگەیاندنی بە جیھان کە لەگەڵ ھاوارد ستارکدا کە شیڵد بەڕێوەدەبات، پەیوەندییەکی گەورەیە.»

فیلم

دەرھێنانی فیلمی بریکار کارتەر لە ماوەی پێنج ڕۆژدا: داھاتی فیلمەکە ڕێگەی نەدەدا ھونەرمەندێکی چیرۆک-دانەر بەکرێ بگیرێت، بۆیە دیسپۆزیتۆ و ویندەربام و بێریستان پێکەوە کاریان کرد بۆ پلاندانان بۆ پێڕستی وێنەگرتن بۆ بەرھەمھێنانەکە بە پشتبەستن بە ئەکتەرەکان. دیمەنە بنیاتنراوەکانی ناوەڕاست لەگەڵ نیل مەکدۆنۆ وەک دام دام دوگان پلانی ئەوە بوو کارەکتەرەکە لە حەوزێکدا پیشان بدرێت، بەڵام ناچار بوو لە کاتی سێتی فیلمەکەدا بگۆڕدرێت بۆ ئەوەی لە تەنیشت حەوزەکەدا ڕووبدات چونکە کاتێک دەرکەوت کە ئەو جلوبەرگە ماسوولکەیییەی ماکدۆنۆ لەبەری دەکات بۆ وێناکردنی کارەکتەرەکە، تەڕ نابێت.

دی ئێسپۆزیتۆ ھەڵیبژارد کە کورتە فیلمەکە لە فیلمی تۆڵەسەندنەوەی یەکەم جیا بکاتەوە بە دوورکەوتنەوە لەو تۆنە سێپیایەی کە بۆ ئەو فیلمە بەکارھاتووە لەلایەن دەرھێنەر جۆ جۆنستۆنەوە، لەبری ئەوە ڕەنگێکی شین و فێنکتر بەکاردەھێنێت. بەرھەمھێنانەکە دوو ئامێری کۆن بەکارھێنا (بۆ ھەردوو شەو و ڕۆژ) کە ھەندێک لە ئئامێرەکەدیمەنی «باشتر»ی بە کورتەکە بەخشی کە دیسپۆزیتۆ ھەستی کرد زیاتر نوێکارییە بە دانانی ئەو شێوازە.

مۆسیقا

ئاوازدانەر کریستوفر لێنەرتز کە پێشتر ھاوکاری لەگەڵ دیسپۆزیتۆ کردووە لە فیلمی یەک دیمەنی ٤٧، ئاوازەکەی بۆ بریکار کارتەر ئامادە کردووە. وەک تەواوکەری کورتە فیلمەکە، دیسپۆزیتۆ دەیویست مۆسیقاکە ڕەنگدانەوەی شوێنی سەردەمەکە بێت، بەڵام ھەستێکی نوێگەری ھەبێت بۆی، بۆیە تراکی «پیاوی بریکاری نھێنی»ی لێنەرتز جۆنی ڕیڤەرزی وەک تراکێکی نوێ بەکارھێنا، سەرەڕای ئەوەی کە لە ساڵانی شەستەکاندا بڵاوکراوەتەوە، بەڵام وای کرد کە دیسپۆزیتۆ ھەستێکی باشی بۆ دروست بێت سەبارەت بە مۆسیقای فیلمەکە.

زنجیرەی تەلەڤیزیۆنی

زنجیرەی تەلەڤیزیۆنی مارڤڵ بریکار کارتەر، زنجیرەیەکی تەلەڤیزیۆنییە کە ئیلھام لە کورتە فیلمەکە وەرگیراوە و ھەروەھا ھایلی ئاتوێڵ ڕۆڵی پێگی کارتەر ڕۆڵی سەرەکی تێدا دەگێڕێت، لەلایەن کەناڵی کۆمپانیای پەخشی ئەمریکی لە ٨ی ئایاری ٢٠١٤ داواکراوە،و یەکەم وەرزی ھەشت ئەڵقەی لە ٦ی شوباتی ٢٠١٥ دەستیپێکردووە. ھەروەھا دۆمینیک کوپەر و نیل مەکدۆنۆ ڕۆڵی ستارک و دوگانیان لە زنجیرەکەدا دووبارە کردەوە،لەکاتێکدا دیسپۆزیتۆ دەرھێنەری ئەڵقەی یەکەمی بوو، کریستوفر لێنەرتز گەڕایەوە بۆ ئامادەکردنی مۆسیقاکە. زنجیرەکە لەلایەن کریستوفر مارکوس و ستیڤن مەکفیلی، نووسەرانی فیلمەکانی کاپتن ئەمریکا دروست کراوە، تارا باتەرز، میشێل فازێکاس و کریس دینگێس وەکو نمایشکار کاریان تێدا کردووە. زنجیرەکە لە ناوەڕاستی کورتە فیلمەکەدا ڕوودەدات، پێش ئەوەی کارتەر بزانێت کە دەبێتە ھاوسەرۆکی شیڵد، کە لەوێ بە نھێنی یارمەتی ستارک دەدات لە ئەرکێکدا، بەبێ ئەوەی SSR بزانێت. زنجیرەکە لە ٧ی ئایاری ٢٠١٥ وەرزی دووەمی بڵاوکرایەوە و لە ١٠ ئەڵقە پێکھاتبوو. کەناڵی کۆمپانیای پەخشی ئەمریکی لە ١٢ی ئایاری ٢٠١٦ بریکاری کارتەری ھەڵوەشاندەوە.

بەستەرە دەرەکییەکان

• بریکار کارتەر لە بنکەدراوەی ئینتەرنێتیی فیلمەکان